الدكتور محمد مصطفى مطر للغدد الصماء والباطنة والكلى والسكر

الدكتور محمد مصطفى مطر للغدد الصماء والباطنة والكلى والسكر طبيب باطنى ( غدد صماء - كلى - سكر )

📢 سيدة عندها 42 سنة عندها سكر من النوع التاني بتشتكى إن رجليها بتورم وجسمها بيتنفخ وكشفت كتير قبل كدة علشان تورم الجسم و...
16/11/2025

📢 سيدة عندها 42 سنة عندها سكر من النوع التاني بتشتكى إن رجليها بتورم وجسمها بيتنفخ وكشفت كتير قبل كدة علشان تورم الجسم وعملت أشعات وتحاليل وظائف كلى ووظائف كبد وأشعة إيكو على القلب وأشعة تليفزيونية على البطن والحوض وأشعة دوبلر على الأوعية الدموية للساقين وكل حاجة كويسة وهى بتاخد مدر للبول علشان التورم يخف شوية ولكن بيرجع زى الأول ومفيش استجابة ‼️
📌 طلبت منها أشوف العلاج اللى بتاخده للسكر والضغط لقيت إن السبب الأول فى احتباس السوائل فى جسمها هو علاج السكر اللى ماشية بيه لأن للاسف النوع ده من العلاج ب يتسبب فى تورم الجسم مع المدى الطويل وهى طبعا ماشية عليه بقالها سنوات طويلة بدون تغيير .‼️
واحنا علشان الأمانة بنقول إن العلاج اللى فيه مادة بيوجليتازون مع طول مدة استخدام العلاج بيورم الجسم ويحبس السوائل ويزود الوزن ‼️
✏️ تانى حاجة سألتها حضرتك بتاخدى علاج للسكر بقالك كام ؟❓
قالت حوالى سبع سنوات قلت ليها عملتى تحاليل الاعتلال الكلوى قبل كدة ؟ ❓قالت انا بعمل وظائف الكلى وبتطلع كويسة !‼️
مش هو ده قصدك بتحاليل الاعتلال الكلوى يادكتور ؟❓
📌 قلت لأ هو آخر حاجة فى الاعتلال الكلوى هى تحليل وظائف الكلى ولكن أهم حاجة إن مريض السكر يفحص تحليل معدل ترشيح الكلى للبروتين فى البول لأن هى دى بداية الاعتلال الكلوى لمريض السكر ‼️
✏️ وبالفعل طلبنا منها تعمل التحليل وهو بالمناسبة تحليل بول ب نقيس فيه نسبة ترشيح البروتين في البول وليه معدل لو ارتفع عن 30 يبقى فيه ترشيح.
ولكن فوجئنا إن نسبة ترشيح البروتين عندها 2350 وطبعا ده رقم كبير وده للأسف الشديد هو السبب الرئيسي فى تورم جسمها وعدم استجابتها لمدرات البول لوحدها .‼️
📌 طلبنا نعيد تحليل نسبة الألبيومين والبروتينات فى الدم وجدنا إن النسب قليلة
✏️ بدأنا معاها بروتوكول علاجى مختلف بداية إن إحنا وقفنا علاج السكر اللى بتاخده وغيرناه لنوع آخر يناسب حالتها
🖍️ وثانيا اشتغلنا على علاجات تقليل ترشيح الكلى للبروتين.
📌 بعد شهرين جت العيادة والحمد لله تحسن ملحوظ جدا على مستوى تورم الجسم والوجه وعلى مستوى التحاليل قل جدا معدل ترشيح الكلى للبروتين فى البول .
📌 رسالتى لإخواتنا وحبايبنا مرضى السكر إنه ممكن حضرتك بتاخد علاج السكر يكون بيظبط السكر فعلا بس بيضر حاجة تانية ويكون غير مناسب لحالتك ‼️
📌 والرسالة التانية إن أى مريض سكر لازم يفحص الكلى ويشوف هل فيه بداية اعتلال كلوى ولا إيه كل 6 شهور او سنة على الأكثر لأن المدة الزمنية الطويلة للإصابة بمرض السكر وعدم التحكم فيه بيضر الكلى .
📌عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📢 سيدة عندها حوالى 57 سنة زارتنا فى العيادة بتشتكى من سخونية وآلام فى الجسم والمفاصل وعرق وضربات قلب سريعة.📌 راحت لكذا د...
07/11/2025

