Dr-Elham Khalaf Allazy د/إلهام خلف اللذي

Dr-Elham Khalaf Allazy د/إلهام خلف اللذي Nutritionist Specialist 🫰🏻
physiotherapist 🥰

حياتك غاليه وصحتك مهمه 👌❤️ ومهم انك تهتم بنفسك وصحتك عشان حياتك تهمنا ☺️

رجعتلكم من تاني... وحشتوني جدًا 🤗بمناسبة إننا رجعنا بعد اجازه طويله وحلويات العيد 🌚...إيه موقفكم بقى بعد العيد؟يعني خلاص...
12/04/2025

رجعتلكم من تاني... وحشتوني جدًا 🤗

بمناسبة إننا رجعنا بعد اجازه طويله وحلويات العيد 🌚...
إيه موقفكم بقى بعد العيد؟
يعني خلاص عدّى حوالي أسبوعين
ف هل

1- لسه مستمر/ة على الدايت
2- بتفكر ترجع تلتزم
3- بتقول "بعد العيد" ولسه العيد مخلصش😅
4- أصلاً مفيش نية🙂

اكتبوا رقم أو كومنت… وخلينا نشوف مين ناوي يرجع بقوة!
ولو ناوي تبدأ، هدفك المرة دي إيه؟!

بمناسبه اني الجو بدأ يحرر ف خليني اقولكم شويه نصايح ل تجنب العطش في رمضان! 💧🌙عشان تصوم ويكون الصيام سهل معاك وتقلل إحس...
15/03/2025

بمناسبه اني الجو بدأ يحرر ف خليني اقولكم شويه نصايح ل تجنب العطش في رمضان! 💧🌙

عشان تصوم ويكون الصيام سهل معاك وتقلل إحساسك بالعطش، اتبع النصائح دي:

✅ اشرب مياه كفاية 🥤
قسم 8 أكواب مياه من بعد الفطار لحد السحور ...

✅ اختار الأكل الصح في السحور 🥗
اكل الزبادي، اللبن الرايب، الخيار، والخس بيساعد في ترطيب الجسم لفترة أطول...

✅ قلل من المشروبات اللي بتسبب العطش 🚫
الكافيين والمشروبات الغازية بتمتص المياه من جسمك، حاول تقلل منها أو تستبدلها بمشروبات طبيعية...

✅ ابتعد عن الأكل المالح والمقليات 🍟
الحوادق والمخللات بترفع الإحساس بالعطش، فحاول تخلي أكلاتك متوازنة وخفيفة...

✅ متعتمدش على العصائر المعلبة 🍹
العصائر الجاهزة مليانة سكر، وبتسبب ارتفاع مفاجئ في مستوى السكر في الدم، وبعدها هتحس بعطش شديد...

✅ تناول الفواكه الغنية بالمياه 🍉
البطيخ، البرتقال، من الحاجات اللي بتساعد في ترطيب جسمك لفترة طويلة...

حافظ على عاداتك الغذائية الصح، وشارك النصائح مع أصحابك علشان الكل يستفيد! 💙🌙

رمضان كريم! 🌙✨كل سنة وأنتم طيبين! رمضان مش بس شهر الأكل، لكنه فرصة ذهبية نغذي جسمنا بطريقة صحية بدون حرمان! 🥗💪إزاي هنبدأ...
05/03/2025

رمضان كريم! 🌙✨

كل سنة وأنتم طيبين! رمضان مش بس شهر الأكل، لكنه فرصة ذهبية نغذي جسمنا بطريقة صحية بدون حرمان! 🥗💪

إزاي هنبدأ االفطار ؟!

✅ نكسر الصيام على تمر وماء
✅ نصلي المغرب الأول، ثم نبدأ الفطار عشان ندي المعدة فرصة تستعد للهضم.

إزاي نقسم وجبتنا؟!

📌 طبقك المثالي يتكون من 3 أجزاء:
🍚 ثلث نشويات (أرز، خبز، بطاطس).
🍗 ثلث بروتين (لحوم، دجاج، أسماك، بقوليات).
🥗 ثلث خضروات (سلطة، خضار مشوي، شوربة).
🚨
ابدأ بـ السلطة أو الشوربة لأنها Low Glycemic Index (ما ترفع السكر بسرعة)، وبعدها البروتين، ثم النشويات.
⚠️ احذر! لو بدأت بالنشويات (زي الأرز أو المكرونة) لأنهاهتلاقي نفسك عايز تأكل أكتر! لانها high glycemic index

ماذا عن الحلويات؟ 🍰

بدل الحلويات الشرقية ب الفواكه الطازجة، الفواكه المجففة أو المكسرات.
لو نفسك في حلو، خد قطعة صغيرة وقلل السكر فيها ..

