عيادة الباطنه والسكر. د. إيمان حسني

04/03/2026

مواعيد رمضان
من الأحد الى الخميس من ٧.٣٠ مساءً الى ٩.٣٠
رجاءً الحجز قبل الحضور
على رقم العياده 01030641787

24/04/2025

https://www.facebook.com/share/1BUgXPkWs4/
دي صفحتي الجديده
أرجو من الله ان يلهمني شفاء مرضايا جميعهم
وأتمنى منكم الدعاء بالتوفيق

اخصائي امراض الباطنة و السكر و الغدد الصماء_المعهد القومي للسكر و الغدد

03/03/2025

للصائمين من مرضي السكر خد بالك من عادة غير مستحبة مع الصيام ممكن تعرضك للخطورة :
النوم في اوقات النهار الاخيرة بين العصر والمغرب ودا اكثر الاوقات شيوعا لهبوط السكر لان مخزون الجلوكوز في الكبد والعضلات بيقل في هذه الاثناء.. المشكلة الاكبر ان قدرة الجهاز السمبثاوي علي التنبيه بهبوط السكر بتقل كثيرا في مرضي السكر خصوصا مع طول فترة الاصابة بالسكر وعدم انتظامه فلذلك قد لا يشعر المريض بااعراض انخفاض السكر من عرق وزغللة ورفرفة بالصدر وضربات قلب سريعة اثناء النوم مما قد يعرضه لغيبوبة هبوط سكر اثناء النوم بين العصر والمغرب.

ودمتم بصحه 💐
للحجز والاستفسار يرجى الاتصال على

+20 103 0641787

24/02/2025

كل عام ومتابعيني جميعهم بخير وصحه
رمضانكم مبارك

٧ نصائح هامه لمرضى السكر نوع تاني على انسولين مخلوط

١/ الميكستارد المخلوط بيتاخد قبل الاكل بنص ساعة.
٢/ لازم وجبة خفيفة بمقدار 15 ل30 جرام كربوهيدرات بعد 4 ساعات من الميكستارد لوجود قمة عمل عنيفة للجزء المعكر القاعدي بداخله بتبدا بعد 4 ساعات.
٣/ لازم فحص اماكن الحقن بصفة دورية والاهم ان المريض يعرف ازاي يفحصها بنفسه في حالة وجود تليف ولازم يبعد عن مكان التليف 1 سم علي الاقل او عرض صباع علي الاقل لمدة اسبوعين مع تقليل الجرعة في المكان الجديد الغير متليف 10 ل 20 % واستخدام كمادات دافية وكريم او جل مضاد للتليف مثل ثرومبكس او اكستروما فورت او ريباريل جل.
٤/ لو بتستخدم القلم مسبق التعبئه فاقصي عدد مرات لاستخدام سن القلم 5 مرات مع اخراج وحدتين في الهواء قبل كل استخدام .
٥/ يحفظ القلم او الامبولات في اماكن جيدة تهوية درجة حرارة اقل من 30 وعند الحفظ بالثلاجة بيكون في الرفوف السفلي بعيد عن المكثف وممكن استخدام باب الثلاجة للحفظ في حالة عدم فتح وغلق الثلاجة بصورة متكررة واخراج الانسولين قبل الاستخدام ب 15 ل20 دقيقة وفي حالة حفظ القلم بالثلاجة بنحتفظ به بدون سن القلم لمنع دخول فقاقيع الهوا في خرطوشة القلم.
٦/ الحفاظ على مواعيد الوجبات وتركيز الخضروات والالياف في الوجبه وعدم تركيز النشويات السريعة واستخدام العصائر المعلبة بصورة مبالغ فيها.
٧/ رقمين مهمين لو شفناهم اثناء القياس لازم فوراً نتواصل مع الطبيب المعالج هم ٧٠ وال ٣٠٠🫣

