عيادة د/ يوسف عادل بمزاتا والشيخ جبر حميات اطفال باطنة

20/12/2021

نظرا لبرودة الجو وقلة شرب المياه هتبقى في حالات مغص كلوي حدث ولا حرج
وكذلك حالات الجلطات اشربوا مياه

20/12/2021

في الجو ده اللي مضطر ينزل
اشرب كوباية مياه قبل ما تطلع مهمة جدا عشان الجلطات خلى بالك

08/11/2021

تاني وتالت ورابع .. أحذر بشدة الفترة دي من إنتشار حالات الإلتهابات الرئوية وإلتهابات الشعب الهوائية ونوبات الربو والحساسية .. الحالات كتيييرة جدااا في كل مكان وعلي كل المستويات..

في شوية حاجات مهمة جداً لازم ناخد بالنا منها..

أي طفل أقل من سنة عنده برد أو بيكح أكشفي عليه مجرد ظهور البرد ما تجربيش علاج من الصيدلية..

لو الطفل أقل من 6 شهور الإستشارة لازم تكون قريبة
يعني بعد يومين تلاتة بالكتير لأن تطور الحالات غريب يعني ممكن الطفل يكون في بداية الدور النهاردة وبعد يومين يتدهور ويدخل في صعوبة تنفس ويحتاج أكسجين وحجز ف مستشفي..

الإلتزام بالعلاج بحزافيره بدون تقصير..

لو ماشين علي العلاج والجلسات مظبوط والطفل ما بيرضعش كويس وبينهج جامد ومش عارف ينام اتحركي بيه فورا علي أقرب دكتور أو مستشفي..

طيب لو ما فيش سخونيه والطفل بينام كويس وبيرضع كويس ما تقلقيش من الكحة وخرفشة الصدر هتطول شويه ممكن توصل لأسبوعين تابعي بس مع الدكتور لحد ما نعدي الفتره الصعبه دي..

أهم حاجه في العلاج تنضيف الأنف لأنها أساس المشكلة وعن تجربة أحسن حل هو محلول الملح..

الجلسات مش مخدرات والطفل مش هيتعود عليها ارحمو العيال واديهم الجلسات حتي لو وصلت عشر مرات في اليوم..

الأطفال اللي عندهم حساسية أنف بخاخات الأنف زي الفليكسوناز والتيكناز والنيزونيكس والأفامايس مهمة جدا جدا جدا..

الأطفال اللي عندهم حساسية صدر بخاخات الصدر والإلتزام بها حماية لهم وإنقاذ لحياتهم بمعني الكلمة..

دور برد عند حد كبير لو اتنقل لطفل يعمله إلتهاب شعب هوائية وصعوبة في النفس جامدة فأي حد عنده برد ما يقربش من الأطفال خاصةً الصغيرين..

31/10/2021

31/10/2021

أهم #الفوائد #الصحية للبصل :
1- #البصل فعال ضد نزلات البرد و #الزكام.
2- يعمل على خفض نسب #السكر و #الكوليستيرول في الدم
3-يحمي البصل من #مرض هشاشة العظام
4- يعتبر البصل مضاد قوي للالتهابات
5- يحتوي على الفيتامينات و الأملاح المعدنية المفيدة لبناء الجسم مثل فيتامين سي و ب و عنصري الصوديوم و #الكالسيوم.

29/10/2021

بشرى لاهالى مزاتا والشيخ جبر والقرى والنجوع المجاورة
عيادة د/يوسف عادل
حميات اطفال باطنة
العنوان مزاتا والشيخ جبر بجوار نادى مزاتا الرياضى اعلى صيدلية د كيرلس يسرى
عن الكشف بسعر رمزززززززى جدا جدا طوال أيام الأسبوع
مواعيد العمل من الساعة 4مساءا إلى 11مساءا
للاستفسار الاتصال على الرقم 01156536212
يوجد في العيادة جهاز قياس الصفراء للرضع ف الجلد
جهاز قياس الأكسجين وسكر الدم
والكشف بجهاز الأشعة التلفزيونية

05/10/2021

العلاج ممكن يكون استخدام جيل طبى مثل ميكوناز او داكتارين للفم

05/10/2021

غالبا معظم الناس عندهم جرثومة المعدة ومش عارفين

جرثومة المعده وكيفية علاجها والوقايه منها 🌹💮✌

س - إيه هى جرثومة المعدة ؟
- ج - دى عبارة عن بكتريا تدخل الجسم عن طريق الاكل والشرب وتفضل عايشة جوه القناة الهضمية بتاعتك . بيسموها الميكروب الحلزونى او جرثومة المعدة ( H.pylori ) ...

# س - هل منتشرة بين الناس ولا محدودة فى ناس معينة ؟
- ج - منتشرة جدا بينا كلنا .. تخيل مثلا لو عددنا ٩٠ مليون فى ٦٠ مليون معرضين للإصابة بيها ( حوالين تلتين السكان ) ..

# س - طيب هل تعمل قرحة مع كل الناس ؟
- ج - لا غالبا مش بتعمل مشاكل مع كل الناس لكن الناس اللى عندهم مشكلة فى المعدة زى التهاب هتعملهم قرحة ...

