Dr. Wesam Abdellatef

06/09/2025

✨ 6 علامات مثبتة علميًا بتخليك أكثر سعادة ورضا ✨

1️⃣ الامتنان 🤲🏻
دراسة من جامعة هارفارد أثبتت إن كتابة 3 حاجات ممتن/ة لها يوميًا بتحسّن المزاج وتقلل التوتر.

2️⃣ العلاقات الاجتماعية القوية 🤝
أطول دراسة عن السعادة في العالم (بدأت في جامعة هارفارد سنة 1938) لقت إن جودة علاقاتك هي أقوى مؤشر على السعادة والصحة، مش الفلوس ولا الشهرة.

3️⃣ العيش في اللحظة (Mindfulness) 🧘‍♀️
أبحاث علم الأعصاب بتوضح إن ممارسة التأمل أو اليقظة بتنشّط مناطق في المخ مرتبطة بالرضا، وبتقلل القلق،
والتركيز علي الحاضر والاستمتاع بالمتاح اكتر من الخوف من الماضي والقلق من المستقبل .

4️⃣ النشاط البدني 🏃‍♀️
التمرين بيطلّع “الإندورفين” المعروف بهرمون السعادة، وبيقلل أعراض الاكتئاب لحد 30%.

5️⃣ وجود هدف أو معنى 🎯
علم النفس الإيجابي بيأكد إن اللي عندهم معنى أعمق ورسالة في حياتهم بيكونوا أكثر صمودًا وسعادة حتى في أوقات الصعوبات.

6️⃣ النوم الجيد 😴
أبحاث من جامعة كاليفورنيا بتقول إن قلة النوم بتأثر على مراكز العاطفة في المخ، وبتزود احتمالية المزاج السيئ.

⸻

✅ لو العلامات دي موجودة في حياتك، فإنت/ي ماشي/ة في الطريق الصح لحياة أكثر سعادة ورضا ✨

السؤال ليكي
ايه من العلامات دي انتي حاسه انك قوية فيها؟وايه محتاجة تشتغلي عليها اكتر
شاركي اجابتك في الكومنت 👇🏻علشان نلهم بعض 🥰

04/09/2025

عمرك سمعت حد بيقول: “أن دمي يمثلني ”.
رغم إن القلب بياخد دم غير مؤكسد، يعمل عليه عملية، ويطلع دم مؤكسد.

لكن دايمًا بنسمع: "أفكاري تمثلني ”.
مع إن المخ برضه بياخد مدخلات من الحواس والتجارب والخبرات، ويعمل عليها عمليات معقدة، ويطلع في الآخر “أفكار”.

لو دمك مش هو أنت، ليه أفكارك تبقى أنت؟
🤔 الأفكار مجرد ناتج من الدماغ، زي ما الدم المؤكسد ناتج من القلب.

وهنا لازم ناخد بالنا من حاجة:
المخ طول الوقت بينتج أفكار… بس مش كل الأفكار مفيدة.

• فيه أفكار مفيدة: اللي بتقربني من قيمي، ومبادئي، والحياة اللي عايز أعيشها.
• وفيه أفكار غير مفيدة: اللي بتبعدني عن نفسي، عن أهدافي، وعن الحياة اللي أتمناها.

مثال بسيط:
لما دماغك يقولك: “أنت مش هتعرف تنجح في الحاجة دي، جربتش قبل كده وفشلت.”
– هنا لازم تسأل نفسك: هل الفكرة دي مفيدة؟
لو الفكرة هتخليني أستسلم وأبعد عن هدفي، فهي غير مفيدة.
لكن لو الفكرة دي خلتني أتعلم من التجربة القديمة وأحاول بطريقة تانية، تبقى مفيدة.

كما أن القلب وظيفته أن يبقينا أحياء، كذلك المخ وظيفته أن يبقينا أحياء.
المخ مش مبرمج يسعدنا، لكنه مبرمج ينجّينا.
عشان كده طول الوقت بيذيع نشرات تحذيرية📻:
خلي بالك… انتبه… ممكن يحصل كذا…

لكن لو عايزينه يذيع نشرات سارّة📸، لازم نعيد برمجته.
إزاي🙃🙃؟ بتمرين بسيط اسمه الامتنان:
كل يوم نكتب أو نفتكر 3 حاجات صارت جميلة حصلت في يومنا. حتى لو كانت صغيرة جدًا.

