Manar Abdelghany-Relationship & Addiction therapist/منار عبدالغني

09/05/2026

💎عميلتي قالتلى
(أنا مينفعش اعيط.. مينفعش أبان ضعيفة... 🥲 لازم أبان قوية طول الوقت...)

💥قولتلها:
مين قال أن العياط ضعف..
اللى بيعيط مش شخص ضعيف .. ده شخص صادق مع نفسه و عبر عن مشاعره بطريقته
⚡️قالتلى : هما هيقولى عليا ضعيفة
💥قولتلها : مش مهم طريقة تعبيرك عن مشاعرك مناسبة لمين ..المهم أنك تكونى مرتاحة و عارفة تنظمى مشاعرك و تتعاملى معاها

⚡️⚡️⚡️⚡️⚡️⚡️
مين قال( ان العياط ضعف او أن اللى بيعيط شخص ضعيف) ده معتقد غلط و مؤذى اتربينا عليه و معتقد دمر أجيال حكم عليهم بكتم مشاعرهم تماما وبقي ناس كتير ماشية زى الربوت
اجيال كتير اتربت و ربت بدون مشاعر
💥المشاعر جزء أساسي من شخصية الأنسان و قمة القوة لما تكون بتعرف تعبر عن مشاعرك
المشاعر دليل علي أنك انسان عايش بتتأثر باللى حواليك و بتأثر فيهم
💥لكن اللى أقدر أقولهولك أنك بتنظيم مشاعرك هتقدرى تختارى مين ممكن تعيطى قدامه و مين لأ

💫💫شاركينى هل فعلا بتحسي أنى مش مسموح لك تعيطي .. مش مسموح تعبري عن مشاعرك بطريقتك؟؟


#العلاقات

18/04/2026

💥(أنا مش هتغير لوحدى.. هما كمان لازم يتغيروا .. )

جملة بسمعها من عملاء كتير

⚡️جملة تبان من بره أنها عناد.. جبروت .. عدم إحساس بالآخرين
💫بس في الأصل هي وجع .. آلم.. غضب.. خذلان

⚡️مش بالضرورة يكون الشخص مش عايز يتغير

⚡️ممكن يكون تعب من فكرة إنه دايمًا "اللي لازم يفهم، اللي لازم يتنازل، اللي لازم يتحمل، لازم هو اللى يبدأ ".

⚡️ممكن تعب من إنه بيشتغل على نفسه، بس مش شايف أي تغيير في اللي حواليه.

⚡️ممكن فاكر إنه لو اتغير، ممكن يتنازل أكتر، أو يتفهم غلط، أو يتأذى تاني.

⚡️ممكن يكون تعب كتير أو جاله احباط و مقدرش يكمل .. يمكن ملقيش تقدير .. يمكن في وسط الرحلة اتخذل
⚡️اوقات و احنا بنتغير .. بنبقي محتاجين نتشاف .. بنبقي محتاجين نتقدر .. يتقالنا كلمة حلوة ..

💥💥عمرك حسيت أنك لو اتغيرت هتتظلم، شاركنى في الكومنتات

06/04/2026

💫"أغلب أفكارنا سلبية "
جملة بسمعها كتير و من ناس معالجين و كوتشز كمان .
بس الحقيقة غير كده تماما تعالى أقولك ازاى
حياتنا اليومية كلها موقف و استقبالنا للموقف و رد فعلنا بيكون حسب حاجات كتير و منها
(معتقداتنا عن نفسنا .. و عن العالم حوالينا ..ثقافتنا .. الطريقة اللى اتربينا بيها.. مشاعر و حالتنا المزاجية في الوقت الحالى.. خبراتنا و تجاربنا السابقة )
💥و ده كله بيترجم بشكل لاواعي فى المخ و بيطلع أفكار في ثانية الا ثانية 😉

تعالى أشرحلك أكتر من شخص هيستقبلها ازاى

الموقف (لو بعت رسالة لحد و شافها و مردش عليك)

1.الشخص الاول
عنده عدم أمان في العلاقات و عنده عدم تقدير لنفسه
هيقول : انا عملته ايه عشان ميردش .. انا غلطان اننى ببعتله.. انا المفروض مكنتش ابعتلك

2.الشخص التانى
عنده امان في العلاقات و عنده تقدير لنفسه
هيقول : انا بعت في الوقت المناسب ليا و هو هيرد في الوقت المناسب ليه.. ممكن يكون مشغول دلوقتى

💥كل واحد فينا ليه نظارته اللى بيشوف بيها اللى بتختلف عن الآخر .. بس مفيش صح و مفيش غلط ..لو طريقة تفكيرك بتتعبك و بتخسرك علاقاتك .. اعرف انى ده مش عيب فيك .. لكن ده علامة واضحة أنك محتاج مساعدة و مساحة آمنة تقدر تفهم فيها نفسك أكتر.