📢 سيدة عندها حوالى 57 سنة زارتنا فى العيادة بتشتكى من سخونية وآلام فى الجسم والمفاصل وعرق وضربات قلب سريعة.
📌 راحت لكذا دكتور بنفس الأعراض ولسة برضه بتشتكى ومفيش تحسن .💔
📌 سألتها مالك يا أمى حضرتك بتشتكى من إيه ؟❓
✏️ قالت عندى سخونية بتروح وبتيجى ووجع فى جسمى ومفاصلى وعرق شديد وزهقت من اللف على الدكاترة والعلاج مضادات حيوية ومسكنات للألم والسخونية ومفيش فايدة كل شوية يكتبولى على محاليل فيها مضاد حيوي ومسكن اخدها والأعراض زى ما هى .‼️
📌 بعد ما سمعت شكوتها بدأنا الفحص نقيس الضغط لقيناه كويس !! ‼️نقيس درجة الحرارة لقيناها كويسة!!‼️ راجعت تحاليل كانت عملاها قريب الوظائف كويسة مفيش سكر وتحاليل الغدة الدرقية مظبوطة !!‼️
📌 حضرتك يا أمى بتشتكى من الأعراض دى بقالك قد إيه ؟❓
✏️ بقالى كذا سنة يا دكتور بس بتيجى على فترات ممكن تبقى فترات بعيدة وغالبا فترات قريبة .
📌 الدورة قطعت عندك من كام سنة ؟❓
✏️ قطعت عندى من زمان من عمر 45 سنة .
📌 طيب يا أمى خير انتى كويسة ومعندكيش حمى ولا سخونية ولا حاجة انتى عندك الهبات الساخنة اللى بتحصل للسيدات بعد سن اليأس وانقطاع الدورة الشهرية بتعمل معاكى احساس الصهد والسخونية والفوران والتعرق الشديد وضربات القلب السريعة ووجع المفاصل وللأسف حضرتك كل ما تروحى لحد من الدكاترة تقولى عندى سخونية ووجع فى جسمى ياخد بالشكوى ويتعامل على أنها حمى أو برد فى الجسم والمفاصل ويكتب مضاد حيوي ومسكن وبدون فايدة !!‼️
📌 حالة النهاردة لأم من أمهاتنا والاعراض اللى بتشتكى منها شائعة جدا ولكن للأسف أحيانا الأمور بتختلط ببعضها ولا نميز الفرق بين ادوار البرد والحمى وبين الهبات الساخنة اللى بتتشابه فى أعراضها احيانا مع ادوار البرد .‼️
📌 الهبات الساخنة هى شيئ شائع جدا عند أغلب أمهاتنا بعد انقطاع الدورة الشهرية وبتحصل بسبب نقص هرمون الاستروجين وينتج عنه أعراض السخونة والصهد والفوران والتعرق الشديد وآلام المفاصل وضربات القلب السريعة.
📌 اللى حصل مع هذه السيدة إن هى أخدت علاج تعويضى لنقص هرمون الاستروجين وعلاج يهدأ من حدة الأعراض وبعد أسبوع زارتنى فى العيادة وهى فى منتهى السعادة إن الأعراض اللى كانت تعباها ومزهقاها اختفت من غير ما تاخد مضاد حيوي أو مسكن أو محاليل زى ما هى اتعودت.‼️
📌 لازم نسمع شكوى المريض كويس علشان نعرف نشخص صح ونكتب علاجنا صح وربنا يكتب الشفاء على ايدينا .
📌 أسهل حاجة عند المريض إنه ياخد المسكن والمضاد الحيوي عمال على بطال وللأسف نلاقى بعد كدة مشاكل الكلى والكبد والمعدة بسبب التعود على المسكنات.
📌عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📢 طفلة صغيرة حوالى 10 سنوات والدتها بتشتكى من إن بنتها مستواها فى التعليم بيقل وكل ما تحفظ حاجة تنساها ودايما المدرسين ب...
02/11/2025

📢 طفلة صغيرة حوالى 10 سنوات والدتها بتشتكى من إن بنتها مستواها فى التعليم بيقل وكل ما تحفظ حاجة تنساها ودايما المدرسين بتوعها بيشتكوا إن البنت شاردة ومش مركزة إطلاقا واستيعابها ضعيف جدا.⁉️
📌 والدتها عرضتها على دكتور مخ وأعصاب والبنت مازالت بتتأخر ومستواها بيضعف يوم بعد يوم.
📌 فحصنا البنت كويس وسألت والدتها كانت بتاخد علاج قبل كدة أو كانت بتعانى من حاجة ❓قالت مفيش مشاكل صحية معاها طلبنا منها فحوصات ولما ظهرت النتائج اكتشفنا إن البنت عندها خمول شديد فى إفراز هرمون الغدة الدرقية وهو السبب إن البنت عندها شرود فى الذهن وصعوبة شديدة فى التحصيل الدراسي .
بدأنا العلاج التعويضى لهرمون الغدة الدرقية مع بعض الفيتامينات والمكملات المنبهة للمخ والحمد لله بعد شهر من العلاج بدأت الأمور تتحسن كثيرا وبدأت تستجيب أكثر للتعلم .‼️
📌 طبعا ممكن نستغرب ازاى ممكن علاج الغدة الدرقية يحسن وظائف المخ والذاكرة والانتباه والإدراك ولكن ده فعلاً حقيقة ومثبت علميا ٠‼️
📌 والأسوأ من كدة حالة لبنت صغيرة 4 سنين والدتها بتاخد رأيى فى إن بنتها بقت حركاتها وتصرفاتها غريبة أشبه باللى عندهم تأخر عقلى سألتها البنت راحت لدكتور مخ وأعصاب يقيم حالتها ومستوى ذكاءها قالت الدكتور قالها إن الطفلة عندها فعلاً تأخر عقلى ومقياس الذكاء قليل عندها .⁉️
📌بسأل والدة الطفلة عملتى تحليل الغدة الدرقية ليها ؟❓ وفاجأتنى إن هى كانت بتاخد العلاج وهى صغيرة لأنها اتولدت عندها قصور في الغدة الدرقية ومشيت على العلاج لعند الغدة بقت مظبوطة وتابعت والدكتور قالها خلاص الغدة ظبطت وسيبنا العلاج.‼️
📌أنا نصحت والدتها إنها تعيد ليها تحاليل الغدة الدرقية لنفاجأ بأن الغدة خملت تانى بنسبة كبيرة وللأسف فضلت كام سنة من غير علاج على أساس إن الغدة ظبطت لعند ما أثرت على النمو العقلي عندها وسببت تأخر عقلى بقى ملحوظ وصعب تحسنه بالعلاج.
📌 أنا فى البوست ده بوصل رسالة لأولياء الأمور إن أحيانا يكون تأخر ولادنا فى التحصيل الدراسي وعدم قدرتهم على الاستيعاب ممكن يكون بسبب قصور الغدة الدرقية واحنا مش آخدين بالنا .
📌كمان بقول للناس اللى أطفالهم مولودين بقصور الغدة الدرقية إن ما ينفعش نسيب علاج الغدة الدرقية لطفل صغير فى مرحلة النمو علشان التحاليل بقت كويسة!!‼️ احنا ممكن نقلل الجرعات ممكن ناخد كذا يوم فى الأسبوع ونوقف باقى الأسبوع لكن نمنع العلاج تماما بحجة إن تحليل الغدة عند الطفل بقت مظبوطة ده خطأ فادح وجرم خطير فى حق الطفل علشان هيحرمه من النمو البدنى والنمو العقلى الطبيعى زى باقى الاطفال.
📌ونظرا للأهمية البالغة للغدة الدرقية عند الأطفال ، أول ما الطفل بيتولد بيتعمل ليه تحليل إجبارى للغدة الدرقية أثناء التطعيمات بيتاخد عينة من كعب الطفل بتتحلل بدقة شديدة ولو ظهر فيها مشكلة يبلغ والدى الطفل للمتابعة والعلاج.
📌عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📢 آنسة 21 سنة عندها قصور في الغدة الدرقية من حوالي 5 سنوات وماشية على علاج تعويضى بهرمون الثيروكسن ووزنها كويس ونسبة اله...
18/10/2025

