Dr-hany wahba عياده الدكتور هانى وهبه

24/04/2025

دور منتشر الايام دى عباره عن :ترجيع مفاجئ بعدها ،الطفل ملهوف على الميه بعدها، اسهال معاه ،سخونه ،ومغص .وهمدان بيصيب الاطفال فى السن غالبا تحت ٤ سنوات وتزيد الخطوره لو الطفل اقل من سنتين. دا عباره عن نزله معويه فيروسيه والمسبب الرئيسى ليها فى معظم الحالات فيروس الروتا دورك تمنع الطفل فى اسرع وقت انه ما يدخلش فى جفاف ويحتاج محاليل او حجز .محلول الجفاف وحقن الترجيع بتكون مهمه بعد استشاره الطبيب الى انت متابع معاه الكشف المبكر بيسهل جدا من عدم زياده الاعراض
د هانى وهبه لطب الاطفال ت ٠١٢٢٨٢٢٢٢٨٧

03/04/2025

من اليوم

مواعيد العياده يوميا من ٧:٣٠ الى ١١:٣٠

18/03/2025

الجديرى المائى منتشر الايام دى .الناس تاخد بالها اى طفل اخد العدوى ما يروحش المدرسه ولا الحضانه .

31/01/2025

انتشار كبير لأدوار النزلات الشعبيه والالتهاب الرئوى فى الأطفال والرضع . اى رضيع تحت ٦ شهور عنده كحه مستمره او نهجان او مش عارف ينام او مش عارف يرضع او بيشرق يتوجه للطبيب المعالج او لأقرب مستشفى لتقييم الحاله وعمل ألازم
للاسف الدور بيبدء برشح بسيط وممكن سخونه غير ملحوظه وفى خلال يومين لأربع ايام ممكن الدور يقلب بالتهاب رئوى حتى لو الدكتور كاتب علاج مش بيمنع حدوث الالتهاب الرئوى ولازم نكمل علاج وممكن يحتاج حجز
افضل علاج جلسات البخار وتنظيف الانف وعلاج الارتجاع

17/12/2024

بخصوص الدور المنتشر فى الاطفال والكبار ايضا .سخونه عاليه ,وهمدان ,ومعاه بعض الاغراض التاليه مش كلها كحه ,والم بالبطن ,وتكسير بالجسم ,والتهاب بالحلق ,صداع,اسبابه كثيره معظمها فيروسي محتاج راحه وسوائل واكل صحى ومتابعه وصبر احيانا الدور يتحسن ويرجع تانى الكحه بتسمر شويه محتاج متابعه مع الدور بانتظام خاصه الاعمار اقل من سنه وبالاخص اقل من ٦ شهور عشان ممكن يقلب التهاب رئوى بسهوله الطفل التعبان ما ريروحش مدرسه ولا حضانه لمده اسبوع ربنا يحفظ اولادكم جميعا
دهانى وهبه
طبيب اطفال وحديثى الولاده
شارع ترسا اعلى مكاوى ماركت اتجاه الطالبيه ٠١٠٠٠٥٤٣٧٥٤

12/10/2024

⭕️ بمناسبة دخول المدارس و تطعيمات المدرسة،
بخصوص تطعيم السحائي أو الحمى الشوكية.

📌هو تطعيم الحمى الشوكيه هو نفسه تطعيم السحائي؟
✅️ايوه.

📌هو التطعيم فى المصل و اللقاح أو في مراكز الأطفال وفي الصيدليات الكبرى مختلف عن اللى في المدارس؟

✅️الإتنين للوقاية من الحمى الشوكية، ولكن الاختلاف بيكون في الآتى :
- الحمى الشوكية في المدارس سحائي #ثنائي متعدد السكريات وبيكون أول كل مرحله دراسية.

- الثاني سحائي و بيتاخد مرة في العمر، ومرة منشطة عند اللزوم، أو قبل دخول الجامعة.. وهو أقوى بالتأكيد.

📌لو حد اتطعم حمى شوكية مقترن اللى في المصل و للقاح، ياخد في المدرسة؟
✅️ لا مياخدش، لأن المقترن بيدى مناعة طول العمر باذن الله فملوش لازمة.

📌طيب لو حد أخد المقترن، وبالغلط اخد في المدرسة، كده خطر؟
✅️ لا مفيش مشكلة، بس ملوش لازمة.

📌هو ممكن ادى تطعيم الحمى الشوكية مع تطعيم الإنفلونزا بالمرة ؟
✅️ آه ، مفيش مشكلة.
منقول

10/09/2024

تطعيم الأنفلونزا الموسمية

- ليه المفروض كلنا نتلقي تطعيم الأنفلونزا الموسمية ؟

ما فيش حاجة أسمها تطعيم البرد دي كلمة دارجة تسببت في أن ناس كتير بتطنش التطعيم أعتقادا منهم أنه دور بسيط و تافه مش مستاهل نتشكشك عشانه .
علي العكس الأنفلونزا مرض خطير ممكن يؤدي لمضاعفات شديدة قد تستلزم الحجز في المستشفي و للأسف قد تتطور لما لا يحمد عقباه .