ودمتم بصحه وعافيه 💐

19/12/2024

بالنسبة للدور العنيف المنتشر ( غالبا المتحور XEC) لابد من مضاد حيوى مثل الزيثروسين ٥٠٠ مره قبل العشاء لمدة ٦ ايام و باراسيتامول الف ٣ مرات و فيتاسيد كالسيوم فوار مرتين مع سوائل باستمرار..
بالنسبة للكحة العنيفه والتي تستمر من ١٠ الى ١٤ يوم غالبا سببها عاملين ..الاول الهياج الشديد فى الجزء العلوى من الجهاز التنفسي بسبب secondary bacterial infection والثانى ارتجاع عنيف جدا مع تهيج فى المعدة ..هنا لابد من تعاطى مضاد قوى للهستامين مع كورتيزونات لفترة لا تقل عن ٥ ايام مع بخاخات مثل المفلونيد مرتين لمنع حدوث ضيق فى الشعب مع شراب ٣ مرات مثل التوبلكسيل او لوبركاف ...
مع كل ذلك انصح بخليط يشرب مرتين من ورق الجوافة والتيليو والشمر و ممكن الزعتر مع حبة البركة يصب عليه ماء مغلى و يغطى ٥ دقائق ثم يشرب ساخنا مرتين ..
اما للارتجاع فسنحتاج قرص من ادوية مثل الانتبوبرال ٤٠ للمعدة مع شراب جافيسكون معلق قبل النوم للإرتجاع ..
نقطة مهمه لاحظتها أن المتحور متى دخل الجسم غالبا يكمن بعد ذلك و يظهر بصورة ضعيفه نسبيا عند اى اجهاد شديد أو توتر أو ضعف مناعه و هنا العلاج قد يحتاج يوم او يومين من ادوية مثبطة بسيطه مما سبق وهنا لابد من تعاطى فيتامين د باستمرار لضمان منسوب فوق ٣٠ وهذا من اهم الأدوية التى تقف ضد هذا المتحور حيث انه ناقص عند معظم الناس...
أيضا لاحظت الهمدان و انسحاب الروح والضعف الشديد مع الدور و لا حل له الا الغذاء السليم وكبسولات الجنسنج الكورى مكتوب لمتلازمة اجهاد ما بعد الفيروس و مع الاسف العبوات المحلية ضعيفة و انصح بانواع مستوردة منه تركيز ١٠٠٠ يؤخذ مره بعد الفطار...
🙏🏻رجاءً ارتداء الماسك خاصة لكبار السن واصحاب الامراض المناعيه والاطفال
دمتم بعافيه💐

عيادة د/ إيمان حسني نعيم لأمراض الباطنه والسكر
ماجستير طب الاسره- كلية طب عين شمس
دبلومة السكر والغدد - المعهد القومي للسكر
دبلومة السكر - جامعة هارفارد

العنوان : ٦ اكتوبر -الحي السابع -سنتر الاردنيه

للحجز و الاستفسار على رقم / 0238372749
010 30641787

25/08/2024

فيتامين د مش بس مهم لصحة العظام، كمان له دور كبير في صحة عملية الميتابوليزم في جسمنا والحفاظ على الوزن ونسبة السكر والكوليسترول في الدم وصحة القلب .
رجاء احرص على التعرض لأشعة الشمس بانتظام
من ٩ إلي ١٠ صباحاً أو من ٢:٣٠ إلى ٣:٣٠ بعد الظهيره بمعدل ربع ساعه يوميا 🫣
ومن الأطعمة الغنية بفيتامين د الأسماك الدهنية (السردين والتونة والبوري والماكريل والسلمون)، وصفار البيض.
استشرنا في العياده علشان نساعدك تكون في أفضل حال
ودمتم بصحه ☘️
للحجز اتصل على 0238372749
Or
0 103 0641787

