22/02/2022
اعتقادات من وحى الخيال 😎
🗣متزعلش كتير.. هيجيلك السكر 🤚
🗣أنا سكرى من النوع العصبى ..😡
كل دى حاجات الناس اخترعتها من وحى خيالها 👎
لان الكلام ده 100% مش صح ❌
تعالو نعرف اية الحكاية 👇
1⃣الشخص اللى مكنش عنده السكر ولقى سكرة على بعد ما مر بزعل طويل 😕
ده بيبقى حاجة من الأتنين 👇
▪ان هو كان مريض سكر أصلا وهو مش عارف لأن لسه مظهرش عليه أعراض 👌
▪أو كان فى مرحلة ما قبل السكر والزعل الشديد هو السبب ان السكر يعلى فى الدم ويعد كدا تظهر الأعراض😕
وده كله بيكون بسب مجموعة معينة من الهرومونات والاشارات العصبية اللى بتزيد فى أوقات الخوف الشديد أو الزعل الشديد واللى أصلا وظيفتها أنها تعلى السكر فى الدم ✌
طب أومال فين المشكلة 🤔
المشكلة هنا بتبقى فى مقاومة الأنسولين العالية اللى هيا فى الأساس سبب السكر العالى فى الدم واللى الأنسولين مش بيقدر يدخلة جوة الخلايا بسبب المقاومة العالية فيعلى السكر فجأه فى الدم وبتبدأ تظهر الأعراض 👍
2⃣أما بالنسبة للشخص اللى متشخص على أنه سكر عصبى 👇
ده أصلا مريض سكر عادى جدا ومقاومة الأنسولين بتبقى عنده عالية بزيادة 🔝
فمع حدوث أى مشكلة عاطفية بتزيد هرمونات الضغط العصبى فيعلى سكرة بشكل كبير 😦
على الرغم أنه قبل كدا كان سكرة مظبوط بالدواء وكله زى الفل وهنا يبدأو يحتارو الدكاترة فى علاجة ويفتكر أن الدواء مش جايب نتيجة ...بس هنا الموضوع بيكون وقتى وبيتحسن تدريجيا لما بيهدى 😌
طب وبعدين اية الحل 🤔
الحل انه يكسر مقاومة الانسولين العالية دي وينزلها للمستوي الطبيعي بتاعها وبالتالي مش هيعاني باذن الله من ارتفاع السكر العصبي👌
ودة مش هيحصل غير بأنظمة غذائية لان فعليا مفيش دواء هيقدر يكسرها من غير اتباع نظام غذائى مناسب 👍
قولنا سكرك بيبقى كام لما بتتتعصب وبتعمل أية علشان تنزلة ؟
وهل فعلا أول مرة اكتشفت أن عندك السكر كان بسبب الزعل ؟
