نيڤين راضي Neven Rady للإستشارات النفسية و الزوجية والعلاقات

19/10/2024

❤️❤️❤️

19/10/2024

آمين يارب العالمين ❤️

14/06/2023

التربية الجنسـ.ية .. ثقافة عيب وما يصحش .. ✋🚫🔞

04/06/2023

في حياتك علاقة مرهقة أو ما يُطلق عليها مصطلح التوكسيك ؟؟🫨
تعبت ونفسك تموڤ أون بس مش عارف تعمل إيه ؟؟😩
في البوست ده هوضح لكم بعض النقاط الهامه اللي هتساعدكم على التخطي وبمنتهى القوة ..👌💪💪

☝️بس قبل ما نبدأ لازم نستثني من البوست ده بعض العلاقات الأساسية في حياتنا واللي بيتم التعامل معاها بشكل مختلف حتى لو إنطبق عليهم الكلام كله أو بعضه ، وده طبعا نظراً لطبيعة علاقتنا بيهم .. والعلاقات ده هي ( الوالدين والأخوة والأبناء والأزواج أو الزوجات ) .

☝️أما العلاقات اللي هينفع تطبق معاها كلامنا النهاردة هي أي علاقه خارج العلاقات السابقة زي مثلاً ( علاقة الحب بجميع مراحله ، المخطوبين ، كل شخص بنحطه في قائمة الأصدقاء ، العلاقات الإجتماعية من أول المعارف إلى النسب ، علاقات العمل ، الجيران .... الخ .

🤚مبدئياً لازم تعرف إن زي ما بتعاني من علاقات مرهقة ، غيرك كمان بيعاني منك وشايفك علاقة مرهقة ، والموضوع درجات وبيختلف من علاقة لأخرى ومدى قرب الناس من بعضها ،، وبالتالي اللي هقوله ده بشكل عام وحضرتك اللي هتختار الأنسب ليك من حيث الطريقة اللي هتنفذ بيها والطريقة اللي هتتعامل بيها ، وما إذا كنت هتدي فرص تانية بعد التطبيق ولا خلاص إكتفيت وهتبعد خالص ...👋👋

☝️عشان أقدر أموڤ أون بقوة بدون ما أتعب نفسياً أو آخد وقت في الحزن ، لازم تعرف إنك تستحق الأفضل دائماً ، وإن قيمتك كبيرة ، وإنك تستحق كل خير الدنيا وسعادتها ، ولو العلاقات اللي ذكرناها كانت مرهقة ومش هتحققلك المطلوب يبقى لازم تختار نفسك ثم نفسك ثم نفسك ثم هم ..... 😎

إيه ده !! هو أنا كده مش هبقى أناني لما أختار نفسي !!؟؟😳
مش هتبقى قلة أصل مني !!؟😮 مش هبقى حد وحش؟ 😯
ده أنا حتى شخص معطاء وعطائي دائماً من غير مقابل !!🤦🏻‍♀️

🤚هنا هقولك ده سبب أدعى إنك تختار نفسك وما تقلقش مش هتكون أناني لأنك هتعمل كده في الحالات ده بس ..👇

👈لما تكون شخص معطاء وطول الوقت بتدي وبدون مقابل ، ويتحول عطائك عندهم لفرض عليك وواجب وحق مكتسب ، يبقى لازم تختار نفسك ..🤚
👈لما يكونوا عارفين قيمتك كويس بس دايما بيقللوا منك أو بيحبطوك أو يحسسوك إنك بلا قيمة أو أنك فاشل بصورة أو بأخرى ، يبقى لازم تختار نفسك ..🤚

👈لما تبقى قدمت السبت وباقي الشهر ويستخسروا فيك ساعة من وقتهم ، يبقى لازم تختار نفسك ..🤚
👈لما تحافظ على حقوق العيش والملح والعشرة في الفرح والحزن معاهم ، وهما ما يراعوش الحقوق ده معاك ويشيلوك من حساباتهم ومايراعوش مشاعرك ، يبقى لازم تختار نفسك ..🤚

