عيادة د/ مروه أسامه سلامه

26/04/2026

https://www.facebook.com/share/p/1AjPqD9ERH/

خبر تقيل يليق بثقتكم … وانطلاقة جديدة في رعاية أطفالكم!
بكل فخر وسعادة 🤍
نرحب بانضمام واحدة من أهم الأسماء في طب الأطفال والتغذية العلاجية

👩‍⚕️ د/ مروة أسامة سلامة
- استشاري طب الأطفال وحديثي الولادة – مستشفى كوم حمادة التخصصي
- استشاري التغذية العلاجية للأطفال والمراهقين
- متخصصة في علاج السمنة والنحافة بأساليب علمية حديثة
- استشاري دولي رضاعة طبيعية IBCLC

💡 لأن صحة الطفل مش بس علاج… دي متابعة دقيقة لنموه، تغذيته، و مناعته من أول يوم
وجود د/ مروة معانا بيمثل إضافة قوية تضمن لطفلك رعاية متكاملة بمعايير طبية عالمية 👶💙

📊 نهج علمي دقيق في:
✔️ متابعة حديثي الولادة
✔️ خطط تغذية علاجية مخصصة
✔️ دعم الرضاعة الطبيعية وحل مشاكلها
✔️ علاج اضطرابات النمو والسمنة والنحافة

📞 احجز و استفيد بخبرة حقيقية بتفرق في صحة طفلك
مستنيينكم دايماً بأعلى مستوى رعاية واهتمام




- العنوان : شارع التحرير - أمام إستراحة رئيس مجلس المدينة , بجوار المزلقان البحري
- للتواصل (تليفونياً / واتساب) :01096664737‏ (24 ساعة)

22/04/2026

البوست ده للأمهات اللي بيفكروا في الفطام التدريجي 🤍

✅ بعد عمر السنة نقدر بهدوء نبدأ ننظم الرضعات بالنهار ونفكر في الفطام الليلي تدريجي، من غير ضغط ولا استعجال … كل طفل وليه إيقاعه.

🌙 في رمضان بعض الأمهات ممكن يلاحظوا نقص في إدرار اللبن، وده وقت مناسب جداً للفطام التدريجى.

🛡️ الرضاعة في السنة الثانية مهمة وبتقدم دعم مناعي وغذائي للطفل.

🎗️ الرضاعة الطبيعية بتساهم في تقليل خطر الإصابة بسرطان الث*ي للأم.

❌ الفطام المفاجئ تجربة مرهقة جداً نفسياً للأم والطفل، والتدريج بيكون أريح وأسلم.

✅ تجنبى الفطام وقت ذروه التسنين خصوصاً الضروس و الأنياب لأن الرضاعة بتكون مسكن و احتياج نفسى مش مجرد سعرات.

خدوا الموضوع على مهلكم، وامشوا حسب راحتكم وراحة طفلكم 💛
ابتعدي خالص عن التجارب المؤلمه من النصائح زي حطي صبار أو حطي روج احمر او قهوه مره
مش منطقي اقنع الطفل الي بقاله فتره طويله معتبر صدر الام هو مصدر الامان والغذاء والاحتواء أنه كخ ومر ووحش
دا بيعمل مشاكل نفسيه عن الطفل لأن الفطام بيعتبر اول تجربه مؤلمه للطفل لازم ناخد براحه وببطئ مش فجأه كده لا كخ ووحش

20/04/2026

هنتكلم فالبوست دا عن ازاي احدد مقاس الفلانج بتاع شفاط الث*ي
يتم تحديد مقاس الفلانج المناسب للأم المرضعة عند شراء الشفاط باستخدام مسطرة مخصصة لهذا الغرض أو
استخدام مسطره ورقية يمكن طباعتها واستخدامها.

