د/اماني توفيق علام استشاري الأنف والأذن والحنجرة

18/04/2026

بنبه تاني وتالت وعاشر إن بعض الأدوية اللي بتتاخد دون📢📢📢📢📢📢📢📢📢📢📢📢📢📢📢📢📢 استشارة الطبيب يعني دوا استريحنا عليه لعلاج مرض والطبيب حدد جرعته منرجعش ليه تاني غير باستشارة الطبيب ومنكررش الأدوية من نفسنا طالما بتريحنا
بعض الأدوية المستخدمة لعلاج الحساسية بتشتت انتباه الأطفال وبتؤدي الي الانتحار في الكبار الأدوية دي زي asmakast
Montelukast
Singulair
الأدوية دي بتتاخد بجرعات محددة بالوزن وفي حالات محددة ولفترة محددة

18/04/2026

📢📢🛑 الالتهاب السحائي
📌 إلتهاب الأغشية المحيطة بالمخ والحبل الشوكي
📌 بتحصل نتيجة عدوي فيروسية أو بكتيرية
🟠نتيجة الاختلاط بحد عنده المرض أو مضاعفات لمرض عند الشخص نفسه
🟠إلتهاب الأذن الوسطي المزمن أو إلتهاب الجيوب الأنفية أو مضاعفات للعمليات الجراحية في قاع الجمجمة
🛑🛑هل ده مرض جديد.. لأ موجود وبتحصل إصابات لكن مصر بتبذل مجهود خرافي وملايين التطعيمات الواجبة لطلبة المدارس والناس اللي بتسافر حج وعمرة ومن الدول اللي يرفع لها القبعة صراحة في هذا المرض وأمراض وبائية تانية كتير
📌📌الشخص المصاب بيصاب بحمي شديدة وترجيع شديد مفاجئ غير مصاحب بغثيان قبله وحساسية للضوء مع صداع شديد يبدأ يحصل كمان تيبس للرقبة
🔺🔺🔺يجب البدء في المضادات الحيوية الوريدية مع عزل الشخص المصاب وده طبعاً في مستشفي حميات
لو اهملنا العلاج المبكر الحالة بتتطور لأجزاء المخ نفسه وبيبدأ المصاب يفقد مراكز حسية واكثر شئ بيتم فقده هو عصب السمع
🛑🛑🛑🛑الأشخاص اللي اختلطو بالشخص المصاب لازم ياخدو مضاد حيوي وقائي ويطعمو مع طبعاً لبس كمامة وجوانتي عند الاختلاط بالشخص المصاب

13/04/2026

هقلكم سر... الأعياد وعيد شم النسيم بالتحديد لطبيب الأنف والاذن شئ معناه خرز واجسام غريبة في ودن طفل أو في مناخيره.. كسور أنف أطفال وكبار.. اذكر مرة أخدت أدوات استخراج الجسم الغريب وقعدت علي باب الطوارئ المح أهل جايين يجرو بطفل اسالهم جايين أنف واذن واستخرج ا
لجسم الغريب تقريباً شفت أكتر من ٨٠ حالة في الشفت مابين فل وسفنج وخرز وفرت ترياج واستدعاء وصعود للقسم وتكدس
فكل عام وانتم بخير جميعاً
حفظ الله الجميع

