13/05/2025
🚩تنبيه هام لأي حد بيتابع تغذيه أو دايت مع دكتور
- لو اول ما تدخل على دكتور فى العيادة و يقولك احنا هنعمل جلسات بأحدث الأجهزة لتفتيت الدهون و نزول الوزن و ... الخ من الكلام الفاضى ده ( سيبة وامشى .. بكلمك بجد)
--
- لو اول ما تدخل بص انا جايلي دوا من بلد متعرفش تقول اسمها اصلا ..الشريط ده هيعمل في الشهيه عمايل وبكام
ب ٣٣٢ ج ونص .. ويتاخد قبل الغدا ب ٤٣ دقيقه
لو قبله ب ٤٤ دقيقه مش هيشتغل 😂 .. ( سيبه وامشي )
--
- لو اول ما تدخل و يقولك ان الحرق عندك ضعيف من غير حتي ما تمشي في اي نوع دايت أو يعملك تحاليل يعرف بيها
وفى كورس هيزود الحرق و بيعمل و يسوى(سيبه و امشى)
--
- لو اول ما تدخل قالك فى اعشاب بتعمل و تسوى و تنسف و تحرق و وووو ( سيبه و امشى ) .
--
- لو اول ما تدخل و يقولك احنا هنمشى على نظام الدايت بس هنعمل معاها حقن موضعى و باكيدج جلسات ... ( سيبه و امشى ) .
-----
ببساطة شديدة :
1- الجلسات والحقن و الأمور دى كلها دى حاجات تجميلية , تجميلية يعنى تتعمل فى اخر الدايت خالص بعد ما تكون مشيت على سيستم اكلك على الأقل على الأقل 3 شهور متتالية بعد كده تبقى تبصلها و تعملها , غير كده ولا ليها اى تلاتين لازمه .
2- طبيعى انك جاي من لغبطة و اكلك غير منتظم ..طيب ما طبيعى ان حرقك ضعيف ! ما الأصل فى الموضوع انك الأول تظبط امور اكلك و سيستم يومك بعد كده تبقى تاخد اى حاجة تساعدك , لكن من البداية انت داخل عاوز حباية تحللك مشاكلك طيلة الشهور و الأسابيع و الايام اللى فاتت
💥 هو عارف انك عاوز كده ف لقاك صيده حلوة و محترمة للم الفلوس ! ف ده غلط ... والله غلط ي جماعه
🫵خلوا بالكم🫵لان للاسف الموضوع بقي فيه تجاره
وتجاره للاسف كلها بتتعمل عليك ...انت الخسران فيها
🚨 مش مهم عنده صحتك و يناسبك ولا لا.. أو تأثيره عليك
المهم بدل م ياخد منك جنيه ياخد عشره ..ربنا يعافينا كلنا ...
🔷ف الخلاصة بلاش تخلي حد يستغلك
وبلاش انت كمان تبقى عدو نفسك .
و دمتم بكل خير ♥