يفضل ان يكون القياس بعد عمل بامب بدقائق (خمس دقائق ع موود التشفيط) حيث يتغير حجم النيبل اثناء عمليه الشفط حيث أنها يتضاعف طولها عند التشفيط
او قياسها بحجمها بدون شفط او رضاعه و نزود من ٢ ل ٣ مم ع المقاس حتي يصبح المقاس مناسب.
كما موضح في الصور أسفل
القمع لازم يكون (Ni**le) في المنتصف بحرية.
يدخل جزء بسيط من (Ar**la) بدون ضغط زائد.
الح**ة تتحرك بسهولة داخل القمع بدون احتكاك قوي أو ألم.
أما المقاس الخاطئ:
لو: القمع واسع زيادة → يدخل جزء كبير من الهالة ويسبب سحب زائد وعدم كفاءة.
لو القمع ضيق جدًا → الح**ة تحتك بالجدار ويسبب ألم وتشقق وضعف خروج اللبن.
مواصفات الشفاط الجيد:
مريح بدون ألم
يسحب اللبن بكفاءة
الح**ة تتحرك بحرية
لا يسبب احمرار أو تورم أو تشقق
مناسب لحجم الح**ة وليس كبيرًا أو صغيرًا جدًا
مقاس الشفاط مهم جدا لضمان تشفيط آمن وكفئ بدون ألم

19/04/2026

مفاهيم غلط منتشرة بين الأمهات ❌

1️⃣ الأم لو عندها ح**ة مقلوبة لن تستطيع إرضاع طفلها ✖️
ليس من اللازم وجود ح**ة بارزة عند الأم ليتمكن الطفل من الرضاعة لأن الالتقام السليم يكون بأخذ كل الهالة البنية أو غالبها و ليس الح**ة فقط. إذن وجود الح**ة أو عدمه لن يؤثر لو حصل الالتقام السليم
و هناك طرق بسيطة و سهلة يمكن للأم عملها في البيت لجعل الح**ة تظهر

2️⃣ الطفل المولود بشفة أرنبية (مع أو بدون شق في سقف الحنك لا يمكن أن يرضع رضاعة طبيعية)✖️
العكس صواب لأن كثيرين من هؤلاء الأطفال يتمكنون من الرضاعة الطبيعية منذ الولادة أي قبل إجراء عمليات غلق الشفة الأرنبية و ذلك لأن ث*ي الأم يقوم بغلق الشق الذي في سقف الحنك و هذا يحتاج معاونة و تدريب للأم لكنه ليس مستحيلا (عندي فيديو لطفل لديه شفة ارتبية مزدوجة و شق في سقف الحنك من الناحيتين و هو يرضع من أمه لكن الفيديو لم تأذن الأم في نشره)

3️⃣ الطفل المولود بثقب في القلب لازم يرضع (صناعي) لأن الرضاعة الطبيعية تتعبه و تحتاج مجهودا ✖️
ليس له أساس من الصحة بل بالعكس الطفل المريض بأي مرض أفضل شيء له هو الرضاعة الطبيعية و في حالة الثقب في القلب يحتاج الطفل سعرات أكثر من أجل مشكلة قلبه و هضم لبن الأم لا يستهلك سعرات كثيرة و بالتالي غالب السعرات الحرارية الناتجة من هضمه تذهب كطاقة و نمو للجسم و ليس كاللبن الصناعي الذي جزء من السعرات الحرارية تستهلك في هضمه (لبن الأم يحتوي على الإنزيمات التي تهضم اللبن لذلك يسهل هضمه في معدة الطفل)