📢 آنسة 21 سنة عندها قصور في الغدة الدرقية من حوالي 5 سنوات وماشية على علاج تعويضى بهرمون الثيروكسن ووزنها كويس ونسبة الهرمون مظبوطة فى التحاليل بقالها مدة بتشتكى من نهجان وتقل فى النفس وضربات قلب سريعة مع المجهود لدرجة إن طلوع السلم والمشى بقى بيسبب ليها نهجان والموضوع ده من تكراره معاها بدأت تشوف إيه المشكلة وتعالج السبب .
📌 كتير من متابعى الغدة الدرقية غالبية متابعتهم فى عيادات الغدد الصماء عبارة عن ظبط مستوى الهرمون وجرعة العلاج ‼️ لكن الحقيقة الغدة الدرقية مش مجرد إن المريض يمشى على جرعة الهرمون مظبوطة وخلاص وإن الهدف اللى بيروح يتابع عيادة الغدد الصماء علشانه إن الهرمون يكون مظبوط ، لأ طبعا الغدة الدرقية بتأثيرها على كل الجسم ممكن تلاقى إضطرابات كتيرة وتكون الغدة هى السبب فيها ‼️
وده اللي حصل مع الحالة دى ، إن اكثر اسباب النهجان مع الغدة الدرقية هو إن خمول الغدة يسبب ارتفاع نسبة الدهون والكوليسترول الضار في الدم وترسيبها فى الشرايين ومع الوقت بيعمل مشكلة قصور شرايين القلب وممكن يؤدى إلى الذبحة الصدرية وجلطات القلب.‼️
📌الكوليسترول ممكن يبقى نسبته معقولة فى الدم لكن نسبة الكوليسترول الضار مرتفعة وده اللي بيرسب فى الشرايين ويسبب قصور في شرايين القلب والنهجان وطبعا علشان احنا الأكل بتاعنا بقى غير صحى زى مثلاً الزيوت النباتية اللى بنستخدمها فى القلى والطبخ وزى الدهون النباتية اللى موجودة فى أغلب أنواع الجبن وغيرها من الدهون المشبعة والمعجنات والحلويات ، تلاقى معظمنا عنده نسبة الكوليسترول الضار مرتفع. ‼️
📌النهجان معناه إن الواحد يحس بصعوبة فى التنفس مع تسارع ضربات القلب أثناء المجهود .
🖍️ غالبا بقى كتير جدا من الناس عندهم مشكلة النهجان متكررة مع المجهود ومحدش بيفكر إنه ممكن يكون ده عرض لحاجة مرضية عنده ومحتاج علاج .
🖍️ احنا لما بنمشى شوية أو نطلع سلم تلاقى حد مننا يبدأ ينهج ونفسه يقصر وده مع الوقت مش كويس .
📌 طيب ايه اللى ممكن يعمل نهجان يادكتور ؟❓
🟣 أكتر اسباب النهجان زيادة الوزن ومعاها بنلاقى إن الدهون والكوليسترول الضار بقى نسبتهم مرتفعة فى الدم وبتعمل النهجان مع المجهود
🟣 مشاكل فى القلب زى قصور الشريان التاجي و اضطرابات ضربات القلب ومشاكل الصمامات وضعف عضلة القلب
🟣 مشاكل الصدر زى الحساسية المزمنة والربو الشعبى وارتشاح الرئتين .
🟣 الأنيميا ونقص الكالسيوم بتعمل برضه نهجان مع المجهود .
🟣 التوتر العصبى والتعب النفسي بيسبب صعوبات تنفس ونهجان .
🟣 ارتفاع ضغط الدم وقصور وظائف الكلى والكبد .
🟣 الضغط المنخفض بيعمل نهجان وصعوبة في التنفس .
📌عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📌 عيادة الدكتور محمد مصطفى مطر استشارى الغدد الصماء والباطنة والكلى والسكر استشارى الغدة الدرقية والسكر عضو الجمعية ا...
07/10/2025

📌 عيادة الدكتور محمد مصطفى مطر
استشارى الغدد الصماء والباطنة والكلى والسكر
استشارى الغدة الدرقية والسكر
عضو الجمعية الأمريكية والأوروبية للغدد الصماء
والكلى والسكر
الكشف بالأشعة التليفزيونية ورسم القلب الكهربى
-----------------------------------------------------------------------
📌 عيادة أبوحماد شرقية بجوار المزلقان الجديد أمام صيدلية د.أميرة الأعصر أعلى أتيليه مسيو عمرو يومياً
من الساعة 5.30 مساء حتى الساعة 10.30 مساء
للتواصل والحجز 📞
01270015676
------------------------------------------------------------------------
📌 عيادة الأسدية أبوحماد شرقية أمام كوبرى الشمايسة بجوار صيدلية د.عبد الباسط العقيد يومياً من الساعة 2.30 مساء حتى الساعة 5 مساء
للتواصل والحجز 📞
01004117614
------------------------------------------------------------------------

📢أم من أمهاتنا الطيبين عندها حوالي ٥٨ سنة بتتردد على العيادة كل فترة تتابع الغدة الدرقية والأمور مستقرة والحمد لله .📌هى ...
24/09/2025

