دكتور معيزي طبيب الغدد و السكري مستغانم Dr Maizi endocrino diabétologue

05/02/2026

#رمضان



#ليفوتيروكس



🌙 في رمضان، كيفاش نشرب دواء خمول الغدة الدرقية💊؟

الجواب ✅
عندك 3 اختيارات 👌
1⃣ : مع الفطور 🍽، تشرب الدواء كي يأذن المغرب🕋 وتستنّى نص ساعة ومن بعد تفطر.

2⃣ : فالليل🌌، تفطر ومن بعد ما تاكلش لمدة 3 ساعات، وتشرب الدواء في حدود ال 11 وتستنّى نص ساعة باش تعاود تاكل.

3⃣ قبل السحور🌄، تكون موقف الأكل على الأقل على ال2 تاع الصباح، تشرب الدواء💊، وبعد نص ساعة إلى ساعة تسحّر.
⚠️ مهم بزاف:
المعدة لازم تكون خاوية على الأقل 3 ساعات، والماء مسموح.
واختار توقيت واحد فقط وما تبدّلوش.

🚫 وما تنساش دير حسابك بلي :
الحديد، الكالسيوم، الزنك، المغنزيوم ومضادات الحموضة
لازم تباعد بينهم وبين الدواء 4 ساعات.




#مستغانم

29/01/2026

#الغدة الدرقية


ضحية أخرى للأسف، بعد توقيف العلاج 💊و إستعمال 🧐 ⚠️المرهم اللي يْمرَض و ما يداوييش⛔..... حذار


#دكتور #معيزي #طبيب #الغدد

25/01/2026

🛎 وأخيرًا… خبر سار لمرضى السكري في الجزائر🇩🇿

👈 بداية تسويق دواء Trulicity (تريليسيتي) في الجزائر 🇩🇿
منتج من مخابر Lilly الأمريكية 🇺🇸
👈 💉 دواء مهم جدًا لمرضى السكري من النوع الثاني
وخاصة الناس اللي يعانوا من زيادة الوزن 👌 ، يحقن مرة في الأسبوع...
✔️ يعدّل مستويات السكر في الدم
✔️ بدون خطر هبوط حاد في السكر
✔️ يساهم في إنقاص الوزن
✔️ والأهم:
❤️ حماية ممتازة من أمراض القلب والشرايين 🫀
⚠️ ملاحظة مهمة:
❎ إلى حدّ الآن، الدواء غير معوَّض من صناديق الضمان الاجتماعي.. و سعره في حدود 15.000 دج.
ونتمنى 🙏 يتم تعويضه في القريب العاجل لأنه دواء فعلاً يستاهل.
📌 كالعادة:
👈 أي علاج لازم يكون بوصفة طبية وتحت متابعة الطبيب...
👈 ما كانش علاج “سحري”… كاين علاج علمي مبني على دراسات 👍 و إلتزام المريض.


#دكتور #معيزي

13/01/2026

#الغدة #الدرقية
#الإشهرات #الكاذبة
#حذاري

📣 فاتو عليكم هاذ الأيام إعلانات على “مرهم سحري
يداوي الغدة الدرقية…
😒 إعلانات مستفزّة بزاف، وين وصلت صحة المرضى تولّي أداة تجارية يدخلوا بها الدراهم 😡
🔸مثل هاذ الإشهارات ولات موضة ومربحة جدًا… تعوّدنا نشوفوها، وصرنا ما نحبّوش نهدرو عليها باش ما نساهموش — ولو بطريقة غير مباشرة — في الترويج لهاذ الأكاذيب التجارية.
🔸لكن اليوم، من كثرة ما استفزّني هذا الوضع، قلت نبارطاجي معاكم حالة مريض يتبع عندي.
🔸كان — ما شاء الله — يجي يفوت، يدي الدوز نيشان وعلى حسابه، كلشي مريڨل قانون…
استهواه الإشهار، وقف الدواء، وعجبو “طلس ملس” تاع المرهم.
🔸واليوم رجعلي… ودارلي هاديك اللقطة تاع:
"والآن مع المفاجأة الكبرى…"
👉 TSH 100 فالعلالي
يعني اللي سقّمناه في شعال من
شهر، خسرناه بقابسة تاع مرهم.
🔺الخلاصة:
صحتك أمانة… ما تسيّيش فيها منتوجات تجارية مجهولة.
#دكتور #معيزي
#طبيب #الغدد #السكري