هل تعلم؟ كل 1 جرام من الحلويات الشرقيه = 7 سعرات حرارية! يعني قطعة 50 جرام = 350 سعرة حرارية! 👀 تخيل لو أكلت طبق كامل؟ 😱

نصائح للصيام الصحي:

✔️ قلل الدهون والأكل الدسم.
✔️ اشرب 2-3 لتر ماء بين الفطار والسحور..
✔️ حاول تتجنب العصائر السكرية والمعلبات واستبدلها بعصائر طبيعية بمقدار معتدل .. وتكون بدون سكر او سكر خفيف خالص
✔️ خفف الكافيين عشان ما يحصلش جفاف خلال الصيام.
✔️ نام عدد ساعات كافية وحافظ على نشاطك..

وكده نكون اتكلمنا عن أهم النصائح لفطار صحي في رمضان، لكن لسه في تكملة مهمة عن باقي العادات الغذائية خلال الشهر الكريم، وأفضل الخيارات الغذائية لصيام مريح بدون تعب. استنوني في البوست الجاي!

"رمضان فرصة ذهبية نغذي جسمنا ونبني عادات صحية تدوم بعد الشهر الكريم.. مش حرمان، لكن قرارات ذكية لأكلنا!" 🤍✅

رمضان كريم! ✨كل سنة وأنتم طيبين وبخير جميعًا 🌙هل تعرفوا أن وجبة السحور مهمة جدًا لصحتنا خلال الصيام؟ 👀😉عشان كده لازم يكو...
28/02/2025

رمضان كريم! ✨
كل سنة وأنتم طيبين وبخير جميعًا 🌙

هل تعرفوا أن وجبة السحور مهمة جدًا لصحتنا خلال الصيام؟ 👀😉
عشان كده لازم يكون سحورنا صحي ومتوازن، ويحتوي على أطعمة تحافظ على الترطيب وتقلل الإحساس بالعطش، زي:
✅ الأطعمة الغنية بالسوائل: الزبادي، اللبن الرايب، الخيار، الخس، الجرجير.
✅ الأطعمة ال low glycemic index
زي البروكلي، الطماطم، لأنها بتحافظ على مستوى السكر في الدم لفترة أطول.
✅ البروتينات المهمة للشبع: الفول، الجبنة القريش (قليلة الملح)، البيض المسلوق.
✅ البطاطس المسلوقه جميله لأنها تحتوي ع نسبه بوتاسيوم والبوتاسيوم له دور ف تحسين ال water retention
✅ شرب الماء بكمية كافية خلال الفترة من وقت المغرب لحد السحور لتجنب الجفاف.

لكن خلي بالك من الممنوعات خلال السحور! 🚫
❌ الحلويات والعصائر المحلاة (يُفضل كوب عصير طبيعي بدون سكر يوميًا فقط).
❌ الأطعمة (high glycemic index)لأنها ترفع مستوى السكر بسرعة وتجعلك تشعر بالجوع لاحقًا.
❌ اللانشون، الموالح، الجبنة الرومي.
❌ المقليات والأكلات الدسمة.
❌ العيش الأبيض، لأنه سريع الهضم ويزيد الشعور بالجوع.

"وجبة السحور خطوة مهمة لصيام صحي، لكن لسه في حاجات تانية لازم ناخد بالنا منها خلال الفطار والسحور برضو وتعديل العادات الغذائية في رمضان! استنوا البوستات الجاية لمزيد من النصائح عشان رمضان يكون فرصة لحياة صحية أحسن. 💪🌙"

اختياراتك في السحور بتفرق جدًا في يومك، خلي أكلك صحي ومتوازن عشان صيامك يكون أسهل وأفضل! 🌿💪

النهارده هنتكلم عن موضوع مهم جدًا وللأسف ناس كتير مش بتاخد بالها منه، مع إنه يعتبر مشكلة كبيرة، وأحيانًا أصعب من السمنة!...
23/02/2025

النهارده هنتكلم عن موضوع مهم جدًا وللأسف ناس كتير مش بتاخد بالها منه، مع إنه يعتبر مشكلة كبيرة، وأحيانًا أصعب من السمنة!