👈لما تبذل من وقتك وطاقتك ومجهودك الكثير ولا يتم تقديرك أو تقدير مجهودك ، وممكن جدا تشوف غيرك ما عملش ربع اللي انت عملته وبيتم تقديره وده حق من حقوقه زيك بالضبط ، وانت بيتم تجاهلك ، يبقى لازم تختار نفسك ..🤚
👈لما تلاقيهم بيمتلكوا المهارة في قلب الترابيزة عليك ، ويطلعوك انت السيئ قدام نفسك وقدام الناس ، يبقى لازم تختار نفسك ..🤚

👈لما كان مش بيهون عليهم زعلك وبعدين بقى بيهون عادي ، يبقى لازم تختار نفسك ..🤚
👈لما يغلطوا في حقك ويستخسروا فيك كلمة الأسف لمجرد إنهم ما يطلعوش غلطانين ، يبقى لازم تختار نفسك ..🤚

👈لما يطلبوا منك اي حاجه وتُجيب طلباتهم وانت تكون طلباتك عزيزة وتطلب منهم طلب بعشم وعلى إستحياء وعارف إنهم قادرين على تنفيذه ويتجاهلوك ، يبقى لازم تختار نفسك ..🤚
👈لما تتكرر مواقف الخذلان المختلفة ، يبقى لازم تختار نفسك ..🤚

👈لما تتكلم معاهم في اللي بيضايقك أو اللي بيسعدك ، ولا حياة لمن تنادي ، يبقى لازم تختار نفسك ..🤚
👈لما يقولولك إنك غالي أو إنهم بيحبوك أو إنك عزيز عليهم أو أنك منهم .. الخ .. وتيجي أفعالهم عكس كلامهم ، يبقى لازم تختار نفسك ..🤚

👈لما يعملوا للغريب إللي ماكنوش بيعملوه معاك ، يبقى لازم تختار نفسك ..🤚
👈لما يبقى في مواقف سيئة منهم ليك ولازم يردوا إعتبارك قدام الناس وما حصلش ، يبقى لازم تختار نفسك ..🤚

👈لما تبقى الحجج والمبررات هي لغة الحوار بينكم ، يبقى لازم تختار نفسك .. 🤚
👈لما يحطوك دائما في مقارنات مع الآخرين ، يبقى لازم تختار نفسك .. 🤚

👈لما تلاقي نفسك عملت زي ما عملتش ، يبقى لازم تختار نفسك .. 🤚
👈لما حد يظلمك أكتر من مرة أو يجي عليك أو ينتقم منك أو يأذيك أو يتكلم عنك بالسوء ، يبقى لازم تختار نفسك ..🤚

👈لما تلاقي المواقف خلتك عاجز عن التعبير أو الشرح ، يبقى لازم تختار نفسك .. 🤚
👈لما تلاقي نفسك وصلت لمرحلة إنك مابقتش بتعاتبهم ولا عايز تفتح مواضيع ولا قادر تعاتب ، يبقى لازم تختار نفسك .. 🤚

👈👈إختار نفسك بالطريقة اللي تناسب حالتك وظروفك وحياتك ومجتمعك وثقافته ..👌
حب نفسك ودللها ودلعها و طورها واهتم بيها وإحترمها وقدرها وإشتغل عليها حتى لو من بيتك ، ركز على نفسك وإحتويها وإسعد نفسك مع الناس اللي بتحبك بجد .. 🫂
اللي يقدرك قدره ، وخليك محترم مع الجميع لإنك متربي على الإحترام ..🫡
إعمل الخير من أجل الخير لانه في النهاية لا يقع في يد البشر وانما رب البشر .. 👌🩷💙❤️

