Dr. Amany Yacoub د. أماني يعقوب

05/05/2026

صباح الفل ✨☀
🫵 مش بفيتامين ولا مكمل ولا دوا
اي مشكله صحيه بدايه علاج نظام غذائي صح👌

بحبكم في الله🤍😗

04/05/2026

*تحاليلك سليمة بس همدانة وشعرك بيقع وبتتخني من الهوا‼️‼️
*ده ممكن هاشيموتو!* مرض مناعي جسمك بيضرب بيه الغدة الدرقية.
*الحل مش دوا بس:* وقفي جلوتين وسكر، كلي جوز برازيلي وسمك، ونامي كويس.
*أهم تحليل تطلبيه:* Anti-TPO.. هو ده اللي بيكشف هاشيموتو صح ✅
انا قولت اقولكم لاني بحبكم♥

03/05/2026

ليه الجلطات وامراض القلب والشرايين والموت المفاجئ انتشر اليومين دول‼️‼️
في فيتامين في جسمك اسمه فيتامين K✅
🔴الفيتامين ده مسؤول عن اخراج الكالسيوم من الانسجه الرخوه👌🏼👌🏼( زي الشرايين والكبد والكلى وادخاله في العظم والاسنان) بمعنى اصح بيمنع ترسب الكالسيوم على الشرايين وبالتالي بيحمي من الجلطات ✅

🔴وده نفس الفيتامين اللي بيتاخد مع فيتامين د عشان لا تتاثر باضرار الجرعات الكبيره من فيتامين د 👌🏼
(المفروض كل 10000 وحده من فيتامين د بتاخد ادامها 100 مايكروجرام من فيتامين K)✅

🔴لما بيوصل الجهاز الهضمي بيبقى شكله غير نشط واسمه K1..تيجي بقي البكتيريا النافعه الموجوده في الجهاز الهضمي تحوله لشكل النشط اللي هو K2‼️

🔴بس للاسف احنا اكلنا اغلبه مبيدات ومضادات حيويه ومضادات حموضه وكورتيزون وسكر و وجبات سريعة وزيوت نباتيه ومسكنات ومضادات التهابات ⛔
كل الحاجات دي بقى بتقتل البكتيريا النافعه دي
وبكده ما يقدرش الفيتامين ده يقوم بوظيفته فيحصل لك مشاكل الشرايين والجلطات والمشاكل دي كلها ❌

🔴فيتامين K2( اللي هو الشكل النشط) موجود طبيعيا في الكبده والدهون والزبده والسمنه الطبيعي ولحوم الاعضاء والجبن الصلبه
( زي الفلمنك اللي انا حاطه صورتها ) ✅
ودول للاسف في ناس ما بتاخدهمش بشكل كافي

🔴لكن الشكل الغير النشط موجود في الورقيات والخضار ..وده الاكثر وفره عند اغلب الناس حاليا 👌🏼
وكمان لازم عشان يتنشط مراره وكبد كويسين مش بايظين ‼️

⛔خد بالك لو قررت تاخده كمكمل فهتلاقي نوعين
🔴MK4..وده صناعي مش طبيعي وامتصاصه مش حلو
🔴MK7 ..وده مستخلص طبيعي وامتصاص ممتاز

وده النوع الموجود في الجبنه الفلمنك والجبن المعتقه

الجبنه الفلمنك فيها افضل انواع البروتين سريع الامتصاص

سهله في الهضم وبتتعتق لشهور وده اللي بيخلي 👌 البكتيريا فيها مرتفعه والفيتامينات والمعادن فيها رهيبه بكل انواعها حتى فيتامين ب و د والكالسيوم والفسفور والمغنيسيوم والزنك

🛑 اهم حاجه وانت بتشتريها
تتاكد انها خاليه من الزيوت النباتيه ومن مصدر موثوق

🫣 ولو بتاخد ادويه اكتئاب بلاشها زي باقي الجبن المعتقه

🛑 واي جبنه معتقه ممكن تزود الهيستامين عند بعض الناس اللي عندها نقص في إنزيم ال Diamine Oxidase (DAO) وبالتالي ابدٱ بكميه بسيطه عشان لو حصلك حساسيه منها
ومتنساش تصلي على النبي في التعلقيات❤🫵

03/05/2026

صباح الفل ❤️
مبسوطة اوي إن الناس بدأت تاخد بالها من نظامها الغذائي
🛑 لكن جنب النظام ده في حاجات أوعى تنساها:

✨ ابعد عن التوتر والضغط العصبي.. لانه بيدمر الاوعيه الدمويه والقلب والمناعه
✨ اتمشى لوحدك من غير موبايل، واعمل تمارين تنفس
ممكن تستخدم الأشواجاندا

✨ اتمشى شوية في الشمس وعرّض جسمك ليها..مهمة لضبط الساعة البيولوجية.