موضوعنا النهارده هو النحافة (Underweight).

فيه نوعين من الأشخاص اللي بنقابلهم:

1. شخص بيأكل كتير لكنه مش بيتخن.

2. شخص بيأكل سعرات أقل من الطبيعي وبيحرق كتير.

النوع الأول: بيأكل ومش بيتخن!

المشكلة هنا ممكن تكون بسبب اضطرابات في الجهاز الهضمي، زي:

فقدان الشهية.

سوء هضم (الأكل بيكون تقيل على المعدة).

الحموضة.

اضطراب في الهرمونات.

خمول وإرهاق مستمر.

سوء امتصاص للفيتامينات والمعادن، خاصة فيتامين د.

❌ طب هل ينفع آخد أدوية أو كورتيزون عشان أتخن؟ أكيد لا! لأنك كده مش بتحل المشكلة الأساسية، ولما توقف الدواء، وزنك هينزل تاني.

الحل:

✔️ تجنب الأكل من الخارج والمأكولات غير الصحية زي الإندومي ✔️ تناول أطعمة صحية وسهلة الهضم. ✔️ تجنب مشتقات الألبان، الدقيق الأبيض ومشتقاته، والبقوليات ✔️ تنظيم مواعيد الأكل. ✔️ مضغ الأكل كويس. ✔️ النوم الكافي وتجنب السهر. ✔️ التأكد من عدم وجود طفيليات ومعالجتها. ✔️ تعويض نقص الفيتامينات والمعادن بالمكملات المناسبة.

النوع الثاني: سعرات أقل وحرق عالي!

المعادلة هنا بسيطة: الطاقة الداخلة أقل من الطاقة الخارجة،
(Input less than output)
وبالتالي الشخص بيحصل له نحافة.

الحل:

✔️ ضبط مواعيد الأكل وزيادة السعرات الحرارية. ✔️ ممارسة الرياضة لبناء العضلات وتقوية الجسم. ✔️ تنظيم النوم والبعد عن السهر.
✔️ إدخال مكملات غذائية ( Nutritional supplement)
مثل (Growth Formula.)

💡 النحافة مش مجرد شكل، لكنها ممكن تأثر على الصحة والطاقة. فلو عندك المشكلة دي، ابدأ دلوقتي في تصحيح عاداتك الغذائية والحياتية!
ولو حاسس إنك محتاج تبدأ رحلة تغيير، خليك مستعد، وخطوة صغيرة النهارده هتفرق معاك بكرة! 😉💯"

لو عندكم اي استفسارات اكتبوا في الكومنتات أو ابعتوا رساله وانا هرد عليكم 😊

"دكتور، أنا عايز أخس ومش عارف، مش قادر أعمل دايت وانتظم عليه! 🤦‍♀️"✅ طب إيه رأيك أقولك على شوية نصايح بسيطة، لو طبقتها ف...
18/02/2025

"دكتور، أنا عايز أخس ومش عارف، مش قادر أعمل دايت وانتظم عليه! 🤦‍♀️"

✅ طب إيه رأيك أقولك على شوية نصايح بسيطة، لو طبقتها في يومك هتساعدك تخس من غير ما تحس! 😃

إيه دا بجد يا دكتور؟ طب انقذني! 😁

خليني أقولك ببساطة، الموضوع مش مجرد دايت قاسي، المهم يكون عندك نظام حياة صحي (Lifestyle) مناسب ليك.

💡 إزاي يعني يا دكتور؟ مش فاهم!
هفهمك بكل بساطة، يومك لازم يكون فيه:

1️⃣ تنظيم مواعيد الأكل ⏳
❌ بلاش تاكل وبعدها على طول تنام. حاول تخلي آخر وجبة قبل النوم بـ 2-3 ساعات على الأقل.

2️⃣ تقليل السكر الأبيض 🍭
🚫 السكريات الكتير بتسبب زيادة الوزن بسرعة، حاول تخلي استهلاكك اليومي 2-3 معالق سكر بس.
💡 الأفضل كمان إنك تستبدله بسكر دايت (خالي من الأسبرتام عشان يكون صحي أكتر).

3️⃣ تجنب الوجبات السريعة (Junk Food & Fast Food) 🍔🚫
🏆 بدلها بحاجات صحية تشبعك، زي:
✅ الفشار (بدون زيت كتير) 🍿
✅ الترمس (غني بالبروتين والألياف).