4️⃣ الأم التي ولدت ولادة قيصرية لن ينزل لها لبن قبل عدة أيام فلازم تدخل اللبن الصناعي في خلال أول أسبوع ✖️
بعد الولادة مباشرة بل و من قبل الولادة يوجد في ث*ي الأم اللبأ (لبن السرسوب أو المسمار) و هو يكفي جدا لتغذية حديث الولادة في أول أيامه بل بالعكس هو لا يحتاج لكميات كبيرة من اللبن فمعدته في حجم الزيتونة تقريبا
و اللبن نفسه فعلا قد يتأخر لعدة أيام في حالة الولادة القيصرية عن الولادة الطبيعية لكن وجود اللبأ يكفي الطفل جدا
5️⃣ الطفل و هو يرضع من أمه لازم يكون مرفوعا و ليس نائما و الأم تكون جالسة و ليست نائمة لا على جنبها و لا ظهرها حتى لا يدخل اللبن في أذنه من داخل الحلق فيصاب بالتهاب الأذن الوسطى ✖️
لا مشكلة في أي وضع للرضاعة الطبيعية سواء الأم مستلقية أو الطفل نائم على ظهره لأن خلال الرضاعة الطبيعية يكون الضغط في تجويف الفم و البلعوم ضغطا سالبا و من ثَم تنغلق قناة أوستيكيوس التي توصل للأذن الوسطى فلا يدخل اللبن للأذن بجانب كون اللبن يحتوي على أجسام مناعية تقاوم الجراثيم لكن في حالة الرضاعة بالببرونة فلا يكون الضغط في الفم سالبا و تبقى القناة مفتوحة فلو كان الطفل نائما على ظهره فسيدخل اللبن في الأذن بسهولة مسببا التهاب الأذن الوسطى

6️⃣ الح**ة السيليكون مفيدة و تستخدم دون استشارة ✖️
الح**ة السيليكون مشاكلها أكثر من فوائدها و لا تستخدم إلا باستشارة استشاري رضاعة و في نطاق محدود مع إخبار الأم بأخطارها فهي تقلل تلامس الطفل لجلد الأم و تقلل تحفيز إنتاج اللبن فيقل اللبن مع الوقت فضلا عن تعود الطفل عليها فيحتاج أن يُفطم منها لنعوِّده على الرضاعة من الأم مباشرة
هي تفيد في حالات قليلة جدا و ليس في كل مشكلة في الرضاعة كما يتصور الكثير

7️⃣ علاج تشققات و ألم الح**ة هو المراهم المختلفة✖️
العلاج الحقيقي هو البحث عن السبب و علاجه و لو لم يتم حل سبب الألم فلن يتحسن بأي مرهم أو دواء
و من أسباب آلام الح**ة التشققات و الجروح و غالبا ما تكون بسبب الالتقام للخاطئ و حله تصحيح الوضع و قد يكون للطفل لسان مربوط فيؤدي أحيانا و ليس دائما لألم أثناء الرضاعة أو جروح في الح**ة
و هناك أسباب أخرى أقل حدوثا

8️⃣ الرضيع المصاب بالمغص نعطيه رضعة كراوية و ينسون✖️
الرضيع يحتاج لشرب الماء في الحر✖️
لا يحتاج الرضيع خلال الأشهر الستة الأولى لأي شيء غير الرضاعة الطبيعية
و ذلك لكون هذه السوائل تزيد المجهود على الكُلى و أيضا تمتلئ المعدة بسوائل لا قيمة غذائية فيها فتقل رضاعته يعني يخسر رضعة مغذية من أمه و يوضع بدلا منها ماء أو سوائل بلا قيمة
و أيضا لبن الأم يحتوي على ما يكفي الطفل من ماء و سوائل بالقدر المضبوط
و حتى في ارتفاع حرارة الجو يرضع من أمه فيرتوي و يرتاح

9️⃣ الطفل المولود لأم تعاني من مرض السكري لابد من أن يأخذ رضعة صناعي أو أكثر عندما يولد✖️
هذا الطفل يحتاج فعلا للتغذية فور ولادته (خاصة لو الأم نسبة السكر لديها غير مضبوطة خلال الحمل) لكن يرضع من أمه و ليس من اللازم يأخذ اللبن الصناعي و لبن السرسوب يكفيه إن شاء الله
و أحيانا يتم تخزين رضعة من لبن الأم نفسها قبل الولادة (لكن تحت إشراف طبيبة النساء لأن تحفيز الح**ة يؤدي لانقباض الرحم و قد يؤدي لولادة مبكرة) و إعطاء الطفل هذا اللبن بدلا من إعطائه اللبن الصناعي لو كانت الأم لا تستطيع إرضاعه بعد الولادة مباشرة (و ذلك بالتعصير باليد أو التشفيط، لكون اللبن يكون في ث*ي الأم منذ الشهر السادس للحمل)