📢أم من أمهاتنا الطيبين عندها حوالي ٥٨ سنة بتتردد على العيادة كل فترة تتابع الغدة الدرقية والأمور مستقرة والحمد لله .
📌هى عندها نشاط فى الغدة الدرقية وطبعا احنا فى حالات نشاط الغدة الدرقية بنمشى العيان على أقراص كاربيمازول أو البدائل وممكن العيان يكون النشاط زائد جدا ونحتاج إنه ياخد جرعات عالية من الدواء علشان نسيطر على زيادة إفراز هرمون الغدة الدرقية.
✏️بقالها أسبوع بتشتكى من دوخة شديدة وعدم اتزان وراحت كشفت أنف وأذن والدكتور كتب لها علاج للدوار والدوخة ومفيش تحسن .‼️
✏️النهاردة الست الطيبة دى دخلت العيادة بتشتكى برضه من دوخة شديدة وعدم اتزان مع أعراض قلة تركيز وفوران فى الجسم ورعشة فى الأعصاب ، وأنا بفحص الحالة الصحية بشوف الضغط والنبض والحرارة لقيت الضغط كويس والحرارة كويسة بس النبض هو اللى سريع ومش منتظم سألتها يا أمى حضرتك أخدتى علاج الغدة النهاردة قالت أنا بصراحة يادكتور معدتى وجعتنى من العلاج وبقالى اكتر من اسبوعين ما اخدتش العلاج !! ‼️
✏️الحقيقة شكيت فى شيئ ما وحبيت أتأكد منه عملت ليها رسم قلب وفعلا أكد التشخيص .
🖍️للأسف الحاجة كان الهرمون متظبط عندها على كذا قرص كاربيمازول مع اندرال لضبط معدل نبض القلب وهى لما تجاهلت العلاج لمدة أسبوعين أو أكثر ده تسبب فى زيادة مفرطة لنشاط الغدة الدرقية من جديد وبدأ الهرمون يزيد جدا فى الجسم ويسبب أعراض النشاط الزائد من رعشة وتوتر وضربات قلب سريعة ولكن للأسف أحيانا ضربات القلب من سرعتها الشديدة ما تكونش منتظمة وده اللى حصل بالظبط معاها إن الهرمون الزائد جدا تسبب فى ذبذبة أذينية سريعة إسمها الطبى Atrial Fibrillation بنختصرها دايما في شغلنا ب AF وطبعا الأطباء عارفين إن تذبذب القلب بيخلى الدورة الدموية الدماغية يحصل فيها خلل وهى أكبر سبب لحدوث الجلطات الدماغية ! وكمان تكرار حدوث الجلطات الدماغية بيكون غالبا بسبب الذبذبة الأذينية للقلب.‼️
📌طبعا أعراض الجلطة الدماغية عند الحاجة مكانتش ظاهرة فى شكل شلل لا قدر الله أو ضعف فى الحركة أو تقل اللسان أثناء الكلام إنما الجلطة الدماغية كانت جاية فى مركز الوعى والإدراك وطبعا هى السبب فى الدوار الشديد والدوخة اللى بتشتكى منها .‼️
✏️فورا بدأنا نظبط الهرمون من تانى علشان نسيطر عليه وبدأنا بروتوكول علاج الذبذبة الأذينية وطبعا أخدت حقن كليكسان علشان نذيب التجلطات الدماغية وفى أقل من أسبوع كانت الحمد لله أفضل مما كانت وطبعا بقت اكتر التزاما بالعلاج علشان الدرس كان قاسى جدا. 💔
📌احنا كل يوم يحصل معانا حالات من كدة بس غالبا بسبب الضغوط اليومية و كثرة الانشغالات ما يبقاش عندنا وقت كافى نسرد فيه الحكايات اللى بنحب نوعى الناس بيها ونشد انتباههم علشان يركزوا أكتر فى التفاصيل الصغيرة اللى ممكن تقابلهم .
📢البوست ده رسالة لكل الناس إنهم يلتزموا بالعلاج الأساسى اللى ما ينفعش يقف زى مثلا علاج الضغط والسكر والقلب والغدة وغيرهم
🖍️كمان بنلفت انتباه الناس لشيئ مهم جدا وهو إن الدوخة مش دايما من الأذن أو الضغط أو السكر ممكن تكون برضه بسبب جلطة دماغية وأحيانا مصدرها سبب فى القلب زى الذبذبة الأذينية للقلب .‼️
📌المتابعة مهمه جدا علشان دكتور الغدد يقدر يعرف حالة المريض بتاعه ويشخص أى أعراض جديدة تظهر عليه علشان كدة لازم نتابع نسبة الهرمون ونظبط جرعات العلاج كل فترة لأنها بتتغير تبعا لنسبة الهرمون.
📌عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📢 حالة النهاردة لوالد من آباءنا الطيبين عنده حوالى 70 سنة زارنا فى العيادة بيشتكى من آلام بجانبي البطن مع أعراض حرقان ف...
11/07/2025

