20/06/2025
#الخيانة
الخيانة مش لازم لها فعل معين، لكن الخيانة إنك تكون مش أمين مع الشخص، إنك تكذب مثلًا، تكون مش واضح قدام الشخص ده.
آنا بشوف إن الخيانة هي إنك بتخون نفسك انت الأول قبل ما تخون حد تاني معاك في العلاقة.. لأن كلنا عندنا احتياج كبير إننا نكون مرتاحين وعندنا سلام نفسي.
اللي بيخون بيفقد السلام ده دايمًا، هو نفسه مش بيعرف يحترم نفسه ويحبها بشكل سليم ، لأن ببساطة هو مكنش أمين على نفسه ولا مسؤول وحازم معاها.
فخليني أقول: لو حد اتعرض لده فيكم، أكيد هتكون موجوع دلوقتي، 😔بس صدقني الخيانة دي مش ليك انت، مش علشان انت قصرت مثلًا، لا أبدًا.
أي حد مكانك مع نفس الشخص كان هيتعرض لده، لأن دي مشكلة عدم أمانة، وعدم حب ووعي ومسؤولية اتجاه الشخص لنفسه أولًا، فبالتالي مش بيكون عارف يكون أمين مع غيره.
فنصيحة: خليك أمين مع نفسك بأكبر قدر ممكن علشان تقدر تكون أمين مع شريك حياتك.😊🤍