🔟 يجب تهيئة ث*ي الأم للرضاعة أثناء الحمل بالتدليك للح**ة و وضع المراهم المرطبة✖️
لا يحتاج ث*ي الأم أثناء الحمل لأي استعدادات
بل بالعكس تدليك الح**ة أثناء الحمل قد يؤدي لانقباض الرحم
حتى الأم التي تعاني من ح**ة مفلطحة كثيرا ما تبرز وحدها بعد الولادة أو بالرضاعة و أيضا الأصل أن الطفل يمسك الهالة كلها و ليس الح**ة فقط

19/04/2026

جسمك في فترة الرضاعة بيشتغل زي مصنع
والمصنع ده محتاج “خام” كويس عشان يطلع لبن كفاية وبجودة عالية 💛

📌 أكلات بسيطة ممكن تفرق معاكي جدًا في إدرار اللبن:
• الشوفان → بيحفّز هرمونات اللبن
• المكسرات → مصدر دهون صحية مهمة
• البروتين (زي السمك والزبادي) → أساس تكوين اللبن
• الخضار الورقي → مليان فيتامينات ومعادن
• السوائل (مياه / لبن / شوربة) → أهم عامل أصلاً

⚠️ بس خلي بالك…
مفيش أكل سحري لوحده هيزود اللبن!

السر الحقيقي هو:
✔️ رضاعة متكررة
✔️ تفريغ الث*ي كويس
✔️ + تغذية صح

💬 اللبن بيزيد بـ “العرض والطلب”…
مش بالأعشاب لوحدها!

🤍

18/04/2026

الفطام في مجتمعنا للأسف بيتحول لـ "فيلم رعب" أو "معركة حربية" بين الأم وطفلها، والضحية في الآخر هي العلاقة الجميلة اللي اتبنت على مدار شهور أو سنين. تعالوا نغير المفهوم ده ونتكلم بصراحة عن اللي بيحصل "في الكواليس".

أول حاجة لازم نفهمها هي "أدوية تنشيف اللبن" . يا جماعة، الأدوية دي في الأصل معمولة لحالات طبية معينة تخص الغدة النخامية واضطرابات هرمون الحليب، مش معمولة عشان الأم تاخدها وتقرر تفطم "فجأة".
الدوا ده مش سحر، ولو خدتيه وفطمتي فجأة، هتفضلي تحسي بوجع "التحجير"، وهتضيفي عليه أعراض الدوا المتعبة من غثيان ودوخة، لدرجة إن في أمهات مش بيبقوا قادرين يقوموا من السرير. فإنتي كدة بتعذبي نفسك وبتعذبي طفلك معاكي.

اللي بيوجع القلب بجد هو طرق "تخويف" الطفل عشان يكره الرضاعة. من أول الصبار المر، للقهوة، لحد رسم "الكحلة" بشكل يخوف عشان نقول للبيبي "عاو".
والأصعب من كدة، خدعة "الروج" اللي الأم بترسمه عشان تقول لابنها "إنت عورتني وماما عندها واوه". تخيلوا طفل صغير يحس بالذنب إنه "عور" أغلى إنسانة في حياته! دي مش مجرد طريقة فطام، دي (صدمة نفسية) ممكن تعيش معاه سنين.

الفطام التدريجي مش معناه أسبوع وخلاص، ده ممكن ياخد شهرين أو تلاتة، وعشان كدة اسمه "تدريجي".
* ابدئي بالنهار: بنسحب الرضعات النهارية واحدة واحدة.
* قاعدة "قومي فوراً": لو الطفل متعلق بيكي قوي، أول ما تصحي من النوم قومي من جنبه فوراً، العبي معاه، وانشغلي بنشاطات تانية.
* تغيير الروتين: ممنوع تغيري هدومك قدام الطفل أو تلبسي حاجة مفتوحة "تفكره" بالرضاعة.
* خدي "هِدنة" بالليل: الرضاعة الليلية بتفضل معانا للآخر خالص، لحد ما اللبن يقل طبيعي والطفل يبدأ ينسى.

