Dr. shaimaa Mohamed

19/03/2026

الله أكبر الله أكبر الله أكبر لا إله إلا الله
الله أكبر الله أكبر ولله الحمد
الله أكبر كبيرًا والحمد لله كثيرًا وسبحان الله بكرة وأصيلًا
لا إله إلا الله وحده، صدق وعده، ونصر عبده، وأعز جنده، وهزم الأحزاب وحده
لا إله إلا الله ولا نعبد إلا إياه مخلصين له الدين ولو كره الكافرون
اللهم صلِّ على سيدنا محمد وعلى آل سيدنا محمد، وعلى أصحاب سيدنا محمد، وعلى أنصار سيدنا محمد، وعلى أزواج سيدنا محمد، وعلى ذرية سيدنا محمد وسلم تسليمًا كثيرًا

19/03/2026

غدا أول أيام عيد الفطر المبارك في مصر ❤️ كل عام وأنتم بخير ❤️

08/03/2026

محتاجين نعرف مع بعض إن فيه أمراض مزمنة علاجاتها بتكون علاجات مزمنة ، يعني بتستمر مدى الحياة ، مينفعش نوقفها في أغلب الحالات ، يمكن في ٩٥ ٪ من الحالات أو أكتر ، الأمراض دي زي ارتفاع ضغط الدم وداء السكري وارتفاع نسبة الدهون بالدم وغيرهم ،
فلما مريض يتشخص، يعرف إنه لازم يلتزم بالعلاج مدى الحياة ، مش هيمشي عليه شهر أو اتنين ويوقف العلاج، لإنه ببساطة بمجرد ما هيوقف العلاج المشكلة هترجع تاني ، فلازم نفضل ماشيين ع العلاج علشان تفضل حالتنا منظبطة ومستقرة ...
طيب هو ينفع نحاول ننزل في الوزن ونلعب رياضة ونظبط أكلنا ونقلل نشويات ودهون ؟ ينفع ، بس التجربة دي بتكون في مدة أقصاها ٣ شهور مش أكتر من كده ، وده لو كانت معدلات الارتفاع بسيطة تسمح بفترة المحاولة دي أصلا ، لكن لو الأرقام كانت بسيطة وفترة المحاولة لم تنجح ، أو لو كانت الأرقام عالية جدا من البداية لازم لازم لازم نلتزم بالعلاج بشكل مزمن..مش شهر أو اتنين أو عشرة وبعدين أوقف..لا ، علاج مزمن...
والناس اللي بتقول بس كده هتعود عليه ، ما تتعودوا يا جماعة ، المهم إن حالتك تكون مستقرة وأرقامكم منضبطة ، لو متعودتش عليه وبطلته الأرقام هتعلا والحالة هتتدهور وجميع أعضاء جسمك هتتأثر ، فأبوس إيدكم تتعودوا عليه والتزموا بيه لإن البديل من التعود على العلاج هو المرض ، فأنا مش فاهمة المقارنة هنا بين ايه وايه ؟!
إنك تكون إنسان سليم ماشي على علاج ؟ والا إنك تكون إنسان مريض ؟!
يا سيدي اتعود انت بس ومالكش دعوة !

08/03/2026

الألوان وأهميتها في التشخيص :
بنسأل بعض أسئلة وبنلاقي الناس بتستغرب وكإنها أسئلة غريبة ومش متوقعة ، وناس تانية بتضحك ، وناس تالتة بتهز كتفها في تساؤل ( هو إيه أهمية ده يعني ؟! )
زي إيه ؟!
عندك كحة ؟ آه ، بلغم ؟ آه ، لونه إيه ؟ .......
أنا بتف البلغم ومش ببص للونه ، أو مش بتفه فمعرفش ، مركزتش ف لونه ، لون البلغم عادي يا دكتور ،فأسأل أيوة يعني إيه؟ يرد: أبيض (ماشي) ، اخضر ! أسود ! ( ده مش العادي خالص)
في حين إن لون البلغم لو أبيض، أو أصفر أو أخضر أو اسود أو لو مدمم أو معرق بدم ، أو أو ، كل حاجة فيهم لها مدلول
نسأل : لون البراز ؟ لون البول ؟
الناس تبتسم ! مهم والله يا جماعة ، براز اسود ؟ براز فاتح، براز اخضر ، براز مدمم ، براز فيه ديدان صغيرة، براز فيه مخاط، إسهال ، براز زي زبل الحمام ، إسهال ميه ، قوام البراز إيه، بتفرق
بول غامق زي الشاي ، بول مدمم، بول فيه رغاوي أو صديد أبيض ، أو أو أو
لون العين، فيه صفار ، فيه حمار ، فيه كذا ؟ كذا ؟
لون البشرة ؟ فيه شحوب ؟ زرقان ؟ يرقان وصفرة ؟
لون القئ ، ومحتوياته،
الوان مهمة وتفاصيل مهمة متستهونوش بيها وافهموا أهميتها للدكتور وبلغوه بيها
عافاكم الله جميعا :)

18/02/2026

الليلة الأولى من رمضان ❤️ تقبل الله منا ومنكم صالح الأعمال ❤️
كل عام وأنتم بخير ❤️

16/02/2026

09/02/2026

🤷‍♂️🤷‍♂️🤷‍♀️🤷‍♀️🤦‍♂️🤦‍♂️🤦‍♀️🤦‍♀️🙃🙃
شكرا على ثقتك الغالية !!!!

05/02/2026

أطعمة تزيد من امتصاص الحديد

05/02/2026

أطعمة غنية بالحديد
( شمندر : البنجر)

02/02/2026

لو مفيهاش إساءة أدب يعني 🙄

31/01/2026

السكر التراكمي والهيموجلوبين السكري