د. محمود بشير - عضو الكلية الملكية لطب الأطفال بلندن.

03/08/2025

01/08/2025

الكلام اللى هأقوله النهارده هيعمل مشاكل بس مهم.

كتير كنت بألاقى أمهات بيبقوا أسئلتهم كتير ومتكررة بصيغ مختلفة لدرجة مرهقة ليا وأنا صبور جداً فكون أن حد أزهق منه ده صعب.
الأمهات دول عددهم بيزيد معايا بالوقت وأبتديت استنزف ومكنتش فاهم فى إيه.
تعالوا أقولكم ليه وإيه مكنتش واخد بالى منه وسط الشغل.

معظم الأمهات دى أطفالهم عندهم مشكلة فى الرضاعة على الأقل فى البداية ودايما عندهم قلق مفرط أنت مبتبقاش فاهم ليه.

مع الوقت أدركت أن اى تلت حاجات بتعدى علينا لأن محدش بيعملها تقييم( أنت دايما بتبص للطفل وتنسى الأم).

أزاى الصحة النفسية بتأثر على الرضاعة الطبيعية؟

*اكتئاب ما بعد الولادة

• الأعراض: حزن مستمر، إرهاق، فقدان الاهتمام بالرضاعة أو بالطفل، شعور بالذنب.
• التأثير على الرضاعة:
◦ قلة الرضاعة أو عدم الانتظام فيها
◦ فطام مبكر
◦ الشعور بالفشل أو التقصير


*القلق والتوتر

• الأعراض: قلق مفرط، وسواس حول كمية الحليب، صعوبة في الاسترخاء.
• التأثير على الرضاعة:

◦ ضعف في “منعكس إخراج الحليب” (let-down reflex)
◦ شعور دائم أن الحليب غير كافٍ
◦ توتر أثناء الرضاعة يجعل التجربة سلبية.

*ضعف الارتباط أو الترابط مع الرضيع

• أسبابه: ولادة صعبة، فصل مبكر (مثل دخول حضّانة)، مشاكل نفسية سابقة.
• التأثير على الرضاعة

◦ قلة التلامس الجسدي أو الجلد بالجلد
◦ قلة الاستجابة لإشارات الجوع
◦ انخفاض إفراز هرمون الأوكسيتوسين (المسؤول عن إخراج الحليب).


أمهات كتير بتعدى بواحد أو أكتر من دول ويمكن صبرى معاهم وتحويلهم لأطباء رضاعة بينجى جزء كبير منهم من التجربة النفسية القاسية اللى مكنتش مدركها وكلامى النهاردة عشان أقول أن نصيحة الأم أنها تتابع مع طبيب متخصص فى المشاكل النفسية بعد الولادة مهم جداً ومش وصمة ولا عيب.
وهأصبر عليهم أكتر بس بقية أهالى الأطفال من فضلكم أصبروا عليا فى الأنتظار كدعم ليهم.

30/07/2025

مينفعش طفلك يسخن او يجيله رشح وكحة وتديله دواء من نفسك حتى لو سبق وكتبوهوله الدكتور ...
- تشابه الاعراض بين مرض وتاني.
- تفاقم المرض اللي مش بيتشخص صح.
- استمرار الاعراض لأكتر من اسبوع.
دي اسباب تخليكي لازم تعرضي طفلك على طبيب الاطفال فوراً.

د.محمود بشير
▪️استشارى طب الأطفال وحديثى الولادة
▪️عضو الكلية الملكية بالمملكة المتحدة لطب الأطفال
موجود معانا في عيادات بيبي هاب :
يوميا من 8 : 10 م ماعدا الثلاثاء والجمعة ✅️
👈للحجز والاستفسار : 01000554146
👈عنوان عيادات بيبي هاب : استوريا مول - طريق الحي الإيطالي - الدور الثاني - حدائق اكتوبر

30/07/2025

متشكرين

28/07/2025

كل شتاء و صيف 😅

الجلد عضو مهم وليه وظايف كتير والأهتمام بنظافته مهم.

الاستحمام مش بيجيب أمراض لو تم صح ولو خايفين من البرد أختاروا وقت مناسب من اليوم، المكان يبقى دافئ ولبسوهم كويس بعدها.

حتى الطفل السخن ممكن شاور بماء فاتر يساعد هبوط درجة الحرارة لو الدواء مش مساعد كفاية.

27/07/2025

طبعاً لو حلفت لكم أن الأنجليز بيعالجوا ألام الحلق بالأيس كريم، المياه الساقعة، البونبونى والملح محدش هيصدقنى.

لا يفضل غرغرة الملح فى الأطفال والبونبونى خالى من السكر أفضل ولعمر مناسب أن ميشرقش طبعاً.
الصورة من موقع الخدمة الصحية البريطانية .

22/07/2025

١٠ أيام الطفل عنده أسهال ومفيش مطهر ولا مضاد حيوى؟!!!

التحليل فيه أميبا مش هنعالج؟!

محتاجين حاجة توقف الأسهال .

التلت أسئلة المعتادة فى العيادة والل بأُصر أن مديش الأدوية دى.
حد عارف ليه؟!

16/07/2025

14/07/2025

14/07/2025

أنا بأشتغل إيه فى مصر؟
بأوقف أدوية 🤷🏻‍♂️.

14/07/2025

ليه طفل يجز على أسنانه؟!

شكوى معتادة فى العيادة أن الأهل يلاحظوا أثناء النوم جز على الأسنان ويظهر غالبًا في عمر 3 إلى 10 سنوات اللى كتير يختفي من تلقاء نفسه مع التقدم في العمر.

الأسباب
1. التوتر أو القلق الأطفال ممكن تصاب بالقلق من عمر أصغر من تخيلنا.
2. ألم جسدي: مثل ألم التسنين أو التهاب الأذن، فيحاول الطفل تخفيفه بالجزّ.
3. مشاكل في إطباق الأسنان: عندما لا تنطبق الأسنان العلوية والسفلية.
4. فرط النشاط أو اضطرابات النوم: مثل اضطراب فرط الحركة وتشتت الانتباه (ADHD).
5. العوامل العصبية: في بعض الأطفال، خاصة المصابين بأمراض عصبية أو تأخر نمائي.

6. استخدام أدوية معينة: مثل مضادات الاكتئاب أو أدوية فرط الحركة.

العلاج بيعتمد على شدة الحالة وسببها:

1. العلاج السلوكي والنفسي:
• مش شرط دكتور ده بيبدأ من الأهل بتقليل التوتر قبل النوم (روتين هادئ، قصة، موسيقى هادئة).
• التعبير عن المشاعر ومتابعة نفسية إذا كان هناك قلق واضح.

2. العلاج الطبي أو الوقائي:
• إذا كان السبب ألم التسنين أو التهابات، يجب علاج السبب.
• المتابعة مع طبيب أسنان إذا كان هناك تآكل في الأسنان أو مشاكل إطباق.
• استخدام واقي ليلي (night guard) في الحالات الشديدة.

3. تعديل نمط الحياة:
• تقليل الكافيين (مثل الشوكولاتة والمشروبات الغازية
• تنظيم مواعيد النوم والنشاط اليومي.

Posted 3:11 am CAT, 14th July 2025.
Reference: NHS patient information.
AI generated image.

13/07/2025