إحنا مش داخلين تحدي كسر إرادة. لو الطفل دبدب في الأرض وصراخه زاد، جربي تلهيه بالمية أو بالأكل. لو مفيش فايدة ومنهار.. رضعيه. مفيش داعي للقسوة، الموضع محتاج صبر وطولة بال، ومع الوقت هو لوحده لما يلاقي اللبن قل جداً هيبدأ يزهق ويسحب نفسه.

نصيحة اخيرة (عشانك وعشان أسنانه)
* بديل الرضاعة: بالليل حطي جنبك مية بس. بلاش عصاير ولا لبن صناعي وهو نايم عشان نحمي سنانه من التسوس.
* راحتك إنتي: لو حصل احتقان بسيط، بلاش أدوية تقيلة؛ "كمادات باردة" أو حتى "ورق الكرومب على صدرك" بيعمل مفعول السحر في تقليل الاحتقان وبشكل طبيعي جداً.
الخلاصة:
الفطام هو أول خطوة لاستقلال طفلك، فبلاش نخليها خطوة مليانة وجع وخوف. خليها ذكرى هادية، تنتهي بحضن مش بدموع. الموضوع بياخد وقت، بس النتيجة "راحة بال" ليكي ولطفلك.

18/04/2026

🛑 هو ليه ابنك مش عارف يرضع كويس و بسهولة زي باقي الأطفال؟!
🛑 ليه فيه تشققات في الح**ة عند بعض الأمهات ؟!!
🛑 ليه حاسة ان كمية اللبن قليلة وان الطفل مش بيشبع من اللبن الطبيعي؟!
🛑 ليه الطفل مش بينام و علطول بيصرخ والأم اضطرت لإدخال اللبن الصناعي
يا دكتورة ابني كنت بديله رضعة او اتنين صناعي عشان ينام لحد ما ساب صدري وبطل يرضع
♦️ يا دكتورة ابني اخد لبن صناعي عشان الصفراء وبعدها ساب صدري وبطل ياخده خالص
♦️ يا دكتورة ح**ة الصدر غااائرة عندي وابني مش عارف يرضع
♦️ يا دكتورة صدر الأم حجر وكون خراج وبعدها وقفنا الرضاعة منه فترة الطفل سابه واللبن نشف
♦️يا دكتورة ابني كان في الحضانة وطلع وطبعا طول ما كان في الحضانة كان بياخد صناعي وانا عايزاه ياخد طبيعي اعمل ايه
♦️ يا دكتورة ابني نزل ناقص النمو و بياخد صناعي والدكتور هو اللي كتب له الصناعي اعمل ايه... مش عايزة اترك الطبيعي
♦️ يا دكتورة طفلي عنده مشكلة في القلب والدكتور قالي بلاش رضاعة طبيعي لأنها مجهود على قلبه
♦️ يا دكتورة طفلي عندي شفة ارنبية وفتحة في سقف الحلق وعايزة ارضعه طبيعي هل فيه أمل
♦️ يا دكتورة إبني الأولاني اخد صناعي هل فيه أمل أن التاني او التالت يرضع طبيعي؟!!
كل الأسئلة دي واكتر َ و أي مشكلة بتقابلك في الرضاعة هنجاوب عليها من خلال زيارتك لعيادتنا
عياده د مروه اسامه سلامه
استشاري طب الاطفال وحديثي الولاده
استشاري دولي رضاعه طبيعيه IBCLC
استشاري التغذيه العلاجيه للاطفال والمراهقين

