Dr.Youstina Isaac د/يوستينا إسحاق

31/03/2026

أفضل أكلات وأطعمة لعلاج الإمساك عند الأطفال :

١-القراصيا (البرقوق المجفف)
من أقوى الحاجات اللي بتلين البطن
فيها ألياف + مادة طبيعية بتساعد على حركة الأمعاء
ممكن تتقدميها مهروسة أو عصير خفيف

٢-الكمثرى
فاكهة خفيفة على المعدة ومليانة ألياف
وكمان فيها نسبة مية كويسة تساعد على تليين البراز
تنفع مهروسة أو قطع صغيرة حسب سن الطفل

٣-الشوفان
بديل ممتاز للأرز والمكرونة
بيحتوي على ألياف بتنظم الهضم وتقلل الإمساك
ممكن تعمليه باللبن أو تضيفي له فاكهة

٤-الخضار المسلوق (كوسة – بروكلي)
الألياف اللي في الخضار ده بتساعد الأمعاء تشتغل كويس
خصوصًا الكوسة من الحاجات الممتازة جدًا
حاولي تدخليهم في أكل الطفل بشكل يومي

٥-المية
مش أكل… بس أهم سبب في علاج الإمساك!
لو الطفل مش بيشرب مية كفاية، أي أكل مش هيجيب نتيجة
لازم نهتم جدًا بكمية السوائل.

💡 نصيحة مهمة:
قللي الحاجات اللي بتزود الإمساك زي:
(الأرز الأبيض – الموز غير الناضج – الأكلات السريعة)

31/03/2026

الالتهاب السحائي (Meningitis) :
هو التهاب خطير يصيب الأغشية المحيطة بالمخ والحبل الشوكي، وينتج عادة عن عدوى بكتيرية، فيروسية، أو فطرية. تتمثل أعراضه في صداع شديد، حمى، تيبس الرقبة، وغثيان، وتتطلب حالة طارئة للعلاج. الوقاية تعتمد بشكل أساسي على التطعيمات، غسل اليدين، وتجنب المخالطة المباشرة للمصابين.

أهم المعلومات عن الالتهاب السحائي:
الأعراض:
تشمل الحمى المفاجئة، تيبس الرقبة، الصداع الشديد، الحساسية للضوء، الغثيان، والتشوش الذهني.

الأسباب:
أكثرها شيوعاً هي العدوى الفيروسية والبكتيرية
الأنواع:
البكتيري: الأكثر خطورة ويهدد الحياة ويتطلب علاجاً فورياً بالمضادات الحيوية.
الفيروسي: غالباً ما يكون أقل خطورة ويشفى تلقائياً.

طرق الوقاية:
التطعيم: أخذ اللقاحات الخاصة بالالتهاب السحائي.
النظافة الشخصية: غسل اليدين جيداً بالماء والصابون لتجنب انتقال الجراثيم.
الوقاية من العدوى: تجنب مشاركة الأدوات الشخصية والأكل مع الأشخاص المصابين.
التشخيص والعلاج: يتم عبر فحص عينة من السائل النخاعي (البزل النخاعي). العلاج بالمضادات الحيوية الفورية للبكتيري، بينما يركز الفيروسي على تخفيف الأعراض.

أنواع تطعيمات (الالتهاب السحائي):
١-لقاح ضد نوع A و C:النوع ده اللي بيتاخد في المدارس ضمن برنامج وزاره الصحه ،ما ينفعش يتاخد قبل سن سنتان و محتاجين نكرره كل سنتان لتلاته لضمان فاعليته (capsular polysacarride meningococcal vaccine ).

٢-اللقاح الرباعي المقترنACWY:ممكن نديه للأطفال من سن ٦ أسابيع (nimenrix pfizer) و من سن ٩ شهور (menactra Sanofi pasteur) و لحد سن ٥٥ سنه .موجود في المصل واللقاح وعيادات بعض الدكاتره.
الميزه في التطعيم الرباعي عن النوع الاول اللي بيتاخد في المدارس الآتي :
- نقدر نبتديه من بدري
-بعد ما نخلص الجدول بتاعه مش محتاجين نعيده كل سنتان لتلاته
-بيغطي الأربع أنواع المشهورين من ال Bacteria ACWY.

- Nimenrix (Pfizer)

- لو ابنك اخد اول جرعه قبل سن ٦ شهور يبقي ليه جرعه تانيه بعد شهران علي الاقل و قبل سن سنه و الجرعه التالته عند(أو بعد) سن سنه .
‐ لو أبتدي أول جرعه من سن ٦ ل ١٢ شهر يبقي ليه جرعه واحده تانيه عند(أو بعد) سن سنه و علي الاقل شهران من الأولي .
‐ لو أبتدي أول جرعه من أول سن سنه يبقي مش محتاج أي جرعات منشطه .

- Menactra (Sanofi pasteur)

- ما ينفعش نديه قبل سن ٩ شهور
‐ لو أدينا الجرعه الأولي من سن ٩ شهور لسن سنه يبقي ليه جرعه واحده منشطه بداية من سن سنه ( شهران علي الأقل من الأولي) .
‐ لو أدينا الجرعه الأولي من سن سنه لسنتان يبقي جرعتان ما بينهم شهران علي الأقل .
- لو أبتدينا بعد سن سنتان يبقي كل الي هنديه جرعه واحده .

٣-اللقاح ضد النوع B:
(Bexsero )
نزل مؤخرا مصر ،ضد النوع B:وهو مكمل للنوع الرباعي المقترن ،لا يغني عليه ،موجود في هيئه المصل واللقاح.

30/03/2026

مش بالضروره يكون فيه حالات منتشره عشان نطعم أطفالنا ضد الالتهاب السحائي
نديهم التطعيم ونأمنهم عشان دايما الوقايه خير من العلاج🥰

30/03/2026

وزارة الصحه:
لا بوجد اي تفشي وبائي لمرض الالتهاب السحائي في مصر
اطمنوا 🥰

30/03/2026

30/03/2026

29/03/2026

26/03/2026

❤️❤️

26/03/2026

🍭أبرز تأثيرات السكر السلبيه على نمو الطفل❌:

١-تعطيل هرمون النمو والطول:
ارتفاع سكر الدم يقلل من إنتاج هرمون النمو، مما يؤثر سلباً على طول القامة.

٢-زيادة الوزن والسمنة:
يؤدي إلى تراكم الدهون الضارة في الجسم، مما يزيد من خطر الإصابة بالسمنة ومرض السكري من النوع الثاني.

٣-مشاكل صحية مزمنة:
السكر الزائد قد يضعف الأوعية الدموية والأعصاب، ويسبب تسوس الأسنان، ومشاكل في الجهاز الهضمي.

٤-التأثير على السلوك والدماغ:
يسبب فرط النشاط، قلة التركيز، وتقلب المزاج نظراً لتذبذب مستويات السكر في الدم.

٥-سوء التغذية:
استبدال الأطعمة المغذية بالسكريات يؤدي إلى نقص الفيتامينات والمعادن الضرورية للنمو.

🍬نصائح للحد من السكر:
ينصح بالابتعاد عن المشروبات السكرية والحلويات المصنعة، والاعتماد على السكريات الطبيعية الموجودة في الفاكهة، خاصة في السنوات الأولى من العمر لضمان صحة الطفل.

26/03/2026