Dr. Marwa Abdelbaky

01/05/2026

⛅️صباح يوم جديد🤗....

⛅️فكّري كويس😊 تحبي تكتبي إيه في صفحة النهارده..

⛅️بدل ما يخلص اليوم بشخبطة الأخرين🥰

⛅️يوم سعيد بإذن الله 🤗


#عيشيهابسلام

30/04/2026

🍒عندك المانديلا🤗؟

🍒تعالي أقولك🥰 الأبحاث بتقول إيه عنها؟

✨️ تلوين المانديلا🎨 لمدة لا تقل عن 20 دقيقة بتخفض القلق والتوتر⬇️ بنسبة 47% من أول مرة👌.

✨️و إن 30 دقيقة بس كافين جدًا لتحسين حالة التدفق الذهني🧠.

✨️ بتزود الأمل والمرونة النفسية😄.

✨️وإن التلوين قبل النوم 😴 بيحسن من جودة النوم لأنه بيساعد على إفراز الميلاتونين ⬆️ويقلل من نشاط اللوزة الدماغية⬇️.

✨️وفيه أبحاث أولية بتقول إن لها تأثير على تخفيف الألم المزمن ⬇️ لأنها تخفض مستوى الكوليسترول ⬇️ والإستجابات النفسية للإجهاد لدى مرضى الفيبروماليج👌.

🍒طيب امتى أفضل🤔 وقت نستخدمها؟

على حسب هدفك إيه😊 لمدة 20 دقيقة ..

لو عايزة تزودي التركيز وتبني حالة ذهنية هادية قبل بداية اليوم يبقى الصبح😇 قبل اليوم ما يبدأ ، ضيفيها لروتينك الصباحي من 6: 9 صباحًا.

ولو هدفك خفض القلق يبقى على الأقل ٢٠ دقيقة وقت الطوارئ 🚨 والتوتر.

ولو عايزة تنامي نوم عميق😴 يبقى من9:10 قبل النوم .

🍒فرصة إحنا بنبدأ الويك اند🥰 وعايزين نفصل.

🍒 دوري عالمانديلا اللي عندك و خليها جنبك😊هتحتاجيها
كتير الأيام اللي جاية وإحنا داخلين على إمتحانات😉 بدل ما تفقدي أعصابك وتبوظي علاقتك بالأولاد💔.

🍒 ويك اند سعيد🥰.

اكتبيلي في التعليقات عندك مانديلا وبتحبي تلوني فيها😊؟ ولا أول مرة هتجربي🤔.

#عيشيهابسلام

29/04/2026

🍂أنتِ شايلة على قدك 🤔؟

🍂ولا شايلة شيلة أكبر منك🤷🏼‍♀️؟

لو شيلتك أكبر من سنك هتسرق منك طفولتك👧🏼 بدري وتكبرك قبل الأوان💔.

ولو أصغر من سنك .. هتفضلي حاسه إنك محتاجة حد يسندك😔 طول الوقت..

بس الأخطر ..لما تشيلي شيلتك🥺 وشيلة غيرك معاها.

لما تبقي أنتِ اللي بتهدي الكل..

وتحلي مشاكل الكل..

و تستحملي بدل الكل...

وأنتِ محدش شايلك....

🍂كتير مننا اتربى كده ..بقينا كبار بدري..

🍂أو بقينا مسؤولين عن ناس مش دورنا أصلاً نشيلهم .

فكبرنا وكوباية احتياج " المعايير الواقعية" جوانا لسه فاضية💔.

أسألي نفسك بصدق 😊:

أنا شايلة إيه بجد😇؟

وإيه اتحط على ظهري ومش بتاعي🤔؟

عارفه إن الموضوع مش سهل..

وإن في أسباب خلتك تشيلي كده من زمان...

بس البداية الحقيقية:

إنك تفرقي بين شيلتك🥰... وشيلة غيرك🤷🏼‍♀️.

علشان في الآخر أنتِ بس اللي بتدفعي الثمن.