17/04/2026

يا دكتوره الحقيني
انا والده من ٦ ايام وابني رافض صدري
انا مش عارفه ابني بيشبع مني ولا لا
انا عندي الم جامد فالرضاعه وتعاوير ومش قادره ترضع
ابني بيقعد علي صدري ساعتين وبشيله بيعيط وبيبقي جعان كأنه مرضعش
ابني طول الليل والنهار عاوز يرضع مني
كل الاسئله دي تفتكروا حلها دخول الصناعي والببرونه ولا دا بيزود المشاكل فالرصاعه
ياريت تجاوبو فالكومنتات وتقولو رأيكم
أو تشرفونا في عيادتنا
عياده د مروه اسامه سلامه
استشاري الاطفال وحديثي الولاده
استشاري دولي رضاعه طبيعيه
استشاري التغذيه العلاجيه للاطفال والمراهقين

17/04/2026

تفتكري اللبن هيزيد 🤔؟؟
بايه اكتر
الاكل
ولا الميه
ولا السوائل الدافيه
ولا الفيتامينات
ولا الموتيليم والي زيه ((تحت اشراف طبيب ))
ولا الفيتامينات المستورده
ولا الحلبه
ولا الشمر
ولا السمك والبروتين عامه
ولا ولا ولا
😥🫣

احب أفاجئك
كل دا كوووم

وتفريغ الث*ي كوم تاني
الاقي بوست أنا بشرب ليل نهار
باكل ليل نهار
باخد فيتامينات
باخد معرفش ايه باكل ايه

كل دا حماده
وتفريغ الث*ي هو الاساس !!!

هل ❓❓
بترضعي كل ساعتين طفل عضلات المص عنده قويه
لا عنده ربط لا لسان ولا شفه

ولا بياخد ببرونه من اول يوم ونوع سريع زي بابلز ولا شيكو

ف خلاص بقي معتمد ع بيرونه ويادوب ياخد الث*ي زي التاتينه او حتي ياخد اللبن الامامي ومش قادر يكمل رضاعه عشان بقي كسول بسبب دخول الببرونة

لو طفل عادي بيرضع من اول يوم وميزانه كويس وبيرضع كويس ويفرغ ث*ي وقتها اعتمد عليه

طيب مفيش رضاعه
هل ❓❓
بتشفطي كل ساعتين وتقضي ث*ي بشفاط قوي ماتور يتحمل وجلسه نص ساعه لحد ما توصلي للتشفيط الجاف ؟؟


لو بتفرغي ث*ي كل ساعتين اللبن هيزيد ويكفي وتخزني
💖💖

لو مفيش مشكله مرضيه لا قدر الله ♥️

وتلامس جسدي دا سحرررر وهم الي جربوه عارفين نتيجته و اهميته ♥️🙈

17/04/2026

لو فجأة طفلك المتعود على الرضاعة و أصبح خبير فيها ☺️ لقيتيه كأنه ناسي كل حاجة و بيتعود من أول و جديد على الإلتقام، فتلاقيه بيعض و بيتحرك كتير بفمه بيحاول يوصل لوضعية كويسة و طبعا دا بيكون مؤلم.....هنا مش شرط يكون السبب تغير في الث*ي ....ممكن يكون انه بيسنن و دا بيخلي اللثة منتفخه و ملتهبة و متألمة...في الحالة دي:
- حاولي تخليه يعض على حاجة باردة قبل الرضاعة
- حاولي ترضعيه و هوا نعسان شوية
- غيري في الأوضاع بحيث تقللي الضغط على اللثة
- استخدمي مسكنات الألم للثة
- لو عض حاولي تبعديه بلطف و تجنبي الضغط أثناء إبعاده
❤️❤️

16/04/2026

💕الشهر الأول في حياة البيبي: أهم مرحلة لبداية صحية سليمة

الشهر الأول مش مجرد بداية… ده مرحلة تأسيس لكل حاجة بعد كده: المناعة، النمو، وحتى الإحساس بالأمان 🤍

🍼 الرضاعة الطبيعية: حجر الأساس

• الرضاعة الطبيعية الحصرية هي الأفضل خلال أول 6 شهور حسب توصيات World Health Organization
• معدة البيبي صغيرة جدًا (حجمها قريب من حجم الكرز في الأيام الأولى 🍒)
• لذلك:�✔️ بيرضع كميات قليلة�✔️ وعلى فترات متقاربة (كل 2–3 ساعات أو حسب الطلب)

📌 الرضاعة مش بس أكل… دي مناعة وحماية من العدوى.

