Dr.mai allam maternity clinicعيادة دكتورة مي علام لأمراض النساء والتوليد

09/08/2023

هل فيه طريقة تخليني انام وأصحي ألاقي التاريخ ١ نوفمبر ؟ 🙄🙄🥵🥵🥹🥹🥹

20/07/2023

مواعيد العيادة من الأسبوع الجاي هتبدأ من ٨ م بدلا من ٧ م
لمدة اسبوعين بس وهنرجع تاني لمواعيدنا الأصلية.
شكرا 🙏 لحسن تفهمكم.
وكل عام وانتم بخير بمناسبة العام الهجري الجديد ١٤٤٥
ربنا يجعله عام جديد سعيد علينا جمعياً.

09/07/2023

الثامنة مساءاً بتوقيت العيادة 🕗
في انتظاركم ❤️❤️

03/11/2022

هناك احتمال آخر لتتويج مسعانا بغير الهزيمة، ما دمنا قررنا أننا لن نموت قبل أن نحاول أن نحيا''.

01/11/2022

لما تكوني رايحة تولدي ما تنسيش أوراقك:
قسيمة الزواج
بطاقة الزوج
بطاقة الزوجة

26/10/2022

ليه الأمهات اللي عندهم طفل معاق بيرفضوا يعرفوا السبب ؟👇👇👇

25/10/2022

بنت مصرية اتولدت في اليمن وعاشت أول كام سنة في حياتها هناك مع أهلها ولما رجعت مصر اتعلمت وكبرت وبقت دكتورة أمراض نسا وتوليد وفتحت عيادة وفي يوم من الأيام جالها العيادة زوج وزوجة يمنيين فرحت لما شافتهم واهتمت جدا بيهم زي ما اهتموا بأهلها وهما في بلدهم وعرفت أن الطفل القادم لديهم جاي بعد معاناة (حمل عزيز)
يعني محتاج متابعة من نوع خااااص وإنهم جايين مصر مخصوص للمتابعة والولادة (مسئولية كبييييرة) .
كانت الأم مش فاكرة هي حامل من إمتي ومش فاكرة أي تواريخ لكن لحسن الحظ كانت أول زيارة في الشهر التالت (أدق وقت لمعرفة موعد الولادة بالسونار) حددنا عمر الحمل وموعد الولادة بالسونار وحفظنا صورة السونار في ملف الزيارات بتاعها الإلكتروني (برنامج أون لاين) .
والمتابعة كانت ماشية تمام لحد لما وصلت للشهر الخامس عملت ال 4D وطلع تمام الحمد لله لكن لما بدأنا الشهر السابع بدأت ألاحظ أن نمو الجنين متأخر شوية عن مواعيده وده ما كانش ممكن ناخد بالنا منه لو هي ما كانتش عملت سونار في الشهر التالت واحتفظنا بيه (لأنها ما كانتش فاكرة أي مواعيد) فكان ممكن نتصور خطأ أنها في الشهر السادس مثلا مش السابع وما ناخدش بالنا من تأخر النمو اللي عند الجنين .
بدأنا مرحلة المتابعة الجيدة لضغط الدم و زلال البول والدوبلر علي الشرايين المغذية للجنين وكانت كلها كويسة فماكانش فيه سبب لضعف نمو الطفل غير سوء تغذية الأم وضعفها لكن برضه كنت قلقانة علي البيبي ومركزة جدا معاه لحد لما وصلنا نص التاسع ووزنه أخيرا وصل ٢ كيلو فقط بعد معاناه .
هنا أخدت القرار بالولادة والحمد لله شرفت أحلي مولودة يمنية علي أرض المحروسة وكانت بخير وصحة وسلامة وما احتاجتش حضانة وخرجت من المستشفي مع مامتها بس للأسف ما لحقتش أتصور معاهم.
وباباها من فرحته سماها "مصر" ربنا يبارك لهم فيها ويحفظها بعينه التي لا تنام.