اكتبيلي في التعليقات 🤗 :

شايلة شيلتك بس👍

ولا شايلة أكتر؟ اكتبيلي + كام

27/04/2026

🌿هو أنا مجنونة علشان أروح لمعالج😅 ؟

🌿ده أكتر سؤال بيوقف ستات كتير عن خطوة العلاج🤷🏼‍♀️ .

🌿بس العلاج المعرفي السلوكي CBT مش بس كلام بنحكيه وخلاص😅 .

🌿ده زي كتالوج لمخك🧠 وأفكارك💭 .

🌿إحنا مش بنغير الماضي😇 ، بس بنغير طريقة تفكيرك وردود أفعالك🥰 تجاه الحاضر والمستقبل.

🌿هو استثمار في صحتك النفسية💚🤍 ، زي ما بتهتمي بصحتك الجسدية بالظبط🥰.

🌿الجلسات بتم في خصوصية تامة😊 وبأدوات علمية وعملية👌 هتلاحظي فرقها في حياتك اليومية🥰.

🌿الخطوة الأولى هي الأصعب ، بس هي بداية الطريق للهدوء🤗.

27/04/2026

⚘️بتحسي إنك مش قادرة تاخدي قرار لوحدك🤔؟ عايزة حد يفكرلك🙄 ؟ وخايفة تشيلي ريسك القرار بتاعك😬؟

⚘️ده ممكن يكون بسبب عدم إشباع احتياج
..(الهوية والكفاءة والاستقلال)..

هل كان عندك هوايات😊 وأنشطة وأنت صغيرة؟

هل كانوا بيسيبوكي تختاري اللبس اللي عاجبك أو الرياضة اللي أنت حباها🥰؟

هل كانوا بيحاوروكي ويناقشوكي ولا كانوا لاغيين شخصيتك؟

هل كنتي بتحسي إنك كيان منفصل👩🏻 ومستقل؟ ولا كنتي إمتداد ليهم 🤦🏻‍♀️؟

⚘️واحد من احتياجاتنا المهمة هو الهوية إني أكون زي ما أنا

⚘️ وإني أكون موجودة بحقيقتي 😊و عايشة بشغفي .

⚘️بتقدري تاخدي القرار من غير ما تخافي من لوم😊 .

⚘️عارفه هواياتك، وعارفه إيه اللي بيفرحك أنتِ 😍وإيه حدودك اللي مينفعش حد يتخطاها👊.

⚘️الاستقلال مش تمرد الاستقلال هو إنك موجودة.

⚘️إنك تكتشفي شغفك اللي أتأجل ٢٠ سنة .

⚘️إنك تقولي لأ👎 للحاجة اللي بتضغط على أعصابك وتستنزف طاقتك😤.

⚘️إنك تبني ثقتك في قدرتك على إدارة حياتك لوحدك💪.

⚘️افتكري دائما إن النسخة المستقلة المحققة لذاتها هي أكثر نسخة هتعرف تحب ❤️اللي حواليها .

لو حاسه إن هويتك تاهت منك أو محتاجة تتحركي🚶🏻‍♀️ ناحية الاستقلال بذاتك ، فده الوقت المناسب علشان تاخدي خطوة🥰.

أكتبيلي في التعليقات 🤗امتى اخر مرة اخذتي فيها قرار بناءً على اللي أنت عايزاه؟ مش على اللي متوقعينه منك🤔؟

#صحةنفسية

26/04/2026

لو هتوصفي البنت دي في كلمتين هتقولي إيه🤗؟؟؟

أكتبيلي رأيك في التعليقات 😊..


#صحةنفسية

25/04/2026

25/04/2026

النهارده هنتكلم عن احتياج التعبير الحر عن الذات😇 ...

وهو إنك تعرفي تعبري عن مشاعرك واحتياجاتك بحرية🗣.

وإن البيئة بتستقبل ده بتقبل👨‍👩‍👧‍👦 .

