إيه أكتر حاجة بتخوفك من المتابعة مع دكتور التغذية؟ 🤔
هل هي:
🔸 الحرمان من الأكل اللي بتحبه؟
🔸 الدايت القاسي والجوع؟
🔸 الخوف إنك تلتزم شوية وبعدين تزهق؟
🔸 تجارب سابقة فشلت وخيبت أملك؟
🔸 ولا شايف إن المتابعة ملهاش فايدة؟
خليني أقولك حاجة مهمة 👇
دكتور التغذية مش جاي يحرمك ولا يعقد حياتك،
هو جاي يساعدك توصل لهدفك بأسلوب يناسبك وإمكانياتك ونمط حياتك 🍽️💚
اكتبلي في الكومنت
إيه أكتر حاجة مخوفاك؟
ونرد عليها واحدة واحدة 👇✨
#تغذية #متابعاتـاونلاين #دايت #تغذيةـعلاجية #تغذيةـإكلينكية #رجيم #دكتورـدايت #دكتورـتغذية
13/12/2025
🔍 الفرق بين أشهر ٣ عمليات جراحات سمنة
لو بتفكر تبدأ رحلة خسارة الوزن وسمعت عن جراحات السمنة، لازم تعرف الفرق بينهم قبل ما تاخد القرار 👇
🔹 1️⃣ تكميم المعدة
✂️ استئصال جزء كبير من المعدة وتحويلها لأنبوب صغير.
المميزات:
✅ يقلل الإحساس بالجوع
✅ فقدان وزن سريع
العيوب:
❌ غير قابلة للرجوع
❌ ممكن يسبب ارتجاع لبعض الحالات
🔹 2️⃣ تحويل مسار المعدة
🔄 تصغير المعدة مع تغيير مسار الأمعاء.
المميزات:
✅فقدان وزن أكبر
✅تحسن ملحوظ في السكر
العيوب:
❌ احتياج دائم لمكملات غذائية
❌ عملية أكثر تعقيدًا
🔹 3️⃣ ربط المعدة (الحزام)
🎗️ وضع حزام قابل للتعديل حول المعدة.
المميزات:
✅عملية بسيطة وقابلة للفك
✅ بدون قص أو استئصال
العيوب:
❌ فقدان وزن أبطأ
❌ محتاجة التزام ومتابعة مستمرة
📌 الخلاصة:
مفيش عملية أفضل من التانية بشكل مطلق، الاختيار بيعتمد على:
✅الوزن
✅ الحالة الصحية
✅ نمط الحياة
✅ الالتزام بعد العملية
💬 استشارة الطبيب المختص خطوة أساسية قبل أي قرار
#تغذية #متابعاتـأونلاين #تغذيةـعلاجية #تغذيةـإكلينكية #دايت #دأيةفهميــالخولي
03/12/2025
ليه مش بخس رغم إني باكل أقل من اللي حواليا؟ 🤔🔥
ناس كتير بتسأل نفس السؤال… “أنا باكل أقل من كل اللي حواليا، ليه وزني ثابت؟!”
والحقيقة إن كمية الأكل مش هي السبب الوحيد اللي بيحدد وزنك.
فيه عوامل تانية مهمة ممكن تكون السبب
✅معدل الحرق مختلف من شخص للتاني
كل جسم ليه معدل أيض مختلف، وناس بطبيعتها بتحرق أسرع من غيرها.
✅بتاكل أقل… لكن مش أكل صحي
الحرمان مش حل! ممكن تاكلي قليل بس كله نشويات وسكر فيثبت الوزن.
✅بتاكل وجبة واحدة كبيرة
ده بيقلل الحرق وبيخلي الجسم يخزن دهون.
✅ النوم قليل أو متقطع
قلة النوم بتلغبط الهرمونات وبتبطّل الحرق.
✅الحركة قليلة
حتى لو أكل قليل… بدون حركة الجسم بيحرق أقل.
✅ استرس عالي
التوتر يرفع هرمون الكورتيزول ويصعّب نزول الوزن.
✅ شرب المية قليل
المية أساسيّة للحرق وتنظيم الشهية.
✅ اسمحي لنفسك بوجبة نفسية محسوبة
مش لازم المنع التام… لكن خليها محسوبة ومش وقت انفعال.
💬 فاكرة إن السيطرة على الأكل العاطفي رحلة… مش خطوة واحدة.
مع الوقت هتلاحظي إن وعْيك بمشاعرك هيكبر وتحكمك هيقوى 💛.
#دكتورةـأيةـفهمي #تغذية #متابعاتــأونلاين #صحة #تغذيةـعلاجية #دايت #رجيم
06/09/2025
✨ إزاي نحل مشاكل الجوع مع الرضاعة الطبيعية؟ ✨
لو إنتي بترضعي طبيعي وحاسة إنك طول الوقت جعانة 😅 متقلقيش.. ده طبيعي جدًا لإن جسمك بيحرق سعرات كتير علشان يكوّن اللبن 🍼💪
🥗 تعملي إيه بقى؟
✅وزعي أكلك على ٥ أو ٦ وجبات صغيرة على مدار اليوم.