✨ اتحرك، لأن ده مهم للدورة الدموية، وهو اللي بيساعدك تحافظ على شبابك.

✨ نام بعمق في جوف الليل، لأن ده الوقت اللي جسمك بيجدد فيه أعضاؤه وهرموناته.

✨ قلل السموم اللي داخلة جسمك، زي البلاستيكيات والمصنعات ومواد التجميل الرخيصة اللي ممكن تأثر على الهرمونات.

✨ كوّن علاقات اجتماعية سوية، وابعد عن الناس التوكسك اللي بتستنزف طاقتك.

✨ اعمل ديتوكس ذهني..اقفل السوشيال ميديا شوية كل يوم، وبلاش تقارن نفسك بحد، وخد وقت بدون أي مدخلات لمخك.

✨ اهتم بصحة الفم كويس، واستخدم السواك، لأن الفم مرآة لصحة الجسم.

✨ نوع الشاور بتاعك بين السخن والبارد، لأن المياه الباردة بتنشط الجسم وبتدي طاقة ونشاط.

✨ خلي بالك من وضعية جسمك، اقعد صح، وبلاش تثني ظهرك.

✨ قرب من الطبيعة، وحاول يكون في يومك تلامس مع الخضرة أو الأشجار، حتى لو مش بشكل يومي.

✨ كل ببطء واستمتع.. ده بيقلل الكميه وبيظبط المزاج

✨ اشكر الناس اللي تعبت معاك أو ساعدتك، لأن ده مش بس إحساس معنوي، ده كمان بيرفع هرمونات السعادة.

✨ خلي عندك هدف في حياتك، لأن الحياة من غير هدف بتفقد معناها.

✨ بلاش تعمل مهام كتير في نفس الوقت (multitasking)، لأن ده بيعمل ضغط على الأعصاب وبيقلل تركيزك.

🫣 اتعود تقول "لأ" للحاجة اللي مش بتحبها، لأن إرضاء الناس على حساب نفسك بيدمر صحتك.

✨خلي ذكر الله دائماً على بالك وعلى لسانك:
﴿ألا بذكر الله تطمئن القلوب﴾❤️
وفي النهاية يا غاليه.....
جسمك أمانة والاكل ليه رسالة..
اختاري اللي يريحك وسيبي اللي يزود الحالة..
وافتكري دايما إن الشفاء بداية مش نهاية💜

03/05/2026

متحاولش تكون افضل من ....
حاول تكون افضل نسخة منك

02/05/2026

الأكل صديق ولا عدو للفايبرو؟*

*لما تكوني عايشة مع الفايبروميالجيا، كل حاجة بتدخل بطنك بتفرق 🥄*
مفيش "دايت سحري" بيعالج الفايبرو، بس في أكلات ممكن تهدي الالتهاب وتقلل الوجع، وأكلات تانية بتزوده.

- *أوميجا 3*: سمك سلمون، تونة، عين جمل. دي بتحارب الالتهاب اللي بيزود الألم.
- *خضار وفاكهة ملونة*: فلفل ألوان، توت، سبانخ. مضادات أكسدة = جسم مرتاح أكتر.
- *ماغنسيوم*: موز، أفوكادو، شوكولاتة دارك. بيساعد على استرخاء العضلات وتقليل الشد.
- *مية كتير*: الجفاف بيزود الإرهاق والصداع.

*وقللي الحاجات دي وشوفي الفرق:*
- *السكر الأبيض*: بيزود الالتهاب وبيعمل طلوع ونزول مفاجئ في الطاقة.
- *الجلوتين ومنتجات الألبان*: ناس كتير مع الفايبرو بتلاحظ إنها بتتعبهم وبتزود ضبابية الدماغ.
- *الكافيين الكتير*: ممكن يخلي النوم أسوأ، والنوم أصلاً أزمة مع الفايبرو.
- *الأكل المصنع*: أي حاجة فيها مواد حافظة أو محليات صناعية زي الأسبارتام.