بس لما بنتحرم من الإحتياج ده للأسف😔 بنكبر وإحنا مش بنعرف نعبر عن مشاعرنا❤️ وبيبقى صعب علينا جدا نبوح بالي جوانا🗣.

والسؤال هنا 🤔 هل بيئتك كان فيها لغة مشاعر وبتعرف تعبر عنها 😍 ولا البيت كان ماشي باللازم والمفروض🤨 ومش عايزين نسمع صوت 🤫 ، وبطلوا عياط 😭 ، وكفاية زن😫.

هل لما كنتي بتعبري عن مشاعرك كانت بتواجه بالقبول 💖ولا كانت بتستقبل بالرفض والسخرية والتهكم❤️‍🩹.

وطبعاً الذكور 👦🏻في مجتمعاتنا مظلومين أكتر ، اللي أول ما يعيطوا يتقالهم مفيش راجل بيعيط😭.

للأسف الأطفال👧🏼 اللي مش بيسمح لهم بالتعبير عن مشاعرهم🤫 بيتعلموا يكتموها🤐 ويعانوا بقى لما يكبروا 🙍‍♀️من عدم القدرة على التعبير عن مشاعرهم😔 ونرجع نشتكي من إننا بنضحي بنفسنا من أجل الأخرين🤷🏼‍♀️.

ومن إننا بنحط نفسنا أخر الليستة 📝مع إن هو ده اللي اتعلمناه 😅واحنا صغيرين ، ونرجع نشتكي هو احنا ليه مش بنحس إننا 🫣مهمين.

زمان مكنش فيه الوعي المتاح😊 لنا دلوقتي ولو حد اتعرض لده فأكيد كان من غير قصد🥰 من أهله .

بس دلوقتي محتاجين ناخد خطوة صغيرة ونبدأ نعبر عن اللي جوانا 🤗 .

وأسلم طريقة علشان نعبر صح🥰 هي إننا نستخدم جمل كلها بتبدأ بأنا مش أنت ، وعبري😇 عن نفسك

أنا حسيت بكذا...

أنا كنت عايزة كذا....

وده غير ما تقولي أنت عملت وسويت ، هتستفزي اللي قدامك وهيحس إنك بتهاجميه👊 وهيدافع عن نفسه ومش هيبقى بيسمعك ...

جربي كلامك كله يبقى عن نفسك😊 .. مشاعرك❤️ .. إحتياجاتك🥰... هيتعاطف معاكي وهيسمعك ..

وواحدة واحدة هتملي تانك الإحتياج ده 😇.

أكتبيلي في التعليقات بتعرفي تعبري عن نفسك بحرية🤗 بنسبة قد ايه%.

وايه الخطوة اللي هتاخديها علشان تشبعي الإحتياج ده❤️.



#صحةنفسية

24/04/2026

🌿دائماً أنتِ السند للكل🥰.. بس أنتِ مين سندك؟

🌿 بين مسؤوليات البيت، والأولاد اللي كبروا ومشاكلهم، وضغط الشغل، أو حتى التغيرات اللي بتحسّي بيها في جسمك ومشاعرك في المرحلة دي..

🌿طبيعي تحسي إنك "المطحونة" وسط كل ده.

🌿 طبيعي تحسي بالإرهاق، القلق، أو حتى إنك "مش عارفة نفسك".

🌿في جلسات الـ CBT، مش بس هنسمعك😊، إحنا هنتعلم سوا إزاي تفهمي الأفكار اللي بتتعبك وتغيريها، عشان تقدري تكملي بس وإنتِ "مرتاحة"🥰، مش وإنتِ"مجبورة".

🌿 إنتي تستاهلي🤗 وقت لنفسك.. كلمينا💚🤍.

#صحةنفسية

23/04/2026

احتياجنا للحب❤️❤️..

يعني إيه حب ويعني إيه أكون محبوبة🤔؟

يعني احساسي إن أنا كلي على بعضي كده مقبولة 😊 زي ما أنا .

مش لازم أعمل حاجة زيادة علشان اتحب❤️.