لو حابة تبدأى الرحلة ديه مع حد يفهمك و يسمعك ابعتيلى "DM" و انا اقولك ممكن أساعدك ازاى

06/04/2026

🔹️في فترة من فترات حياتى كنت طول الوقت بحس أنى مضغوطة و مقيدة و مش بعمل أى حاجة أنا عايزاها و كل حاجة مش اختياراتى و ده كان عامل عليا ضغط نفسي كبير بس مش عارفة اعمل ايه

💥مع العلم كانت كل علاقاتى مستقرة مع أهلى و أصحابي و حبايبي و الأم المثالية في مدرسة ولادى و بعمل حاجات كتير و مسئولة عن كل حاجة و أى حاجة تعدى في الطريق 😆

💥كل اللى حواليا مبسوطين و مرتاحين و يمكن اغلب الدايرة اللى حواليا في الوقت ده كانوا بياخدوا رأى في كل حاجة و كنت موجودة طول الوقت للمساعدة دايما كان ربنا بيلهمنى بحلول جديدة و مختلفة و ده كان بيخليهم يرجعولى كل شوية .

💥طيب ازاى انا مقيدة و مضغوطة و انا اللى بختار لنفسي و للناس اللى حواليا كل حاجة..ازاى مش حرة و انا بعمل 90%من اللى انا عايزاه في كل حاجة

💥ابتديت اركز علي الحاجات اللى أنا حرة فيها و اكتشفت انى حرة مش مقيدة و لا حاجة و عندى الحرية اعمل اى حاجة

💥بس هتجنن الضغط جاى منين و هنا اكتشفت انى انا اللى ضاغطة نفسى أنا اللى بلزم نفسي بحاجات اكتر من طاقتي
انا اللى بتحمل مسئوليات مش بتاعتي ممكن اسيبها عادى مش هيحصل حاجة
و كل حاجة بقول لنفسي لازم تعملى كذا... و المفروض كذا....

️💥 وهنا بكامل القوة و الحرية قررت اسيب كل المسئوليات اللى مش بتاعتي و قررت مبقاش الادمن في جروب الماميز😆 و اتخلص من لازم و المفروض
و قررت اتخلى عن كل حاجة مش بتاعتى و مش لازم اعمل حاجة و انا معنديش طاقة ..مش المفروض ارد علي مكالمة و انا مشغولة او مش قادرة .. مش لازم اكون المنقذ لكل اللى حواليا
⚡️ أنا بنى آدم و من حقي ارتاح

💥وشوية التصرفات ديه غيرت حياتى 360 درجة و خلتنى حاسة بالراحة و القوة و الحرية بشكل اكبر

06/04/2026

🔹️"اعتزل ما يؤذيك "🔹️

⚡️جملة بتردد كتير آخر كام سنة من معالج و مدربين و كوتشز و بناءاً عليه الناس مبقتش بتبذل مجهود في علاقاتها بقي سهل التفريط في المقربين و الصحاب و الأهل و العشرة .
💥وعلي فكرة انا في وقت من الاوقات مشيت وراهم🤗

⚡️بقي سهل التفريط في الذكريات و المودة و الحب تحت مسمى "أنهم مؤذيين"

⚡️هتعتزل مين صحابك ؛ اهلك ؛ ولادك ؛عيلتك

⚡️كل ما تكلم حد يقولك انا لوحدى مبسوط و راضى و حياتى زى الفل بجد🙂

☘️آه تمام بس لو ربنا كان عايز يخلقك في جزيرة لوحدك كان عمل كده

⚡️الجملة ديه بقت تستخدم عشان الناس تهرب من مسئولياتها تجاه بعض ؛الناس بقت تتجنب بعض
تحت مسمى الأذي ؛ اى حد يختلف معاك او موقفه مخالف لموقفك يبقي مؤذى ؛ اى حد يتناقش معاك يبقي مؤذى
؛ اى حد يجادل معاك اعمله بلوك 😇

⚡️مش يمكن انت اللى فاهم غلط او مش مقدر الأمور .

⚡️كل واحد مننا بيشوف بنظاراته هو مش نظارة الطرف الآخر.