Medical & health

12/01/2026

#السكري #الزكام
#الأنسولين
#تدابير #وقائية
#أدوية #ترفع #السكري

⚠️بمناسبة لاڨريپ لي راها دور 😅 منشور اليوم موجه لمرضى السكري باش يتفاداو مضاعفاتها و مضاعفات بعض الأدوية 💊اللي أصلا ما لازمش يشربوها⛔.....

👍🏼أول حاجة لازم تعرفوها هي أن الزكام🤒 يرفع↖️ نسبة السكري في الدم 🩸 ممكن يسبب حتى حموضة السكري cétose diabétique....
1️⃣يعني بالنسبة للمرضى اللي يحقنو الأنسولين💉 ، لازم طلعو في جرعة الدواء حتى يتوازن السكر⚖️ .....
2️⃣المرضى اللي ياخدو الكاشيات 💊 لازم تتصل بالطبيب تاعك 🧑🏼‍⚕️باش يشوف شعال يزيدك الدوا....

✌🏼ثانيا :
👈🏼كاين أدوية يمدوها بزاف في لاڤريپ🤧 و اللي هي أدوية الكورتيكوييد ، تجنبوها قدر الإمكان لأنها طلع السكر🍬 و الضغط🌡️ بطريقة سريعة🏃🏼 و عالية 🏋🏼تؤدي بالمريض الى حموضة السكري cétose diabétique......
👈🏼الشراب ضد السعال🫙 ، لازم يكون بدون سكري........

🛑و تبقى الوقاية خير من العلاج ، لازم على الجميع و خصوصا مرضى السكري اتخاذ تدابير وقائية:

1️⃣ تفادو الأماكن العمومية و المختلطة اللي يكون فيها الأشخاص المصابين بالزكام بكثرة....
2️⃣ ارتداء الكمامة و غسل اليدين.......
3️⃣ شرب الكتير من الماء 🍶......و التيييزااانة بلا سكر 👌🏼

#مستغانم

11/01/2026

السلام عليكم....
العيادة غدا إنشاء الله 12 يناير مفتوحة و في خدمتكم بالدوام العادي
دمتم سالمين....

31/12/2025

...السلام عليكم 🙌
العيادة مفتوحة و في خدمتكم غدا إنشاء الله01 جانفي 2026...دمتم سالمين🤲

05/12/2025

#

#جهاز

جمعة مباركة
⚠️تنبيه مهم للمرضى اللي راهم دايرين جهاز قياس السكري المستمر من هاد النوع اللي فالصورة التحت Freestyle libre 3.

👈هاذ الجهاز فقط، فيه دفعة(يعني un lot ) فيها خلل، ما تعطيش نتيجة صحيحة❎، و بالتالي تغلط المريض . 🚧 سحبوه من 17 دولة.

✅ المرضى اللي عندهم هاد الجهاز، باش نتحقو بلي الجهاز تاعهم إذا من هاد الدفعة أو لا، يروحو يراجعو الرقم التسلسلي تاعهه في الموقع هذا👇 :
www.freestylecheck.com
إذا كان الجهاز تاعكم من هاذ الدفعة، لازم تتوقف عن إستعماله فورا ....