مش لازم أذاكر👩🏻‍🏫 ولا أسمع الكلام👍 علشان يحبوني🫶🏻.

مش محتاج أي حاجة زيادة علشان تخليهم يحبوني🥰 أنا
لوحدي كفاية.
الحب❤️ يعني تقبل، عاطفة، دعم، تشجيع، تواجد وحضور

مينفعش يكون مشروط.. لما تعمل كذا تحس بيه 🤷🏼‍♀️.. لأن الرسالة اللي بتوصل ساعتها هي هما بيحبوا أجزاء مني💔 ، بيحبوني لما أعمل حاجات معينة😔.

🍒 زمان لاحظت إن ابني لما كان بيعمل حاجة غلط❌️ كان بيتلكك علشان يقرب خده من بقي علشان أبوسه كنت بحس كأنه عايز يتأكد👀 إنه لسا محبوب👩‍👦❤️ ومقبول رغم اللي عمله، وكنت على طول بقلب الأم أبوسه😘 وأحضنه🫂 علشان أطمنه وأقوله:" أنت ابني حبيبي😍 وبحبك مهما حصل وهتفضل روح قلبي ، أنا زعلت من تصرفك مش منك أنت" .

واحنا أطفال مبنقدرش نفرق أوي كده بين هما زعقولي على حاجة غلط يبقى أنا وحش وهما مش بيحبوني 😔وبين إن أنا حاجة وتصرفي حاجة تانية🤔.

وظائف مخنا التنفيذية🧠 مش بتبقى شغالة كويس علشان نقدر نقدر الموقف صح ونحكم صح.

🍒طرق التعبير عن الحب كتير ❤️❤️.

في واحدة بتحب تسمع 👂كتير كلام حب

وواحدة تانية بتحب تحس بيه أكثر فمناسب لها الأحضان والبوس😘 وهو ده اللي بيحسسها إنها محبوبة .

وواحدة تالتة بتحب الهدايا 🎁🎁"طالما افتكرتني وجبتلي هدية تبقى بتحبني 😊"

وواحدة تانية بتحب يتعملها خدمات 👩🏻‍🍳بتفرق معاها زي
مثلا: ماما عملتلي الأكلة🌮 اللي بحبها علشان بتحبني، أو حد ساعدها في حاجة يبقى مهتم بيها😍وبيحبها.

والطريقة السحرية ماما لعبت معايا 🎳🎲🪁وقضينا وقت جميل مع بعض👩‍👦.

وممكن ميكس من كذا طريقة😍 ، بس المهم تعرفي أنتِ ايه🤔 الطريقة اللي بتحسي بيها بالحب❤️ أكتر؟ وإيه الطريقة اللي بتفرق مع حبايبك؟

وأياً كان كمية الحب اللي أخدتيها😊 وأنت صغيرة فالمسؤولية دلوقتي بقت عليكي وأنت كبيرة يا ترى بتعرفي🤔 تحبي نفسك وتعوضيها؟؟

ولا بتعيدي نفس السيناريو القديم 🤷🏼‍♀️؟

قابلاها زي ماهي 😇ولا هي محتاجة تعمل مجهود خرافي علشان تتشاف .

بتجلديها🤫 لما تغلط ولا بتسامحيها وبهدوء كده بنشوف ممكن نعمل إيه المرة الجاية🥰.

اكتبيلي في التعليقات بتدي نفسك حب كام %🤗 .

ولو البوست عجبك😊 شيريه وخلونا كلنا ناخد بالنا من صحتنا النفسية لأنها أولوية💚🤍.

دمتن جميلات محبوبات🥰😍.


#صحةنفسية


#عيشيهابسلام

22/04/2026

🍒النهارده هنتكلم عن احتياجاتنا النفسية🥰 ..

وهنبدأ بأهم احتياج واللي يعتبر حجر الأساس.........
" احتياج الأمان😇".