⚡️العلاقات القريبة محتاجة مجهود و محتاجة وقت ؛محتاجة نفهم بعض ؛ محتاجين نعرف احتياجاتنا من بعض عشان نعيش حياة مريحة مناسبة لينا

⚡️أسهل حاجة بتتقال" انا لو مكانه مش هعمل كده و لا هتصرف كده "
⚡️طيب حط نفسك مكانه بمعتقداته و أفكاره و مشاعره و طريقته تفكيره و تربية و خلفيته الثقافية و الأجتماعية و الدينية .
💥 احنا بنى آدمين و بنتغير و هنفضل نتغير كل يوم

💥و الحقيقى انك صعب تحط نفسك مكانه .

⚡️محتاجين نبذل مجهود لحد ما نلاقي الطريقة الأنسب للتعامل بينا مع احترام كل منا لآراء و افكار و حدود الطرف التانى

⚡️اللمة و الصحبة في وسط الناس اللى بنحبها هي ديه اللى بتدينا الطاقة نكمل في الحياة و بتحسسنا بالأمان و الونس و الدفا

💥متخسروش العلاقات المقربة بسهولة ابذلوا مجهود مرة و اتنين و عشرة لحد ما تلاقوا طريقة مناسبة للتعامل بينكم

06/04/2026

⚡️حوار بينى و بين عميلتى في سيشن 2 بينا

💫قالتلى : هو أنتى هتحكمى عليا أمتى ؟
(وهنا قد أكون خدت الصدمة ) لأنى تقريبا أول مرة أتسأل السؤال ده بشكل مباشر

💫قولتلها : مش دورى أحكم عليكى .. أنا دورى أساعدك 🤗

🔹️كملت و قالت :أمتى هتقوليلي أعمل إيه و معملش إيه

⚡️قولتلها : أنا مش دورى اخدلك قرارات او أقولك تعملى إيه و متعمليش إيه

💥💥أنا دورى أساعدك تفهمى نفسك و تفهمى احتياجاتك و رغباتك .. تفهمى بتاخدى قرارات بناءا علي ايه ..
و لما تفهمى ده أنتى هتاخدى القرارات المناسبة ليكى .. بالطريقة المناسبة ليكى .

مع نظرات استغراب 👀
💫و قالتلى كل المعالجين اللى قبلك كانوا بيقولوا أعملى كذا و الصح كذا
💥قولتلها و كنتى بتسمعي كلامهم و اللى بيقولوا عليه

💫قالتلى لأ مكنتش بسمع كلامهم و كنت بكدب عليهم و مش بكمل معاهم

💥قولتلها أنا مؤمنة أنا كل شخص عايز يبقي الصورة الأحسن و الأفضل من نفسه طول الوقت

💫أنا بساعدك تشوفي الصورة من برا بساعدك تشوفي قوتك و تتحركى منها و تاخد القرارات اللى تناسب الصورة اللى أنت عايزة تشوفيها لنفسك في المرايا

💥💥💥
و السيشن 5
جت عميلتى و هي طايرة من الفرحة مع الاستغراب و قالتلى أنا لأول مرة من سنين أخد قرارات مناسبة ليا و أنا مرتاحة بدون ضغط من اللى حواليا و لا أجبار من حد.

💥وقتها حسيت بالراحة و الفخر و القوة و أطمنت انى طريقتى صح

📣و أنتى قوليلي تجربتك لو اتفرض عليكى وجهة نظر معينة بتمشي عليها و له بتحتاجى تفهمى الأول

01/01/2023

انا مين؟
☘️ منار عبدالغني
💫أخصائية نفسية و ادمان.
💫باحثة ماجستير في علم النفس.
💫معالج معرفي سلوكى.
💫معالج جدلى سلوكى.
💫ممارس للعلاج المتمركز حول المشاعر (فردى-أسري-زواجي).
💫ممارس تنويم بالإيحاء.
💫محاضر بالبورد الأمريكى.

⚡رحلتي بدأت لما رجعت لحلمى و شغفي القديم في دراسة علم النفس جامعة القاهرة و حالياً باحثة ماجستير و درست كتير من الكورسات الخاصة بتطوير الذات و تطوير المهارات ورحلة وعي .
⚡خلال الفترة ديه كنت بدرس و بشتغل علي نفسي وبطبق اللي بتعلمه علي نفسي وده ساعدنى كتير اتخلص من اكبر مشكلة في حياتى و علاقاتى.
⚡️و درست T.O.T وبدأت اقدم محاضرات عن فن اختيار شريك الحياة و سنة اولى جواز و قدمت محاضرات لايف و اونلاين كتير استفاد منها مئات العملاء.
⚡قدمت محاضرات في فن التواصل خصوصاً بين الشريكين.
⚡من خلال الاستشارات الخاصة اكتشفت أثر الادمان سواء (سلوكيات.. علاقات.. مخدرات) علي تدمير الحياة و العلاقات و من هنا زاد شغفي بالعمل في مجال الادمان و بدأت اعمل في مراكز العلاج النفسي و الادمان من 2014 حتي الآن.