25/09/2022

الحمد لله بفضل الله تم استئصال كيس في غدة بارثولين بنجاح لسيدة كانت تعاني منه لسنوات وكان قد تم تفريغ محتويات الكيس من قبل اكتر من مره لكنه كان بيرجع تاني عشان كده أخدت قرار أننا نشيله بالكامل لمنع تكراره مره أخري.
تمنياتي للجميع بالشفاء ❤️

15/09/2022

أربع توائم ماشاء الله ربنا يبارك ❤️

13/09/2022

من حالات العيادة:
حالة جاتلي العيادة وقالت لي عاوزة أشكرك يا دكتورة عشان لما جيت لك من اكتر من سنة وانا حامل وكان عندي انيميا ومش عاوزة تتصلح مع اخد الحديد وحضرتك وجهتيني اني أكشف أمراض دم وانا روحت فعلا وطلع عندي انيميا البحر المتوسط ونقلت دم .
(معلومة: انيميا البحر المتوسط منتشرة في مصر وبتنتقل جينيا وبيتعمل لها فحص ما قبل الزواج لمنع انتقالها للأبناء ومش بتتصلح بالحديد بالعكس الحديد بيزيد الأمر سوءا معاها).
الحمد لله رب العالمين الذي علمنا مالم نكن نعلم
اللهم استعملنا ولا تستبدلنا
اللهم سخرنا لنفع الناس لا لأذاهم
وشكرا لكل الناس اللي بتقدر تسعدنا بكلامها الحلو ❤️❤️
وربنا يشفي كل مريض 🤲

31/08/2022

الحمد لله لحقت آخد صورة المرة دي
قيصرية بدون ألم عن طريق جهاز ال PCA
حمد الله ع السلامة

دكتورة / مي علام
أخصائية أمراض النساء والتوليد
ماجستير أمراض النساء والتوليد جامعة عين شمس
دبلومة طب الجنين جامعة طنطا
دبلومة التجميل النسائي الجمعية الأمريكية

20/06/2022

26/05/2022

📢📢 تجهيز حقيبة المستشفى📣📣

👂👂👂 لازم نعرف اهم الاستعدادات اللازمة لاستقبال المولود الجديد وتجهيز حقيبة المستشفى قبل وقت كاف من موعد الولادة👇👇

👚👜🤱 لوازم الام 🤱👙👗

🖍عدد من الملابس المريحة للنوم والمفتوحة من الامام لتسهيل عملية الرضاعة
🖍حذاء مريح
🖍عدد كاف من الملابس الداخلية
🖍مستحضرات الحمام والنظافة الخاصة بك ( المنشفة و الشامبو و مزيل العرق و الفوط الصحية و المشط والمرآة و ...)

🎒👘👼 لوازم المولود 👼🧦👚

🖍بطانية للطفل لحفظه عند مغادرة المستشفى
🖍حقيبة الطفل وفيها ( ملابس و حفاضات و شامبو و مناديل التنظيف والمنشفة الخاصة بالطفل )

📣📣بعد تجهيز هذه الحقيبة اخبرى احد أفراد أسرتك بمكانها قبل وقت كاف من موعد الولادة

📢📢 متنسيش أيتها الحامل 🚦 علامات حدوث الولادة

1- خروج مخاط مهبلى
2- الم بالبطن منتظم كل ٢٠ دقيقة أو أقل
3- تدفق سائل مهبلى (السائل الامينوسي )


أخصائية أمراض النساء والتوليد وطب الجنين والتجميل النسائي.