📢 حالة النهاردة لوالد من آباءنا الطيبين عنده حوالى 70 سنة زارنا فى العيادة بيشتكى من آلام بجانبي البطن مع أعراض حرقان فى البول و صعوبة أثناء التبول والشكوى دى متكررة معاه بيروح يكشف والدكتور بيشخصه مغص كلوى بسبب املاح وحصوات مع تضخم البروستاتا وبياخد علاج وبيخف ولكن الألم بيرجع تانى بعد فترة .‼️
📌 بدأت أفحص الحالة بقياس ضغط الدم لقيت الضغط مرتفع جدا سألته بتاخد علاج للضغط يا والدى ❓ قال اه باخده الصبح بانتظام استأذنته أكشف عليه بالسونار والحقيقة أنا تفاجأت من شكل الكليتين فى الأشعة التليفزيونية سألته ياحاج حضرتك عملت أشعة تليفزيونية على الكلى قبل كدة ؟❓ قالى لأ أنا كشفت عند دكتور المسالك البولية قالى املاح والبروستاتا ملتهبة وما طلبش منى اشعة ولما بتعب بكرر الروشتة فيها علاج الأملاح والبروستاتا والمسكن .
📌 لنا جميعا أن نتخيل إن الكلى فى الأشعة التليفزيونية ظاهرة في الناحيتين على شكل تكيسات كتيرة جدا ومفيش شكل للكلى أساسا وطبعا الموضوع ده معاه منذ الصغر لم يكتشف وللاسف تكيسات الكلى هى السبب فى ارتفاع ضغط الدم لأن وظائف الكلى ارتفعت جدا علشان شكل الكليتين تغير تماماً عن الشكل الطبيعي ونتج عن كدة قصور مزمن في وظائف الكلى لم يكتشف منذ سنوات طويلة.‼️
📌 رسالتى إلى الجميع إن حضرتك لما تشتكى من مغص كلوى لازم تعرف إيه السبب في المغص الكلوي هل أملاح ؟ ❓هل صديد والتهاب بالكلى ؟ ❓هل حصوات ؟ ❓هل الكلى كويسة شكلا ووظيفة ؟ ❓هل حجم الكلى كويس ولا فيها ضمور ؟❓ هل فيه ارتجاع ومياه رادة على الكلى ؟❓هل فيه تكيسات بالكلى ؟❓ وهل التكيسات دى كتيرة ولا عددها بسيط وحجمها صغير ولا كبير ؟❓
📌 أسئلة كثيرة بس حلها في إن إحنا نهتم ونكشف كشف صحيح ‼️
📌 مش مجرد أخد مسكن وأقلل الملح واشرب مياه يبقى انا حليت المشكلة .‼️
📌 احنا للأسف الشديد بنستسهل أخد المسكنات من غير ما نحل المشكلة الأساسية.‼️
📌 طبعا تكيسات الكلى للأسف بتتوارث يعنى ممكن الأب أو الأم يورثوها لأحد الأبناء أو لأكثر من ابن .
📌 تكيسات الكلى لو اكتشفناها بدرى بنبدأ نحافظ على الكلى من الأملاح ومن المسكنات وبنتابع ضغط الدم ووظائف الكلى وده طبعا بيقلل فرص حدوث الفشل الكلوى اللى ممكن يحدث مع وجود التكيسات واهمالها.
📌 تكيسات الكلى شائعة مش حاجة نادرة ممكن تبقى درجتها بسيطة يعني كيس او كيسين فى كلية واحدة أو فى الكليتين وممكن تبقى تكيسات كتيرة منتشرة في الكليتين وغيرت شكل الكلى الطبيعي ودى يتبقى أكثر خطورة على المدى البعيد.
📌 طيب هل ليها أعراض يادكتور علشان ناخد بالنا ؟❓
✏️ الحقيقة ممكن تعمل أعراض زى المغص الكلوي ونكتشفها أثناء الفحص الطبي فتلاقى الواحد بيشتكى من آلام بالكليتين وحرقان فى البول وممكن دم يظهر فى البول ولكن غالبا مفيش أعراض ليها وده طبعا بيسبب تدهور لوظائف الكلى مع الوقت ويسبب ارتفاع ضغط الدم وللأسف ممكن يسبب الفشل الكلوي.
عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📢 سيدة ثلاثينية زارت العيادة عندها خمول فى الغدة الدرقية وبتابع وتحليل الغدة متظبط على الجرعة اللى هى بتاخدها وماشية عل...
11/06/2025

