وحدة الكشف و المتابعة الإخوة يوبي

26/01/2026

07/01/2026

نصيحة من ذهب 💡
احرص على أن يرتدي طفلك القبعة الصوفية خارج البيت والمدرسة وفي الشارع، اضافة إلى القفازات والجوارب السميكة، أما باقي الجسم فيكفي أن يكون اللبس معتدلا لا ثقيلا وهذا سيقيه بإذن الله من الانخفاض الحاد في درجة حرارة الجسم الذي قد يؤدي إلى تدني المناعة خاصة في اطار نقص الأشعة فوق البنفسجية المفيدة.

عندما تغطي الأطراف والرأس تتوازن درجة حرارة الجسم فيتكيف جيدا مع الوسط الخارجي.

وتذكر! مهما ألبسته من ثياب فإنها لن تفيده جيدا ما لم تلبسه القبعة 🙂

03/01/2026

واش ندير؟ 🤷🏻‍♀️
ولدي ملي بانت اسنانه نتع الحليب وهي مسوسة
مين جاته السوسة؟

يا اختي الفاضلة انت سبابه في التسوس للأسف..👨🏻‍⚕️
شكون قالك اعطيه بزول السكر؟
شكون قالك تبيتيله البيبرونة في فمه ؟
شكون قالك التيزانة اللي يشربها زيديلها السكر ؟
وعلى بالك بلي حليب الباطة فيه السكر زيادة ويقدر يسبب مشكل عكس حليب الأم؟

الرضيع ليس بحاجة للسكر المضاف نهائيا، من جهة يضره في مصرانه ويسببله الغازات ومن جهة اخرى اسنانه غير كيما تخرج تسوس.

بصح معليش يا طبيبنا كي يبدل اسنانه تتسڨم.🤷🏻‍♀️

ممكن يا سيدتي، بصح علابالك بلي الاسنان المسوسة 👨🏻‍⚕️ والمكسرة تسببله اضطرابات في النطق السليم والهضم.

وواش هو الحل؟ 🤷🏻‍♀️

احرصيله على تنظيف اسنانه بعد كل وجبة ومن الافضل 👨🏻‍⚕️
تستغناي على سكر الطعام في نظامه الغذائي وتكتفي بالسكريات الموجودة في الفواكه، تقطعيله السيسات على بكري وتعلميه يشرب من الكاس غير كيما يقدر.
ومرة اخرى كي تولدي طفل آخر ما تعاوديش نفس الغلطة من الاول 🙂
دمتم في رعاية الله وحفظه
مع تحيات وحدة الكشف و المتابعة الإخوة يوبي

28/12/2025

📌ولدك يعاني من انسداد شبه مزمن والتهابات في بطانة الأنف
📌لاحظتي بلي عنده صعوبة في نطق بعض الحروف
📌يشخر في الليل
📌وكي يكون يتنفس يدير صوت مسموع
📌لاحظتي بلي عينيه ذبالو وجفونه يا اما تنفخو والا رجعو بلون غامق
📌لاحظتي بلي دايما صوته مبحوح ومرة على مرة يتصاب بالتهاب في الحنجرة
📌لاحظتي بلي ما ولاش يسمع مليح وما يتكلمش كي تناديه في الاول
📌مرة على مرة يكح كحة ناشفة
📌لون وجهه تبدل
📌وجهه كان مدور ومن بعد ولى طويل
📌اسنانه الامامية خرجت وما بقاتش على استقامة واحدة
📌مرات يغلبه الريق كي يكون يتكلم
📌ريحة فمه كريهة رغم انه محافظ على نظافة اسنانه
📌فكه ما يتبلعش مليح
📌شنايفه بويض ويابسين

كل هذي اعراض تبان على الشخص اللي يضطر يتنفس من فمه بسبب صعوبة التنفس من الانف، ومع الوقت هذي الاعراض تزيد ويتغير شكل الانسان
فمن الافضل عند ملاحظة أحد هذي الاعراض نديو طفلنا للفحص حتى نعرفو السبب ونعالجوه مبكرا.في الحالة العادية من المفروض ندخلو الهوا مع الأنف ونخرجوش عبر الفم ماشي العكس
مع تحيات وحدة الكشف و المتابعة الإخوة يوبي
ودمتم في حفظ الله ورعايته 💚

