14/09/2025
ركبتك بتوجعك 🚨🚨🚨
دا اكيد انذار خطر تفتكر ممكن يكون ايه السبب ؟؟؟
الم الركبه بنقسمه ل ٤ تقسيمات ..
١. الام الركبه من الداخل
٢. الام الركبه من الامام
٣. الام الركبه من الخارج
٤. الام الركبه من الخلف
لكل تقسيمه من دول اسباب كتيره
هنحاول نتكلم في كل مرة عن اشهر الاسباب وازاي نفرق بينهم ..
هنبدء كلمنا عن
الم الركبه من الداخل وده له اسباب كتيره اشهرها
الاتي..
خشونة الركبة تمزق في الرباط الداخلي للركبهتكون بلورات كالسيوم في الرباط الداخلي للركبه قطع الرباط الهلالي الداخلي للركبه تمزق بالعضلات الداخليه للركبه وجود ضغط علي الاعصاب اللي بتغذي الركبه من الداخل
(Saphenous , obturator nerves)التهاب ال buras اللي بتمنع احتكاك الوتر بالعظم اثناء الحركة
فيه اسباب تانيه ولكن دي أشهرها ..
هنتكلم النهاردا عن اول سبب في اول تقسيمة وهو
خشونة الركبه .🦵🧑🦽
خلي بالك مش كل وجع في الركبه من الداخل هقول عليه خشونه ..
فيه اسباب تانيه كتير هنتكلم عنها بعد كدا
طيب ايه الاعراض اللي لما تظهر اقدر اقول ان فيه خشونه في الركبه ..
المريض يكون فوق ال ٤٥ سنه ( دا مايمنعش انها ممكن تيجي قبل كدا في بعض الحالات )🧓 المريض يكون بيمارس شغل فيه تحميل علي مفصل الركبه
⛹️🏋🏻♀️🛌
وانت صاحي من النوم تشتكي ان ركبتك متيبسه (مخشبه)🛌⏱️
لكن التيبس ده لا يستمر لاكتر كن نص ساعه
لانه لو استمر اكتر من كدا بيكو السبب حاجه تانيه غير الخشونه
المريض بيحس بطرقعه ولكن خلي بالك 📢🧨
لازم الطرقعه يكون معاها الم
لكن لو مفيش معاها الم ماتبقاش خشونه
ممكن يحصل ورم ولكن مش ديما بيحصل ورم
وجود الم مع طلوع السلم والم اكثر مع النزول 🤸
مهم جدا تاخد بالك إن مريض الخشونه بيتحسن مع المشي🚶🚶
ايوه بقول بيتحسن
لان غضروف الركبه بيوصله التغذيه بتاعته لما بتمشي ..
يبقي لو الوجع بيزيد مع المشي دي في الغالب حاجه تانيه غير الخشونه
مهم جدا نعمل آشعه عاديه علي الركبة 🧑💻
لكن خلي بالك.. الكلام اللي هقوله مهم جدا
ممكن يجيلك مريض وتطلب منه آشعه وتلاقي فيها خشونه صعبه جدا .. لكن تلاقيه ماشي كويس جدا ومابيشتكيش غير من الم بسيط جدا
عشان كدا بقولك مابنعتمدش علي الاشعه بس لكن
فيه حاجات تانيه لازم نحطها في الاعتبار..
في الاشعه هتلاقي المسافه مابين العظم من الداخل اصبحت اقل من الطبيعي وده هو السبب الاساسي لحدوث الخشونه وظهور الالم
والسبب في ان العظم بيقرب من بعضه هو ان في حاجه اسمها adduction moment
ده لما بيزيد المسافه مابين العظم بتقل والخشونه بتزيد
عشان كدا لازم نقلله
طيب ازاي
يجي هنا دور العلاج الطبيعي السحري في علاج الخشونه ..🧚❤️🌸
ده محتاج مني حاجتين هشتغل عليهم
لان
adduction moment = (MA×GRF)
١-الحاجه الاولي والاهم هي اني أقلل( MA )وده من خلال اني ( اقوي عضلات ) معينه عشان ترجع العظم لوضعه الطبيعي وتوسع المسافه مابينهم 💪🏻💪🏻
٢- هقول للمريض ده( يخس ) ويمشي ببطء
عشان اقلل رد فعل الارض علي الركبه اثناء المشي (GRF)
وبكدا نقدر نقلل adduction Moment ونساهم بشكل كبير جدا في علاج خشونة الركبة
في حاجات تانيه كتير بنضفها للعلاج
لكن دول اهم نقطتين في العلاج واللي بيهم هتوصل لنتيجه مرضيه جدا
واللي للاسف من غيرهم صعب توصل لنتيجه كويسه ..
تقدر تقول ان الحاجتين دول هم الاساس في علاج الخشونه
عشان كدا تقدر تقول ان العلاج الطبيعي والتخسيس لهم دور كبير جدا في علاج الخشونه
طبعا بكلامي ده مابهملش دور العلاج التحفظي واجهزة العلاج الطبيعي الاخري ف العلاج ..
معانا هتعالج السبب و تنسي الالم ❤️
نتمني نقدر نساعد حضرتك سيب استفسارك ودكاترة المركز هيردوا علي حضرتك في اقرب فرصه
للحجز والاستفسار التواصل علي رقم
What's up
1010702310
فروعنا ✍️
ابو المطامير شارع الثانوي بجوار مستشفي دار الشفا
السبت الاثنين الاربعاء
من ١٢ م ل ٥ م
الاسكندريه سموحه شارع فوزي معاذ
الاحد الثلاثاء الخميس
من ١٢ ص ل ١ م
اللوكيشن
https://maps.app.goo.gl/QFEq57kCJGpo7Jog9?g_st=ic
د احمد ماهر عفش