19/02/2026

12/02/2026

سيدة في العقد الثامن من العمر.. بتاكل قطعة لحمة وقفت في البلعوم وقررت عدم النزول ..
التاريخ المرضي للسيدة علي لسانها وعلي لسان أبنائها وأحفادها مفيش ضغط مفيش سكر لم تدخل غرفة عمليات من قبل والمريضة صائمة تجهيزا لإجراء منظار لاستخراج الجسم الغريب ..
علي ترابيزة العمليات.. ضغط المريضة عالي جداً وسكرها ٥٠٠.. مراجعة التاريخ المرضي مرة أخرى للسيدة علي لسانها بعيداً عن الأبناء والأحفاد المريضة تعاني من ضغط الدم المرتفع ومرض السكر.. ويوجد انسداد في البلعوم نتيجة إجراء جراحات سابقة اللي هي
٨ عمليات جراحية
الأبناء اخفو التاريخ المرضي وادعو الصيام بحجة استخراج الجسم الغريب والمغادرة ..
في حالة مريض مسن ومريض ضغط احتمالات النزيف عالية جداً والإصابة بجلطات أثناء الجراحة وارد عدم الخروج من غرفة العمليات وارد جداً
لما بيتم إخفاء أشياء مهمة زي دي عن الطبيب لمصلحة من أكيد الطبيب أكتر حد هيبقي حريص على المريض وحريص علي خروجه علي خير وفيه إجراءات جراحية بديلة وكل حالة ليها التخدير المناسب لها ...
بصفة عامة في حالات وقوف جسم غريب في البلعوم لو فيه انسداد في مجري التنفس او عدم القدرة علي ابتلاع اللعاب دي حالة طوارئ قصوي
في حالة انتظام التنفس والقدرة علي ابتلاع اللعاب يتم شرب الماء بانتظام لترطيب البلعوم ومن ساعتين ل ٦ ساعات بتنزل الأجزاء دي في أغلب الأحيان وفي أحيان قليلة بندخل عمليات لاسخراجها بالمنظار الاهم عدم الانجراف ورا الأفكار الشعبية بابتلاع قطن أو أشياء أخري حتي لايزداد الأمر سوءا أو نوصل لانسداد مجري التنفس
دمتم بخير دائماً

16/08/2025

مريض ٧٠ سنة مدخن شره وفي الفتره الاخيره دخل في مشاحنات وكان بيعلي صوته فحصل تمزق بسيط في الاحبال الصوتية
بنمشي علي خطة علاج ونتابع
في المتابعات...المريض مبيتحسنش
نراجع خطة العلاج
العلاج: نوقف تدخين...المريض ملتزم قدر الإمكان
علاج دوائي: المريض ملتزم
جلسات تخاطب: المريض مبيحضرهاش أصلا...ليه.. لأني مش هكون في السن ده واقعد أتعلم الكلام زي الأطفال الصغيرين ..............................................................
طبيب التخاطب بيبقي جزء أساسي من خطة العلاج الخاصة بأمراض الحنجرة وبيكون من من خطته العلاجية أخصائي نفسي بيهيأ المريض للاستجابة والاندماج في جلسات التخاطب لأن في السن الكبير بالذات بيكون صعب علي المريض الإلتزام بالجلسات لاحساسه بالحرج ............................
عدم الإلتزام هيضطرنا الي إجراء جراحة دقيقة في الحنجرة وبعد إجراء الجراحة بيكون طبيب التخاطب هو الجزء الأساسي في خطة العلاج
دمتم سالمين دائماً

💚 عيادة دكتورة أماني توفيق علام تتمني لكم السلامة 💚

🛖 العنوان: تلا.. برج الفيروز.. أمام الساحة الشعبية
📒المواعيد : من السبت إلي الاربعاء من الساعة العاشرة
صباحا إلي الساعة الثانية ظهراً
📞 الحجز: 01007237158
📞 الطوارئ: 01011211673

01/08/2025

مواعيد العمل بالعيادة من ١٠ ص إلي ٢ ظ بدءاً من ١ أغسطس إن شاء الله

💚 عيادة دكتورة أماني توفيق علام تتمني لكم السلامة 💚

🛖 العنوان: تلا.. برج الفيروز.. أمام الساحة الشعبية
📒المواعيد : من السبت إلي الاربعاء من الساعة العاشرة
صباحا إلي الساعة الثانية ظهراً
📞 الحجز: 01007237158
📞 الطوارئ: 01011211673

08/07/2025

وكان فضل الله عليك عظيما
بداية العمل في عيادة برج الفيروز أمام الساحة الشعبية لتلا بجوار بنك مصر
الدور الثاني شقة رقم ٥
مواعيد العمل...من ١٠ ص إلي ٢ ظ يومياً عدا الخميس والجمعة