📢 سيدة ثلاثينية زارت العيادة عندها خمول فى الغدة الدرقية وبتابع وتحليل الغدة متظبط على الجرعة اللى هى بتاخدها وماشية على فيتامينات ومكملات للغدة الدرقية ورغم ذلك هى بتشتكى من آلام شديدة بجسمها ومفاصلها اضطرت تكشف عند دكاترة عظام كتير وبتاخد مسكنات ومضادات التهابات بدون فائدة فقط بيتسكن الالم ويرد تانى بزوال مفعول المسكن .❗😞
📌واحنا بنسمع شكوى السيدة وبناخد التاريخ المرضى ليها عرفت إن عندها حساسية جلدية وطفح جلدى بقاله مدة بيروح وبييجى وكشفت عند دكاترة جلدية كتير وبتاخد دهانات وعلاج للحساسية ولكن الحساسية والطفح الجلدى بيروح وبييجى ما بيختفيش تماما . ❗
📌احنا الحقيقة ركزنا فى التشخيص على شيئ مهم جدا وهو إن الغدة الدرقية اللى عند هذه السيدة ممكن تبقى من النوع المناعى وإن فيه مرض مناعى عندها بيهاجم الجسم كله وبدأنا الفحص على هذا الأساس وطبعا جت النتائج كالآتى لقينا صورة الدم ووظائف الكلى والكبد والسكر والكالسيوم وفيتامين د كلهم كويسين ولقينا أجسام مضادة مرتفعة جدا للغدة الدرقية وده طبعا تشخيص الخمول المناعى للغدة الدرقية هاشيموتو وعملنا فحص باقى معاملات الالتهابات طبعا كانت مرتفعة ولقينا الروماتويد المناعى سلبى ولكن جت النتائج غير مبشرة بالنسبة لتحليل الذئبة الحمراء لأنه للأسف طلعت كل تحاليل الذئبة الحمراء إيجابية وطبعا هى السبب فى الام المفاصل والعضلات وحساسية الجلد والطفح الجلدى المتكرر ولكن جت المشكلة الأكبر وهى إن الكلى اتأثرت بسبب مهاجمة المرض المناعى للكلى على الرغم من إن وظائف الكلى الحمد لله كويسة ولكن معدل ترشيح البروتين كان مرتفع جدا وطبعا الحالة دلوقتي بقت بتتعالج علاج مكثف لوقف هجمات المرض المناعى على الجسم وخاصة الكلى لمنع حدوث قصور بالكلى .😞
📌طبعا الصلة وثيقة جداً بين الأمراض المناعية للغدة الدرقية مثل هاشيموتو فى حالات الخمول وجرايفز فى حالات النشاط وبين الأمراض المناعية الأخرى لذلك أى شخص عنده الغدة الدرقية ياريت يحلل الأجسام المضادة للغدة الدرقية علشان نطمئن مايكونش عرضة للإصابة بأمراض مناعية أخرى. ❗
📌كمان احنا بنشوف حالات كتير عندها تحليل هرمونات الغدة الدرقية مظبوط بدون علاج ولكن عندها أجسام مضادة للغدة الدرقية ودى بتسبب أمراض مناعية أخرى سواء البهاق أو السكر النوع الأول أو الروماتويد أو الصدفية أو الذئبة الحمراء. ‼️
📌الحالة دى بتخلينا نركز أكتر فى حالات الغدة الدرقية اللى عندها آلام مستمرة سواء في العضلات أو المفاصل .
📌الحالة دى بتخلينا نسمع أكتر شكوى المريض لأن مش كل الهدف إن إحنا نظبط هرمون الغدة وخلاص طبعا ده كويس بس مش هى دى المهارة الحقيقية ومش هو ده بلوغ الهدف من متابعة حالات الغدد الصماء والكلى والسكر .
📌الرسالة لكل متابعى الغدة الدرقية لو لقيت آلام الجسم والمفاصل غير مستجيبة للعلاج فلازم حضرتك يكون عندك وعى أكتر إنك تعرف تشخيصك إيه ؟ ❓وعلاجك ايه ؟❓ مش يكون مجرد مسكن بتاخده علشان الآلام تهدأ وبزوال مفعول المسكن بيرجع الألم تانى !‼️
📌لو لقيت حساسية جلدية وطفح جلدى غير مفهوم لازم تستبعد الأمراض المناعية اللى بتسبب كدة.
📌الرسالة برضه لزملائنا الأطباء فى تخصصات العظام والمفاصل والأعصاب والجلدية إن غالبا يكون وراء آلام المفاصل والعضلات أو الحساسية والطفح الجلدي مرض داخلى بالجسم هو المتسبب فى الأعراض الخارجية الظاهرة على الجسم .
📌طبعا الأمراض المناعية بقت كتير جدا ومنتشرة جدا جدا بشكل مخيف وغالبا التوتر والعصبية الزائدة والانفعالات وال Stress والضغوط النفسية هى أكبر سبب للأمراض المناعية.
📌الأمراض المناعية ببساطة هى مجموعة كبيرة من الأمراض بتصيب الجسم كله وبيحصل فيها إن المناعة الذاتية للجسم بتنقلب على أجهزة الجسم كله وبتصيبها وغالبا المفاصل والعضلات والاوتار والأعصاب زى الروماتويد والذئبة الحمراء ومرض التصلب المتعدد MS و مايثينيا جرافيز أو الجلد والشعر والأظافر زى البهاق والصدفية والصلع والثعلبة أو الكبد المناعى أو البنكرياس فيسبب سكر من النوع الأول أو الأمعاء والقولون فيسبب مرض كرونز أو القولون التقرحى .
📌الهدف من البوست هو التوعية وليس التخويف أو التهويل للشكاوى البسيطة ولكن أخذ الشكوى المرضية بعين الاهتمام هو أسهل طريق للتشخيص المبكر والتشخيص الصحيح لأمراضنا عافانا الله وإياكم جميعاً من سيئ الأمراض.
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

❓سؤال من سيدة مترددة على العيادة يادكتور أنا عندى إمساك مزمن وباخد علاج وملينات بقالى كتير ومبقتش عارفة اعمل ايه ؟الحقيق...
09/05/2025

❓سؤال من سيدة مترددة على العيادة يادكتور أنا عندى إمساك مزمن وباخد علاج وملينات بقالى كتير ومبقتش عارفة اعمل ايه ؟
الحقيقة احنا شوفنا تقارير الاشعات والمناظير بتاعتها والتحاليل ملقيناش سبب .
طلبت منها تعمل فحص هرمون الغدة الدرقية وطبعا استغربت ايه العلاقة يادكتور أنا بشتكى من إمساك شديد وحضرتك بتقولى أحلل غدة درقية !!⁉️
📌 وكانت النتيجة فعلا كما توقعت انها بتعانى من خمول بالغدة الدرقية ومفيش أى أعراض على شكل الغدة الدرقية وحجمها أو أى أعراض جسدية أو وظيفية ظاهرة عليها غير انها بتشتكى من إمساك.
📌 يا ترى فعلا فيه كدة ؟ ❓
📌 فيه حالات معندهاش مشاكل صحية تدل على خمول الغدة الدرقية غير شوية اضطرابات في الجهاز الهضمي ؟❓
وايه هى علاقة الغدة الدرقية بالجهاز الهضمي ؟❓
📌 طبعاً ده شائع جدا إن عيان الغدة الدرقية يشتكى من اضطرابات الجهاز الهضمي .
📌 وسبب كدة إن هرمون الثيروكسين اسمه هرمون النشاط وداخل فى كل العمليات الحيوية ووظائف الجسم بما فيهم حركة المعدة والعضلات الملساء للمرئ والأمعاء .
❗فمثلاً ممكن العيان عنده خمول فى الغدة الدرقية تلاقيه يشتكى من إمساك وانتفاخات مع تباطؤ حركة الأمعاء واتجاع المرئ .
📌 على العكس مريض نشاط الغدة الدرقية تلاقيه عنده اسهال وعسر هضم والام بالمعدة .
✏️ ده بالاضافة لاثار الغدة الدرقية على الكبد والمرارة غالبا تجد اللى عنده خمول فى الغدة الدرقية عنده حصوات فى المرارة وده بسبب ارتفاع نسبة الكوليسترول بالدم فى مريض خمول الغدة الدرقية وبيسبب ترسيب الكوليسترول في المرارة وتكوين الحصوات المرارية .
✏️ كمان مع زيادة دهون الدم فى عيان الخمول بالغدة الدرقية تلاقى عنده تراكم للدهون على الكبد مما يسبب الكبد الدهني وارتفاع انزيمات الكبد وعسر الهضم المستمر وزيادة الكسل والخمول نتيجة قصور الغدة الدرقية من جانب و الكبد الدهني من جانب آخر. ‼️
📌 برضه أمراض الغدة المناعية زى هاشيموتو فى حالة خمول الغدة الدرقية أو مرض جريفز المناعى فى حالة النشاط الزائد للغدة الدرقية أحياناً ترتبط بالتهاب الكبد المناعى وتلاقى الانزيمات الكبدية مرتفعة بدون سبب واضح نتيجة المناعة الذاتية .
📢 الكلام طال مننا بس قلنا نشرح للناس قد إيه الغدة الدرقية داخلة فى الجهاز الهضمي والكبد والمرارة وممكن نفضل نتعالج من اضطرابات الجهاز الهضمي من غير ما نعرف ان السبب في الاضطرابات دى هى الغدة الدرقية ومش اخدين بالنا .
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📢 ممكن كتير مننا ما يلاحظش طبيعة البول أثناء التبول ولكن ملاحظة شكل البول ولونه أحيانا كتير بتنبهنا لاكتشاف أى تغيرات صح...
04/04/2025