معانا انتى دايما فى امان



للحجز والاستعلام
01147527478

17/05/2022

لو ولادتك قربت 🤱 ومحتارة تولدي فين يبقي البوست ده ليكي:
أكيد طبعا نفسك تولدي في مكان كويس يهتم بيكي انتي وطفلك🏨
ونفسك كمان ما تحسيش بأي ألم 💉💉
و جرح تجميلي أثره بسيط ما يبانش 🩹🩹
وفوق كل ده السعر يكون مناسب ومش خيالي 🤑
إحنا الحمد لله قدرنا نحققلك المعادلة الصعبة دي 🥳
تقدري تشرفينا في العيادة أو تتواصلي معانا من خلال الصفحة أو علي الأرقام التالية عشان تعرفي عروض أسعار الولادات الطبيعي بدون ألم والقيصري بدون ألم
01147527478
01026650515
عيادة دكتورة/ مي علام
أخصائية أمراض النساء والتوليد وطب الجنين والتجميل النسائي
العنوان:
٣٠٦أ عمارات الجيش - الفردوس - ٦ أكتوبر
يوميا من ٨ ل ١٠ مساءا ماعدا الخميس من ٤ ل ٦ مساءا
الجمعة أجازة

14/05/2022

من أجمل رسائل الواتساب ❤️

10/05/2022

تريند أحمد حلمي 😂 إشمعني أنا يعني
أحمد حلمي Ahmed Helmy

08/05/2022

ريفيوهات ❤️❤️
اللهم لك الحمد 🙏

27/04/2022

فيه حاجة مهمة جدا بتحصل ف الوحدات الصحية لازم الكل يهتم بيها ويعرفها لغيره وهي
العينة اللي بتتاخد من كعب القدم في الوحدات الصحية للاطفال حديثي الولادة

العينة دي بتتاخد في الفترة مابين اليوم التالت لليوم السابع من الولاده و اغلب الناس عارفة انها عينة لتحليل الغدة الدرقية
مؤخرا العينة دي ( تحديدا من نوفمبر ٢٠١٥ ) بقت كمان تشمل تحليل تاني لتشخيص مرض من أمراض التمثيل الغذائي وهو تحليل نسبة الفينيل الانين في الدم

المرض ده احنا بنسميه اختصارا (PKU ) لو لم يتم تشخيصه مبكرا بيكبر الطفل و بيبقي متأخر في الفهم و الحركة والكلام ده غير أعراض تانية زي التشنجات و غيرها

علاجه أن الطفل يمشي علي لبن خاص و يمشي كمان علي نظام غذائى قليل البروتين
و لأن التشخيص المبكر بيفرق اوي وبيخلي الطفل (مع اتباعه تعليمات العلاج واللبن والنظام الغذائى الخاص) طبيعي تماما بدون اي اعراض تأخر أو تشنجات أو غيرها
عشان كدة وزارة الصحة ضمت مرض التمثيل الغذائي لبرنامج المسح القومي..

في الوحدة الصحية بعد سحب عينة كعب القدم علي ورقة النشاف بناخد رقم الاب أو الأم ولو طلع التحليل عالي بيكلموهم مرة تانية لتكرار التحليل ولو طلع عالي للمرة التانية بيسحبوا عينة وريدية تأكيدية ترسل الي المعمل المركزي في القاهرة لو طلعت إيجابية للمرة التالتة بيتحول لمركز الارشاد الوراثي كحالة إيجابية تحتاج لصرف اللبن الخاص ومتابعة من أطباء المركز للمريض عشان الكمية المطلوبة من اللبن وكمان تحديد النظام الغذائى الخاص

طيب ليه بكتب البوست ده؟

عشان فيه حالات بتطلع إيجابية لمرض التمثيل الغذائي ولما المعمل المشترك يبلغ الوحدة الصحية بذلك ويتم تبليغ أهل الطفل احيانا الأهل بيفتكروا تحليل الغدة الدرقية هو اللي فيه المشكلة و هنا بيحصل الخلط!

