ريهام العشي - Reham Alashi

13/07/2025

12/07/2025

الكلام الفاضي محاولة غير واعية للهروب من الذات."
خلي بالك في الوقت اللي بتتكلم فيه كتير في كلام فاضي خليك واعي وحاول تاخد وقت مع نفسك تفهم انت بتهرب من ايه وتتعامل معاه..

12/07/2025

الطلاق تجربة مؤلمة،.. لكنه مش معناه أنكِ "ناقصة" أو مكسوره".
هو مرحلة.. ممكن تكون موجعة، لكنها كمان فرصة تخليكي تعيدي اكتشاف نفسك،
تفهمي احتياجاتك، تتعاملي مع جروحك، وتعيدي ترتيب أولوياتك.

ادي نفسك وقت للحزن، ووقت للراحة، ووقت للنهوض.
متستعجليش انك تكوني أقوى ... ومتسماحيش لحد أنه"يُلخّصك في "عنوان

12/07/2025

مش كل وجع يبان.
في ناس بتضحك والدمعة جوّاها مكتومة.
الألم مش دايم، بس لو سكت عليه بيكبر.
فـ لو حسّيت إنك تعبان…
احكي، اكتب، -ارسم.
"السكوت مش قوة دايمًا… أحيانًا النجاة تبدأ بصوتك."

11/07/2025

🎊أنا مش متضايق، بس دماغي عاملة اجتماع بدون إذني، والقلق هو المدير، والذكريات المحرجة بتقدم عرض باوربوينت."*
اوقات كتيره بنحس ان دماغنا فيها حاجات كتيره منها اللي بنعرف نقراه ومنها اللي مش بنعرف لازمه ايه
عود نفسك كل يوم ٥ دقايق ترتب أولوياتك واي فكره مش
متسقه مع أولويات يومك تأجلها
#فاصله

11/07/2025

حاسس انك تعبان رغم انك نايم كويس، فقدت الشغف
بأقل الحاجات اللي كنت بتعملها في يومك ودايما حاسس انك مش قادر تتحرك؟...
ده مش كسل.. ده إنهاك عاطفي ونفسي وجسدي من ضغوط متراكمة ملاقتش متنفس صحي ليها

11/07/2025

هل سألها أحد "كيف حالكِ حقًا؟

المرأة ليست فقط أمًا أو زوجة أو ابنة أو موظفة…
هي إنسانة، تضغط على نفسها كل يوم لتُرضي الجميع، وتنسى أحيانًا أن تسأل نفسها: "هل أنا بخير؟"

👩‍⚕️ بين العمل، والبيت، والاهتمام بالأبناء، وتوقعات المجتمع...
تمرّ المرأة بلحظات إنهاك نفسي لا يراها أحد.
تبتسم وهي تتألم، تُعطي وهي فارغة، وتواصل بينما تنهار من الداخل.

لكن الحقيقة؟
المرأة تحتاج لمن يحتويها، لمن يسمعها دون حكم، ولحظة راحة دون شعور بالذنب.
إذا كنتِ امرأة تقرئين هذا الآن، توقفي لحظة واسألي نفسك:
"متى كانت آخر مرة اعتنيتِ فيها بنفسك؟"
العناية بالنفس ليست أنانية... إنها بقاء.

ولكِ، إن كنت ترى امرأة قوية من حولك… لا تنسَ أن تسألها بلُطف:
"كيف حالكِ؟" .
#لطافه

05/07/2024

الحب مش بالكلام..🙃
كلمه بنسمعها كتير ولكنها بدمر وبتضيع فرص في استمرار علاقات كتيره.. لأن ببساطه الشخص مش بيشوف حبك الا من خلال أفعالك اللي جزء منها الكلام .. قولوا لولادكم لحبايبكم لناس ممتنين ليهم انكم بتحبوهم..

22/04/2024

الفرشاه والأصلع..
اتنين قاعدين مع بعض في شقه واحده واحد كل يوم يصحى الصبح يسرح شعره بالفرشه وهو اصلا اصلع ومعندوش شعر.. والتاني كل يوم يقوله انت بتسرح ايه هو انت عندك شعر.. ميردش عليه فضلوا كده شهور وشهور وده مش بيرد والتاني برده بيعلق كل يوم انت بتسرح ايه انا مش فاهم انت اصلا مش عندك شعر لحد ما في يوم جه واحد تالت سكن معاهم ولاقي الراجل برده بيسرح بالفرشه رغم ان معندوش شعر وراسه ملتهبه .. استغرب جدا وقال انا هجيب للراجل ده كريم عشان يعالج بيه الالتهابات دي وهشيل الفرشه من قدامه عشان ميزودش الالتهابات على راسه.. الراجل ده ملقاش الفرشه فضل يزعق ويقول فرشتي فين فقاله جرب الكريم ده عشان الاحمرار اللي في راسك الأول المهم الراجل حط الكريم واستريح عليه بعديها جابله باروكه ورجعله الفرشه ..
الشخص الاولاني ده بنسميه الذات الناقده قاعده تعلق وخلاص زي مانت كده بتقعد تقول انا فاشل انا حمار
اما الشخص التاني ده بنسميه الذات الفعاله اللي بدور عالمشكله وتحلها
التغيير دايما محتاج فاعليه اما رصد الأخطاء فلن يجدي سوى المزيد منها....

22/04/2024

التعاطف ببساطه معناه أنك تحط نفسك مكان الآخرين وتحس بمشاعرهم مش انك تقعد تحكم عليهم وتقول ياحرام لو كان بس خد باله- لو كان بس معملش كذا وكذا وكذا لان ده مسموش تعاطف ده اسمه نقد ولوم لمواقف ممكن انت كمان تقع فيها بمنتهى السهوله
وبالتالي لما تلاقي حد في مشكله وقررت تقدم تعاطف
رقم ١. مفيش نقد ولا تعديل ولا توجيه
رقم ٢.فقط تواجد واسمع وكن متراحم
رقم٣. متقدمش اكتر من اللي الطبيعي لان اي حاجه زياده ممكن تحسس الشخص بالشفقه مش التعاطف.