Yoga Diet

01/07/2025

بيقولك Privacy Is Power
يعني الخصوصية قوة.. ليه بقى؟

قالك People Cant Ruin What They Dont Know
يعني الناس مش هتحاول تبوظ حاجة هما أساسًا مش عارفينها.

22/06/2025

10 نصائح اتعلمتهم وفادوني جدا جدا

١- لو مشحنتش موبايلك قبل ما تنام، هتندم تاني يوم طول اليوم لانه هيفضل يفصل.

٢- لو انت مدمن قهوة.. بعد ما تخلص شرب فنجان القهوة بتاعك متسيبهوش ف اوضتك، وروح اغسله.
طول ما الاوضة ريحتها قهوة هتشرب تاني وتالت.

٣- لما تقوم من علي الاكل ~ بتشبع.
فلو عايز تقلل اكلك قوم متطولش ف القعدة.

٤- الشاور قادر يطلعك من اي mood وحش.. فلما تحس ببوادر مشاعر سلبية، قوم خد شاور.

٥- الاهتمام الزائد بأي حاجة بيبوظها، زي مثلا:
الاهتمام الزائد بعلاقتك مع حد ييخليه يزهق
الاهتمام الزائد ببشرتك بيخليها تبوظ اكتر.
الاهتمام الزائد بالضوافر بيكسرها.
الاهتمام الزائد بمستقبلك بيضيع الحاضر بتاعك.

٦- لو مخططتش ليومك بكرة من باليل او اول ما تصحي .. اعرف انه ضاع من قبل ما يبتدي.

٧- (اي حاجة بتجيب اي حاجة)
يعني اي؟
يعني مثلا:
الانجاز بيجيب انجاز
الكسل بيجيب كسل
التوتر بيجيب توتر
النجاح بيجيب نجاح
النوم بيجيب نوم
وهكذا..

٨- لما تركز ف حاجة واحدة بس بتفشل فيها.
زي مثلا لو انت طالب وقررت تركز ف المذاكرة وبس وتنعزل عن السوشيال وتمتنع عن القراءة وعن صحابك.
مش هتذاكر اصلا.
خلي يومك فيه كذا اوبشن..
وقتها هتنجز ف الحاجة الاساسية.
زي مثلا:
- القراءة اليومية
- حفظ القران الكريم
- تكلم حد من صحابك او عيلتك
- تهتم بنفسك، وبالمكان المحيط بيك.
- تاخد بريكات حلوة ومكافآت
- تتمرن و تلعب يوجا لمدة 10 دقائق

٩- النوم مش ضغطة زرار.
في حاجة اسمها "التمهيد"
ودي عن طريق تكوين روتين قبل النوم بسيط وسلس، ولكنك لما بتتقنه، بتنام تلقائي.
زي مثلا:
- هشوف عملت اي النهاردة واكتب يومياتي
- هقفل الداتا بتاعت النت واظبط المنبه واسيب الموبايل بعيد عشان اصحي اول ما يرن.
- هغسل سناني واتوضي واصلي
- هشرب كوباية ماية
- هقرأ ف الكتاب الورقي اللي سايبه علي السرير لغاية ما اروح ف النوم.

بعد كده، مجرد ما تبدأ السلسلة المترابطة دي.. مخك بيهيأ نفسه للنوم، ومجرد ما توصل لاخر خطوة وهي القراءة، هتلاقي نفسك روحت ف نوم عميق جدا من غير over thinking.

١٠- اللي بتعمله مع الناس بيتردلك بشكل او بآخر.
هتساعد حد هتلاقي اللي يساعدك.
هتسمع حد وقت حزنه هتلاقي اللي يسمعك.
هتشجع حد هتلاقي اللي يشجعك.
هتدعي لحد هتلاقي اللي بيدعيلك.
اينعم مش لازم الاحسان يجيلك من الشخص اللي احسنت اليه.. ولكن اكيد اكيد هتلاقي الاحسان حتي لو من حد تاني.
(اعمل الخير وارمي البحر)

04/06/2025

لا يا استاذ أنت مش ADHD عشان بتفرك كتير...
ولا انت برضة borderline personality عشان بتخاف من العلاقات وان حد يسيبك...
ولا برضة يا استاذ أنت مش bipolar عشان مزاجك بيتغير كل شوية...
يا استاذة انتي مش عشان خطيب مقالش صباح الخير يبقي نرجسي...
يا ابني افهمني انت معندكش social phobia عشان مش بتحب تقعد مع الناس...
مش لازم يبقي عندك depression عشان مزاجك وحش طول اليوم انت تمام...
ياجدع أنت antisocial ايه بس عشان مدفعتش أجرة الميكروباص لا طبعا...

