11/07/2025
🧠 إيه الفرق بين “صعوبات التعلم” و”بطء التعلم”؟
كتير من الأهالي بيتلخبطوا بين المصطلحين دول، مع إن كل واحد فيهم ليه خصائص مختلفة تمامًا:
🔹 صعوبات التعلم:
• الطفل بيكون ذكاؤه طبيعي أو أعلى من الطبيعي.
• بيواجه صعوبة في مهارات معينة زي القراءة، الكتابة، الحساب، أو التركيز.
• مشكلته مش في الفهم العام، لكن في طريقة استقبال أو معالجة المعلومة.
• وبيحتاج تدخل متخصص وتأهيل بأساليب معينة تناسب حالته.
• ممكن يحقق تفوق لو اتدرب صح!
🔸 بطء التعلم:
• الطفل بيكون مستوى الذكاء عنده أقل من المتوسط (IQ أقل من 90 غالبًا).
• بيستوعب المعلومة بس ببطء وبيحتاج وقت أطول.
• ممكن يتعلم، بس محتاج تكرار وصبر ودعم دايم.
• مش دايمًا هيواكب باقي زملاؤه بنفس السرعة.
❗️الخلط بينهم ممكن يضيع على الطفل فرص كتير في التعليم والدعم الصح.
📍لو لاحظتِ إن ابنك بيعاني، التقييم من أخصائي تخاطب أو نفسي هو أول خطوة مهمة.
👩⚕️ تقي ناصر
#
