10/07/2025
* إيه حكاية تطعيم الحمى الشوكية الجديد !؟
🔹️هو ليه تطعيم جديد ، ما تطعيم الحمى الشوكية موجود من زمان؟
📌هو فعلاً في تطعيم للحمى الشوكية في مصر من زمان سواء مقترن او متعدد السكريات.
وكمان وزاره الصحة بتوفره ضمن حملات المدارس بالمجان.
وده بيكون للوقاية من نمط مصلي AC او ACWY ....
لكن التطعيم الجديد بيكون للوقاية من نمط مصلى اخر اسمه B.
🔹️طيب هو المرض ده كده مختلف عن الحمى الشوكية العادية المعروفة؟
📌مرض الحمى الشوكية ممكن يكون بسبب فيروس أو بكتيريا او أى مسبب اخر، والبكتيريا ممكن تكون A,C,W,Y,B,X
والكل اعراضه واحدة ، والفحوصات هى اللى بتبين السبب.
🔹️هو اللى اتطعم الاربع انماط ACWY محتاج يتطعم الB ده كمان ولا بيغنوا عن بعض؟
📌ده تطعيم، وده تطعيم و الاتنين بيكملوا بعض ولا يغنى واحد عن الآخر.
🔹️هو مين ممكن ياخده؟
📌الأطفال من سن شهرين، ولأي عمر حتى خمسين سنة.
🔹️هل له مضاعفات أو آثار جانبية؟
📌ممكن يسبب بعض السخونه زي اي تطعيم
🔹️هل بيتعارض مع اى تطعيم ؟
📌لا
🔹️مين مينفعش ياخده ؟
📌زى اى تطعيم اللى حرارته مرتفعة مينفعش ياخده، ولازم نعرف الدكتور لو حد ماشي على مثبط مناعة لإنه ممكن يقلل من فاعلية التطعيم.
🔹️كام جرعة؟
📌جرعتين أو تلاتة حسب السن .