الإضطرابات النفسية مكانها في العيادة

و الوحيدين المسموح باستخدام مصطلحات الطب النفسي المعالج او الطبيب النفسي فقط...
الاضطرابات النفسية مش موضة ، ولا المنظرة ، ولا جلب التعاطف ، ولا عشان تعرف نفسك بيها ، ولا روشنة ...
دي اضطرابات بتسبب معاناة وتؤثر علي حياة صاحبها ويتكون محتاجة علاج...
إستخدام مصطلحات مهمة زي دي بتحولها لشئ فاقد قيمته وعادي وهي مش حاجة عادية...

فهمت 🩵

16/04/2025

انت مش بائس اكتر من واحد بيشرب مياه بنمل

09/04/2025

✨ كان نفسي أقولكم ان ده وضع طبيعي بعد صيام رمضان
بس للأسف لا.. مع اننا فى صيف كمان بس المشكلة فى جودة كل حاجة بناكلها حالياً.. مافيش منتج سواء اكل او شرب طبيعي.. كلها بدائل

بجد حاولوا متاكلوش اي حاجة مصنعة بره البيت ولا فاست فود.. كمية الزيوت و السكر هاتزود الجوع اكتر بسبب انعدام الجودة.. بقالنا سنتين او اكتر الناس بقت بتفرح بإنتهاء رمضان بس الضغط و الجوع المستمر و مع انتهاء رمضان بقينا بناكل كتير مع اننا كنا بنتدرب على الصيام

✨ السبب التاني هو إن سوق الفاست فود بقى كبير اوي
كل الناس بتستثمر فلوسها فى الأكل و المطاعم عشان هي اللي بتكسب او هما ماشافوش نماذج مشاريع افضل

السوشيال ميديا كلها فيديوهات مطاعم و فودبلوجر بياكلو بشراهة و بسلوك غير ادمي و اقل واحد فيهم ممكن يطلب و ياكل المنيو كله لغاية ما حسينا انه طبيعي

مخنا بقى متحاوط بالصور و الفيديوهات دي طول الوقت و ده بيحفز إحساس الجوع دايماً

08/04/2025

حد واخد باله ان الفترة دي بنحس فيها بجوع اكتر من الأول و دايماً فيه شراهة للسكر؟ حتى الناس اللي مظبطة أكلها بدأت تحس ان شعور الجوع بقى اكتر من الأول؟

07/04/2025

Before you fall asleep, hit the strawberry.

🍓

07/11/2024

مين يحب يجي يقضي يوم بسيط و سط الطبيعة معانا ؟

16/09/2024

مين يحب يشاركنا اليوم ده ؟

05/08/2024

13/06/2024

حرام والله اللي بيحصل ده
🌳

03/04/2024

يوم كامل من الاستمتاع والاسترخاء وسط الطبيعة الخلابة في جولة سيراً على الأقدام محاطة بالحقول الزراعية والحيوانات وبساطة المباني الجميلة 🌿

المكان هو قرية دهشور ، مركز البدرشين ، الجيزة

اللي مايعرفش دهشور, تبعد حوالى 30 كيلو من القاهرة، و القرية دي متسجلة فى اليونسكو إنها منطقة تراث و دا عشان الآثار الموجودة فيها زي:
أهرامات الملك سنفرو (أبو الملك خوفو)
(الهرم الاحمر _ الهرم المنحني _ هرم الملك امنمحات الثالث والهرم الأسود (هرم مبني بالكامل من الطوب اللبن )

وده غير الحياة القروية البسيطة والهدوء التام والخضرة 🌿🌾

هانزور المكان طبعا و هانفطر فيه كمان ونركب خيل يوم الجمعة الجاية

ابعتولى رسالة لو حابين تنضمو لجولتنا 📩

This trip for all nature lovers and anyone who wants to escape the city

Join me for a day filled with beautiful sceneries, landscapes, and natural wonders! 🌿☀️

We’ll begin the day with a captivating agricultural tour, immersing ourselves in the countryside’s simplicity and connecting with local farmers.

Later, enjoy an Iftar with a delightful meal crafted with care using locally sourced produce. 🍲🍽️

Concluding your day with even more fun with different group activities that you don’t want to miss out on!

📩Send me a DM for details on bookings!