Marina Raafat

29/11/2023

صباح الخير

يمكن من فترة كبيره مش بكتب زي الأول بس الفتره الأخيره لقيت أباء كتيير بيشتكوا من أبنائهم علي حسب المرحلةالعمريه
من الطفوله للشباب

الفكره إن الفتره الأخيره إنتشر الوعي الزائف
بمعني إن حضراتكم كأهالي سمعتوا بشكل أو بأخر عن جلسات لتعديل السلوك فدايماً بتشوفوا إن المشكلة في الأبناء وهم اللي لازم يخضعوا للجلسات دي علشان يتحسنوا (سلكوهم يتطور من وجهة نظركم) طبعاً هنا مش بعمم التجربه لأن أنا عارفه إن كل واحد ومشكلته ومش معني حدوث ده إن مفيش مشكله
لكن ساعات بيكون عندنا تكبر وأناا عاليه بتعمينا عن المشكلة الحقيقية

الحقيقية إن الأبناء نتاج أهاليهم ومش بشكك في إن الأباء الطبعيين بيحبوا يشوفوا أبنائهم أحسن حاجه في الدنيا بس من وجهة نظرهم من وجهة نظر معايرهم ومادام ذكرنا بس يعني في شرط والحب الحقيقي مينفعش يكون له إرتباط شرطي .. حضراتكم أكتر حاجة بتسبب مشاكل وبتكبر مع الإنسان إنه يكون مش قادر يشوف قيمته الحقيقية ويعرف إمكانياته ويحس بتقدير ذاته وده بيكبر بمشاكل كتيير قوي وعقد بتخليه فعلا محتاج تعديل سلوك وفكر وبالمناسبه ده في كل الأعمار بس هل حضراتكم عارفيين إن إنتوا السبب وبصراحة أنا بشوف أنها أنانيه كبيره إن دايماً عايزيين الأبناء اللي تتغيير حضرتك عارف ابنك او بنتك مش عارف يشوف قيمته ليه؟ علشان حضرتك مش بتعلق علي الحاجات الحلوه زي ما بتعلق علي الحاجات الوحشه حضرتك مش بتشجع التشجيع الكافي وأنا قلت كلمة كافي علشان في أهالي كتيير بتقول لا بشجع
حضرتك ممكن تكون مره بتقول حاجه بس دي مش كافيه خالص بالنسبه لشخصية الأبناء حضرتك محتاج تتعلم إزااي تشجع وإزااي تحب حب غير مشروط وفوق كل ده إزااي تعبر عن مشاعرك لأبنائك.صحيح لما بنوصل لمرحله مقفوله يبقي لازم أنتوا الأتنين تجيبوا طرف تالت مُحايد يساعدكوا في تعديل سلوك لكن مينفعش أبداً يبقي طول الوقت الأبن هو اللي لازم يتغيير ويتعلم ويعرف يتعامل صحيح أما بنوصل لحاجه مقفولهمن الأهل والأذي بيكون واصل لدرجه مؤثره بنقول لازم تسامح أهلك وتفهم إن مفيش أهل بيكون عايزيين يأذوا أولادهم بقصد بس الأهلللأسف دورهم مؤثر ومهم جداً

حاجه أخيره اللي زرع حاجه بيحصدها
ياريت بجد ننشر الوعي ونتعب ونبذل مجهود مش كل حاجه المجهود المادي علي فكره الأبناء ده أستثمار العمر ياريت متفشلوش فيه

01/10/2023

كتيير مننا بنسمع لفظ الشخص ده عنده trauma
يعني إيه الكلمه دي
ده لفظ بيُطلق علي الشخص إللي بيعاني من صدمه بالمناسبه الصدمه مش لازم تكون كارثه أو مصيبه ممكن تكون نتيجة فقدان شخص عزيز مثلًا فالصدمه هي رد فعل أو أستجابة الإنسان النفسيه أو العاطفيه تجاه حدث مؤلم غير متوقع بالنسباله يعني مش الحدث الصادم نفسه لكن الإصابه النفسيه الجسيمه إللي نتجت عنه وعلي فكره الصدمه مش بتكون بس إستجابتنا للي حصلنا لكن ساعات بتحدث نتيجه إستجابات للي كنا متوقعينه يحصل (محصلش)
وأكبر مثال تقبل الوالدين في سن الطفوله لأبنائهم بدون أي شروط وإعطاء إهتمام (التقبل الغير مشروط) بمذاكره ،بحل واجب ، درجات عاليه،الناس تقول الطفل ده مؤدب طبعًا من وجهة نظرهم
وده محصلش أوقات كتيره أوي بيسبب Trauma بتكبر معانا وبتأثر علي السلوك المستقبلي مع المحيط مثلًا
خصوصًا إن الأهل هم أول حد بيعلم الطفل الثقه والتقبل وده بطريقتهم في المعامله. وطبعًا رد الفعل بيختلف من إنسان للتاني وبيعتمد علي حاجات كتيير قوي

