Gottman.Egypt Dr. Shahenda Khalil

16/01/2025

الأكثر مبيعاً❤️❤️

الاكثر مبيعا لهذا الأسبوع 😍✨

15/01/2025

لكل زوجين محتاجين مساعدة فى فهم الخلافات بينهم وكيفية تجاوزها
فكتاب احياء الحب حيكون موجود فى معرض الكتاب وبالتأكيد حتلاقوا فيه اجابة لكل تساؤلتكم مع شرح الحل بصورة بسيطة وواضحة

يصدر عن بيت الكتب في معرض القاهرة الدولي للكتاب ✨
كتاب إحياء الحب: الدليل العملي للزواج السعيد
تأليف د.شاهندة خليل

تحب تفوز بنسخة من الكتاب؟ 🎉 📚
شير للبوست بابليك ومنشن اصحابك اللي تعتقد هيحبوا الكتاب ده وهنختار من اكتر الناس مشاركة ٣ هيكسبوا الكتاب هدية 🎁
ويستلموه من جناحنا في معرض الكتاب أو من أي فرع من فروعنا خلال فترة المعرض...
______________

هل يوجد زواج سعيد؟ لماذا قد يختفي الحب والود بين الزوجين؟ هل من سبيل ل..."إحياء الحب"✨️❤️

زواجك يستحق أن تعيده إلى الحياة! كتاب "إحياء الحب" يقدم لك الأدوات العملية لإنقاذ زواجك.
هذا الكتاب ليس مجرد كتاب آخر عن العلاقات الزوجية. إنه دليل عملي مبني على دراسات متعمقة وتجارب واقعية مع أزواج عرب.
ستجد فيه نصائح ملائمة لثقافتنا وعاداتنا، وسهلة التطبيق في حياتك اليومية. لا تتردد في اقتنائه وتغيير حياتك الزوجية للأفضل!

_______________

تجدونه في جناحنا بمعرض القاهرة الدولي للكتاب، وأيضًا يتوفر بداية من يوم 23 يناير في فروع وموقع بيت الكتب وجميع المكتبات! 😍

https://www.thebookhome.com?p500

استمتع بخصومات تصل إلي 40% خلال فترة المعرض.

التوصيل متاح لأي مكان بمصر و العالم ✈️🚛🛵

19/12/2024

الأكثر مبيعا لهذا الأسبوع ✨📚
عطلة سعيدة 😍

19/12/2024

من كتاب "إحياء الحب". هو ليس مجرد كتاب، بل هو دليل لبناء علاقة زوجية قوية ومستدامة. 📖❤️💑

✍️ ننتظر مراجعاتكم وتعليقاتكم حول الكتاب! 🌟📚

متوفر في موقع وفروع بيت الكتب وجميع المكتبات..اطلب الآن 😍👇

https://www.thebookhome.com?p500

التوصيل متاح لأي مكان بمصر و العالم ✈️🚛🛵

09/12/2024

كتاب إحياء الحب هو أول كتاب عن المهارات الحياتية لتحسين العلاقة الزوجية وفقاً لنموذج جوتمان من واقع التجربة العربية

الكتاب للأزواج متوفر فى مكتبة بيت الكتب
أتمنى إنه يساعد الأزواج فى تحسين جودةالعلاقة الزوجية

الكتاب في ايد أول قارئ 😍

الكتاب موجود في فروع بيت الكتب في الإسكندرية و متاح للتوصيل اونلاين من موقعهم..

08/10/2024

لكل المعالجين المهتمين بالعلاج الزواجى
التدريب لعام ٢٠٢٥
تم فتح قبول التقديم
الخبر السار :
تم وضع نماذج التقييم على تطبيق online وبمجرد الاشتراك فى الدورة سيتاح اشتراك مدى الحياه لتقييم العلاقة الزوجية online

للاستفسار برجاء التواصل مع صفحة AIP
عن طريق إرسال رسالة وسيتم الاجابه عن جميع الاستفسارات
فى انتظاركم جميعا

لكل المعالجين النفسيين، فرصتك لتطوير مهارات العلاج الزواجي بأحدث التقنيات في العالم العربي مع معهد الإسكندرية لتدريب العلاجات النفسية AIP.
نموذج جوتمان للعلاج الزواجي، بيوفر لك الأدوات اللازمة لتحسين مستوى العلاج الزواجي بأسلوب علمي وعملي لمساعدة الأزواج في مواجهة التحديات اليومية في العلاقة الزوجية.
تابعنا لمعرفة المزيد عن تدريب العلاج الزواجي بنموذج جوتمان مع د. شاهندة خليل، ماجستير الطب النفسي بجامعة الإسكندرية - أول معالج معتمد لعلاج الأزواج من معهد Gottman - ولاية سياتل، الولايات المتحدة الأمريكية.

27/07/2024

هو أنا جوزى نرجسي/ مراتى نرجسية؟!