الأهل بيعيدوا تحليل الغده الدرقيه تاني في معمل برة يطلع سليم ف ينبسطوا ويقولوا تحاليل الوزارة دي أي كلام وميسألوش تاني!
دي بتبقي مشكلة كبيرة عشان الطفل عنده مرض ال PKU لكن الغدة الدرقية سليمة و أي تأخير في علاج المرض ده بيأثر علي نمو الطفل ودرجة ذكائه وبيسبب علي المدي الطويل التخلف العقلي

اتمنى الصحه والعافيه لأطفالنا أعمل اشارة لاي اب جديد او ام جديدة وكل عام وانتم بخير وصحة وسلامة.

12/04/2022

كل سنة وانتوا طيبين ورمضان كريم 🌛
الفيديو ده للناس اللي عاوزين يأخروا دورتهم عشان يصوموا الشهر كله

02/02/2022

روحتوا المعرض ولا لسه ؟ 😍😍

16/01/2022

فيه فرق كبير بين تكيسات المبايض ووجود كيس في المبيض

07/01/2022

تعرفي ايه هي اكتر حاجة بتحميكي من الإلتهابات؟

04/01/2022

لو عندك طفل مصاب بأي نوع من أنواع المتلازمات أو مولود بمشكلة معينة وعاوزة تحملي مرة تانية تعملي ايه ؟

01/01/2022

أوصفوا لنا شعوركم وانتوا داخلين الشغل أول يوم في السنة الجديدة 🥳

30/12/2021

صباح الخيرات 🌥️🌦️ والأكل الصحي ☕🥗

29/12/2021

عيادة دكتورة/ مي علام
أخصائية أمراض النساء والتوليد
٣٠٦أ الفردوس جيش - ٦ أكتوبر
المواعيد يوميا من الساعه ٦ ل ٨ مساءا ماعدا الجمعة
للحجز والإستعلام عن طريق التليفون أو الواتساب علي الرقم 01147527478

28/12/2021

أحب أشكر سنة 2021 لأني اتعلمت فيها خبرات حياة كتيرة جدا وقدرت احط النقط علي الحروف لنفسي في حاجات كتير اوي تتلخص في الآتي :

١- (ما أعليش سقف توقعاتي) من أي حاجة في الحياة فمش هتصدم من حاجة يعني مثلا لو استلمت وظيفة جديدة ما تحلمش انها تكون مثالية و زملاء العمل مثاليين لأن الواقع مش هيبقي كده وهتزعل . ولو انت فاتح مشروع خاص بيك ما تتوقعش أن زباينك هيبقوا مثاليين وهيقدروك أو إن المنافسين هيبقوا متعاونين أو علي الأقل مش هيحاولوا يضروك لأن ده مش هيحصل وبرضه هتزعل.

٢-(إني ما أبقاش رد فعل للي بيحصل في حياتي أو بمعني آخر ما أبقاش مفعول بيا) يعني لو نفس الموقفين اللي في النقطة اللي فاتت أثروا علي قرراتي بمعني اني أسيب شغلانة كنت هموت عليها عشان زمايلي أو مديري بيغلسوا عليا أو أسيب مشروع حلمت بيه عشان المنافسين بيحاربوني.. هفضل بعد كده طول حياتي حاسة بالإنهزام والإحباط والظلم .

٣-إني( أبطل أخاف أخد حقي طالما هو حقي ) لسه ما بقتش شجاعة كفاية بس بحاول ولما بوصل لحقي برتاح جدا وبيفرق معايا نفسيا جدا لإن إحساس الإنهزام ده مؤلم جدا .

٤-كل اللي فات ينطبق علي العلاقات العائلية ما عدا رقم ٣ لأن مع الأهل التسامح مطلوب أكتر ولازم نفوت لبعض عشان مالناش غير بعض.

٥-(الصحاب محطات في حياتنا) مفيش صاحب هيقعد معاك العمر كله لأن الأيام بتجمع وبتفرق لو فهمنا كده مش هنزعل من بعض . ولا انت ما سألتش ليه ولا انت ما عزمتنيش علي فرحك ليه ولا انت خبيت عليا ليه . ما تدوش للصحوبية اكبر من حجمها لأن الأيام الجاية هيبقي ليك صحاب تانيين خالص.