✅اشربي مية كتير (٢-٣ لتر يوميًا).
✅ركزي على البروتين زي البيض، الجبن القريش، الفراخ، البقوليات.
✅خلي في أكلك شوفان أو عيش بلدي/أسمر.
✅خلي معاكي تسالي صحية زي المكسرات والبذور.
✅قللي الحلويات والسكريات لأنها بتزود الإحساس بالجوع.
💡 الخلاصة: الجوع مع الرضاعة طبيعي.. بس بالأكل الصح تقدري تتحكمي فيه وتغذي نفسك وتغذي البيبي.
#دآيةفهمي #تغذية #دايت #أونلاين
26/07/2025
تفتكر إنك لما تخرج خلاص كده الدايت باظ؟؟؟🤔
الحقيقة إنك تقدر تخرج وتتبسط وتحافظ على أكلك كمان! تعال أقولك تعمل إيه:
✅ اختار بحكمة
لو في مطعم، اختار المشوي بدل المقلي، وقلل العيش والمكرونة والرز.
✅ ابدأ بالشوربة أو السلطة
هتشبع أسرع وهتقلل كمية الأكل في الطبق الرئيسي.
✅ اطلب تعديلات بسيطة
قول "من غير صوص"، أو "الجبنة على الجنب"، أو "العيش البني بدل الأبيض".
✅ كميات الأكل مهمة
مش لازم تخلص الطبق كله! خده تيك أواي لو شبعت.
✅اشرب مية كتير
قبل الأكل وأثناء الخروج. المية بتساعد تتحكم في الجوع.
✅ لو فيه حلويات؟
ممكن تشارك حد في قطعة صغيرة، أو تكتفي بمعلقة وتستمتع بطعمها.
✅امشي شوية بعد الأكل
حتى لو نص ساعة، هتفرق كتير في الهضم والحرق.
🎯 الدايت مش حرمان.. هو اختيارات أذكى حتى وإنت بره البيت.
#دآيةفهمي #الخولي #دايت #تغذية #متابعات #أونلاين
22/07/2025
سمعت قبل كده عن "دايت المية"؟
اللي بيقولك اشرب مية بس طول اليوم ومتاكلش 😳
تعالى أقولك الحقيقة 👇
🚫 أول حاجة:
"دايت المية" مش دايت... ده حرمان!
وبيعتمد على فكرة إن جسمك مش بياخد أي سعرات، فبيخس بسرعة.
بس الحقيقة؟
✅ أنت بتخس عضل، مش دهون
✅ معدل الحرق بيقل
✅ وبتعرض جسمك لهبوط، دوخة، ضعف مناعة، وتساقط شعر
💔 والأسوأ؟
أول ما تبدأ تاكل تاني، الوزن بيرجع بسرعة وبزيادة كمان!
💧 المية مهمة جدًا في الدايت، بس مش هي الدايت.
اشرب 2-3 لتر مية في اليوم
بس لازم تاكل أكل متوازن فيه بروتين، خضار، ونشويات صحية.
✋ خلاصة الكلام:
لو حد قالك اعمل "دايت المية"... قوله "لأ..
#متابعاتـاونلاين #دكتورـدايت #دكتورـتغذية
20/07/2025
كلام لو دكتور التغذية قالهولك ابعد فورًا🏃🏃🏃
👨⚕️ "كُل تفاحة ونام، هتخس لوحدك!"
❌ مفيش حاجة اسمها أكل واحد بيخسس لوحده!
👨⚕️ "ممنوع تاكل رز أو عيش طول حياتك!"
❌ أي نظام يمنعك من مجموعات غذائية كاملة مش صحي ومش هتستمر عليه.
👨⚕️ "مسموحلك ٣ تمرات وربع حبة بطاطس في اليوم!"
❌ القيود المبالغ فيها هتخليك تزهق وتبوظ كل حاجة.
👨⚕️ "لو وزنك زاد يبقى إنت اللي فاشل!"
❌ لا، جسمك بيتغير طبيعي، والدعم أهم من اللوم!
👨⚕️ "ممنوع أي أكل تحبه!"
❌ النظام الصحي لازم يكون فيه مرونة ومتعة علشان تقدر تكمل.
أيوه الإرادة مهمة، بس فيه عوامل تانية كتير بتأثر على نزول وزنك، ومينفعش نلوم نفسنا كل مرة الميزان يثبت أو نرجع تاني نزيد!
👈 دي شوية حاجات بتلعب دور كبير غير الإرادة:
✅ الهرمونات: زي مقاومة الإنسولين، اضطرابات الغدة الدرقية أو تكيس المبايض
✅ النوم: قلة النوم بتخلي الجسم يخزن دهون أكتر
✅التوتر والضغط النفسي: بيرفع الكورتيزول اللي بيبطّل الحرق
✅ الأدوية: في أدوية ممكن تسبب زيادة في الوزن
✅ العادات الغذائية المتراكمة: من سنين، مش سهلة تتغير في يوم وليلة
✅ قلة الحركة أو مجهود غير كافي
💡 يعني لو بتحاولي ومفيش نتيجة، مش دايمًا العيب فيك! دور على السبب واتصرف عليه.