📢 ممكن كتير مننا ما يلاحظش طبيعة البول أثناء التبول ولكن ملاحظة شكل البول ولونه أحيانا كتير بتنبهنا لاكتشاف أى تغيرات صحية تحصلنا ٠
📌 ببساطة جدا لو حد بيتابع شكل البول وبيلاحظ وجود رغاوى متكررة في الحمام فلازم ياخد باله كويس ويراقب شكل البول بطريقة منتظمة علشان لو عنده مشكلة لسة ظاهرة نبدأ نحلها ونعالجها فى الأول ٠
✏️ رغاوى البول بتبقى احيانا حاجة طبيعية عند بعض الناس ولكن استمرار ملاحظة وجود الرغاوى أثناء التبول ممكن يكون إشارة لوجود بروتين فى البول وده بيودينا لجزئية إن الكلى ممكن تكون مصابة باعتلال بيخليها ترشح البروتين وتسبب زلال البول ٠
✏️ سبب تانى لوجود رغاوى البول هو الإصابة بمرض السكر وده شائع ومعروف ولكن برضه ناخد حذرنا مما يعرف بالاعتلال الكلوى السكرى وده شائع جدا جدا فى مرضى السكر وبيخلى الكلى تسرب البروتين برضه ٠
✏️ سبب ثالث لوجود رغاوى البول هو الجفاف وطبعا ممكن ناس كتير يجيلها جفاف بسبب العطش فى الحر أو الصيام أو فقدان السوائل فى حالات القيئ والإسهال المستمر وطبعا الرغاوى هتكون لفترة مؤقتة بسبب وجود الجفاف وهتزول مع معالجة الجفاف ٠
✏️ وبرضه ممكن بعض الأدوية تعمل رغاوى البول وده برضه لفترة مؤقتة بيروح مع انقطاع الدواء.
📌 هل فيه أعراض ممكن تظهر يادكتور مع وجود رغاوى البول ؟❓
✏️ احيانا استمرار ترشيح الكلى للبروتين بينقص نسبة الزلال فى الدم وطبعا بيسبب تورم القدمين والجسم وإحساس بالإعياء والاجهاد المستمر ٠
✏️ نعمل ايه يادكتور لو لاحظنا وجود رغاوى متكررة في البول؟❓
📌 لازم نزور الطبيب المختص لاستبعاد وجود الزلال فى البول وطبعا احيانا كتير يكون تحليل البول العادي مفيهوش زلال ونحتاج نشوف البروتين الخفى اللى ما بيظهرش فى تحليل البول العادي ٠
📌 لو حد لاحظ وجود رغاوى البول فلازم يراقب البول لفترة ولو موجودة لازم تزور طبيب متخصص لاستبعاد السكر أو أى اضطرابات فى الكلى أو وجود أمراض متعلقة بيها زى الذئبة الحمراء ٠
#دمتم سالمين
_والغدد الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

📌 سيدة ٣٥ سنة دخلت العيادة بتشتكى من صداع شديد ومعدتها تعباها و بترجع مع دوخة و تقل فى النفس .📌 فحصناها وخلال الكشف لقي...
22/11/2024

📌 سيدة ٣٥ سنة دخلت العيادة بتشتكى من صداع شديد ومعدتها تعباها و بترجع مع دوخة و تقل فى النفس .
📌 فحصناها وخلال الكشف لقينا ضغط الدم مرتفع جدا واصل ل ١٩٠/١٠٠ سألتها حضرتك بتاخدى علاج للضغط قالت أنا بصراحة كشفت قبل كدة وعندى الضغط دائما مرتفع والدكتور ممشينى على علاج للضغط بس انا مش ملتزمة بيه وأنا صغيرة ومش عايزة اتعود على علاج الضغط من دلوقتي لأن حد من قرايبى قالى لو بتاخدى علاج للضغط العالى هتتعودى عليه وتفضلى ماشية بيه علطول !
📌 طبعا احنا طلبنا منها فحص تحاليل منها وظائف الكلى ودهون الدم والغدة الدرقية لنكتشف فى نتيجة التحاليل إن المريضة دخلت فى فشل كلوي حاد وإن ارتفاع الضغط المزمن وقف الكلى لنبدأ مشوار للأسف الشديد من الغسيل الكلوي للحفاظ على صحة المريضة.!
📌 قصة السيدة دى متكررة كتير جدا وحبيت أنبه على خطورة ضغط الدم المرتفع وخطورة عدم علاجه وعدم الالتزام بأخد العلاج
📌 هل حضرتك عارف إن ضغط الدم المرتفع بيضر بالجسم جدا وخاصة الكلى ؟!
📌 هل حضرتك عارف إن ضغط الدم المرتفع اللى ما بناخدش ليه علاج ممكن يدخل العيان حتى لو سنه صغير فى فشل كلوي حاد ويبدأ فى غسيل كلوي للأسف؟!
📌 هل حضرتك عارف إن كمان مش كل علاج للضغط المرتفع يكون مناسب للكلى وإن ممكن حضرتك تكون ماشى على علاج الضغط كويس وملتزم بيه بس مع وجود قصور بسيط بالكلى تتفاجأ إن وظائف الكلى زادت جدا ودخلنا فى فشل كلوي وده بسبب أنواع من علاج الضغط لا تتناسب مع الكلى ف بدل ما العلاج يحسن الحالة الصحية بالعكس نلاقى وظائف الكلى بتعلى بسبب علاج الضغط ؟!
📌 هل حضرتك عارف إن ممكن تبقى وظائف الكلى كويسة والأشعة التليفزيونية على الكلى كويسة ومع ذلك يكون فيها خلل بسبب ترشيح البروتين الخفى اللى مع الوقت يضر بوظائف الكلى وده شائع فى مرضى السكر ؟!
📢 أنا فى البوست ده بوصل رسالة مهمة جدا لكل الناس اللى عندهم ضغط الدم دايما مرتفع بقولهم ضبطوا الضغط علشان ما تضرش الكلى وطبعا حاجات كتير تانية غير الكلى
بوصل رسالة مهمة للعيان اللى عنده الضغط دائما مرتفع ومفكرش يعمل فحص للكلى بالأشعة التليفزيونية وبتحليل وظائف الكلى وتحليل البول العادى للاطمئنان على كفاءة الكلى.
#دمتم سالمين
الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