4️⃣ مشروبات لزيادة معدل الحرق ☕🔥
🫚 القرفة + الزنجبيل، لكن لو عندك ضغط عالي، بلاش زنجبيل لأنه بيرفع الضغط.

5️⃣ زيادة الألياف (Fibers) في الأكل 🌾
🥗 الألياف هتحسسك بالشبع لفترة أطول، ودي موجودة في:
✅ الخضار الورقي زي الخس والجرجير.
✅ الشوفان.
✅ البقوليات زي الفول والترمس.

6️⃣ تقليل الدهون غير الصحية 🛑
🍳 حاول تعتمد على الأكل المسلوق أو المشوي بدل المقلي، وقلل الدهون المشبعة اللي بتكون في الأكلات السريعة والمصنعة.

🤔 شايف؟ خطوات بسيطة لكن لو التزمت بيها هتساعدك تخس بدون معاناة!

💬 إيه أكتر عادة من الحاجات دي بتحس إنها صعبة عليك؟ وليه ؟ 🤔
💬 لو هتبدأ بخطوه واحده من النصايح دي هتبدأ ب إيه ؟🧐
شاركوني في الكومنتات!

12/02/2025

ما تيجوا أقولكم معلومة سريعة كده وعالماشي؟ 😃👌🏻

📌 عارف إنك لو عايز تخس، مهم يكون معدل الحرق عندك شغال كويس ومافيش أي مشكلة مأثرة عليه؟

❓ طب إزاي يا دكتور أعرف إن عندي مشكلة في معدل الحرق؟
✅ هقولك ببساطة، لو وزنك زايد وحاسس إنك مش بتخس بسهولة، ممكن يكون عندك مشكلة مأثرة على معدل الحرق!

🙆‍♂️ يا نهار! يعني عندي مشكلة كبيرة؟!
😂 لا تقلق، مش مشكلة كبيرة ولا حاجة، بس خليني أقولك الأسباب اللي ممكن تأثر على الحرق:

🔥 أسباب ضعف معدل الحرق:
1️⃣ نقص بعض الفيتامينات اللي ليها دور أساسي في التمثيل الغذائي.
2️⃣ مشاكل في الهرمونات، زي اضطراب الغدة الدرقية اللي بيبطّئ الحرق.
3️⃣ أمراض معينة ممكن تأثر على معدل الحرق.
4️⃣ تناول المضادات الحيوية بشكل متكرر، لأنه بيأثر على توازن الجسم.
5️⃣ قلة النوم ولخبطة مواعيده، وده كمان بيأثر على النفسية! 😁
6️⃣ قلة شرب الماء، لأن الترطيب بيساعد في تحسين التمثيل الغذائي.
7️⃣ بعض الأدوية بتقلل معدل الحرق كأثر جانبي.
8️⃣ حضرتك عارف مواعيد الأكل المتلخبطة بتأثر ع معدل الحرق زي إنك تفضل طول اليوم من غير أكل وبعدين تاكل وجبة كبيرة بالليل دا غلط وبيأثر ع معدل الحرق !!👀 إزاي ي دكتور ايه الكلام اللي بتقوليه دا !
هقولك ببساطه لاني حضرتك ما اخدتش وجباتك الكافيه ولخبطه مواعيد أكلك دي اثرت إفراز الهرمونات وبكدا الجسم هيتحول الي وضع save energy mood وبالتالي معدل الحرق هيقل ..وجسمك هيفضل ثابت أو هيزيد حتي لو اكلت حاجه بسيطه خالص

😮 شوفت بقى قد إيه ممكن يكون عندك حاجات مأثرة على معدل الحرق وأنت مش واخد بالك؟!

🤷‍♀️ وعمال تقول: طب أعمل إيه أكتر من كده! ما أنا مش باكل غير مرة واحدة ومش بخس! 😂

الحل بسيط! لكل مشكلة حل، والمفتاح إنك تستشير حد متخصص عشان يساعدك تنظم أكلك وحياتك بطريقة تناسب جسمك..

💬 لو عايزين تعرفوا أكتر، ابعتولي أو اسألوني في الكومنتات! 🥰

Address

Al Manshah

Website

Alerts

Be the first to know and let us send you an email when Dr-Elham Khalaf Allazy د/إلهام خلف اللذي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category