18/03/2023

24/12/2022

هدية العام الجديد وبسعر خاص 🤩🎉🎉

21/11/2022

تمر الأيام رغم تشابه أحداثها في كثير من الأحيان ، إلا أنها تنقضي وترحل بلا عودة ... نواجه إحباط يعقبه آخر وتسقط علينا الضغوطات بلا هوادة وتلازمنا المشكلات بجميع أنواعها وكأنها أُسلوب حياة ...
الفرق بين من يقع في الفخ وبين من يخرج منه هو تقمص الأدوار ... فإن تقمصت دور الضحية وأصبحت تعيش تلك الحالة ، ستصدق ذلك وستصبح بالفعل ضحية ولكن هذه المرة ضحية نفسك أنت من إختار هذا الدور الدرامي وأديته حتى الإتقان ، وحينها ستقع سريعاً وبسهولة شديدة في فخ الإحباط والضغط النفسي وستحتاج إلى المساعدة الخارجية للتخلص من الآثار السلبية التي تركها هذا الدور على النفس ...
وعلى العكس تماماً إن تقمصت دور المحارب وجعلت التفاؤل والأمل والرضا والحب ونشر السعادة والبهجة والسرور على الآخرين وجبر الخاطر أسلحتك للمقاومة ، سينعكس عليك التأثير الإيجابي إلى أن تصدق انك بالفعل محارب ويصبح ذلك أسلوب حياتك وبالتالي الخروج من كل إحباط وضغط بسهولة وفي وقت قصير وتتمكن من التفكير الإبداعي وحل المشكلات براحة تااامة ويسر ...
شئت أم أبيت ستستمر الحياة إختر دورك فيها بعناية حتى تستحق جائزة أوسكار أفضل حياة ... 👌🏆

ً_في_مسلسل_الحياة

11/11/2022

إنتظروني في أولى حلقات برنامج ( إستشارة في كلمتين ) وحل اللغز معايا وشارك برأيك .. 🤔👌😉

02/11/2022

إنتظروني قريباً في سلسلة حلقات برنامج ( إستشارة في كلمتين ) .. 👌
للمشاركة ، برجاء إرسال أسئلتكم وإستشاراتكم في كل مايتعلق بـ مجال الصحة النفسية والإرشاد الأسري والزواجي والعلاقات على رسائل الصفحة .. ✍️💌
دمتم في خير .. حب .. وسعادة ❤️

20/10/2022

بعد ما تحدد هدفك أياً كان ، وتكون واثق إن الهدف ده متاح ليك وفي إمكانك الوصول إليه حتى لو هتاخد شوية وقت .. من الطبيعي جداً إنك تقع وتقوم وتقع وتقوم .. من الطبيعي جداً إنك تفشل مرة ومرتين وعشرة وعشرين .. بس تأكد طول ما هدفك قدامك وشايفه بعينك ، هتوصل بإذن الله ، لأن إستمرارية السعي تعني حتمية الوصول .. 💁🏻‍♀️

ولكن إحذر يكون بينك وبين هدفك معوقات أو حواجز لا تتناسب مع قدراتك على تخطيها .. أو هدف مش من حقك بس عينك فيه .. لإن عدم تحقيقه هيصيبك بالإحباط ، وبالتالي هتكسر قاعدة من قواعد التوافق النفسي المهم لإرضاء الصراع القائم لتحقيق الرضا عن نفسنا وعن البيئة المحيطة بينا .. 🤦🏻‍♀️

بلاش تبقى زي اللي إترمى في البحر وشايف بعينه الجزيرة اللي هتنجيه .. إلا إنه مصر يسبح عكسها ، ولسان حاله بيقول هفضل أحاول يمكن الجزيرة تطير وتيجي الناحية التانية .. لكن الحقيقة .. لا الجزيرة هتطير ، ولا انت هتوصل لمكان ، ونهايتك الوحيدة إنك هتمو.ت غرقان .. 🤷🏻‍♀️