#معيزي #طبيب

13/11/2025

💙







💙✨ 14 نوفمبر | اليوم العالمي للسكري ✨💙
🤲 بمناسبة هاذ اليوم، أهم 10 معلومات لازم تعرفها عن هاذ المرض:

━━━━━━━━━━━━━━━━━━

1️⃣ 🔹 17.5٪ من الجزائريين البالغين (أكثر من 18 سنة) مصابين بداء السكري،
و النسبة رآها غير تزيد و أصبحت تمس خصوصاً فئة الشباب 👥

━━━━━━━━━━━━━━━━━━

2️⃣ 🔹 غالبًا التشخيص يكون متأخر،
لخاطر المريض يقارع حتى تظهر فيه الأعراض باش يروح يعير:
💧 العطش – 🍽️ الجوع – 🚽 التبول – ⚖️ فقدان الوزن – أو حتى الجرح ما تلتئمش.
⚠️ هذا الاعتقاد الخاطئ يسبب ليس فقط تأخر التشخيص،
وإنما يخلي المضاعفات تتفاقم أكثر و أكثر.

━━━━━━━━━━━━━━━━━━

3️⃣ 🔹 كل مرض سكري نوع 2، تسبقه حتما مرحلة ما قبل السكري،
اللي تكون فيها نسبة السكر بين 1.1 و 1.26 غ/ل،
و اللي هي في الحقيقة مرحلة استدراك تقدر تنقذك إذا عرفت كيفاه تتعامل مع الحالة.

━━━━━━━━━━━━━━━━━━

4️⃣ 🔹 الفئات الأكثر عرضة للإصابة:
✅ اللي عندهم سمنة، خصوصًا حول منطقة البطن
✅ اللي عندهم تاريخ عائلي للسكري (أب، أم أو إخوة)
✅ اللي عندهم ضغط الدم أو الكولسترول مرتفع
✅ الناس اللي عندهم نمط حياة غير صحي (أكل، تدخين 🚬، قلة نشاط بدني...)
✅ النساء اللي دارو سكري الحمل سابقًا أو عندهم تكيس المبايض
👇
هادو لازملهم الفحص المنتظم و المستمر للسكر قبل ما تبان الأعراض.

━━━━━━━━━━━━━━━━━━

5️⃣ 🔹 السكري النوع 2 مرض واحد لكن فيه 5 أنماط مختلفة،
كل مريض على حسب النمط تاعه يختلف عن الآخر في الأعراض،
في تطور المرض، في ظهور المضاعفات، والإستجابة للدواء.

━━━━━━━━━━━━━━━━━━

6️⃣ 🔹 علاج مرض السكري يختلف من شخص لآخر، و لنفس الشخص ممكن يختلف من فترة لأخرى:
🚫 ما نروحش نعاود لوردونونص بلا ما يشوفني طبيب مختص
اللي حتى هو واجب عليه يجتهد و يكون مطلع على أخر المستجدات و التوصيات العالمية للتشخيص و العلاج لخاطر السكر تاع 2025 ما نعالجوهش كيما السكر في 1990.
📅 كل عام كاين الجديد.

━━━━━━━━━━━━━━━━━━

7️⃣ 🔹 السكر التراكمي (سكر تاع 3 أشهر) وحده لا يكفي باش نقولو بلي السكر راه مليح،
لازم جدول السكري يكون معتدل،
لخاطر قادر يطيحلك السكر فالصباح و يطلعلك فالليل،
و من بعد يخرجلك السكر تاع 3 أشهر مليح، و فالحقيقة أنت مراكش مليح،
و بعد فترة تلقى روحك بفشل كلوي و إعتلال شبكية العين... 👁️💔

━━━━━━━━━━━━━━━━━━

8️⃣ 🔹 في علاج السكري: غير كافي أنو نوازن الأرقام فقط،
إنما ضروري أنو نسبقو و نحاولو نمنعو ظهور المضاعفات بالدواء المناسب لكل نمط 💊

━━━━━━━━━━━━━━━━━━

9️⃣ 🔹 علاج مرض السكري معادلة:
💊 الدواء وحده غير كاف،
و لكن لازم معاه نظام غذائي متوازن + نشاط بدني مستمر 🏃‍♂️🍽️

━━━━━━━━━━━━━━━━━━

🔟 🔹 كل مريض سكري لازمله المتابعة المستمرة:
📌 قياس الضغط بانتظام
📌 مرة في العام: فحص الشبكية عند طبيب العيون 👁️، فحص القلب ❤️، وتحليل زلال البول لمتابعة الكلى 🩺