علشان كده الإنسان إللي عنده trauma من حاجه بنتعامل معاه بتعاطف مش بتقييم ولا حكم ومواعظ
لأن وارد جدًا يكون سبب صدمته بالنسبالك مش سبب كافي أو صادم بالنسبالك وتقدر تتحمله .
لكن بالنسباله الحدث وتكراره هو أكبر من قدرته النفسيه أدي إلي جرح داخلي عميق
فمن فضلكوا رفقاً ببعضنا كل واحد عنده تجربته الخاصه لو مش هتساعد يبقي متأذيش

لو حاسس إنك في حاجه معطله مستقبلك محتاج تتكلم وتحلها وتتعافي منها تابعنا بالإستشارات علي رسائل الصفحه

11/09/2023

17/06/2023

متقوليش لبنتك إنها حلوة😏😏

الحوار ده بيتقال في بيوت كتير:
- أنا مش حلوة يا مامي.. وصحابي وقرايبي كلهم أحلى مني😔..

- لا يا حبيبتي، انتي قمر.. ده انتي أحلى بنت أنا شوفتها في حياتي..

- لأ، أنا مش حلوة ، ودي حقيقة.. أنا كان نفسي ابقى حلوة زي صاحبتي..

- الجمال جمال الروح يا حبيبتي، مش كل حاجة جمال الوش..

الحقيقة ان الحوار ده رايح في سكة مش اللي هي خالص، و انتي بتيجي تكحليها، بتعميها الحقيقة.. علشان مش هو ده الكلام اللي هي محتاجة تسمعه منك لما تقولك إنها مش حلوة..

كل الناس تقريبا بلا استثناء بيحكموا على نفسهم إنهم مش حلوين .. طيب ليه الحكم المتعسف ده؟؟..

الأبحاث بتقول إن الإعلام، الأفلام والمسلسلات ، بيعلمونا إننا نحكم على نفسنا وكمان على الآخرين من خلال المظهر.. هما دخلوا في دماغنا كده.. و أصبح المرجع أو المعيار بتاع الجمال عند المراهقات هما الممثلات والمشاهير واللي طبعا طبيعة عملهم بتفرض إنهم يظهروا بمظهر معين قدام الناس..

📌طيب، خلينا نعرف الأول، إيه سبب إن البنت ممكن تشوف نفسها وحشة؟..

1. بنتك كل ما بيبصوا في المراية، مبتدورش على إيه الحلو اللي في وشهما هي بتشوف كل حاجة وحشة، بتشوف الحباية اللي طالعة جديد في وشها كبيرة جدا، بتشوف كل حاجة مبالغ فيها جدا.. وكل الكلام ده مبيبقاش حقيقة، هي بتشوف تفاصيلها وبتراقبها في مراية بتكبر والمشكلة كمان إن وجود الهرمونات الملخبطة في سنهم بيخلي شكلهم يتغير عن الطفولة كتير..

2. البنت بتشوف نفسها وحشة دايما بسبب حاجة اسمها "التحيز المتعمد"اللي هو إن الشخص يدقق جدا في عيوبه ويفكر فيها طول الوقت أكتر من الوقت اللي بيخصصه إنه يشوف الحاجات الحلوة اللي فيه، طبعا العيوب تكسب.. جليب تسيبورسكي الباحث في السلوكيات بيقول إن ده طبعا بيخلي حكمها على نفسها من أسوأ ما يكون لدرجة إنها بتغرق في عيوبها فقط والفكرة بتبقى مسيطرة على مخها طول الوقت..

3. بعض قرايبها اللي مبيوزنوش الكلام قبل ما يقولوه ومحتاجين يحطوا عشر فلاتر على بقهم.. اللي تقولها "إيه ده؟ انتي مامتك وأختك حلوين، انتي طالعة كده لمين؟!!".. أو واحدة تقولها، "شكلك اتغير، معلش انتو كلكو بيبقى شكلكم كده وانتو في السن ده، متقلقيش شكلك هيتعدل لما تكبري".. وغيرها من الجمل الصعبة جدا بصراحة.. الناس دي توقفيهم عند حدهم فورا لأنهم هيعقدوا بنتك.. مطلوب إنك تردي قدامها رد لائق وهادي ويوقف الكلام فورا..