عارفين بتسأل السؤال دا كام مرة فى العيادة؟؟
كتيييييير

ومأساة حياتى التأثير السلبى لوسائل التواصل الإجتماعى خصوصاً من غير المتخصصين إللى مروا بتجربة زواج سيئة و قرروا مساعدة الناس و مشاركتهم التجربة!!

طيب أنا حجاوب و أقول إن فى الأغلب لا!

لأن نسبة الأشخاص ذو اضطراب الشخصية النرجسية من ٠.٥ إلى ٥٪؜ فقط.

ودا مش بيمنع إن بعض الأزواج ممكن يقابلوا سمات شبه سمات النرجسية فى شريك حياتهم و دا طبعاً بيقتل أى فرصة للتواصل و الحميمية و القرب و طبعاً بيزود التوتر و بيأثر على جودة حياتنا و الصحة النفسية و الجسدية، يعنى ممكن يقتل زى التدخين و الإدمان بالظبط!!!

و مش محتاجة آكد إن الأساس فى أى علاقة زوجية سوية هو التفاهم و المواجدة و الإحترام و دا بيتعارض جذرياً مع سمات النرجسية .

طيب إيه هى سمات النرجسية ؟

*الشعور بأهمية الذات.
*الانشغال بالقوة أو الجمال أو الاحساس بالنجاح
مستحق.
*يمكن أن يكون فقط حول الأشخاص المهمين أو المميزين.
*الاستغلال بين الأشخاص لتحقيق مكاسب خاصة بهم
*متكبر
*نقص عاطفي
*لازم تعجب به
*يحسدون الآخرين أو يعتقدون أن الآخرين يحسدونهم

معنى كدة إن لو شريكى فيه أى صفة من الصفات دى يكون نرجسي؟!
لااااا.

لأن لازم متخصص نلجأ ليه للتشخيص، مش أى حد يتكلم نسمع له، لأن ببساطة محدش حيشيل شيلتك
صحيح بنقابل أشخاص يتسموا بالبعد العاطفي أو العنف مع الشريك
فقبل ما نقول نرجسي إدوا فرصة للإصلاح، يمكن يكون فى فرصة للتغيير؛

يمكن محتاجين نتعلم نأكد و نطلب حقوقنا إزاى
يمكن نقبل فرصة خلق الإحترام فى العلاقة.

نسبة الطلاق بتزيد جداً و الطلاق و الحياة بعد الطلاق مش سهلة لا عليك و لا على أولادك
فإسأل متخصص
و ماتسمعه لأى حد.

العلاقة الزوجية صعبة و محتاجة مجهود و إلتزام و تغيير مستمر و الحياة بعد الطلاق أؤكد لك إنها مش أقل صعوبة
فحاول حتخسر إيه؟!
يمكن نعرف نحل.

فى تطبيق نموذج جوتمان عشت مع أزواج كتير لحظات صعبة و علاقتهم كانت عالمحك و أوقات منفصلين لكن لما لقوا طريق للتغير عاشوا الحياة السوية إللى يستحقوا يعيشوها
اطلب المساعدة من متخصص لأن التغيير هو الأساس .

25/07/2024

تفتكر إن المشاعر دى شىء بشع و يا ريت لو اتخلقنا من غيرها؟!
كام حد فى لحظة غضب و انفعال مع إللى حواليه جاتله الفكرة دى؟!

عارفين إن لو اتخلقنا من غير مشاعر حنتوه
لأن ببساطة المشاعر هى بُصلة أى إنسان فى حياته،
فلو عندك مشكلة مع المشاعر و طول الوقت عندك إحساس بالوحدة و إن محدش فاهمك، فدى مش مشكلة وجود المشاعر بس المشكلة الحقيقية إنك مش فاهمينها.

هى المشاعر بتتفهم؟!
آه طبعاً
و علشان كدة فى مصطلح اسمه Meta Emotions

لو مش فاهم إنت حاسس بإيه، يبقى عمرك ما حتفهم أنت عايز إيه و لا حتعرف تتواصل مع حد و بالتالى حتحس بالتوهة و الوحدة و والبُعد حتى عن أقرب الناس ليك.

فعايزة أفكرك إن مفيش مشاعر وحشة…..هى مشاعر و كل مشاعر ليها بصمة المهم نفهمها و نسمع لها و نصدقها ونتواصل مع إللى حوالينا عن طريقها،
دى الطريقةاللى ممكن نحس فيها إننا متشافين و محبوبين و متقدرين من إللى حوالينا،
فبالطبع إحساسنا بالوحدة حيقل.

