29/03/2026
بيجيلنا شاب ثلاثيني بيشتكي من ألم بأسفل القدم ، الألم وصفه انه بيكون شديد جدا بعد اوقات الراحة ( لسه صاحي من النوم مثلا او بعد الجلوس فترة طويلة ) و الألم بيتحسن بالتدريج لما بيتدي يمشي علي رجله شوية بشوية.
الألم ممكن يخلي المريض يلف شوية علي الدكاترة لأنه ممكن يطوّل " من ٦شهور لسنتين" و يتوه وسط تشخيصات تانية زي النقرس او الشوكة العظمية.
لكن التشخيص بتاعنا هو Plantar Fascietis او ( التهاب اربطة القدم ).
و دا موضوع بسيط لأن حله بسيط ،مش محتاجين ادوية لها اعراض جانبية خالص.
١- هنجيب اناء مياه ساخن ( ماية سخان الدش ) و ماء باردة من الحنفية العادية، نحط رجلنا في الماية السخنة قد ما نقدر نسحملها ثم نشيلها نحطها في الماية الباردة اول ما تبرد نحطها في الماية السخنة اول ما تسخن نحطها في الباردة ٤-٥ مرات كل يوم في يومين تلاتة.
٢- نفرد رجلنا قدامنا علي السرير و نشد مشط القدم و نرخيه كذا مرة لمدة ٣-٤ دقايق مرتين يوميا يومين تلاتة.
٣-تدليك القدم بمسكن موضعي كمية كبيرة و ليكن بالڤولتارين چل مرتين يوميا
لابد من منع تعرض القدمين المباشر للبلاط و السيراميك.
لابد بعد إسبوع من العلاج التحفظي دا استثناء الseronegative arthritis التهاب المفاصل السلبي كسبب لالتهابات اوتار القدم زي القولون المناعي، و إلتهاب المفاصل التفاعلي المصاحب لالتهابات قناة مجرى البول، و التصلب الفقاري.
و ما تشوفوش شر ❤️
منقول