#دكتور #معيزي #طبيب #السكري

09/11/2025

#السمنة




💉 أكيد تكونو سمعتو بالإبرة اللي تنقص فالميزان...
المرضى تاعي يعرفوها مليح 😉
و الحمد لله، أعطاتنا نتائج رائعة 🌟

الوزن ينزل، وكاين حالات وين رانا واصلين ل 20 كيلو 👏
السكر تنظم 🍬، الطاقة رجعت 💪، والأهم من كل هذا… الثقة بالنفس رجعت بقوة 💚

لكن السؤال اللي بزاف منكم يطرحوه:
كيفاش هاد الإبرة تنقص الوزن بالضبط؟ 🤔

🔹 السر فيها بسيط وعلمي في نفس الوقت:
هاد الإبر تحتوي على هرمونات اصطناعية تشبه ل هرمونات الشبع الطبيعية اللي يفرزها الجسم بعد الأكل 🍽️

الفرق؟ 👇
الهرمونات الطبيعية تعطي إحساس بالشبع يدوم دقائق ⏳،
بينما فعالية الإبر تدوم تقريبًا أسبوع كامل 🌿 إذا عندها الوقت باش تكون أكثر فعالية، و تخدم على 3 صوالح في نفس الوقت:

1️⃣ على المعدة: تبطئ خروج الأكل منها ➜ تبقى شبعان مدة أطول 🍽️
2️⃣ على الدماغ: تقلل الإحساس بالجوع ➜ تاكل أقل بدون ما تحس بحرمان 🧠
3️⃣ على البنكرياس: تنظم إفراز الإنسولين وتنقص السكر في الدم ⚖️

🔸 النتيجة: الجسم يبدأ يحرق الدهون المخزّنة بطريقة مستمرة و منتظمة 🔥 الوزن ينزل تدريجيًا، والمريض يحس بخفة وطاقة متجددة 🌟
نحقنوها مرة واحدة في الأسبوع تحت الجلد (في الفخذ أو البطن أو الذراع) ، نبداو بجرعة صغيرة ثم نزيدو حسب الفحص الطبي لكل مريض.

🩺 طبعًا، لازم يكون الاستعمال تحت إشراف طبي ومع نظام غذائي متوازن وحركة يومية باش النتائج تكون صحّية ودائمة 💚
الماركات كاين بزاف فالسوق الأوروبية، لكن ف العيادة,نخدمو بنوعين مختارين بعناية ، الفرق بيناتهم فالسعر و الفعالية و الأهداف العلاجية


#طبيب #معيزي #دكتور #الغدةالدرقية #السكري #الأيض #مستغانم #خروبة

05/11/2025

#الأيض
⚡ 4 أسرار باش تسرعي الأيض وتخلي جسمك يحرق أكثر 🔥

فالمنشور السابق حكينا على أسباب بطئ الأيض عند بعض الناس اللي يخليهم
يزيدو فالوزن بسهولة 😩 أو يلقاو صعوبة باش ينقصو الميزان رغم الريجيم.

📍اليوم نحكو على 4 أسرار مهمة لتسريع الأيض وحرق السعرات 👇

1️⃣ نظام غذائي صحيح 🍽️

🔹 باش يزيد الحرق، لازم تنقصي فالأكل تدريجياً وبطريقة معقولة،
ماشي بالحرمان الصارم 🚫.