٦-(مش لازم كل الناس تحبك) عادي جدا انك تلاقي حد مش بيحبك بدون اي سبب مش لازم تجهد نفسك عشان يحبك ولا تزعل أنه مش بيحبك ولا تدور علي سبب عدم حبه ليك. دور علي اللي بيحبك وصاحبه واتعامل معاه (مكان ما تلاقي راحتك ابني بيت واقعد فيه).

٧- بقيت فعلا في كل تصرفاتي بتصرف علي أساس إن (رأيي صواب يحتمل الخطأ ورأي الآخر خطأ يحتمل الصواب) وده كلام كنت عارفاه من قبل كده بس زي معظم الناس مش بقدر اتعامل بيه بس دلوقتي الحمد لله بقيت أقدر اطبقه في حياتي وده بيخليك تقدر تستفيد من خبرات كل الناس مش مجموعة واحده بس.

٨-بقيت بتابع ع السوشيال ميديا الناس الإيجابيين فقط. وبتجاهل تماما بوستات الندب والنكد والبوستات اللي بتبدأ بكلمة جوزي أو حماتي أو أخت جوزي أو سلفتي أو مرات أخويا لأني عارفة أنه هيكون من وراها لت وعجن حريم مالوش أي تلاتين لازمة.

في النهاية شكرا ٢٠٢١ ومستنيه من سنيني الجاية تعليم وخبرات أكتر وأكتر ولسه الدنيا هتعلمنا وتعلم علينا وأحب أختم بأغنية إليسا هنعييييش لسه ياما ونشوووف هنعييييش تحت أي ظروووف

27/12/2021

الأنيميا مع الحمل

25/12/2021

أنيميا الفول والوراثة

23/12/2021

الدورة المنتظمة بتيجي كل كام يوم 🤔 ؟

22/12/2021

عيادة دكتورة/ مي علام
أخصائية أمراض النساء والتوليد
٣٠٦أ الفردوس جيش - ٦ أكتوبر
المواعيد يوميا من الساعه ٦ الي ٨ مساءاً ماعدا الجمعة
للحجز والإستعلام عن طريق التليفون أو الواتساب علي
01147527478

21/12/2021

تفتكروا الدورة المنتظمة بتيجي كل كام يوم 🤔 ؟
١-كل ٢٤ يوم
٢- كل ٢٨ يوم
٣-كل ٣٥ يوم
شاركونا رأيكم عشان نقول الإجابة الصح ✅

20/12/2021

ايه هي أحسن وسيلة لمنع الحمل ؟

19/12/2021

عيادة دكتورة /مي علام
أخصائية أمراض النساء والتوليد
306أ الفردوس الجيش -6 أكتوبر
المواعيد يوميا من 6ل 8 ماعدا الجمعة
للحجز والإستعلام عن طريق التليفون أو الواتساب
01147527478

18/12/2021

مع أجمل دكاترة نسا وولادة من داخل وحدة طب الجنين بمستشفيات جامعة طنطا

17/12/2021

مجموعة صور بعنوان (لازم ندي فرصة للولادة الطبيعية)
والحمد لله ربنا كرمنا في الآخر والمكنة طلعت قماااش

16/12/2021

عرض ال ١٠٠٠ بمناسبة السنة الجديدة عشان الناس اللي زعلانين أن مافيش عروض
الصفحة قربت توصل ل ١٠٠٠ متابع
ابعتوا دعوات لأصحابكم ونوصل ل ١٠٠٠ متابع هقولكم علي العرض

16/12/2021

صباح الرياضة 🚴🚴🚴

15/12/2021

عيادة دكتورة مي علام
أخصائية أمراض النساء والتوليد
٣٠٦أ- الفردوس عمارات الجيش-٦أكتوبر
المواعيد يوميا من الساعه ٦ ل ٨ مساءا عدا الجمعة
للحجز والإستعلام 01147527478

14/12/2021