Khalid Elderiny

14/03/2022

رجعنا من جديد ❤️

كتير بيحصل مواقف قدامنا زي حادثة أو حريق وبنتمنى ساعتها إننا نكون عارفين نتصرف ازاي، وننقذ حد ، أو علي الأقل منأذيهوش بتصرف غلط .
عشان كدا هنقدم كورس إسعافات أولية ، عشان نكون أكثر وعيًا باللي هنعمله في أي موقف طارئ.

اللي هيقدمه د / خالد الدريني ، يدرس طب الازهر القاهرة ، المدير العام لشركة ميتا وان للتكنولوجيا الطبية الحديثة.
حاصل من كلية الطب بجامعة هارفارد على شهادة في :
- COVID - 19 impact on infection control , preparedness and cancer patients.
- treatment of infectious diseases and immunocompromised patients
- ICU management of Corona virus patients
- Ethical and psychological issues in management of COVID - 19
- lessons learned from around the world in dealing with COVID-19
وحاصل من منظمة الصحة العالمية على شهادة في :
- introduction in competency based learning
- clinical care severe acute respiratory infection
- eProtect respiratory infection
- infection prevention and control (IPC) for COVID-19
- COVID-19 operational planning guidelines and COVID-19 partners platform to support country preparedness and response
- paramedic trained and authorised by the ambulance authority in Egypt
طبيب مسعف وطوارئ مرخص من هيئة الإسعاف والطوارئ المصرية
- PICU and NICU resident and trainee
ACR-IMEDRA team member

فمتفوتش فرصة عظيمة زي دي وأملي الفورم 👇لأننا مش عارفين الحادثة الجاية أمتى!!
https://forms.gle/QfHNsCNidcvFJm7u8

03/03/2022

سلام عليكم ومساء الخير يا جماعة على الجميع ...
ان شاء الله تعالى هيبقى فيه بث مباشر (لايفات - live videos) على تيك توك وديسكورد
تحت عنوان (اتكلم ... إسأل ... إعرف)
مش هتكون في تخصص معين ولا في موضوع معين
أكاونت تيك توك الخاص بي

https://vm.tiktok.com/ZMLDDpk6p/

روم الديسكور

https://discord.gg/AuAye952hU

مواعيدنا ان شاء الله هتبقى
الجمعة الساعة ٨ مساءاً
السبت الساعة ٨ مساءاً
ولسه هنختار موعدين كمان

Follow them now and never miss any of their new videos!