الفكرة مش دايت قاسي، الفكرة إننا ندي جسمنا وقود يهديه مش يتعبه
البروتوكول الغذائي لازم يكون تحت إشراف دكتور تغذية فاهم الحالة. و مش بس التغذية تغيير نمط الحياة كامل مهم جدا جدا لمريض الفايبرو 💙
وعشان كده احنا الانسب لأننا بنهتم بكل حاله منفرده وبنعرف كويس كل جسم محتاج ايه بالظبط😉
​📍 للحجز والاستفسار:
♦️*العيادة*
📍612 برج الاطباء زيزنيا شارع ابو قير امام جامع يحي مدخل ميكس براند والنجار الدور الاول.
📍https://maps.app.goo.gl/U6w5d9q1qmnLtSTR7
للحجز:
01210032299
📌اونلاين:

01050255867 WhatsApp Only🪀📩
#فايبروميالجيا

02/05/2026

عمرك سمعت قبل كد عن الفابيروميالجيا؟؟؟؟! ‼️ 🙄🤔
🗣️فتحي مخك معايا كده وركزي 🫵😂🔥
هات كباية شايك وتعالا أقولك اي هي 🙈🔥🔥

*الفايبروميالجيا* هو عبارة عن "الألم العضلي الليفي" 💜

و دي حالة مزمنة بتأثر على الجسم كله، وبتخلي الشخص يحس بألم مستمر وإرهاق من غير سبب واضح في الأشعة أو التحاليل.

✨أهم أعراضها: ✨

✅1. *ألم منتشر في الجسم*
ألم في العضلات والمفاصل بيتنقل من مكان لمكان. ناس كتير بتوصفه إنه "جسمي متكسر" أو "حاسة إني واخدة علقة". الألم بيزيد مع الضغط النفسي أو قلة النوم أو البرد.

✅2. *إرهاق فظيع*
حتى لو نمتي 10 ساعات، بتصحي تعبانة. كأن بطاريتك مش بتشحن للآخر.

✅3. *ضباب الدماغ "Fibro Fog"*
نسيان، صعوبة تركيز، تلخبطي في الكلام. تبقي داخلة المطبخ ومش فاكرة كنتِ عايزة إيه.

✅4. *اضطرابات نوم*
نوم خفيف ومتقطع. بتنامي بس جسمك مش بيدخل في مرحلة النوم العميق اللي بتريح العضلات.

✅5. *أعراض تانية كتير*
صداع، قولون عصبي، تنميل في الإيد والرجل، حساسية زيادة للضوء والصوت واللمس. حتى حضن خفيف ممكن يوجع.

📌*طيب سببها إيه؟*
لحد دلوقتي مفيش سبب واحد مؤكد، بس العلماء بيقولوا إنها خلل في طريقة المخ والحبل الشوكي في معالجة إشارات الألم. يعني المخ بيفسر أي إشارة عادية على إنها ألم شديد. كأن "مفتاح الألم" عندك معلق على العالي.

عوامل بتزود فرصة الإصابة: صدمة نفسية، عدوى معينة، ضغط عصبي مزمن، أو وراثة. 🧬

*بتتشخص إزاي؟*
مفيش تحليل دم ليها. الدكتور بيشخصها بالاستبعاد: يعني يستبعد أمراض تانية زي الروماتويد والغدة، وبعدين يعتمد على الأعراض وعلى اختبار "نقاط الألم" في الجسم.
ويجي بقا هنا دور التغذية وطبيعة الاكل اللي بيدخل جسمنا
*هل ليها علاج؟*💊🩺
مفيش علاج نهائي، بس الأعراض بتتسيطر عليها بـ:
- أدوية يوصفها دكتور روماتيزم أو مخ وأعصاب
- علاج طبيعي وتمارين خفيفة زي المشي واليوجا🧘‍♀️
- تظبيط النوم
- علاج نفسي لتقليل التوتر
- ✨تغذية مضادة للالتهاب✨

هي مش مرض خطير أو مميت، ومش بتدمر المفاصل زي الروماتويد. بس متعبة وبتأثر على جودة الحياة لو متعاملتيش معاها صح.

لو شاكة إن عندك الأعراض دي، لازم تزورينا وتعملي check على نفسك صحتك بالدنيا♥️🌍
والبوست الجاي هوضح دور ✨التغذية العلاجية ✨في الفابيروميالجيا وازاي نتعامل معاها بابسط الطرق الصحية🫵🫣لايك وشير وكومنت عشان يوصلك كل جديد