4. فقدان الأمان، ودي راجعة يا إما لانتقاد كتير في أي حاجة، مش شرط الشكل ولا اللبس، يعني في مذاكرة، صلاة، طريقة أكل.. أو بتفقد الأمان من كتر الضغط لأن الأهل بيسعوا دايما إن بنتهم تبقى مثالية في كل حاجة..

5. من الأسباب القوية كمان في الموضوع ده إن الأم بتبقى عايزة بنتهم تبقى واثقة في نفسها، فتفضل تقولها إنتي حلوة طول الوقت ومن صغرها وهي بتسمع الكلام ده بلزمة ومن غير لزمة، طول الوقت فيه تركيز شديد على موضوع الجمال الشكلي، فالبنت تحط قيمة كبيرة جدا لموضوع الجمال، فلما تكبر، هتلاقي عشروميت حاجة مش عاجباها في وشها، ولأنها متربية على إنها حلوة، ف وشها ومظهرها هيبقى كل حاجة بالنسبالها، ف طبعا هتشوف نفسها معادتش حلوة زي الأول..

قرأتي الأسباب؟؟؟

📌📌اتأكدي إنك قرأتيها الأول قبل ما تقرئي الحلول، و اكتبي ورايا علشان الكلام ده مهم و عايز هدوء:

1. لما بنتك تيجي تقولك إنها وحشة، متقعديش تثبتي وتأكدي أد إيه هي جميلة وإنك شايفاها أحلى واحدة في الدنيا.. ده مش وقته، ممكن تقوليلها كل ده بعدين.. هي دلوقتي مش سامعاكي أصلا، ومش ده اللي هي عايزة تسمعه دلوقتي خالص.. اسأليها "انتي ليه بتقولي كده؟".. "طيب إيه اللي انتي شايفاه مش جميل فيكي؟"... بالراحة كده وخليكي هادية، خلي المناقشة بينكم تطول على أد ما تقدري واسمعي أكتر ماتتكلمي.. هزري معاها وضحكيها بس مش باصطناع.. فكي الجو بس جوه الموضوع، متخرجيش براه.. المناقشة دي هتلاقي نتيجتها مذهلة.. هتلاقيها فضفضت باللي جواها إذا اديتيلها الأمان وسمعتيها كويس من غير ما تحاولي تثبتي العكس.. هي أصلا ممكن جدا ترتاح لمجرد إنها عبرت عن اللي جواها.. و أكيد كمان إنتي هتفهمي منها حاجات كتير تاعباها وهتفهمي ليه الصورة المشوهة دي جواها.. دي أهم خطوة في الموضوع كله لأن الحوارات المفتوحة بينكم بتقلل الضغط عن مخها و بتخليه يرتاح و يهدى، فتقدر تفكر بصورة أوضح..

2. متحاوليش تجيبي أبحاث تثبتلها إن حتى الناس الجميلة مش سعداء.. فيه أبحاث كده فعلا.. بس دي طريقة سيئة جدا لتربية بنتك، انتي كده بتعلميها إن أكيد كل الناس عندهم حاجات وحشة بردو.. وإنها تتعود إنها لو لقت حد أحسن منها في أي حاجة، هتدور على الحاجة الوحشة اللي فيه.. لأ عادي، فيه ناس حلوين وعندهم كل حاجة، ربنا يباركلهم.. ربنا هو اللي بيقسم الرزق، وربنا يبارك لكل واحد في رزقه..

3. هاتي ورقة وقلم و خليها تقول الحاجات الحلوة اللي فيها سواء الشكلية أو صفاتها الحلوة، واكتبي وراها، وفكريها بالحاجات الحلوة اللي انتي شايفاها فيها.. املي الورقة كلها وخليها تعلقها في أوضتها.. دايما الكلام لما يبقى قدامها، مخها هيلقطه طول الوقت وهيصدقه بسبب وجود جزء في المخ اسمه نظام التفعيل الشبكي (reticular activating system)، بيخلينا نلقط بحواسنا الحاجات اللي احنا بنفكر فيها..

4. اسأليها صحابها مصاحبينها ليه؟؟ هتقولك أسباب ملهاش دعوة بالشكل خالص، وده بيبقى إثبات ضمني منها إن الجمال جمال الروح فعلا، بس من غير ما نقول كليشيهات مش مقنعة..

5. في مناسبات مختلفة، امدحيها في الحاجات الحلوة اللي بتعملها، مثلا " انتي شاطرة في تلييق اللبس والألوان على بعضها، إيه الشياكة و الذوق العالي ده يا ناس".. أو "ستايلك في تسريحات شعرك حلوة جدا، اعمليلي تسريحة زي بتاعتك علشان ابقى حلوة زيك كده"..

