https://www.facebook.com/773092072560500/

دُرج الادويه, 6 October City, 6 October City (2026)

14/02/2026

رمضان كريم و أعاد الله عليكم شهره الكريم بالخير واليمن والبركات🌙 #رمضان #2026 #صيدليه

01/02/2026

🚨 قبل ما تمد إيدك على المسكن... لازم تعرف الكام كلمة دول! 🚨

كلنا بيجي علينا وقت بندور على أسرع حل لـ "صداع " أو "آلام العضلات"، و أول حاجه تيجي ف دماغنا هو المسكن. لكن هل فكرت إيه اللي بيحصل جوه جسمك مع كل حبة مسكن؟ 🤔
كتير من المسكنات المنتشرة زي البروفين (Ibuprofen)، الكيتولاك (Ketorolac)، وحتى بعض أنواع الأسبرين (Aspirin)، بالرغم من إنها فعالة جدًا في تسكين الألم، إلا إن ليها وجه تاني لو استخدمناها غلط:
* ⚠️ خطر على المعدة: ممكن تسبب التهابات شديدة، قرحة في المعدة، وأحيانًا نزيف داخلي.
* ⚠️ خطر على الكلى: مع الاستخدام المفرط، ممكن تأثر على وظائف الكلى وتسبب مشاكل خطيرة، خاصة لو في تاريخ مرضي لمشاكل الكلى.

طيب إيه الحل؟ وإيه هو المسكن "الآمن نسبيًا"؟
✅ البانادول أو الباراسيتامول (Paracetamol/Acetaminophen):
هو يعتبر من المسكنات الأكثر أمانًا نسبيًا على المعدة والكلى بالجرعات المحددة، لأنه بيشتغل بطريقة مختلفة عن باقي المسكنات اللي ذكرناها.

نصائح "درج الأدوية" ليك عشان تحمي نفسك:
1. 🚫 مش كل وجع مسكن: حاول تعرف سبب الألم، ممكن يكون إشارة لحاجة تانية.
2. 💧 اشرب مية كتير: خاصة لو بتاخد مسكنات، ده بيساعد الكلى.
3. 💊 الزم الجرعة: لا تزيد عن الجرعة الموصى بها.
4. استشر الطبيب/الصيدلي: لو الألم مستمر، أو لو عندك أي أمراض مزمنة (ضغط، سكر، مشاكل في الكلى أو الكبد).
صحتك أهم حاجة، شاركونا ايه اول مسكن موجود عندك وبتاخده لو احتاجته
#المسكنات #وقاية #باراسيتامول #أدوية

20/01/2026

خدّي بالك على أولادك

دور البرد المنتشر اليومين دول مش دور برد عادي!

الفيروسات بتتحور، والدور ده بينتقل بسرعة
و يلف على كل أفراده، خصوصًا الأطفال 🤒

🔴 الأعراض اللي بتظهر:
•همدان شديد في الجسم
• عدم اتزان
•كحة ناشفة أو كحة ببلغم ومستمرة
•احتقان شديد ف الانف
•صداع وإرهاق عام
•حرارة خفيفة أو متقطعة
•فقدان شهية
•أحيانًا ترجيع أو ألم شديد في البطن

🟢 نصايح مهمة :
✅ الراحة والنوم الكافي أهم علاج
✅ الإكثار من السوائل الدافئة طول اليوم
✅ الاهتمام بتغذية الطفل (خضار – فاكهة – بروتين)
✅ فيتامين C و D مهمين لتقوية المناعة
✅ ممنوع المضاد الحيوي من غير استشارة طبيب ❌

احمي أطفالك من البرد و شاركي النصايح مع كل أم تعرفيها 💚

21/10/2025

واحد من أهم الفيتامينات المفيدة
للقلب 🫀 والمخ 🧠 والبشرة 🌸 والعين 👁️

لكن المعلومة الأهم 👇
🧩 جسمنا ما بيعرفش يصنّع أوميغا 3 بنفسه!
علشان كده لازم ناخده من:
🍽️ مصادر طبيعية في الأكل اليومي
💊 أو في صورة أقراص أو شراب (خصوصًا للأطفال)

🌿 من أهم فوائده:
• بيقلل الالتهابات في الجسم والبشرة
• بيساعد على تحسين التركيز وتقوية الذاكرة
• بيقلل فرط الحركة عند الأطفال (ADHD)
• بيقلل خطر الإصابة بأمراض القلب والأوعية الدموية
• وبيحمي من أمراض خطيرة زي السرطان والزهايمر 💪

⏰ طب ناخده امتى؟
بعد الأكل مباشرة، وخصوصًا بعد الغداء علشان الجسم يمتصّه كويس 🌿

❤️ أوميغا 3 مش مجرد فيتامين…
ده دعم يومي لصحة قلبك وعقل أولادك 👩‍👦💭

❓تفتكرو أوميغا 3 موجود في أكلات طبيعية زي إيه؟
شاركونا إجابتكم في الكومنتات 👇

#أوميغا3

05/10/2025

️ ☀️بتخافي ابنك يتعرض للشمس؟ استني لحظة!