01/05/2026

*الدايت مش "ورقة وقلم".. الدايت "علم وفهم" 🧠✨*
​في ناس كتير فاكرة إن التغذية هي إننا نشيل النشويات ونعيش على المسلوق.. بس الحقيقة إن أي حد ممكن يخليك "تخس"، لكن مش أي حد يقدر يخليك "تصحى".
​ليه المتابعة معانا مختلفة؟ 😉
​1️⃣ مش بنمشي ورا الميزان: إحنا بنهتم بصحة شعرك، بشرتك، ومودك قبل الرقم اللي على الميزان. لو خسيت وشكلك بقى باهت، يبقى ده مش نجاح.. ده إرهاق!
2️⃣ مفيش حرمان: بنصمم نظامك بناءً على يومك، شغلك، والأكل اللي بتحبه. إحنا بنطوع الدايت لخدمتك، مش بنخليك عبد للنظام.
3️⃣ علاج المشكلة من جدرها: لو الحرق ضعيف بنعرف السبب (هرمونات، نقص فيتامينات، أو ستريس) وبنعالجه، مش بنقلل أكلك وخلاص.
4️⃣ تغيير لايف ستايل: هدفنا إنك لما تخلص معانا، تكون بقيت "دكتور نفسك"، عارف إمتى تاكل وإزاي توازن يومك من غير ما تزيد تاني.
​✅ الفرق بين اللي "قرأ كلمتين" وبين "المتخصص" بيبان في النتيجة اللي بتعيش معاك العمر كله.
​لو جربت طرق كتير وفشلت.. المرة دي المكان الصح اللي هتبدأ فيه بجد. 🎯
​📍 للحجز والاستفسار:
♦️*العيادة*
📍612 برج الاطباء زيزنيا شارع ابو قير امام جامع يحي مدخل ميكس براند والنجار الدور الاول.
📍https://maps.app.goo.gl/U6w5d9q1qmnLtSTR7
للحجز:
01210032299
📌اونلاين:

01050255867 WhatsApp Only🪀📩

30/04/2026

📢📢📢ابني مابياكلش!"..

صرخة كل بيت، بس هل فعلاً فيه مشكلة؟ 🤔
ابني "نفسه مسدودة"، ابني "عايش على الهواء"، ابني "أصغر من أصحابه"🥲..

دي أكتر جمل بسمعها يومياً في العيادة من أمهات قلقانين جداً. بس خليني أقولك سر صغير يطمن قلبك: مش كل طفل مابياكلش الكمية اللي إنتي عاوزاها، يبقى عنده فقدان شهية!

ا​متى نقلق فعلاً؟..

​قبل ما تضغطي عليه أو تجري تشتري "فاتح شهية"، شوفي طفلك عنده العلامات دي ولا لأ:
📌​النشاط: هل طفلك خامل ودايماً تعبان، ولا بيلعب وبيتحرك ونشاطه طبيعي؟
📌​الوزن والطول: هل فعلاً فيه تراجع في منحنيات النمو، ولا وزنه ثابت وصحته كويسة؟
📌​المرض المتكرر: هل مناعته ضعيفة وبيمرض كتير؟

​لييييه طفلك ممكن يكون رافض للأكل؟ (أسباب ممكن تكون مش في بالك 💡)
📌​مرحلة "الاستقلال": في سن معينة (خصوصاً بعد السنة الأولى)، الطفل بيبدأ يكتشف كلمة "لأ" ويجربها في الأكل عشان يثبت شخصيته.
📌​طفرات النمو : الطفل مش بينمو بنفس السرعة كل يوم، فيه أيام شهيته بتفتح وأيام بتقل جداً وده طبيعي فسيولوجياً.
📌​السعرات "المستخبية": كوباية عصير كبيرة أو شوية شيبسي قبل الغدا بساعة كفيلة تقفل معدته الصغير تماماً.😰

​نصيحتي ليكي النهاردة:
​الضغط على الطفل والتوتر وقت الأكل بيحول الوجبة لـ "معركة"، وده بيخلي الطفل يكره الأكل أكتر. الحل بيبدأ بالهدوء وفهم طبيعة جسمه.

​💬 دلوقتي دورك يا ماما..
اكتبي لي في التعليقات: عمر طفلك كام؟ وإيه أكتر أكلة بيرفضها تماماً؟
وهرد عليكي وأقولك هل ده طبيعي لسنّه ولا محتاجين نتحرك. 👇

08/08/2025

يسعدني استقبال جميع حالات [[الاطفال]] في عيادة الطب التطوري
العنوان ☂️
مرتضي, جناكليس امام صيدلية حسيب الدور الاول شقة ٦
https://maps.app.goo.gl/bTaLn5oRqqhht8xr6
: للحجز ☂️
0 12 20116762

★★★★★ · Mental health clinic

24/07/2025

A very intersting session about neutrigenatics from MK LABs

24/07/2025