21/08/2024

هل تعلم أن متوسط عمر علاج هرمون الغدة الدرقية التعويضي levothyroxine
ثيروكسين أو إلتروكسين أو تي فور ثيرو أو إيوثيركس حوالي 7 ايام.
ودا يعطيك مهله انك لو نسيت علاجك في يوم ممكن تعوضه اليوم اللي بعده في نفس الميعاد او لحد اسبوع من ميعاد نسيانه.
ولكن التناسي وعدم التعويض سوف يأثر في تحليل الغدة الدرقية وعدم انضباطها
ودمتم بصحه

للحجز : 0238372749
010 30641787

21/08/2024

◀️ التدخين :🚬🩻

** كلنا عارفين ان التدخين ليه مشاكل كتير لكن اللى ممكن

ماتعرفهوش ان التدخين بيزود السمنه فى البطن والخصر و ده من أكبر العوامل اللى بيخلي الشخص معرض لمقاومة الأنسولين و سكره يعلى ⚔️
ومعرض كمان لامراض القلب وانسداد الشرايين 💔

** عليك بتقليل التدخين واحده واحده لغايه اما تبطل خالص

ودمتم بصحه وعافيه

عيادة د/ إيمان حسني نعيم لأمراض الباطنه والسكر
ماجستير طب الاسره- كلية طب عين شمس
دبلومة السكر والغدد - المعهد القومي للسكر
دبلومة السكر - جامعة هارفارد

العنوان : ٦ اكتوبر -الحي السابع -سنتر الاردنيه

للحجز و الاستفسار على رقم / 0238372749
010 30641787

25/04/2024

.. مرضي السكر سواء نوع اول او ثاني في ايام الحر الشديدة اللي داخلين عليها.:
. لازم نتناول كميات كبيرة من المياه موزعة علي مدار اليوم. . ونتجنب السير في الاماكن الحارة.. معروف ان بسبب ارتفاع السكر المريض بيفقد مياه كثير من الجسم بما يسمي بال osmotic diuresis.. وكمان بسبب ارتفاع درجة الحرارة بيفقد الجسم ميه وكمان لو ماشربناش كويس دا كله هيخلي كمية السوايل في جسمنا قليلة.. طيب وايه المشكلة يعني...
. دا بيرفع من درجة تجلط الدم ويخلي سريانه بطئ ودا ممكن يعرض المريض لتجلطات متعددة اهمها في الاوعية المغذية للشبكية ينتج عنها لا قدر الله فقدان مفاجئ بالبصر لو ما اتلحقش واتعالج ممكن يبقي دايم.. والمكان الثاني هو اوردة الكلي اللي لو حصل فيها تجلط علي الناحيتين ممكن لا قدر الله يحصل فشل كلوي حاد يتطلب غسيل كلوي سريع.. الاخطر في كبار السن وقليلي الحركة مع تجلطات اوردة الساق ممكن تنفصل بعض من الجلطات وتسبب سدة رئوية خطيرة بدون سابق انزار.. شرب المياه والسوائل بدون سكر بكثرة في ايام ارتفاع الحراره مش رفاهية مطلقا لاي شخص وخصوصا مريض السكر.