مع التكرار، يبدأ المخ يتبنى وظيفة جديدة:
مش بس “النجاة”، لكن كمان “إذاعة الأخبار السعيدة”.🌿
دكتورة وسام عبداللطيف

03/09/2025

اقبل مشاعرك

أوعي تتخانق مع مشاعرك
المشاعر رسل جايه برساله اسمعها كويس

علي سبيل المثال/شعور القلق بنحس بيه لما بنعتقد ان المستقبل اقل اماناً من الحاضر
فرسالة القلق هي الاستعداد
القلق اللي بتحس بيه جاي يقولك استعد
جاي يحركك علشان تخلي المستقبل اكثر اماناً

لو تخيلنا ان طالب عنده امتحان بعد يومين
ومش قلقان هيعمل ايه ؟
هيبقي عنده لا مبالاه وقاعد بيلهو بدل ما يذاكر

وعلي العكس طالب تاني عنده قلق عالي من الامتحان وبدل ما يتعامل معاه ويحاول يهدي قلقه ويقبل وجوده
هرب من القلق ده وراح يلعب بلاستيشن ولا مسك الموبايل

تخيلوا معايه لو شعور القلق مش موجود، النتيجة ان محدش هيتطور ولا حد هيتحرك ولا حد هينجح

اومال ايه الصح ان اتعامل مع شعور القلق انه صديق مش عدو واقبل انه موجود وألقط الرسالة بتاعته واستعد للمستقبل بدل ما اهرب او اتجنب او اشتت نفسي

03/09/2025

مخ البطن

اكتشف العلم أن عددا كبيرا من الخلايا العصبية قد يصل إلى مائة مليون خلية في بطانة الجهاز الهضمي من البلعوم إلى المستقيم , وأن ثمة مخ هائل يتكون من الميكروبيونات (الميكروبات والفيروسات النافعة والصديقة) يصل وزنه إلى حوالي نصف كجم موجودة في الجهاز الهضمي ولها تأثير كبير ليس فقط على عملية الهضم , ولكن على سلامة الإنسان عموما وعلى جهاز المناعة والهورمونات , وعلى الأجهزة الأخري بل ولها تأثير على المخ وعلى الحالة النفسية , وهذا مانسميه " المخ البطني" أو "الجهاز العصبي البطني" , ودراسته تشكل طفرة علمية هائلة في فهم العلاقة بين الهضم والتفكير والحالة المزاجية والسلوك في الصحة والمرض . وهذا "الجهاز العصبي البطني" يفسر لنا حالات مرضية كثيرة مثل القولون العصبي والإمساك المزمن والإسهال غير المسبب , واضطرابات المعدة , وآلام البطن المزمنة , وعلاقة هذه الإضطرابات بحالات القلق والإكتئاب .
والدراسات الحديثة توضح أن العلاقة في الإتجاه الآخر أيضا قائمة بمعنى أن اضطرابات الجهاز الهضمي تبعث رسائل عصبية للمخ فتؤدي إلى ظهور أو زيادة حدة اضطرابات القلق والإكتئاب , وهذا يفسر وجود اضطرابات في الجهاز الهضمي بنسبة 30-40% من مرضى القلق والإكتئاب .
وهذه الإكتشافات عن علاقة البطن بالمخ تفتح أبوابا لعلاجات جديدة لاضطرابات البطن مثل مضادات القلق والإكتئاب , والعلاجات النفسية غير الدوائية مثل العلاج المعرفي السلوكي (CBT) , والعلاج النفسي التدعيمي , وعلاج اليقظة الذهنية (Mindfulness) , وغيرها , وأيضا علاجات البطن العضوية لمرضى القلق والإكتئاب . وسوف نرى أن المتخصصين في الجهاز الهضمي يصفون مضادات القلق والإكتئاب لمرضاهم ليس لاعتقادهم بأن هؤلاء المرضى يعانون مشكلة نفسية (في مخ الرأس) , ولكن لأن هذه الأدوية تعمل مباشرة على تهدئة الخلايا العصبية التي في البطن بشكل مباشر , فقد وجد أن ثمة أعداد هائلة من مستقبلات السيروتونين موجودة في البطن , وهي المستقبلات التي تعمل من خلالها مضادات القلق والإكتئاب (ربما أكثر مماهو موجود في المخ) .
دكتور / محمد المهدي

27/08/2025

خاطرة فجرية

في لحظة تأملية ربنا من عليه فيها ببصيرة
رجعت فيها للماضي ولاحظت ان كل مستقبل (اللي بقي حاضر دلوقتي )وكنت قلقانه منه وقتها لما جه وتحقق جه في أجمل شكل كنت ممكن اتخيله
ولما فحصت وانا كنت بعمله إيه يعني علشان يحصل ده،
لقتي كنت بعمل حاجتين في كل مرة بقلق فيها

*خطوة ناحية ربنا (دعاء🤲🏻)
*خطوات صغيرة ناحية هدفي
والباقي كان ربنا بيتكفل بيه .

