My Med

Fini le stress des QCM avec My Med ! 💪 Préparation top avec les QCM de votre univ, corrigés par notre équipe. Succès garanti ! Téléchargez l'appli 🚀

29/04/2026

نتوم طبة شاتهدروا باينة قراية
الادمن اطباء المستقبل كي تشلقمهم القراية و يجيهم الحنين للماضي فاليل 🙂
🦪

28/04/2026

ادعيلي دعاءا تتمناه لنفسك عساه يتحقق لنا نحن الاثنين🥺💜
🦪

28/04/2026

اليوم صرالي موقف جد طريف مع المرضى هههه
جيت ندخل لصالة ايا عيطلي واحد العجوز قال واا بنتي نتي دك السيروم هذا متحطيهولناش نطقت وحدة قالتلوا ياو هذو مهمش فراملة هذو لي راح يداوك و يولوا طبة ان شاء الله
قال اهاه صحيت ان شاء الله كي يجي ذاك الوقت متنفخوش ريشكم بهدلنا كي شافنيي حمريت ضحك قال لالا بنتي والله نقسر المهم من بعد شا ولاو يديرو ولا يدابزو على العسل و زيت زيتون🙂
وحدة تقول لتر تاع عسر فيه كثر من كيلو ونص واحد يقول زيت زيتون ثان مال كيف كيف نطقت انا قلت صح عمو العسل ثقيل بيسك عندو الكثافة قالهم ايا ستوووب خلاص هاي ختمتها هيا صح بالكاشي فرحت كي فريتها ايا درت وليت لقيتهم يدابزو على طوماطيش غالية🙂😂
ربي يشفيهم يارب ادعولهم💜💜
🦪

27/04/2026

خاوتي عندي شهر نحوس على وحد السنسلة نشريها عجبتني ايا درنا قاع فالحوانت مكاش المهم خطرة رحنا مصباح حتا لعشية نحوسوا عليها شيطت لي معايا🙂😂 بعد عذاب في الشمس و قاع وسوايع التحواس لقيتها واخيييرا المشكل مش هنا كي جيت نشريها خسرتلي نية ثم ثم قلت بزاف لي شراوها حبيت حاجة مختلفة خلاص ووليت بكل روح رياضة ووين رحت؟ عجبوني المواعن والكيسان قلت نشري🤝 المهم كليت تبهديلة فشباب
زيد باه نزوق الحالة جبت لاكريم جيفنا الله الله ومن ذاك نهار لي نجبدلو على حاجة يدير روحو مسمعش🤝
🦪

27/04/2026

ايام هذه جد مشغولة مننشرش بزاف بصح قعدت خطر ببالي حاجة نقولها و نروح اصحاب الباك نصيحة من القلب اذا حبيت تحافظ على صحتك النفسية و تجيب باك ملييح اقفل الفايس و مواقع التواصل اقسم بالله
الوقت هذا هوا لي لازم تزير روحك باه تتفكر بزاف وفي نفس الوقت هوا لي يبدا تبهليل و فيديوهات على صحاب الباك
لي يحط رييل على الاجواء باه يخلع لي يقول ارواح نمدلك واش يطيح المهم اقسم بالله بدل نوميرو تاع تلفون بيسك كي يقرب الناس لي عندهم عام مسقساوش عليك ييبداو ههههه وغير لي يحكيلك الهموم 😆اغلق الفايس و المواقع طب ياسيدي تحل المواضيع مالفايس افتح حساب جديد جبدو منو المواضيع والاسنتا معندك مادير بيه و متتبعش قاع الاخبار و التيكتوك لا خليتو يسموك مهبول تاع صح راني شحال ملي جبت الباك والله معندي تيكتوك نحسو تاع مهابل 🤌
وهذوك تاع حبني و احبك مدابيكم تتفارقو على الاقل هذه الفترة
بيسك هذوك الاشياء ميخلو قلبك مليح ميخلو عقلك مليح باه يركز يقرا و كي تفوت جامعة تلقا بلي ضيعت وقتك🙂
راهم يستناو فيك تنجحي و امك تستنا فيك تزغرت يسماا اقراا باه مهما كانت النتيجة متلومش روحك الندم جد صعبب جداا

🦪

26/04/2026

على اليسار اتساع لا يحد، نجوم ومجرات تسبح في صمت مهيب
وعلى اليمين… دقة لا ترى، شيفرة حياة مخبأة في خيط من ADN
شيئان كلما تأملتهما… أعجز عن وصف عظمة خالقهما
كون عظيم يحيّر العقول، ونفس دقيقة تبهر القلوب

﴿سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتّىٰ يَتَبَيَّنَ لَهُمْ أَنَّهُ الْحَقُّ﴾
(سورة فصلت، الآية 53)