اللي لو لم يشبع في الطفولة بنكبر بجسم امرأة ناضجة لكن جواها طفلة صغيرة ترتجف🙅🏻‍♀️، بتدور طول الوقت على ملجأ🥹 يحميها في علاقات مرهقة 😔أو على طول عايشة في قلق😬.

الأمان هو مسؤولية الأهل الأولى لما كنا صغيرين ..

بس لما كبرنا بقى دورنا🥰 إحنا اتجاه نفسنا...

طيب يعني إيه أمان🤔 ؟؟

أمان يعني من حقي😊 متعرضش لإساءة نفسية ولا جسدية.. متشتمش، متضربش ، وهكذا..

🍒الأمان له أنواع:

✨️ أمان جاي من الاستقرار..

هل أنتِ عشتي في بيئة مستقرة والأمن في البيت كان مستتب؟؟

إنك تبقي عارفة إن الناس المهمين في حياتك هيفضلوا جنبك مش هيختفوا فجأة لا بالهجر ولا بالموت ولا بالتخلي..

هل عشتي مع ناس👫🏻 بتعرف تنظم مشاعرها ؟؟ ولا كانوا كل شوية بيدخلوا في نوبات غضب😤 ويثوروا ويزعقوا؟؟

أو كل شوية يتخانقوا أو يطلقوا أو حد يسيب البيت.

لو ده كان الحال 🤔فإحساس الأمان كده اتضرب.

✨️ فيه نوع تاني بيجي من التوقع:

اللي هو أنا عارفه رد فعلهم إيه على طلباتي أو تصرفاتي🤷🏼‍♀️ مش مرة موافقين ومرة تانية يهبوا فيا.

فلو كانوا متقلبين👀 يوم دلع وحب❤️ ويوم برود💔 أو غضب ، فده اللي بيخليكي طول الوقت عامله زي الرادار بتراقبي👁 وشوش الناس علشان تعرفي هل أنتِ في أمان النهارده🫣؟ ولا لأ؟

✨️ آمان الحماية:

ابقى عارفه إن العالم مش مكان مخيف ، وأنك عندك القدرة والسند لمواجهة الخطر☠️.

فلو كانت البيئة عنيفة أو مستبيحة ، "ومش بس الضرب العنيف اللي بيسلبنا إحساس الأمان" ، كفاية الصريخ🗣 طول الوقت ،النقد عمّال على بطّال😔 ده كفاية أوي يخليكي تحسي إن الهجوم👊 ممكن يحصل في أي لحظة ويخلي جهازك العصبي على أهبة الاستعداد🚨.

✨️وممكن يكون الفقد المبكر أوالتهديد بيه سبب في فقدان احساس الأمان😔 زي الطلاق أو السفر الطويل أو التهديد بيه لو عملتي كذا هسيبك وأمشي..

✨️واخر نوع بيجي من تعرض الأطفال لتجارب مبكرة على سنهم، زي لو كان مثلاً الأب بيجيب أصحابه البيت ويشربوا أي نوع من المحرمات🍷🚬 أمام الأطفال ، هنا الأطفال برده بتفقد إحساس الأمان لأنهم لسا مش مهيئين للمشاهد دي.

وأياً كان السبب في شرخ إحساسك بالأمان فأنتِ دلوقتي مبقتيش الطفلة الصغيرة العاجزة🤗 ، أنتِ بقيتي الأم الحكيمة لنفسك😊 اللي تقدر تدي طفلتها الداخلية الأمان🫂 اللي اتحرمت منه .

وأول خطوة محتجاها هي إنك تعرفي يعني إيه أمان🥰 بالنسبة لك ؟ 🤗وشاركيني بيه في التعليقات.

وأعملي شير للبوست🥰 وخلي غيرك يستفيد😊

وافتكروا إن الدال على خير كفاعله😇.

وخلونا ناخد خطوة🚶🏻‍♀️ ناحية حياة نفسية سليمة💚🤍 لأن صحتك النفسية أولوية مش رفاهية😊.


#صحةنفسية
#عيشيهابسلام