24/12/2025

Un grand merci à mes nouveaux followers ! Sou Mia, هواري خمليش, Rima Boukrissa, أم أسيد, Ÿãsmïnė Böũãfïã, ام يونس ام يونس, ام محمد ومصعب, Nour Djoudi, Ghôüzlen Assîle, ابراهيم عثمان محمود, Chaimaa Chaimaa, Amina Add EP Reb, أم لؤي, Nesrine Ch, Heaven's Joy, غفران صفوان, Bén Mina, أم أحمد, Malika Chabane Chaouche, Lolou Lili, Ît's Mé, Ab Ir, Donne Donatilo, امين امين, أم زيد, Boughidene ZiNa, Maj Houla, Sa Hair Izk, Houda Bouch

16/12/2025

أشرفت صبيحة اليوم وحدة الكشف و المتابعة الإخوة يوبي بالتعاون مع الطاقم الإداري والتربوي لثانوية الإخوة بوكرابيلة على تنشيط حصة توعوية حول الأمراض المتنقلة داخل الأوساط الاجتماعية والتجمعات وقد تم تسليط الضوء على الأمراض المعدية عن طريق الاتصال بما فيها الأمراض الجلدية والطفيلية والفيروسية (مرض فقدان المناعة المكتسبة على وجه الخصوص),
كما تم التأكيد على ضرورة الالتزام بمعايير النظافة الجسمانية ونظافة المحيط وتجنب مشاركة الأغراض الخاصة فيما بين الأشخاص.

16/12/2025

السؤال اللي تطرحه معظم الأمهات:
🤷🏻‍♀️ علاش طفلي نغسل له كل مرة ومهتمة بنظافته بصح القمل ما يروحش من شعره؟

👩🏻‍⚕️ببساطة القمل حشرة مقاومة للماء، عندها في جوانبها ثقوب كي تتحسس بالرطوبة تعمرها بالاكسجين وتغلقها لساعات وتبقى تتنفس بالهواء المخزن.

🤦🏻‍♀️صح وعلاش ما تطيحش بالماء وتبقى لاصقة في الشعر بيها بالصيبان؟

👩🏻‍⚕️الصيبان لاصق في الشعرة بمادة صمغية تفرزها القملة كي تحط بيضتها وهذا الصمغ ما يذوبش في الماء والقملة عندها في أرجلها كروشيات ومخالب تتمسك بيها.

🙎🏻‍♀️ والحل واش هو ؟

👩🏻‍⚕️الحل ساهل ماهل والنتيجة الهبال نتع الدنيا
قبل أي حمام نوضعو مادة زيتية على الشعر (ما يهمش نوع الزيت المهم يكون نباتي وغير ضار) ونخلوها على الفروة لساعتين على الاقل وهذي تمنع الاكسجين باش يدخل لجسم القملة وداخل الصيبانة وتسببلها الاختناق
وبعدها نغسلو الشعر بأي شامبو (ما تهمش الماركة المهم يوالم نوع الشعر)
من الافضل نستعملو المشطة الكراطة نتع الجدات باش تسحب كل الحشرات الميتة.
كمية الزيت لازم تكون كافية لدرجة تغطي فروة الرأس بالكامل والشعر لغاية اطرافه.
نقدرو نستعملو عجينة الحناء حتى هي تمد نتيجة هايلة.

💁🏻‍♀️وبعد هذي العملية يقدر يرجع القمل؟

👩🏻‍⚕️طبعا، مادام الطفل في احتكاك دائم مع أشخاص مصابين ممكن يتصاب مرة أخرى، على هذا من الأفضل العلاج يكون جماعي وحتى داخل البيت ممكن كل أفراد العائلة يستعينو بالطريقة العلاجية المذكورة سابقا ومن الأفضل نجعلوها عادة من عادات الاستحمام حتى نتجنبو الاصابات المتكررة.

🤷🏻‍♀️وبالنسبة للشامبوهات والمحاليل الصيدلانية ممكن تعطي نتيجة أفضل ؟

👩🏻‍⚕️ممكن تمد نتيجة نسبية ، وممكن تمد نتيجة هايلة في الأول ومن بعد تولي ما تنفعش بسبب أن القمل يكون مقاومة ضد هذي المادة زيادة على أسعارها المرتفعة.

🤦🏻‍♀️آه نسيت، والفراش والملابس نتع المصاب؟

👩🏻‍⚕️نخرجوها في الشمس لمدة ثلاثة أيام إلى غاية أسبوع وإلا نغلقو عليها داخل كيس كبير لمدة أسبوع ومن بعد يقدر يستعملها عادي هذا بالنسبة للأغراض النظيفة اللي استعملها على خاطر القملة ما تقدرش تعيش خارج الشعر أكثر من أسبوع
أما بالنسبة للملابس الموسخة نغسلوها في ماء دافئ تفوق درجة حرارته 50°.

🙅🏻‍♀️يعني القمل ما يخوفش كيما كنت نتخيله!