أيوة طبعا هتقوليلها إنها حلوة وقمر وجميلة كل يوم وكل ساعة ومن غير تصنع ومن غير إثبات ، بس مش في الوقت اللي هي متوترة فيه وجاية تقولك إنها وحشة.. كلنا محتاجين نسمع أد إيه احنا حلوين بس في وقتها ومكانها

24/04/2023

لا تبحث عن أشخاص، فالأشخاص يأتون كهدايا في طريقك للبحث عن نفسك.

#عيدالفطرالمبارك

كل عام وأنتم بخير

09/02/2023

الإيذاء من الصغر إللي مأثر علي سلوكك وإختياراتك عمره ما كان مسؤليتك طول ما أنت مش مدرك لكن أول ما تدرك حجم التأثير السلبي عليك وعلي المجتمع فمسؤليةالتعافي عليك .

It’s a gentle reminder😄

الكلام ده معناه إيه
معناه إن معظم الأشخاص بتتعرض لأذي وأكتر نوعيه أذي بيأثر إللي بيكون في الطفوله والنشأه سواء بقصد إللي بيأذي أو منغير قصد
حلو نعمل إيه 🤔؟!

أول حاجه لو أنت أدركت إن التصرفات بتاعتك اللي في الحاضر دي نتيجه إسقاطات أو حاجه من الماضي فياريت نبتدي ننسي الماضيودي مش حاجه سهله ونفكر في الحاضر لأن مسؤليه التعافي وإنك تكون كويس مسؤليتك لوحدك. 🤷‍♀️نعمل ده إزااي ؟
يا إما من كتر الإدراك هتعرف تسامح وتتجنب اللي حصل معاك وتركز دلوقتي
ي إما هتحتاج مساعده من حد متخصص .
وأيًا كان اللي بتقرره دلوقتي لأنك أكتر حد عارف نفسك لو أنت أتأذيت قبل كده صدقني كل الدعم بس كل الناس كمان مش هتستحمل ده فركز وإختار طريقه تصلح بيها الي حصل قبل كده .

في النهايه أنت مش لوحدك صدقني مفيش حاجه تكسف مثلًا كل حد فينا عنده عقد ومشاكل بأشكال مختلفه مهما حاولنا نبين إن مفيش حاجه .
خلينا لطاف مع بعض ونساعد بعض ونعزر بعض.

09/02/2023

ساعات كتيير بيكون عندنا مشكله مع حدث معين أو تكرار حدث معين
المشكله هنا مش بتكون في الحدث نفسه بس بتكون في المشاعر اللي إتكونت نتيجه حدوث الحدث ده أول مره..
زي مثلًا الناس اللي عندها مشكله مع الحيوانات… أقصد الفوبيا طبعًا ده بيكون نتيجة موقف حصل وساعتها حسوا بمشاعر مؤلمه وإتخزنت جواهم وبتتكرر وبيفتكروها مثلًا لما بيشوفوا الحيوان …

أشجعك لو عندك trauma من حاجه معينه نتواصل مع بعض ونوصل لحل
صحتك النفسيه أهم .

19/11/2022

Good morning everybody ,

Normalize saying “ No “ without needing to over-explain yourself and if someone is offended by your boundaries,that’s their opinion.

Stay positive,love and appreciate yourself.

09/10/2022

زي ما ربنا أنعم علي كل حد فينا بنعمة العقل ومفيش حد فينا أبدًا شبه التاني كل واحد عنده زي ما بيقولو ا ال settings بتاعته
والموضوع ده معقد في التركيب والكيمياء بشكل كبيير ففي فرق كبيير بيت الذكر والأنثي في حاجات كتيير قوي في طريقة التفكير والنضج والإنفعال والحكم علي المواقف والتفاعل يمكن محتاجيين نتعرف علي الإعدادات أو ال settings بتاعت بعض علشان نعرف نتعامل في الحياه.

مش بتكلم حتي علي العلاقات والأرتباط وإذا كان ده من أهم الصور اللي بنحتاج نعرف علشان نتعامل ونقلل المشاكل بين اللي مرتبطيببن بيهم ونفهم حتي إحنا مناسبيين ولا لأ.

لكن بتكلم علي كمان إزااي نفهم بعض إزااي الأب يفهم بنته وتفكيرها والعكس
الأم إزااي توصل طريقه جوزها وتفكيره لولدها بالذات في سن معين وإزااي هي شخصيًا تعرف تتعامل مع ده .

لو بتعاني من مشاكل في علاقات من عدم معرفه فهم تصرفات الجنس الأخر
تواصلوا معايا علي مسجات الصفحه