01/03/2024

ازاي تختار الحذاء foot wear لمريض سكر ؟؟؟
☺️😌.مواصفات الحذاء الجيد لمريض سكر:
1.مقاسه واسع مريح ودايما تشتري مقاس اوسع من رجلك نص نمرة او نمرة وغالبا تشتريه مساءا مش صباحا لان الرجل بيحصل فيها احتقان او تورم نسبي مساءا.
2.بلاش الكعب العالي في البنات لان دا بيركز الضغط علي اماكن معينة في القدم high pressure points وبيقلل الدم الواصل لها ممكن تسبب قرح في القدم نهاية بالقدم السكري لا قدر الله.
3.الجزمة افضل تكون برباط تقدر توسع منه المقاس وتمنع الضغط علي القدم والاحتقان والاحتكاكات مع المقاس الضيق.
4.التبطين ناعم بلاش حاجات مصمتة او خشنة تسبب احتكاك.
5.مسافة 1 ل1.5 سم بين الاصبع الاكبر ومقدمة الحذاء يعني مقدمة الحذاء يكون مريح ومش ضيق او كتمة يسبب عرق واحتكاك.
6.بلاش الاحذية المفتوحة الصنادل والشباشب وغيرها اللي ممكن تسبب دخول اجسام غريبة او اصطدام القدم والاصابع بجسم صلبة
7.بلاش بطن الرجل او الكعب يبقى ناشف لان دا بيعمل تشققات ممكن تدخل جراثيم وممكن تدهن طبقة رقيقة من كريم مرطب لمنع التشققات.
8.وارجوك بلاش تشيل اي كالو او زوايد جلدية بالة حادة او بااستخدام ادوية او لصقات موضعية ممكن دا يعمل قرح دون ان تدري ولازم وقتها تزور طبيب جراحة .
9.عند قص الاظافر نرجوا الحذر وعدم حف الاظفر ليصل للجلد ويتم إيذائه.
10.افحص قدمك قبل النوم ولو مش عارف تبص علي بطن رجلك استخدم مراية او حد من اولادك يبص عليها عشان تتاكد مفيش جروح ولا التهابات ولا قرح مش حاسس بها وفي حالة وجود اي مشكلة ارجع لطبيبك المعالج سريعا.

دامت أقدامكم في صحه وعافيه 🌹

14/01/2024

٢٠٢٤
صباحكم صحه وعافيه
عايزين نبدأ صفحة جديدة السنة دي واللي مكنش مهتم بصحته يبدأ يهتم ويحافظ على علاج سكره وغدته واللي كان محافظ يستمر في ده
واللي لسه ماعمل الفحوصات الدورية يبدأ يعملها السنة دي
ودمتم 🌹

16/12/2023

ارقام هامه في حياة المسكرين

📗🖋️ أرقام توضح السكر المنضبط لأي مريض سكر :
🔮السكر الصايم : من 70 : 100 وحد اقصي 130 .
🔮السكر الفاطر : من 120 : 140 وحد اقصي 180.
🔮السكر قبل النوم : من 120:140.
🔮السكر التراكمي : اقل من 7% ولو تحقق 6,5بدون هبوط ممتاز
🔮الدهون منخفضه الكثافه LDL ارقامها تختلف من شخص لاخر ممكن تكون أقل من ٥٥ او ٧٠ او ١٠٠ حسب حاله كل واحد
🔮زلال البول أقل من 30 مجم كيراتين لكل مجم ألبيومين
🔮ضغط الدم أقل من 130|80

📘🖋️أرقام السكر المنضبط للسيده الحامل :
صائم أقل من ٩٥
فاطر أقل من ١٢٥
وتراكمي أقل من 6,5%

📙🖋️ نسب الوراثة بالارقام للسكري نوع اول :
▪️فرص الوراثة لو الأم سكر نوع اول في أطفالها من 1,5 : 3 %
▪️فرص الوراثة لو الأب سكر نوع أول في اطفاله من 3,5 : 8 %
▪️فرص الوراثة لو أحد الأخوه سكر نوع اول في أخواته من 4 : 6 %
▪️لو توأم متماثل وجه لأحد منهم ، فرص الأصابه للآخر تقريبآ 36%

📒🖋️ ارقام مهمه في تشخيص السكر :

✅ الطبيعي
صايم : من 70 : 100 مجم
فاطر : اقل من 140
سكرتراكمي : اقل من 5.7 %

❌ ماقبل السكر
صايم : 101 : 125 مجم
فاطر : 140 : 199 مجم
سكر تراكمي : 5.7 : 6.4 %

💀 السكر
صايم : من 126 مجم فأكثر
فاطر : من 200مجم فأكثر
سكر تراكمي : من 6.5 % فأكثر

ودمتم بصحه وعافيه 🌹🌷