03/10/2025
إيان كنت منظر زيارته لي بفارغ الصبر
والحمد لله زيارته أسعدتني جدا جدا
إني اطمأنيت عليه وعدي مرحلة القلق والخطر
الطفل الجميل دا
منذ حوالي شهرين بالضبط
فوجئت باتصال لأم ملهوفة علي ابنها
يا دكتور أنا كشفت علي ابني عنده الخصية وارمة وحمرا وبيبكي
وطلع عنده التواء في الخصية
ودكتور الأطفال قال لازم عملية حاااالا
طب انتم عملتم أشعة سونار ؟؟
آه عملناها
طب ابعتيها علي الواتس
وصوري الطفل
مكان الطهارة
بالفعل بعتت فيديو وصور
الخصية وارمة
وحمراء في جانب واحد
ومرتفعة
والطفل ثاني فخده علي بطنه وبيتألم
ودي علامات تدل علي وجود التواء في الخصية بدرجة كبيرة
وبالفعل تأكد التشخيص بالسونار دوبلر علي الخصية
وردي عليها
ان الطفل محتاج لعملية حااالا
وبالفعل تم ترتيب دخول الطفل لمستشفي خلال ساعة ونصف
كنا في غرفة العمليات
وبنعمل العملية
استكشاف علي الخصية
ونفاجأ بخصية سوداااااء تماما ومتورمة وملتوية
وبفضل الله تم فك الإلتواء
وبدأنا نلاحظ تغير علي الخصية ببطء
بدأ الدم يرجع شوية
وبدأت الخصية تتحسن في اللون لكن اللون الأسود بقي افتح قليلا لكن لم ترجع للون الطبيعي
وثبتنا الخصية
وفتحنا علي الجانب الآخر وثبتناه ايضا
وكان عندنا أمل في الله كبير ان الخصية ما تكونش اتأثرت جامد
وتابعنا علي الطفل لمدة شهرين
لحد ما بفضل الله
اطمأنينا النهاردة وجالي بالسونار الجديد
اللي بيؤكد ان الخصية بخير وما اتأثرتش والحمد لله
حجمها كويس وما قلش عن ما قبل العملية
بجد دي اكثر حالة ادخلت عليا السرور اليوم
إحساس عظيم انك تشوف نعمة ربنا عليك في العلم اللي أنعم به عليك وتشوف اثره الجميل في الأطفال واهلهم
فالحمد لله حمدا كثيرا كبيرا
في التعليقات
صورة تقرير الأشعة قبل العملية وتقرير شهرين
وهنزل العملية كلها علي قناة التيليجرام (بعد ما استأذنت اهله ) بعد يومين باذن الله
هدفنا من تنزيلها ان الناس يكون عندها ثقافة كويسة
اد ايه الامر بيكون حرج وخطير
وايه العلامات اللي إذا حصلت لازم نتصرف بسرعة
وممكن يستفيد منها بعض الجراحين
واحنا ايضا بنستفيد لو جراح متمرس شايف نقطة معينة تتعمل بافضل من كدة ينصحنا
ربنا يعلمنا ما ينفعنا وينفع الناس
من فضل ربنا علي الطفل إيان
ان ربنا وفق والدته انها تكشف بسرعة
ووفقها لدكتور أطفال شاطر
شك في الامر بسرعة وطلب فحوصات بسرعة تأكد التشخيص
ووفقهم لدكتور آشعة خبير قدر يوصف الحالة بدقة
ووفقهم لاتخاذ القرار بسرعة
ووفقنا كلنا اننا نعمل العملية بسرعة وبأمان بفضل الله
وربنا يجعل لي ثوابا في إنقاذ هذا الطفل ورفع الغم والهم عن اهله
شرفونا في عيادات دكتور أحمد عبده الأزهري
☺️
👈🏻للحجز والاستفسار:
📞 عيادة مدينة نصر: 01122550178
______________________
📞عياده فيصل: 01122550812
_____________________
📞 عيادة المريوطية :
01122261139
__________________
📞عياده شبرا الخيمة :
01156965529
دمتم وأولادكم سالمين🥰🌹
#جراحة