لو بتواجهك مشكلة فى فهم مشاعرك شاركنا بتجربتك فى التعليقات و حساعدك فى فهمها و نعرف سواً إسمها إيه و نتعامل معها إزاى؟!
.
ُصْلةللتواصل_معالآخر

05/07/2024

دخلت فيلم inside out 2 مع إبنى و هو مراهق فعايزة أشاركم التجربة و يا ريت لو تدخلوا الفيلم مع ولادكم

مبدأيا دا الجزء التانى
الجزء الأول من الفيلم كان سنة ٢٠١٥ بيحكى عن بنت عمرها ١١ سنة بتواجهها مشاكل (قابلتنا كلنا ) و كنا مش فاهمينها علشان مش فاهمين نفسنا أو بالأخص مشاعرنا،

فالفيلم بيحكى عن تجربة البنت مع مشاعرها فبيعرفنا عن المشاعر الأساسيه أو البدائية زى الحزن و السعادة و القرف و الغضب و الخوف و إزاى البنت بتتعرف على مشاعرها و بتسميها علشان تفهم نفسها و تتصرف فى حياتها.

الجزء التانى بيحكى عن مرحلة المراهقة و كل التغيرات الفسيولوجية فى مرحلة المراهقة و إزاى إن المشاعر البدائية محتاجة تطور علشان تساعد البطلة فى التعامل مع تغيرات حياتها.

فهنا بييجى دور مشاعر القلق و الغبطة و الخزى و ازاى المشاعر دى بتظهر فى حياتها مش علشان تعطلها لا علشان تكبر و تفهم نفسها.

هنا البطلة بتواجه التغيرات الفسيولوجية للقلق زى زيادة ضربات القلب، التوتر، عدم القدرة على التصرف و كمان الإحساس بمشاعر الخزى إللى بيخليها تكذب بحثاً عن قبول زمايلها أو الأقران و مشاعر الغبطة إللى بتخليها تغير من طريقتها كمان علشان تتقبل.

وهنا بنشوف البطلة لما بترفض مشاعرها ازاى بتتلخبط أكتر و بتفقد القدرة على التحكم فى نفسها و بتخسر كل حاجة و الأهم صورتها و فكرتها عن نفسها فبتوه.

و الفيلم فيه حاجة جميلة جدا؛

إنه بيوضح، إن الحل فى قبول التغيير و قبول مشاعرها .

مشاعرنا مش مؤذية علشان نعاديها أو نكرهها بالعكس دا هى البُصْلة إللى بتوصلنا لأهدافنا فأول ما البطلة بتتصالح مع مشاعرها بتوصل لفكرة جديدة عن نفسها و بتعرف تختار علشان كدة دورنا مهم جداً كآباء و أمهات ازاى نساعد ولادنا فى المرحلة الصعبة دى؛

مهم جداً:

١-تفهم و توعى ولادك عن مشاعرهم.

٢-تساعدهم أنهم يتكلموا و يعبروا عن إللى حاسينه .

٣- منخليهمش مكسوفين من مشاعرهم فيخبوها مهم نحسسهم بالآمان و أنا حساعدك تفهم إنت حاسس بإيه.

٤-تساعدهم ازاى يسموا مشاعرهم علشان تساعدهم ازاى يفهموا هم عايزين إيه.

٥- تساعدهم فى حل المشكلة إللى بيواجهوها من غير خزى أو عار.

دى مسئوليتنا تجاه ولادنا إنهم يكونوا نفسهم مش صورة و امتداد لينا و أخطأنا.

ادخلوا الفيلم و شاركونى بتساعدوا ولادكم ازاى فى المرحلة الصعبة دى؟!

03/07/2024

أجمل ما قيل فى الإلتزام فى فيلم The Notebook

"So it's not gonna be easy. It's going to be really hard; we're gonna have to work at this everyday, but I want to do that because I want you. I want all of you, forever, everyday"

"هى مش حتكون حاجة سهلة، بالعكس صعبة جداً ؛ بس إحنا حنشتغل على العلاقة إللى بينا كل يوم،وأنا حعمل كدة علشانك. علشان أنا عايزك بكل ما فيكى ،
للأبد ،كل يوم"

العلاقات بشكل عام مسألة معقدة جداً مش حاجة سهلة إنك تحافظ على صديق عمرك أو علاقتك بأهلك فما بالك الشخص إللى بيشاركك كل تفصيلة فى حياتك بحلوها و مرها.

أكيد إنك تحافظ عليه دا حيتطلب مجهود نفسى كبير ؛
من أول إختيار وجوده لتجديد الإختيار دا؛
مش بس بشكل يومى لا فى كل لحظة فى حياتنا.

إنك تختاره كأولوية فى حياتك بكل احتياجاته…. و تختار تشاركه ….. و تختار تسمعه….. و تختار تقدره….. و تختار إنك تكمل معاه حياتك و متفكرش فى حد غيره.

كل دا بيتطلب مجهود كبير مننا علشان العلاقة تكمل و بدون وقت محدد، دا قرار بيتجدد طول حياتك معاه.

فهو شىء صعب بس هل يستاهل؟!