14/12/2025
الدور المنتشر في الأطفال الصغار اليومين دول هو فيروس RSV فيروس التنفس
المخلوي
والمتحور الجديد لفيروس كورونا
هما فيروسات وليس لها أي علاقة بالمضادات الحيوية
بلاش مضاد حيوي وبلاش كورتيزون .
الاعراض نتعامل معها ازاي في كل حالة سواء فيروس RSV أو فيروس كورونا أو فيروس الانفلونزا اتعامل مع الاعراض كالأتي :-
اولا اسخونية
ابتدأ يجي لنا سخونية سواء الكبير أو الصغير هنعمل ايه اخد دواء خافض للحرارة
نخفض الحرارة ازاي ناخد
الباراسيتامول / سيتال / برامول / بيرال / أبيمول كل ٦ ساعات .
ممنوع قبل ال ٦ ساعات ياخدوا تاني
لو ما نزلتش ورجعت السخونية بعد ٣ ساعات
في هذه الحالة ادخل دواء تاني من عيلة تانية زي
البروفين كل ٨ ساعات أو كل ٦ ساعات .
يبقى في حالة لو الطفل بيجي له الحرارة كل ٦ ساعات يكفي نوع واحد فقط من العائلة الأولى باراستيمول أو ....أو ...
ايه كمان يخفض الحرارة الكمادات والافضل
نضع الكمادات تحت أذني المريض من الجانبين بامتداد الرقبة على الأوعية الدموية.
واضع كمان الكمادات مكان سحب عينة الدم بالذراع .
واضع الكمادات ما بين الفخذين بها أوعية دموية ايضا .
فى هذه المناطق تنخفض درجه الحرارةبسرعه لأنها بتتعامل مع الدم مباشرةً
كأنك بهذه الطريقة عملت تكييف للدم
هتقعد الحرارة حوالي ٣ ايام او اربعه ما تقلقش.
فإذا تبين بعد ذلك بسبب السخونة عملت طفح جلدى استشير الطبيب لان اي فيروس في الدنيا ممكن يعمل طفح جلدى
هام
ممنوع منعا باتا الأسبرين سواء اسبرين الاطفال او الريفو اي حاجة من سلالة الأسبرين ممنوع يتاخد اي واحد فيهم مع دور الفيروس مع أي طفل تحت سن ال١٨ سنه لانه ممكن يعمل له إلتهاب في الكبد يؤدي إلى الوفاة لاقدر الله
ثانيا إحتقان الأنف (الرشح) : -
الاحتقان شديد جدا والعطس شديد جدا نتيجه التهاب بالجيوب الانفية
دواء المضاد للهيستامين الدواء بتاع البرد له خاصية الأدوية دية بتساعد إنها تقلل الإحتقان وتقلل الرشح وتقلل العطس وبتساعد على تفتيح الجيوب الأنفية وتبدأ تخرج السوائل وكمان ما يتراكمش عليها بكتريا وكمان لنحافظ على الأذن من الإحتقان الشديد
ممنوع أخذ نقط الأنف أكثر من ٥ أيام سواء اطفال او كبار بتعمل ضمور في بطانة الأنف .
وهام غسيل الأنف مرتين يوميا على الاقل بمحلول ملح او بخاخ ماء بحر
ثالثا إحتقان الزور (الكحة) :-
حاسس بحاجة في زوري وحاسس الدنيا محتقنة وألم شديد مع البلع
خلي الطفل يشرب عصائر فريش . زود من السوائل ده مهم جدا مع الحرارة والسخونية والمناعة وعلشان يقاوم .
نعناع / ينسون /اي سوائل دافئة يشربوها مضافة معها عسل
رابعا دور الكحة :-
الكحة هنا بيبقى البلغم فيها كتير جدا على الصدر ومع الاطفال بيفضلوا يكحوا لدرجة إن هو يرجع من البلغم فلو دواء مكتوب عليه للاطفال ويكون كمان مذيب البلغم هيبقى كويس ، لكن لو حاجة للكحة الجافة مش حلو اوي الحاجات للكحة الجافة دي هتخلي البلغم يقعد يتراكم أنت بتمنعه إنه يفضل يكح هيفضل يتراكم البلغم ويدخل في مراحل مش كويسة .
لكن ممكن طارد البلغم يستعمل للكبار
أستيل سيستايين فوار مثلا ليه بقى علشان يساعد أنه يخرج وينظف الصدر من البلغم .
كتم البلغم ممكن يؤدي إلى تكاثر البكتريا وإلتهابات في الرئه
الدور هياخد اسبوع اسبوعين .
سواء أخذتم مضاد حيوي أو ما أخذتوش.
السخونيه طولت اوي مع الطفل ابتدأ البلغم بتاعة لونه اخضر اصفر يبقى في هذه الحالة استشير طبيبك لما اللون يتغير يبقى كده دخلت في بكتريا .
هام جدا
شرب السوائل
النوم ٨ ساعات : ٩ ساعات
ابنك او بنتك عنده الدور ارجوك ما ينزلش
بلاش نعدي باقي الاولاد .
عنده اعراض يقعد في البيت