- مين الي المفروض يتطعم ضد مرض الأنفلونزا الموسمية ؟

أي حد سنه فوق ٦ شهور المفروض أنه يتطعم ، التوصيات دي تم الأتفاق عليها من أكتر من ١٤ سنة (٢٤ فبراير ٢٠١٠ بعد جائحة أنفلونزا الخنازير ) من الهيئة الناصحة لممارسة التطعيم التابعة لمركز التحكم في الأوبئة.

- أمتي المفروض نتطعم ضد الأنفلونزا الموسمية ؟

كل ما كان بدرى كل ما كان أحسن عشان كدة اول ما التطعيم يبقي متوفر نلحق نتطعمه ( التطعيم حاليا متوفر في كل مكان العيادات ، المصل و اللقاح ،
حتي الصيدليات ) .
ما فيش مشكلة نتطعم لحد شهر يناير و بعد كدة كمان بس المشكلة أننا كل ما بنتاخر كل ما بنفوت الفترة الي أنتشار المرض فيها بيبقي عنيف .

إحنا محتاجين كام جرعة من التطعيم ؟

الأطفال من عمر ٦ شهور لحد ما يتموا ٨ سنين الي بيتطعموا لاول مرة او ما أخدوش جرعتان قبل كدة محتاجين جرعتان من التطعيم ما بينهم ٢٨ يوم علي الاقل ، الباقيين محتاجين جرعة واحدة بس .

- بنسمع للأسف حد يقول أنا أخدت التطعيم قبل كدة و من بعدها جالي الدور بعنف و يتهم التطعيم أن هو السبب ، هل الكلام ده سليم ؟

الكلام ده غير سليم بالمرة بما أنه تطعيم مقتول (inactivated ) مش مضعف (live attnuated ) ، و بالتالي ما فيش مجال علميا أنه يتسبب في المرض .

- هل تطعيم الأنفلونزا الموسمية آمن ؟

الأجابة قطعا ، آه، التطعيم آمن تماما
مئات الملايين من البشر تلقوا التطعيم بسلام خلال السنوات السابقة.
بس طبعا زي أي تطعيم تاني ممكن يتسبب في بعض الآثار الجانبية البسيطة زي الم مكان التطعيم أو إرتفاع طفيف في درجة الحرارة ، التطعيم آمن لدرجة أننا بننصح بيه حتي للحوامل .

- يا دكتور الأنفلونزا الموسمية ليها فصائل و متحورات كتير ، أيه الي يضمنا أن التطعيم الي هناخده مناسب للموسم ده ؟

سؤال وجيه ، حاليا في ١١٤ مركز قومي في العالم شغلتهم بس أنهم يدرسوا أيه الأنواع الي أنتشرت في المواسم السابقة و المتوقع أنتشارها في الموسم الحالي و عوامل تانية كتير بناء عليها بيطلعوا توصيات للأربع فصائل من الفيروس الي هيتم إدراجهم في التطعيم و بالتالي النتيجة المتوقعة أنه يكون فعال و يقلل من إحتمالية الأصابة بالعدوي و من شدة الدور لو حصل .

مع أطيب أمنياتي بموسم دراسي ناجح و شتاء هادئ خالي من نزلات الأنفلونزا .
منقول

23/07/2024

16/07/2024

الايام دى بسب الحر انتشار كبير فى حموالنيل دمامل نزلات معويه حراره عاليه قله التبول جفاف مطلوب الاستحمام ميه من الحنفيه مرتين إلى ٣ مرات سوائل طول اليوم وممكن محلول جفاف بالفم .مرطبات الجلد المعروفه اكل خفيف نقلل اللبس ويبقى قطن العلاج السريع ما نتاخرش على الطفل

16/06/2024

ناخد بالنا من التجمعات فى العيد كل عام وانتم بخير مع دخول الحر الشديد حالات كتييير بدات تظهر حراره مرتفعه جدا تصل الي الاربعين وتستمر ٣او ٤ ايام مع التهاب بالحلق وكحه جافه اولا ثم تكون مصحوبه ب افرازات وبلغم مع المغص واسهال. .. وللاسف نجد انه نتجيه فيروسات روتا وكورنا او غيرها من الفيروسات المنتشره هذه الايام ..الدور غالبا بياخد ٥ أيام ويعدي بسلام مع مخفضات الحراره مثل باراسيتامول والسوائل الكثيره وبعض الادويه ولكنه معدي جدا لكل المخالطين وللاسف في بعض الأحيان قد يصل الي الالتهاب الرئوي و قد يحتاج حجز بالمستشفي وتعلق محاليل بالوريد فيجب الذهاب الي طبيب الاطفال المختص وعمل بعض التحاليل وحتي لا يحدث زياده كبيره في الحالات. فيجب اخذ الحذر في التجمعات .مع غسل اليدين بالماء ودمتم بكل بخير وكل عام وحضراتكم بخير
د هانى وهبه طبيب اطفال ٠١٢٢٨٢٢٢٢٨٧