صحيح الشمس القوية ممكن تضر الجلد،
لكن التعرض البسيط ليها يوميًا هو سر مهم لصحة ولادنا 💪

🦴 فيتامين D المسؤول عن امتصاص الكالسيوم وتقوية العظام جسمنا مايعرفش ينتجه لوحده بيحتاج يا إما
✅الشمس
✅يا إما بعض الأطعمة زي البيض 🥚والتونة 🍣 والجبنه🧀.

حتى وإحنا داخلين على الشتا ❄️
خلي في يومك 10 دقايق بس تعرضي فيهم لشمس الصبح أو بعد العصر
هتفرق جدًا في صحتك وعظامك ومناعتك انتي وأسرتك💪

👉شاركونا وقولولنا تفتكرو ايه تاني غني بڤيتامين د!

02/10/2025

"إيه علاقة المدرسة بالجوافة؟ 🤔📚🍐”

مع بداية الدراسة وزيادة الاختلاط بين الأطفال، فرص انتشار البرد بتزيد 😷 وده بيخلينا نفكر أكتر إزاي نقوي مناعة أولادنا 👶💪

واحد من أقوى الأسلحة الطبيعية هو فيتامين C ✨
✅ بيقوي جهاز المناعة
✅ بيساعد الجسم يقاوم العدوى
✅ بيحمي من نزلات البرد المتكررة

🌿ومن المصادر الغنيه ب فيتامين C
🍊 البرتقال، 🫑 الفلفل الملون، 🍅 الطماطم، 🍓 الفراولة

💡 والمفاجأه ان الجوافه فيها فيتامين C اكتر من البرتقال بـ 3 مرات!
يعني ثمرة جوافة صغيرة ممكن تغطي احتياجات طفلك اليومية من فيتامين C وتدعمه في فترة المدرسة. 🌟

👉 شاركونا و قولولنا تفتكرو ايه تاني غني بڤيتامين C!

25/09/2025

القطره ليها تاريخين صلاحيه ……انتي عارفاهم👩‍⚕️؟!

كتير مننا بيلاقي في البيت قطرة عين بقالها شهور أو سنين، ونفكر إنها “شغالة” عشان التاريخ على العبوة لسه ما خلصش.
لكن الحقيقة إن تاريخ صلاحية القطرة بيتغير من أول يوم بتتفتح فيه!
💧 القطرة مصممة تكون معقمة… وبعد الفتح، بتتعرض للبكتيريا والهواء، وده بيخليها خطر بعد فترة قصيرة.
⏳ معظم القطرات لازم تتخلص منها بعد ١ شهر من الفتح (حتى لو تاريخ العبوة لسه بعيد).

✅ احمي عينيك… ماتجازفش. ارمي أي قطرة قديمة وابدأ واحده جديده لو محتاج.
شاركي المعلومة مع اللي بتحبهم اعملي لايك 👍 وفولو ✅ وخلي درج الأدوية عندك آمن ومنظم 💊

24/09/2025

🚨 هل عندك في البيت “درج الأدوية” اللي مليان شرايط ناقصة، علب منتهية، وأدوية مش فاكرين كانت لمين ولا لإيه؟ 😅💊
من هنا بدأت فكرة صفحتنا 👉 “درج الأدوية”

هدفنا نساعدك تفرزي أدويتك، تعرفي إيه اللي ينفع تستخدميه وإيه اللي لازم تتخلصي منه، وازاي تخزني الأدوية بطريقة صحية وآمنة ليكي ولأسرتك👨‍👩‍👧‍👦 وكمان هتلاقي معانا نصايح غذائية وصحية بسيطة هتفرق فعلًا في صحتك وصحة عيلتك 👩‍👩‍👧‍👦🥗💡
📌 التحدي المطلوب دلوقتي:
1️⃣ افتحي درج الأدوية عندك.
2️⃣ شاركي معانا في الكومنت إيه أكتر حاجة لقيتيها غريبة أو منتهية فيه 😅
3️⃣ اعملي شير للبوست عشان كل بيت يبدأ معانا التحدي ويخلي درج الأدوية منظم وآمن

👉 ماتنسيش تعملي لايك 👍 وفولو ✅ للصفحة عشان توصلك كل النصايح الجديدة.

دُرج الادويه

14/02/2026

01/02/2026

20/01/2026

21/10/2025

05/10/2025

02/10/2025

25/09/2025

24/09/2025

Address

Website

Alerts

Shortcuts

Share

Category