☘️خبراتى:
خبرة أكتر من 8 سنوات في:
⚡ تقديم المحاضرات و الاستشارات للمقبلين علي الزواج و الاستشارات الأسرية.
⚡العمل بمراكز العلاج النفسى و الادمان.
⚡تقديم محاضرات في الادمان و التعافي.
⚡تقديم جروبات دعم نفسي للمتعافين من الادمان.

☘️العمل الحالى:
⚡اعمل في مراكز التأهيل النفسي وعلاج ادمان.
⚡اعمل في موقع من اهم مواقع الاستشارات النفسية اونلاين .
⚡اعمل محاضر في الادمان و التعافي بالبورد الأمريكى.
⚡تقديم استشارات العلاج النفسي و السلوكى.

☘️ ازاى و ليه اقدر اساعدك ؟
⚡عشان رحلتي كانت مليئة بالمواقف و التجارب اللي خلتني اتعلم و اطبق تقنيات الدعم النفسي علي نفسي قبل ما اعلمها للعملاء .
⚡عشان قدرت اساعد مئات من العملاء انهم يستعيدوا نفسهم و يقدروا يعيشوا حياة افضل.

☘️شهاداتى:
⚡ليسانس آداب علم نفس جامعة القاهرة.
⚡بكالوريوس خدمة اجتماعية معهد الخدمة الاجتماعية بالقاهرة.
⚡باحثة ماجستير علم النفس.
⚡دبلومة علاج معرفي سلوكى.
⚡دبلومة العلاج الجدلى السلوكى.
⚡️ممارس للعلاج المرتكز حول المشاعر.
⚡ممارس معتمد للتنويم بالإيحاء .
⚡مدرب معتمد من الأكاديمية الفرنسية للتدريب.
⚡مدرب معتمد من البورد الأمريكى .

10/09/2021

ليس هناك شيئ جيد وآخر سيئ ولكن التفكير هو الذى يجعله كذلك
(شكسبير هاملت)

12/07/2021

انتظرونى الثلاثاء 11 مساء علي إذاعة الشباب و الرياضة 108 FM

عوده لسهره الثلاثاء وحلقه جديده وافتح قلبك مع صفاء ابو النور هندسه الصوت /محمد صلاح اخراج / يثرب سيد الساعه11 ولمده ساعه علي 108fm في ظل التطور التكنولوجي واقتحام السوشيال ميديا لكل مجالات الحياه حولنا تقريبا هل توافق علي الارتباط و الزواج عبر الصفحات المخصصه لذلك عبر السوشيال ميديا؟؟هل هناك سلبيات لاستخدام هذه الطريقه بالنسبه للشباب والفتيات؟؟
هنتكلم مع ا/منار عبد الغني استشاريه العلاقات الاسريه و ا/عادل امام مدرب علم الاقناع
شاركونا علي تليفون استديو (١٦) ٢٥٧٥٦٩٧٧ او ٢٥٧٧٦٠٥٣
تابعونا واسمعونا من هنا https://www.maspero.eg/…/

09/07/2021

*اضطراب الشخصية التجنبية
*Avoidant personality Disorder

*يميل المصاب بهذا الاضطراب للأنطواء و البعد عن العلاقات الإجتماعية.
*بداخله رغبة لتحسين علاقاته لكن دون فائدة.
*خجول حتي في المواقف التي لا تستدعي خجل.
*يبالغ في مراعاة القيود الإجتماعية.
*يشعر بالدونية و عدم الارتياح و عدم الأمان في وجود آخرين.
*لا يغضب حين يُنتقد او يُرفض بل يخجل و ينسحب.
*ليس له علاقات حميمة خارج نطاق الأسرة.
*يرغب بشدة أن يكون محبوب و مقبول من الآخرين.
*يتوقع الفشل و الانتقاد الدائم لذا يتجنب العمل و النشاط الأجتماعي.
*يتجنب حضور المناسبات و الاحتفالاتو تكوين الصداقات.
*قليل الكلام خوفاً من أن يعتبر الآخرون كلامه سخيف.
*يعانى من ضغط نفسي مستمر نتيجة عدم قدرته علي تكوين علاقات.



.