# س - طيب بتدخل الجسم ازاى ؟
- ج - بتدخل مع الأكل والشرب ..
- الأكل اللى مش نضيف او اللى مش مطبوخ كويس يعنى ني شوية ولذلك بتجي لمعظم الناس اللى بياكلوا من المطاعم خصوصا لو مطعم مش نضيف او الأكل مش مطبوخ كويس ...
- الشرب طبعا اللى مش نضيف وطبعا مصر المية بتاعتها ملانه بكتريا عشان نظام الصرف عندنا داخل مع الرى ومع الشرب ...

# س - طيب دخلت خلاص ها وبعدين بتعمل ايه فى المعدة ؟
- ج - ممكن تفضل سنين فى جسمك بدون مشاكل وطول الفترة دى واحدة واحدة تبدأ تهاجم بطانة المعدة والأمعاء وتعمل تآكل فيها زى جرح كده فلما المعدة بتاعتك تفرز حمض ال HCL اللى بيهضم الأكل يقوم يروح على المناطق المجروحة دى ويعمل قرحة معدة ...

# س - طيب لو انا عندى قرحة نتيجة جرثومة معدة هحس بإيه .
- ج - هتلاقى عندك ألم فى بطنك ومعدتك فاضية وانت وانتي جعانة ولما تاكل وتاكلي الألم يخف شوية ويرجع يجى تانى بين الوجبات ..
- دايما عندك انتفاخات وغازات ..
- دايما عندك تكريع ...
- هتحسى وهتحس بغثيان وممكن ارتجاع ..
- وزنك هيقل فجأة بدون سبب ...

# س - ايه العلامات اللى اخاف منها الخطيرة ؟
- ج - لو فى دم فى الموضوع ..
- سواء دم فى البراز احمر او البراز لونه اسود ..
- او لو رجعت ورجعتى دم ..
- او لو الالم على طول مش بيروح او حاسة بتعب شديد وتوهان .

# س - طلعت موجوده عندى ايه العلاج .
- س - غالبا العلاج بيكون كورس14يوم

# س - امتى اعمل تحليل اتأكد راحت ولا لأ ؟
- ج - بعد شهر من العلاج ..

# س - طيب هل فى ادوية بتأثر على نتيجة التحليل ؟
- ج - ايوه المضاد الحيوى لو بتاخديه وبتاخده وروحت وروحتي عملت تحليل هيطلع سالب عشان كده قبل ماتروحى لازم توقفى المضاد الحيوى اسبوعين على الاقل قبل ماروح ...

H.pylori

05/10/2021

الحزام النارى أو
Herpes Zoster

هنتكلم عنه النهاردة شوية لأنه منتشر جدا الايام دى
اسبابه :
هو التهاب فيروسى يصيب الجلد و العصب ...الفيروس المسبب له هو نفس الفيروس المسبب للجديرى المائى اللى بييجى للأطفال فى سن المدرسة .
للاسف بعد الاصابة بالجديرى يختبئ الفيروس ويعيش لسنوات في الجهاز العصبي بحالته غير النشطة، وقد ينشط الفيروس مسببًا الحزام الناري منتهزا اى نقص فى المناعة بسبب كبر السن أو مرض السكر أو حتى الضغط العصبى

أعراضه:
تبدأ أعراض الحزام الناري بالظهور، حيث يشعر الشخص بألم في اتجاه واحد من الجسم، في المناطق الجلدية التي يصيبها الفيروس، فتستمر هذه الآلام لعدة أيام، قبل أن يبدأ الطفح الجلدي بالظهور..... فيشعر الشخص بحرقان شديد في الجلد المصاب أشبه بالنار، وقد تكون هذه الألآم مصحوبة بارتفاع طفيف لدرجة حرارة الجسم أو ضعف وصداع عام.
وهذا الألم من أول الأعراض ظهوراً عند الكبار، وبالنسبة للصغار فإنّ ظهور الطفح الجلدي يعتبر من أول الأعراض في أغلب الحالات، وهذه الآلام قد تستمر مع وجود الطفح الجلدي، ومن الممكن أن يشفى الجلد تماماً، ولكن قد تبقى الآلام التي يشعر بها الشخص لعدة شهور بعد شفاء المرض، وبالأخص عند المرضى من كبار السن والذين يعانون من أمراض أخرى كالسكري، وضعف المناعة، لكن هناك حالات كثير ينتهي بها الألم مع اختفاء الطفح الجلدى .
الطفح الجلدى يكون عبارة عن بثور حمراء صغيرة بها سائل فى نفس مكان الألم و قد تستمر من ٢ ل ٤ اسابيع ثم تختفى تماما غالبا دون أثر.

العلاج:
إذا أصيب الشخص بالحزام الناري فعليه مراجعة الطبيب بسرعة ، فكلما تم تشخيص هذا المرض بشكل فوري و سريع و تم اعطاء مضادات الفيروسات فى اول ٧٢ ساعة من الاصابة كلما زادت سرعة شفاء الشخص المصاب و قلت نسبة المضاعفات المتوقعة بشكل كبير...
د ابانوب سامى اخصائي الامراض الجلديه و التناسليه بسوهاج

17/09/2021

هدفنا الرئيسي
هو النجاح ف خدمة الناس وارضاء الله

06/09/2021

بشرى لاهالى مزاتا والشيخ جبر والقرى والنجوع المجاورة
عيادة د/يوسف عادل
حميات اطفال باطنة
العنوان مزاتا والشيخ جبر بجوار نادى مزاتا الرياضى اعلى صيدلية د كيرلس يسرى
عن الكشف بسعر رمزززززززى جدا جدا طوال أيام الأسبوع
مواعيد العمل من الساعة 4مساءا إلى 11مساءا