✨ نزول الوزن محتاج فهم لجسمك، مش جلد ذات
#متابعاتـاونلاين #دكتورـدايت #دكتورـتغذية
13/07/2025
"عادات لو حافظتي عليها هتقدري تحافظي على توازن الهرمونات في جسمك"
🌀 عادات بسيطة بس تأثيرها كبير على توازن هرموناتك 👩⚕️💖
لو بتحسي إن جسمك متلخبط، مزاجك متقلب، أو الدورة مش منتظمة… ممكن تكون هرموناتك محتاجة تنتظم!
ودول شوية عادات لو حافظتي عليهم هيساعدوكي تحافظي على توازنهم:
✅ نومي كويس 😴
حاولي تنامي ٧-٨ ساعات يوميًا، النوم بيأثر جدًا على هرمون التوتر والمزاج.
✅ اشربي مية كفاية 💧
قلة المية بتأثر على الجسم كله، وكمان على الهرمونات.
✅مارسي رياضة خفيفة ومنتظمة 🧘♀️
حتى لو مشي كل يوم ٣٠ دقيقة، ده كفاية يحفّز الجسم ويتوازن.
✅ ابعدي عن التوتر على قد ما تقدري 🧠
اعملي حاجات بتحبيها، خدي وقت لنفسك، وتأملي أو صلي.
✅ قللي الكافيين والمواد الحافظة ☕🚫
الإفراط في القهوة أو الأكل الجاهز ممكن يلخبط هرموناتك.
✅راقبي دورتك الشهرية 📆
أي تغييرات لاحظتيها؟ اكتبيها، وارجعي لطبيبتك لو حاجة مش طبيعية
💬 جسمك بيكلمك… اسمعيه، واهتمي بيه شوية كل يوم ♥️
#متابعاتـاونلاين #دكتورـدايت #دكتورـتغذية
08/07/2025
هو ياعني إيه تغذية حدسية؟؟؟🤔🤔
"التغذية الحدسية يعني إنك تاكل لما تحس إنك جعان بجد، وتوقف لما تحس إنك شبعت، من غير ما تمشي ورا نظام قاسي أو تحرم نفسك من أكلات بتحبها.
هي ببساطة إنك تتعلم تسمع لجسمك وتفهم إشاراته، وتثق إنه هيقولك إمتى تاكل وإمتى توقف، وعايز إيه ومش عايز إيه.
يعني مش دايت، لكن أسلوب أكل براحة ومن غير توتر أو تأنيب ضمير.
🌸يعني مفيش قائمة ممنوعات، ولا وزن الأكل، ولا حساب سعرات طول اليوم 🔄
🌷أنت بتثق في جسمك، وتسمع له، مش بتعانده!
🚨بس نخلي بالنا فيه حالات معينة مينفعش نبدأ معاها التغذية الحدسية على طول، أو على الأقل محتاجة متابعة خاصة، لأن الجسم والعقل لسه مش مهيأين لها. ومن أهم الناس دول:
✅ اللي عندهم اضطرابات أكل (زي الشره أو الامتناع عن الأكل)
✅ اللي عندهم مشاكل صحية مزمنة (زي السكر أو مقاومة الأنسولين)
✅اللي طول عمرهم عايشين على أنواع دايت قاسية
✅ اللي عندهم هدف علاجي ضروري يتطلب تنظيم دقيق للأكل (زي مرضى الكُلى أو الكبد)
♥️الخلاصة♥️
التغذية الحدسية ممكن تكون حل مناسب للناس اللي بتلاقي صعوبة في الالتزام ب دايت معين .
#متابعاتـاونلاين #دكتورـدايت #دكتورـتغذية
05/07/2025
حقن المونجارو: استسهال ولا علاج حقيقي للسمنة؟؟
ناس كتير اليومين دول بتتكلم عن حقن المونجارو كحل سحري للتخسيس!
بس يا ترى هو فعلًا علاج؟ ولا مجرد استسهال؟ 🤔
✅ الحقيقة إن المونجارو علاج طبي بيتوصف لحالات معينة زي مرضى السُكري أو السمنة المفرطة تحت إشراف طبي.
❌ لكن استخدامه بشكل عشوائي، لمجرد النزول في الوزن السريع، بيعتبر مخاطرة!
الحقنة مش هتغير أسلوب حياتك، ومش هتعلمك تاكل صح، ولا تلعب رياضة، ولا تحافظ على وزنك بعد ما تبطّلها!
📌 لو فكرت تستخدمه، لازم تسأل نفسك:
أنا بعالج سمنة فعلًا؟
ولا بهرب من الالتزام والأكل الصحي؟
💡 الحل الصح؟
ابدأ بأساسيات التغذية السليمة والحركة، ولو فيه ضرورة طبية لاستخدام العلاج، يبقى تحت إشراف دكتور متخصص
#متابعاتـاونلاين #دكتورـدايت #دكتورـتغذية
Be the first to know and let us send you an email when Dr.Aya Fahmy د.آيه فهمي posts news and promotions. Your email address will not be used for any other purpose, and you can unsubscribe at any time.