بعد التفكر ده دب فيه الأمل تجاه المستقبل اللي برضوا قلقانه منه
واحسنت الظن بالله ان اللي قلقانه منه هيتحقق في أجمل شكل ممكن اتخيله زي ما حصل قبل كده ،وأني اكرر نفس اللي كنت بعمله.

وتذكرت قول الله تعالى:

“وَذَكِّرْهُمْ بِأَيَّامِ اللَّهِ ۚ إِنَّ فِي ذَٰلِكَ لَآيَاتٍ لِّكُلِّ صَبَّارٍ شَكُورٍ” [إبراهيم:٥]

اقبل قلقك، لان القلق حتمي
لكن متخلهوش يعطلك
وخد خطوة ناحية ربك وخطوة ناحية حلمك ،وأحسن الظن بالله
وتفحص ماضيك وحاضرك هتلاحظ آيات واضحة جدا لرحمة ربنا وتدبيره.

وقال النبي ﷺ:
“احرص على ما ينفعك، واستعن بالله ولا تعجز"

26/08/2025

الوقت اللي بتختار فيه تفكر في حاجة تزعلك،معناه انك بخير
لأنك لو مكنتش بخير مكنتش هتلاقي الوقت ولا القدرة العقلية انك تفكر في حاجة تانية
لو في خطر حقيقي دلوقتي مكنتش هتفكر في حاجة تزعلك
ولو في خطر حقيقي المفروض افكر في الخطر الحقيقي مش في الحاجة اللي تزعلي
تفقد حالك الآن واحمد ربنا ان مفيش خطر حقيقي واستمتع
بالمتاح تسعد

24/08/2025

14/08/2025

اللهم استعملنا ولا تستبدلنا
آراء عملائي في جلسات الاستشارات النفسية
لحجز الجلسات عاي الرابط
http://wa.me/+0201275164446

09/08/2025

كَتبَ الرافعي رحمه الله في مقدمة كتابه المساكين اقتباساً لديوجينيس الكلبي يقول فيه : ﴿ ينبغي أن تُقَاس ثروةُ الإنسان لا بأمواله .. ولا بممتلكاته .. بل بعددِ الأشياء التي يستطيع أن يعيشَ غيرَ محتاجٍ إليها ﴾

أو كما قال رسولُ الله صلى الله عليه وسلم : ﴿ ليس الغِنَى عن كثرةِ العَرَض ولكن الغنى غِنَى النَفس﴾
#منقول

07/08/2025

يعني ايه علاقة داعمه
يعني لما أكون مضطربه ولا مشوشة او افكاري عن نفسي سلبية أو ثقتي بنفسي مهزوزة ولا عندي مشكلة وبواجه ضغوط
اجري عليه الاقي اذن بتسمع وقلب بيحتوي واذرع بتضم
من غير ما يكون في لوم/زي مش انا قلت لك وأنت مسمعتش الكلام
او انتقاد/زي انت السبب في اللي حصل
او تشفي/زي تستأهل اللي حصلك علشان مبتتعلمش
وميمنعش ان بعد موجة المشاعر السلبية ما تعدي نقعد ونتكلم ونحل المشكلة
هو ده اللي كلنا بنكون محتاجينه وقت شعورنا بالخوف او القلق او الحزن او الضعف او وقت الخطاً

31/07/2025

عاوز تعرف انت في علاقة آمنه ولا مؤذية
لاحظ جهازك العصبي في حضورهم
حاسس بتوتر وقلق في حضورهم
لأن مطلوب منك طول الوقت تبرر وتدافع عن نفسك
خايف من الانتقاد واللوم
قلقان من الاستهزاء او من السخرية
او خايف تتفهم غلط ويتحكم عليك
لابس ماسك وحاسس انك مش علي طبيعتك

ولا مرتاح وحاسس بالأصالة والأمان وبتتصرف علي طبيعتك في وجودهم
وجهازك العصبي في حالة استرخاء

لاحظ جهازك العصبي هتعرف نوع العلاقة

26/07/2025

لا السليم ولا العيان ضامن يعيش بكرة
عيش اللحظة علي مراد الله
#كتالوج