👩🏻‍⚕️ماشي حاجة كبيرة لوكان نعرفو كيفاش نواجهوه
خاصة إذا اعتبر كل مصاب نفسه مصدر عدوى للغير .

مع تحياتنا وحدة الكشف و المتابعة الإخوة يوبي ودمتم في حفظ الله 💚

12/12/2025

صديقي، صديقتي اللي راكم تخلو أولادكم الصغار يشربو قهوة وتاي
فقط اعرفو بلي راكم:
📌تدخلوهم في حالة سريعة من الإدمان
📌تسرعولهم دقات القلب
📌تسببولهم وجع شبه مزمن في البطن واسهال وغثيان
📌تصيبوهم بفرط الحركة واضطراب النوم
📌تفاقمولهم حالة التبول اللاإرادي ايلا كانو مصابين بيها والا كثرة التبول
📌تنقصولهم الشهية
📌تمنعولهم الحديد باش يفوتلهم للدم وتصيبوهم بفقر الدم
📌تسببولهم اضطراب المزاج
القهوة وتاي والمشروبات الطاقوية ماشي لأطفالنا
ودمتم في حفظ الله تعالى💚
تحياتنا وحدة الكشف و المتابعة الإخوة يوبي 🙂

08/12/2025

في إطار الوقاية من الأمراض المعدية والمتنقلة عن طريق الطعام والمياه سطرت اليوم وحدة الكشف والمتابعة بالتعاون مع مصلحة حفظ الصحة ممثلة بالسيد المفتش جولة تفقدية للمؤسسات التعليمية دحو بومدين، بن ساحة اعمر، بن معمر أحمد وبختي بوزيان وعلى هامش الزيارة أشرف الفريق على تنشيط حصة للتربية الصحية تتمحور حول النظافة وسبل الوقاية من الأمراض المعدية.
كل الشكر للأطقم التربوية والإدارية على حسن التعاون.

07/12/2025

بالاشتراك مع مصلحة حفظ الصحة البلدية قام فريق الوحدة بزيارة تفقدية للشطر الثاني من المطاعم المدرسية للمعاينة كما تضمنت الزيارة حصصا توعوية حول الأمراض المعدية وتم التأكيد على احترام مقاييس الأمان والحرص على الالتزام بالوقاية في الأوساط الاجتماعية والتمتع بوعي صحي.
وهذا جانب من حصة اليوم.

04/12/2025

أصدقائي
نسمعو بزاف بالجرب ونضربو بيه حتى الأمثال وممكن نكونو عمرنا ما شفناه والا حتى لوكان نشوفوه ما نعرفوهش.

أول حاجة واش هو الجرب؟
الجرب مرض جلدي معدي تسببه حشرة طفيلية تدخل تحت الجلد وتحط البيوض نتعها ومن بعد البيوض تفقس وتولي حشرات تحفر الجلد وتخرج منه باش تعدي شخص آخر.

واش هي أعراضه؟
تبدا بظهور حبيبات صغيرة كيما قرصة الناموس الصغير وتسبب حكة مزعجة لدرجة تقدر تعصب المصاب وخاصة في الليل ومرات يوصل وين يجرح جلده من كثرة الحكة.

وين تكون الحبيبات؟
أغلب الأحيان تبدا بين الأصابع وتطلع وتجي ثاني في الثنيات نتع الجسم يعني ثنيات الذراع عند الركبة وفي منطقة العانة وتحت الابطين ومنطقة الصدر وممكن جدا نلقاوها في مناطق أخرى لكن هذي هي الأكثر شيوعا.

كيفاش يعدي الجرب؟
يعدي في المحيط العائلي وفي التجمعات والمدارس ودور الحضانة وقاعات الرياضة وغيرها بسبب التقارب الوثيق او التلامس او بسبب تبادل الملابس والأفرشة وحتى من قش البالة إذا ما تعالجش وطال تخزينه.

الجرب عنده علاج؟
نعم، العلاج موجود وبثمن في متناول الجميع لكن الطريقة هي اللي تتحكم في فعاليته، يعني كي نعالجو ما نطبقوهش غير على المصاب انما حتى على محيطه والأفرشة والملابس.

الجرب مرض عنده علاقة بالمستوى المعيشي أو الاجتماعي؟
لا، الطفيلي يصيب الغني والفقير ، اللي يسكن في منازل فاخرة واللي يسكن في أحياء قصديرية ،النظيف وغير النظيف، المهم هو أن نواجهوه مهما كان الوضع وفين ما كان ودمتم في رعاية الله وحفظه 💚
مع تحيات وحدة الكشف و المتابعة الإخوة يوبي