🌸 اهتمام الأم بصحتها = صحة البيبي

علشان جسمك يقدر ينتج اللبن بكفاءة:

• اشربي من 2–3 لتر مية يوميًا 💧
• اهتمي بالأكل المتوازن (بروتين + خضار + فاكهة)
• أكلات ممكن تساعد:�✔️ الشوفان�✔️ الحلبة�✔️ التمر

📌 ملاحظة مهمة: مفيش أكل سحري… الأساس هو الرضاعة المتكررة.

👶 ممنوعات مهمة جدًا في الشهر الأول

حسب توصيات American Academy of Pediatrics:

❌ مفيش مية للبيبي
❌ مفيش أعشاب أو ينسون أو غيره

💡 السبب:

• لبن الأم يحتوي على حوالي 87–90% ماء
• إدخال أي سوائل تانية ممكن:�⚠️ يقلل رضاعة البيبي�⚠️ يسبب مغص أو عدوى

💤 نوم البيبي: طبيعي جدًا يكون غير منتظم

• البيبي بينام من 14–17 ساعة يوميًا بشكل متقطع
• بيصحى كتير للرضاعة… وده طبيعي جدًا

🎧 ممكن تساعدي البيبي يهدأ عن طريق:

• الضوضاء البيضاء
• أو أصوات هادية زي القرآن الكريم

📌 لكن بشروط:

1 صوت منخفض
2 بعيد عن أذن البيبي
3 مدة قصيرة (30–60 دقيقة)
4 وقت النوم فقط

💡 لأن البيبي متعود يسمع أصوات مستمرة داخل الرحم، وده بيديله إحساس بالأمان

16/04/2026

✅ يا ترى الطفل الرضيع محتاج ايه فى يومه ؟

💎 ياخد فيتامين " د " ودة بياخده نقط اول سنتين من عمره وبنعرضه للشمس ١٠ دقائق على الأقل كل يوم وقت الضحى أو قبل الغروب

💎 ياخد كالسيوم من الاكل ومتعطيش كالسيوم من دماغك لأن زيادة الكالسيوم بتترسب فى الكلى وبيعمل لقدر الله فشل كلوي فعشان كدة بنقول ياخده من الاكل أفضل والكالسيوم هتلاقيه فى (السمك ، الزبادى ،البيض ، السمسم ، الجبنة ، اللبن ، والخضروات )

💎 الحديد من الشهر السادس ( زي انريتش أو هيدروفرين نقط ربع قطارة يوميا )
وموجود فى اللحوم والدجاج والبيض ، البنجر ، السبانخ والبقوليات زى العدس والفاصوليا والفواكه المجففة

💎 محتاج نحطة على الأرض على بطنه من نهاية الشهر الثالث ولو حتى ربع ل نص ساعة فى اليوم عشان نقوى عضلات رقبته وايديه

💎 محتاج يستحمى يوميا في الصيف و٣ مرات أسبوعيا في الشتاء وترطبى جسمه وخاصة منطقة الحفاض

💎 محتاج حضن وكلام ولعب معاه من وهو عمره شهور عشان شخصيته تقوى ومهاراته تتطور ويتكلم بدري وتقضوا وقت حلو سوا ❤️

💎 لو تقدري تخرجي بيه بره يوميا او حتى مرتين اسبوعيا حتى لو هتروحى السوبر ماركت أو حتى تمشي لآخر الشارع وترجعي يشوف ناس واطفال والبيئة المحيطة بيه هيحسن من مزاجه وصحته النفسية وتطوره

"إنتي مش لوحدك في رحلتك…إحنا معاكي و كلنا مع بعض بندعم بعض.