د. محمود بشير - عضو الكلية الملكية لطب الأطفال بلندن.

26/09/2025

بنت أمبارح بعد ما أديتها التطعيم وعيطت لاقت الممرضة اللى معايا ماسكة مصلية فسكتت وبتقولها أنتى بتصلى؟
قالتلها أه .
البنت بصتلها باستغراب
I felt like :

23/09/2025

♥️♥️♥️♥️♥️

عشان نفضل هانفتح فرع جديد .. تفتكروا هايبقى فين 🤔🤔

23/09/2025

09/09/2025

أنت عارف أنك ممكن تروح لدكتور بس عشان يقولك متأخدش دواء؟

حضرتك لو مع كل دور عشان تلحقه بدرى ضربت مضاد حيوى ومسكن وكورتيزون عشان تخف حضرتك بتعمل حاجات فى جسمك أوحش كتير من اللى المرض هيعملها ومش هتمنع اللى عايز يعمله الفيروس فيك لأنها مش علاج أساساً.

فى دواء بيستخدم مع كل نزلة معوية كلام كتير طالع عليه أنه من مسببات السرطان وأصلاً ملوش دور فى النزلات المعوية.

فى لبوس كحة ما يسبب الموت المفاجئ فى الأطفال الرضع ومعظم أدوية الكحة (مش أدوية الأعشاب، دى الحمد الله ولا فعل ولا رد فعل♥️) ممنوع أستخدامها تحت عمر ٤ سنوات وبعض الدول تحت عمر ٦ سنوات لأنها تسببت فى أعراض عصبية خطيرة وأحياناً الوفاة (تقدر تراج تقرير منظمة الدواء والغذاء الأمريكية سنة ٢٠٠٧).

الأدوية مش لعبة.
الأدوية تستخدم بحرص وللضرورة.
الأدوية فى موضعها فقط.

هنضطر ساعات نأخد كوتيزون فى حالات ربو ولا تحسس ونأخد مضاد لو ثبت أن ده بكتيرى أو غلب علينا الظن حتى، لكن بالعقل.

07/09/2025

فى ناس هتحبك عشان مبتكتبش أدوية .
وناس هتكرهك عشان مبتكتبش أدوية برضة.
وناس هتحبك عشان بتركز وتديهم وقتهم.
وناس هتكرهك عشان أما بتدى الناس وقتهم بيقعدوا نص ساعة زيادة.
ناس هتحبك أما تطلب فحوصات.
وأخرين هيكرهوك لنفس السبب.

الحقيقة أنا مبغيرش ذمتى عشان أكسبك وبسبب ده بأفقد عدد من العيانين ودى حاجة كويسة لأن مش عايز غير اللى عايز الصح( والصح مش رأى شخصى ده علم وأداب مهنة).

لنفس السياسة دى بعد سفر سنين لأنجلترا والخليج الأسر اللى كانت بتتابع معايا رجعتلى وبتقطع مسافة سواقة ساعة وساعتين عشان تيجى عيادتى فى الصحراء .

ده تذكير لنفسى ولزمايلى، السير على طريق الحق وصول.

05/09/2025

بعد ما خلصت كشف على بنت عمرها ٧ سنوات تقريباً لاقيتها بتعيط وبتقول كلام مش فاهمة من العياط.

مالك يا حبيبتى ( أنا بأبقى حريص فى الكشف جداً) فمامتها قالتلى بتقولك مش عايزة تكبر وبتعيط عشان كده.

🤦🏻
ما أنا كمان مش عايز أكبر وساكت.
معاناة خلفة البنات.

05/09/2025

🤷🏻‍♂️

04/09/2025

جروب الماميز:

الدكاترة تكتب اللى عايزينه
إنما اللى البيبى هيأخده دى بتاعتنا أحنا

31/08/2025

😅😅😅
طبعا الطفل متشخص وعنده خطة علاج قبلها مش من الرسايل.

28/08/2025

أما تقولى الولد مبيخفش وأنا حاسس أنها مطنشة الدواء بس معنديش دليل😂.