كتير من الناس بيكونوا قلقانين من تورمات وكلاكيع بتكون فى رقبة أبناءهم وييجوا العيادة بسبب الخوف الزائد والهلع اللى بيحصل...
02/08/2024

كتير من الناس بيكونوا قلقانين من تورمات وكلاكيع بتكون فى رقبة أبناءهم وييجوا العيادة بسبب الخوف الزائد والهلع اللى بيحصل ليهم لما يسألوا حد مش متخصص أو يبحثوا على النت ويقرأوا إن ده لا قدر الله مرض خبيث فى الغدد الليمفاوية
طيب هل ده صحيح يادكتور ؟
الحقيقة لازم الأول أقول ايه هى الغدد الليمفاوية ؟وفين أماكنها فى الجسم؟ ووظيفتها ايه ؟ وايه أسباب تضخمها ؟ والمفروض نعمل ايه؟
وامتى نقلق فعلا ؟
*الغدد الليمفاوية هى جزء من جهاز بالجسم اسمه الجهاز الليمفاوى عبارة عن مجموعة من العقد متصلة ببعضها بأنابيب تسمى الأوعية الليمفاوية
*وظيفتها إيه؟
بتدافع عن الجسم وتحميه لأنها تتكون من خلايا مناعية فالوظيفة هى وظيفة مناعية لجسم الإنسان من الالتهابات والميكروبات سواء بكتيريا أو فيروسات أو فطريات .
*موجودة فين بالظبط؟
طبعا هتستغرب لما تعرف إن ربنا سبحانه وتعالى خلق لينا حوالى ٦٠٠ غدة ليمفاوية منتشرة فى الجسم علشان تحمينا وتدافع عننا من الجراثيم وتقاوم الالتهابات من غير ما تحس بوجودها ومن غير ألم فيها علشان كده هتلاقيها منتشرة فى الجسم كله فى الرقبة والعنق وتحت الفك والابطين والفخذين وفى تجاويف الصدر والبطن
* ايه اللى بخليها تلتهب وتتضخم عن الطبيعى ؟
*التهابات موضعية( localized lymphadenitis )يعنى غدد معينة هى اللى بيكون فيها التهاب وبتتضخم وده الأكثر شيوعاً بيفضل من اسبوعين الى ستة أسابيع
*التهابات عامة فى الغدد الليمفاوية (Generalized lymphadenitis) لما يشمل كل الغدد الليمفاوية بالجسم
*أسباب التهابات الغدد الليمفاوية
١-عدوى بيكتيرية أو فيروسية أو فطريات
٢-أمراض مناعية مثل الروماتويد والذئبة الحمراء
٣-سرطان الغدد الليمفاوية هودجكن واللا-هودجكن عافانا الله وإياكم
*أعراض التهاب الغدد الليمفاوية؟
١-تضخم فى الغدد الليمفاوية
٢-ألم عند الضغط عليها
٣-احمرار الغدد
٤-ارتفاع بدرجات الحرارة
٥-أحيانا صديد بالغدد الليمفاوية
*طيب امتى أزور الطبيب للاطمئنان؟
•لو الأعراض دى استمرت اكتر من اسبوعين
•استمرار ارتفاع درجات الحرارة لفترات طويلة والتعرق ليلا
•فقدان الوزن والشهية بشكل ملحوظ
•حرارة غير معروفة السبب بين الحين والآخر مع ضعف وهزال
•تورم بالغدد الليمفاوية لا يستجيب للعلاج
• ضعف مناعة الجسم بشكل ملحوظ بحيث لايستطيع الجسم مقاومة الالتهابات البكتيرية والفيروسية بصفة دائمة ومستمرة
*نشخصها ازاى يادكتور؟
١-بالفحص الظاهرى للغدد الليمفاوية
٢-الفحص المعملى للمناعة ووظائف الجسم الحيوية
٣-الأشعة التليفزيونية والمقطعية والرنين المغناطيسي
٤-أخذ عينات من الغدد الليمفاوية فى حالة الاشتباه فى الأمراض الخبيثة
#دمتم سالمين
الصماء _والكلى _السكر

العنوان 📌
📌 عيادة أبوحماد بجوار المزلقان الجديد أمام صيدلية د.أميرة الأعصر أعلى أتيليه مسيو عمرو
للتواصل والحجز 📞
٠١٢٧٠٠١٥٦٧٦
📌 عيادة الأسدية كوبرى الشمايسة بجوار صيدلية د عبد الباسط العقيد
للتواصل والحجز 📞
٠١٠٠٤١١٧٦١٤

Address

Abu Hammad Al Mahattah

Telephone

+201270015676

Website

Alerts

Be the first to know and let us send you an email when الدكتور محمد مصطفى مطر للغدد الصماء والباطنة والكلى والسكر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category