28/02/2022

https://play.google.com/store/apps/details?id=com.metawan.isy_app

17/08/2021

هحاول مطولش بس الامر مهم ...
لما تبقى قريب من حد بدرجة كبيرة ...
زي مثلا انك صديق مقرب او زوج او زوجة او اب او ام او اخ او اخت ...
يبقى لازم تتعلم كذا حاجة ...
اولا: انك تاخد راحتك مع الشخص ده جدا ... بس معذرة خد بالك من الفرق بين الوقاحة وقلة الادب والقيمة وانك تاخد راحتك معاه ... مينفعش مثلا تتريق براحتك او تقل ادبك او تتريق عليه وغيره من اللي بنشوفه بيحصل وبيهدم علاقات والله ... معنى انك تاخد راحتك معاه مش انك تقل ادبك عليه وههههه وكده وانت مفكر نفسك بتهزر ... لا يا حبيبي انت كده قليل الادب ومحتاج تتعلم من جديد ... الرسول صلى الله عليه وسلم ياما اخد راحته وهزر مع اصحابه وزوجاته بس عمرنا ما سمعنا عن روايه قيل فيها ان الرسول استهزأ بحد او اتريق عليه ... وربنا سبحانه وتعالى بيقول :" يا أيها الذين آمنوا لا يسخر قوم من قوم عسى أن ياكونوا خير منهم ولا نساء من نساء عسى أن يكن خيراً منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان"
يبقى انك تاخد راحتك مع الشخص يعني تقدر تقوله اسرارك او ترغي معاه كتير ويبقى ساعتها امر كويس ومش هيبقى اسمك رغاي ولا الهبل اللي بيحصل مع الناس لما حد يبقى واحد راحته معاهم فيفتح قلبه ويتكلم ويكسروه بالفاظ زي (انت رغاي اوي , انت بتحب الكلام , انت مصدقت ...) عادي بيضحك على الكلمة وخلاص بس مره في مره في مره بيتكسر خالص ويكره الأشخاص دول ...
ثانياً : كل حاجة منك بتفرق مع الشخص اللي انت قريب منهم ... يعني مينفعش نبرة صوتك تعلى في موضوع معين فتلاحظ ان الشخص اللي قدامك اتضايق فتقول ده انا معملتش حاجة ... لا يا حبيبي انتي عملت بس الاحساس ميت عندك لإن بالنسبة للشخص القريب منك ده اي تغير في نبرة صوتك او تعابير وشك بيفرق جدا وبيدل على الحالة المزاجية او الاهتمام او غيره ... فاعمل ما بدالك مع اي حد غريب بس مع اللي قريبين منك اتأكد ان كل حاجة بتفرق ... زي مثلا لما أب يطنش ان ابنه نجح في حاجة معينه او مجال معين دي كسرة الابن وانا بالنسبة ليا من مكاني ده بقول للأب اللي عمل الحركة دي محتاج سنين علشان تعوض الامر ... وزيه بالضبط الزوج او الزوجة او الام تو اي حد قريب من الشخص ... فتأكدوا تمام ان كل حاجة بتفرق جدا ...
ثالثاً : واجب عليك تكون جمب الشخص ده في كل تفصيله حتى لو انت معندكش المام بها بالكامل يعني ابنك اوبنتك مهندس مثلا و انت مدرس او محاسب ده ميمنعش ابدا انك تقعد تسمع ابنك او بنتك وايه المشاكل في شغلهم وفي حياتهم وغيره ... زيهم بردو الزوج والزوجة اللي مش في نفس مجال بعض مفيش مانع انهم يسمعوا بعض علشان يدركوا ايه اللي بيمر بيه الطرف التاني ... واكبر مثال على كده في العصر الحديث بالنسبة ليا هو البروفيسور الدكتور بنجامين كارسن او طبيب قام بعمل عملية جراحية في قسم جراحات المخ والأعصاب في الاطفال لفصل توأمين ملتصقين بالرأس كان أحد أهم أسباب نجاحاته هي فرحته وهو بيحكي لأمه ايه اللي بيمر بيه في المدرسة وايه اللي بيحصله ودرجاته ونجاحاته وسقطاته اثناء ما هي بتطبخ وواقفة في مطبخها ... بعدها زوجته اللي كملت نفس الموضوع وهي بتلعب معاه بلياردو او وهي في المطبخ او وهم سرحانين قبل النوم على سريرهم والعكس صحيح هو كان بيسمع لكل واحدة فيهم بردو ... مع العلم ان مامته وزوجته كانوا بيشتغلوا وزوجته كانت حامل في توأم وغيره وهو كان دكتور جراح مخ واعصاب في مستشفى هوبكنز ومع ذلك لا هو ولا حد منهم اتلكك وقال انا مش هسمع لا هو قال انا مش فاضي ولا هم اتلككوا بهرمونات وشوية ارهاق ... واللي حصل انه عاش افضل حياة زوجية وافضل لحظات سعيدة مع مامته وبقى واحد من أفضل جراحين المخ والأعصاب للأطفال ...
الحياة قصيرة وصعبة والعالم وحش وقاسي واحنا اصلا في اختبارات في الدنيا فالموضوع مش ناقص خالص اننا ندمر في بعض ...
صلوا على من كان اذا ضاقت به الدنيا نام في حجر حبيبته (عليه أفضل الصلاة والسلام)