Pharmacie Mosteghanemi Mohamed Amine

01/06/2025

ليزافت (les aphtes).....
عد/و الفم...

تحس بالم كبير ...ومتقدر لا تبلع لا تاكل..
والاكل بالنسبة ليك يولي عذا.ب حقيقي..😫

هادا كامل بسبابها هي ..

ليزافت.. لي ماكانش فيكم لي مدارتلوش..

سوا في فلسان 👅، اللثة وحتى منطقة الخدين ...

باه نعرفو اسبابها وكيفية العلاج منها وحتى لوقاية، خليو رياكت و طلعو لبوست ل 400 و نجي نجاوبكم 🙆🏻‍♀️

#دونتارينا🦷

01/06/2025

كنت قاعدة في البيس راجعة من لافاك محطمة كي لعادة

قعد قدامي راجل نتبهت انو يديه فيهم هاد ليطاش كحولة كشخص عادي جيك نورمال

لكن بما انو انا عندي متلازمة طالب الطب الله لا يبليكم 🤧💔

قتلو من وينتا ويديك هكدا قال من شهر هكداك وقال بلي بسبب انو يتعرض للشميسة ولاو هكدا

قتلو اخي لازم تروح عند طبيب ودير ليزاناليز وتوريلو يديك تاني

هنا السيد نخلع قلي علاش واش بيا 😨؟

في رايكم واش سبب لي خلا يديه يولو بهاد الشكل واسكو هي علامة على شي ولا مرض خطير؟

ارائكم ونقاشاتكم في الكومنت وراجعتلكم 🚶‍♀️🎀

31/05/2025

💀المرأة الي قت/لت الطاقم الطبي كل و اي واحد يقرب منها يم/وت💀

المرا الي في صورة ... 31 سنة...

دخلت لقسم الاستعجالات تعاني من سرطان الرحم لكن مجاتش لهذا السبب جات لسبب آخر و هو متقدرش تتنفس و مخنوقة......عينيها توسّعت، جلدها يعرق ببرودة غريبة، وصوتها يخرج مخنوق: " ما نقدّرش نتنفس..."

جراو ليها، الأطباء، الممرضين، كامل الطاقم جرى ينقذها... ركّبولها أوكسجين، بدّلوا السيروم، وبدوا يراقبوا القلب.

وهنـــا... بدات الحكاية.
ممرضة قالت: "كاين ريحة فمها غريبة... تشبه الثوم، ولا حاجة محروقة!" شويا هكا... نفس الممرضة طاحت تغاشات .

💀ثاني ممرض بدا يتنفس بصعوبة، عينيه حمروا، وخرج يترنّح… الطبيبة الرئيسية قالت: "خرجوا من الغرفة!"... لكنها ما لحقتش تكمل جملتها، وطاحت حتى هي.

الجهاز يصفّر… توقفت عن التنفس. قلبها سكت.

لكن الخوف ماشي في م/وتها. الخوف... فـ اللي صار بعد مو/تها.

الشرطة سكرت الجناح كامل. التحاليل ما لقات لا فيروس، لا س/م، لا شيء واضح. الطاقم الطبي كامل تس/مّم… من جسدها.

لكن واش دارته؟ ما كانتش تدهن س/م ولا تاكل مخدر/ات…

الجثة دفن/وها، لكن الغموض بقى حي. و بعد شهور من التحليل، بان السر….

القصة حقيقية

الإجابة في التعليقات 👇

🐻

31/05/2025

"فقدت جنينها ... بسبة الدوارة تع الخروف"

سعاد مزوجة هادي عامين، العام هادا كتب ربي و هزت بالحمل

كانت حريصة ديما تبع طبيبتها وش تقوللها و تخدم بنصايحها

كلش كان قد قد حتى نهار العيد الكبير وين كانت حامل في الشهر الثالث

سعاد ما دارت والو و فهمت راجلها بلي الطبيبة قالتلها تبقى ديما بعيدة على دوزان الكبش لأنو تعيار Toxo تاعها خرج négatif

قاللها وي زوجتي العزيزة اقعدي رتحي باه يزيد وليدنا لاباس بيه ❌️ لااااا

قاللها يا مكسرة اليدين ما تعرفي ديري والو و تكدبي بلي الطبيبة قاتلك نوضي اغسلي و وجديلي ناكل سينو نجيب وحدة فحلة عليك ✅️ ايووووه

ناضت سعاد على زهرها تخدم و تغسل و حاولت تسايس روحها ... صح ما دارتش قفازات و هي تغسل ... بصح ورا ما كملت غسلت يديها بالجافال عشرين مرة حتى حستهم تحرقو ... هادا كامل ما نفعش 💔

النهار الثاني ... الثالث ... أسبوع ... أسبوعين ... رجعت سعاد للطبيبة باه دير كونترول على الحمل

تماك تلقات خبر صادم : الجنين قلبو حبس !!

و السبب ؟ بعد فحووصات تبين بلي هو الكرشة لي غسلتها سعاد و نسات عليها

بصح وش دخل هادي في هادي ؟

#بناكيا

27/05/2025

❌لماذا ممنوع نعطي👈 plavix مع👈. Omeprazole?⁉️!👇🏻

مـرضى القـلب الذين يأخذون دواء Plavix وهو دواء مُضَـاد لتجـمُّـع الصَّـفَـائِـح الدَّمَـويَّـة يَمنَـع تجلُّـط الدَّم ويحـمي من الإصـابة بالنَّـ وبـات القلبـيَّـة.. مادَّتُه الفعَّـالة هي Clopidogrel يجب أن يتجنَّـبوا أخذ مضادَّات الحموضـة (les IPP / les antiacides) خاصة الـ Oméprazole

• السَّـبب: 👇🏻👇🏻
مَـادة الـ Clopidogrel هي مَـادَّة في الأصـل Prodrug يعنِـي Inactive (غيـر نَـشِـطـة) لمَّـا تدخُـل للجســم يحدُث لَـها métabolisme وتصـبح نشِـطة Active عن طَـريـق الــ Cytochrome P2C19

المُشـكل يَكـمُـن في أنَّ الـ Oméprazole يَعـمَـل Inhibition (تَـعـطيـل) للــ CYP2C19 الذي يُنَـشِّـط الـ Plavix ويجعـلـه فَـعَّـال..

ومنـه أخذ الـ oméprazole عند المرضى الذين يأخذون Plavix يُثبِّط عمل هذا الأخير ويحول دون الإستفادة منه..

26/05/2025