02/06/2025
خلي بالك ..من حاجة مهمة جدا ...
اوقات تلاقي اللحم طعمة وحش وريحته كمان رغم صغر السن ..وسلامة الحيوان ....من اي مشاكل
السبب 👇
طبعا ربنا سبحانه وتعالي
كتب الاحسان علي كل شيء فاذا قتلتم فاحسنوا القتلة واذا ذبحتم فاحسنوا الذبح وليحد احدكم شفرته فليرح ذبيحته
من شروط الدبح الاسلامي ايضا انك ما تدبحش الحيوان قدام حيوان تاني وتداري شفرة الدبح عنه .رحمة به. ومنعا من ايذائه نفسيا
لان دا بيسبب خوف مؤذي للحيوان واللي بينتج عنه افراز هرمون 👈🏼الادرنالين بكثرة مصحوبا بافرازات 👈🏼هرمونات اخري تؤدي الي تغيير طعم اللحم نوعا .الي جانب ان دا ممكن يتسبب في احتباس كمية من الدم بداخل العضلات ايضا تغير لون وطعم اللحم
الحيوان السليم قد يتحول لحيوان عصبي ويبدأ في التقرب من الذبيحة ولعق الدم بشكل قد يسبب ظهور ظاهرة الافتراس بين الحيوانات الاخري
بلاش تدبح قدام اطفال ممكن جدا تسبب لهم صدمه أو رعب وخوف يصل لحالة تبول لا ارادي
حاجة كمان غاية الأهمية ...الدم دا هو الوسط الوحيد الذي ينمو فيه كل الميكروبات الخطيرة
عشان كدا ربنا حرمه .
وبعد النزف بيبقي دم مسفوح ..يعني ملوث ..نجس ..فيه كل التهلكة ..
وعادة انك تحط كفك علي الدم وبعدين تطبع علي الدبيحة او مثلا علي عربية جديدة أو علي جدار جديد ...عادة خطيرة كلها اذي ونشر امراض ..خصوصا لو فيه جرح في ايدك ...
تخيل ممكن تتصاب بايه
المفروض اتخلص من كل مخلفات الدبح بما فيه الدم ..بشكل صحي لمنع التلوث والعدوي
دمتم سالمين ❤ خالص تحياتى /
❤ ✨دكتوره وسام شحات مقاوى✨❤