اي أن الله سيظهر للناس دلائل قدرته وعظمته:
في الآفاق: يعني في السماء والأرض، من فتح البلدان، وتعاقب الليل والنهار، والنجوم… وكل ما هو خارج الإنسان
في أنفسهم: يعني في خلق الإنسان نفسه، من عجائب الجسد، وتركيبه، وضعفه وقوته
كيف هيا مطالبنا نحن كضعفاء امام هذا الانجاز🙁💜
🦪

26/04/2026

لا تستغرب عندما أخبرك أن سبب فطريات الأظافر🤚🦶 لديك هي عادات تفعلها غالبا
سوف نكتشفها
#المكتشف

25/04/2026

مكمش تشوفو الادمن ميري ولات مختلفة
راها تعقلت بزاف ولات لا منشور على زواج لا على المراة مي على والو حتى قصرة مولاتش تقسر بزاف 🙂‍↕️🙂‍↕️يا درااا ميري شاصرالها شلقموها واقيل😄😂

25/04/2026

الجو الذي احبه لا شمس بزاااف تحرقنا🙂 اامطر مليح ثان مي كي تكون فدار تشوف فيه ولا كي تحكمك الغمة تبقا تحتو خمس دقايق
احوال الصيف لا احبها😃 شكون هذوك لي كانو يقولو طول البرد هذا العام ضربتونا بالعين😒😒
🦪

24/04/2026

من يقنع العقل ان الليل مرقده
والفكر في الراس لا يهدا ولا يهد
والقمر يسهر مثلي في تامله
كانه شاهد والصمت يمتد
اخفي التعب لكن في الصدر ضجته
كان داخلي شيء به يشتد
يمضي المساء ولا ادري نهايته
والوقت بين يدي اليوم مرتبك
أخفي ما بداخلي و كيف لي ان استره
وصوت انفاسي المكلومة يرتعد
إن غاب ما أريد عن قلبي فليس له
في مهجتي غير الذكرى و رحمة الله للأبد💜
🦪

24/04/2026

قعدت مع وحد المخلوق عمرو عشر سنوات هكذاك سمعني قلت ياربي عييت وشنو كور هذا ايا قالي مريم شوفي هذه لامبرغيني قصدو سيارة هذيك كي نولي كبير نشريها و نديك تحوسي
قلت ايه هذه تجيبها كي تقرا وتجيب معدل ماشي بالمعدل تاعك هذا قلت زعما نحفزو قال هاكي نتي ملي ولدتي تقراي يلطيف و جبتي باك مليح و درتي طب وراكي تندبي ني سيارة ني والو. بصح متخافيش نديك عمري تحوسي
اقسم بالله وشنو هذااا؟؟؟؟؟ كان ولدي نحكمو منعرف شا ندير 🙂 باه ننحي الغمة رحت ندير قاطو ايا حوست وصفة جاميي سييتها قاع غريبة ايا خسرلي ثان💔 جا ياكل الحلوف خزرلي هك ضحك قال والله نتي هايلة في كلش غير زهر لي كحل
(معجبوش القاطوو بيسك يحب الماكلة غاضاتو🤣🤣)
المهم كاش حل نتتقم؟؟؟ بصح غير نتفكر نديك تحوسي عمري نبطل ستوتين كثار من العجوزات 🙂🤝
🦪

24/04/2026

سلام الله عليكم كلكم دون استثناء
طيب الله أثركم، وفقكم الله، أغناكم الله، أكرمكم الله،
رفع الله قدركم، وبارك في رزقكم، وشرح صدوركم،
وجعل أيامكم سعادة، وحقق لكم ما تتمنون،
ورزقكم من حيث لا تحتسبون،
وجعل الخير رفيق دربكم، والنور في قلوبكم،
وحفظكم من كل سوء، حفظ لكم صحتكم دائما
وزادكم من فضله، وكتب لكم القبول بين الناس،
وجعل لكم في كل خطوة توفيقًا، وفي كل همّ فرجًا،
ويسّر أموركم، وجبر خواطركم، وعوّضكم خيرًا عن كل تعب،
وجعل دعواتكم لا تُرد، وأيامكم مليئة بالبركة والرضا،
ورزقكم سكينة لا تزول، وقلبًا مطمئنًا بذكره
جمعكم الله مع من تحبون في الدنيا و في جنة الفردوس الاعلى
ضموني بين دعاءكم لعلها ساعة استجابة💜
🦪

Adresse

University Ummto
Tamda

Site Web

https://www.mymedqsm.com/

Notifications

Soyez le premier à savoir et laissez-nous vous envoyer un courriel lorsque My Med publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.