20/06/2025

🔺 السماعات الدقيقة اللي الطلبة بتستخدمها للغش
بيضطرو يدخلوها جوه فبتعمل تآكل وجروح في الجلد والتهابات في الأذن الخارجية
🔺 السماعة دي كمان فيها بطارية يعني مواد كيميائية ممكن تتسرب و تعمل تآكل في أنسجة الأذن و ممكن كمان البطارية تنفجر مع الرطوبة ودرجة الحرارة العالية خاصة لو رديئة الصنع وتعمل إلتهابات كيميائية عنيفة تؤدي لتآكل الأذن الوسطي وتوصل للمخ.
🛑 حالات مؤسفة مؤخراً في طوارئ الأنف والاذن

20/06/2025

📢 الأطفال أقل من ٣ سنين ممنوع الحبوب الكاملة لأنها بالنسبالهم حجمها كبير وحنجرتهم بتبقي صغيرة جدا ومرتفعة عن حنجرة البالغين واستجابتهم العصبية لسة غير مكتملة...ممكن يتعرضو للاختناق لاقدر الله
📌 نطلع البذر من البطيخ
📌 منديهمش حباية العنب كاملة ولا الفراولة....نفس الأمر مع الرمان....
📌 اللب السوداني المكسرات نقشرها و نطحنها

💚 عيادة دكتورة أماني توفيق علام تتمني لكم السلامة 💚

🛖 العنوان: تلا.. برج الفيروز.. أمام الساحة الشعبية
📒المواعيد : من السبت إلي الاربعاء من الساعة العاشرة
صباحا إلي الساعة الثانية ظهراً
📞 الحجز: 01007237158
📞 الطوارئ: 01011211673

19/06/2025

✅ نصائح بعد عملية استئصال اللوزتين
📌 الراحة:. من الضروري التزام الراحة في الفراش لعدة أيام بعد الجراحة، وتجنب الأنشطة الشاقة لمدة أسبوعين بعد الجراحة.
📌 ممنوع تماماً بعد الجراحة الأطعمة الحارة والحمضية والساخنة والنواشف والمقرمشات
📌 تناول الأطعمة التي يسهل بلعها، مثل: الأطعمة المسلوقة والمهروسة، وكذلك الشوربة، والزبادي، والجيلي، والأرز باللبن، والمهلبية
📌 تناول الكثير من السوائل لتجنب الجفاف .
ٌ💁‍♂️ وكلما أسرع الطفل فى تناول الطعام كلما أسرع فى التعافي. بلع الطعام يؤدي إلى انقباض عضلات الحلق المستمر وانقباض الأوعية الدموية الذي يسرع في التعافي..🙅‍♂️والعكس قلة تناول الطعام خوفاً من الألم يؤدي إلى التأخر في التئام الجرح والالتهابات وقد يحدث نزيف 😣
📌 يجب تناول الأدوية ومسكنات الألم في المواعيد المحددة لتجنب حدوث الالتهابات والنزيف .
📌 ترتفع حرارة الجسم لدرجة ٣٨ درجة لعدة أيام فلا داعي للقلق 😳
📌 ألم الأذنين والفك والرقبة أمر طبيعي بعد العملية
📌 رائحة فم لمدة قد تصل إلى أسبوعين
📌 الشخير أو التنفس المزعج في أول أسبوع بعد العملية
📌 يتواجد غشاء أبيض مكان اللوزتين بعد استئصالهما يتلاشي رويداً رويداً بعد الجراحة ومع بلع الطعام المستمر ولذلك ينصح بعدم ترك فترات طويلة بين الوجبة واخري بل يقسم الطعام الي وجبات كل ثلاث ساعات.


💚 عيادة دكتورة أماني توفيق علام تتمني لكم السلامة 💚

🛖 العنوان: تلا.. برج الفيروز.. أمام الساحة الشعبية
📒المواعيد : من السبت إلي الاربعاء من الساعة العاشرة
صباحا إلي الساعة الثانية ظهراً
📞 الحجز: 01007237158
📞 الطوارئ: 01011211673