🔹 نقسم الماكلة إلى 3 وجبات رئيسية متوازنة:
كل وجبة لازم يكون فيها 👇
🥚 بروتين كافي (بيض، دجاج، تونة، عدس) → يبني العضلات، يزيد الشبع والحرق
🥦 خضرة وفواكه → فيتامينات وألياف، تعاون الهضم
🥑 دهون صحية (زيت الزيتون، مكسرات، أفوكادو) → دعم للطاقة والهرمونات
🍞 كربوهيدرات صحية بكمية قليلة

💧 نصيحة: قبل كل وجبة، اشربي كاس ماء → يزيد الحرق ويعطي إحساس بالشبع

2️⃣ مجهود عضلي 💪

الحركة ضرورية باش الجسم يحرق الطاقة 🔥

🏃‍♀️ تمارين الكارديو: مشي سريع، جري، قفز بالحبل (10–20 دقيقة يومياً)
🏋️‍♀️ تمارين القوة: بالثقل أو المقاومة
🚶‍♀️ وحتى لو ماعندكش وقت → الحركة اليومية تكفي:
طلعي الدروج، تحركي أثناء المكالمات، ولا شغل الدار...
المهم ما تبقيش بلا حركة 🌀

3️⃣ النوم الكافي 😴

جسمك يحتاج يرتاح باش يخدم طبيعي 💫
7 إلى 8 سوايع نوم يخلي الهرمونات متوازنة
⇦ والنتيجة: حرق أكثر وطاقة أحسن 💥

4️⃣ الصيام المتقطع (اختياري) ⏰

مثلاً النظام 16/8 ⇦ تاكلي خلال 8 ساعات وتصومي 16 ساعة

🔹 يساعد على حرق الدهون المخزنة
🔹 يزيد حساسية الإنسولين
🔹 ينشّط هرمونات الحرق

🌿 الخلاصة:

> باش تسرّعي الأيض وتخلي جسمك يخدم صح:
🍲 كولي بتوازن
💪 تحركي
💧 اشربي الماء
😴 و رقدي مليح

ومع الوقت → راح تشوفي الفرق فالوزن، الطاقة والمزاج 🌟


#دكتور #معيزي #طبيب #الغدةالدرقية #الغدد #الأيض #السكري #مستغانم

03/11/2025

#الأيض #البطيء
#السمنة
#خمول #الغدةالدرقية

بزاف ناس يشكو، يقولك:
"ندير ريجيم وما نقصتش بزاف فالميزان 😔"
"ولا ناكل شوية ونسمن بلخف 😩"

👈هاذ الشي يسمّوه الأيض البطيء🐢 ،
معناه جسمك يحرّق ثقيل الطاقة اللي تجيه مالماكلة، و كي تفيض عليه، يخزنها فالدهون.

⚙️واش هي أسباب الأيض البطيء 🤔:

✅ الوراثة 👪 :
🔹تصيب أفراد العائلة عندهم نفس البنية

✅ نقص الكتلة العضلية و نقص الحركة :💪:
🔹 العضلات💪 يحرقو الطاقة أكثر من الدهون، لذلك اللي عندهم كتلة عضلية قليلة يحرڨو ثقيل و صعيبة باش ينقصو فالميزان.

✅ النوم غير الكافي😴 : يخلط التوازن الهرموني 👇
❌ ينقص↓ Leptine (هرمون الشبع)
❌ يزيد ↑ Cortisol (هرمون التوتر) اللي يبطئ الأيض ويزيد الشهية.

✅ الريجيم القاسي 🍽️ : لما تنقص االأكل بزاف، الجسم يدخل في وضع “حماية الطاقة”: يخزن الدهون ويحرق أقل.

✅ أسباب هرمونية :
❌خمول الغدة الدرقية
❌ مقاومة الإنسولين
❌تكيس المبايض (SOPK)
❌انخفاض التستوستيرون
❌متلازمة كوشينغ : فرط هرمون الكروتييزول

✅ التقدم فالعمر ⏳ : كلما تقدّم الإنسان في السن:
❌تقلّ العضلات
❌يتباطأ نشاط الغدة الدرقية ⇦ فينخفض الأيض تدريجياً.

✅ بعض الأدوية 💊 : مثل:
❌أدوية الاكتئاب
❌مضادات الحساسية
❌أدوية السكري
❌الكورتيزون ⇦ قد تُبطّئ الحرق.

✅ قلة شرب الماء و نقص الفيتامين دال


#دكتور #معيزي #طبيب #الغدد #السكري #مستغانم