Amira Eldeeb - Clinical Psychologist

25/02/2026

تم نقل المحتوى لصفحة جديدة لأسباب تقنية
والمحتوى هيكون هناك فقط👇🏻
https://www.facebook.com/share/1C6csi3ivV/?mibextid=wwXIfr
اعملوا فولو ومستنياكم هناك 👆🏻🤍

25/02/2026

تم نقل المحتوى لصفحة جديدة لأسباب تقنية
والمحتوى هيكون هناك فقط👇🏻

https://www.facebook.com/share/1C6csi3ivV/?mibextid=wwXIfr

اعملوا فولو ومستنياكم هناك 👆🏻🤍

أميرة الديب -أخصائى نفسي اكلينيكى
📩للحجز والاستفسارات عن طريق رسائل الصفحة

24/02/2026

ليه وقت النوم بالذات التفكير بيزيد؟

23/02/2026

سامح نفسك وكمل…

22/02/2026

ياترى بتعملوا ايه فيهم!!

21/02/2026

Just a reminder | 52-2026✨
اليوم العادي اللي بيعدي بهدوء وسلام… هو في حد ذاته نعمة كبيرة وإنجاز

21/02/2026

بتضحك…
وتشتغل…
وتنجز…
بس جواك حزن، فراغ، وتعب مستمر؟

ده ممكن يكون اكتئاب مقنع.
طيب إيه هو بقي؟

الاكتئاب المقنع هو نوع من الاكتئاب:
• الشخص ظاهر منه طبيعي، ناجح وبيضحك
• بس داخليًا… فيه حزن، فراغ، فقدان شغف، تعب مستمر.

بمعنى آخر:
الناس تشوفك “تمام”،
وانت جواك مش كده خالص.

العلامات الشائعة:

* صعوبة في الاستمتاع بالحياة
* حزن مستمر
* فقدان حافز حقيقي رغم النجاحات الظاهرة
* إرهاق دائم حتى بعد أنشطة بسيطة
* صعوبة في النوم أو النوم الكتير
* شعور بالذنب أو القلق المستمر
* فقدان الاهتمام بالحاجات اللي كنت بتحبها
* صعوبة التعبير عن مشاعرك للآخرين

ليه بيتخبّى الاكتئاب ده؟
• الخوف من الحكم الاجتماعي
• الضغط الداخلي: الشخص عالي الأداء يحس إنه لازم يكون دايمًا ناجح
• ثقافة “لا تظهر ضعفك”: بتتعلم تخبي حزنك تحت الابتسامة والشغل

الاكتئاب المقنع مش ضعف، مش غباء، ومش فشل.
هو إشارة: عقلك وجسمك بيقولوا محتاج دعم.

نعمل ايه؟
1️⃣ الاعتراف بالمشاعر: تسمح لنفسك تحس بالحزن والفراغ بدون لوم.
2️⃣ التعبير عن نفسك: كتابة، حديث مع شخص موثوق، أو علاج نفسي.
3️⃣ العناية بالجسم والعقل: رياضة، نوم، أكل صحي، نشاطات بتسعدك فعليًا.
4️⃣ جلسات العلاج النفسي: تساعد على فهم جذور الشعور، التعامل مع الضغط، وتعلم أدوات لتخفيف العبء الداخلي.

📌 حتى لو كنت “ناجح” أو “مبتسم”، مش معناه إنك تمام داخليًا.
الراحة النفسية حقيقية، وممكن تتحقق بالدعم الصحيح 🌿

📩للاستفسار وحجز الجلسات أونلاين أو بالعيادة من خلال رسائل الصفحة
- اميرة الديب

20/02/2026

Just a reminder | 51-2026✨
الراحة النفسية مش في الهروب من المشاعر.
الراحة الحقيقية في مواجهة شعورك وانك تتعلم تتعامل معاه صح

19/02/2026

Just a reminder | 50-2026✨

التعلّق بدرى مش حب…
هو شعور بيعميك عن الحقيقة.
خلي عقلك هو اللي سابق بخطوة

19/02/2026

ليه بنجلد نفسنا أكتر من أي حد ؟

أقسى صوت في حياتك… غالبًا مش صوت حد تاني.
هو صوتك إنت

في ناس ناجحة، مجتهدة، مسؤولة…
بس طول الوقت حاسة إنها مش كفاية.

غلطة صغيرة = تأنيب كبير
تأخير بسيط = إحساس بالفشل
موقف عادي = تحليل ولوم بالساعات

وده اسمه في علم النفس:
النقد الذاتي القاسي (Harsh Self-Criticism)

🧠 ليه بنبقى قاسيين على نفسنا؟

1️⃣ لأننا اتعلمنا إن الحب مشروط
لو اتربينا على:
“لما تنجح تبقى كويس”
“لما تغلط تبقى قليل”

العقل بيكمل الدور ده لوحده بعد كده.

2️⃣ لأننا فاكرين القسوة هتخلينا أحسن

في اعتقاد داخلي بيقول:
“لو ما ضغطتش على نفسي، هكسل.”

لكن الحقيقة إن القسوة المستمرة:
– بتزوّد القلق
– بتقلل الثقة
– وبتخلي الإنجاز مرتبط بالخوف مش الرغبة

3️⃣ لأننا بنربط قيمتنا بأدائنا

فلو الأداء قل…
قيمتنا تتهز

⚠️ المشكلة مش في إنك تطور نفسك

المشكلة لما يبقى التطوير جاي من خوف
مش من رغبة ودافع وتقدير .

🌿 الفرق بين النقد الصحي والنقد القاسي:

النقد الصحي يقول:

“غلطت… أتعلم وأصلّح.”

النقد القاسي يقول:

“غلطت… يبقى أنا فاشل.”

✨ اسأل نفسك:

لو صاحبك عمل نفس الغلطة دي…
كنت هتكلمه بنفس الطريقة اللي بتكلم بيها نفسك؟

التعافي مش إنك تبقى بلا أخطاء، لكن إنك تبطل تبقى خصم نفسك.

📌 جلسات العلاج النفسي بتساعدك:
– تفهم جذور الصوت الداخلي ده
– تبني حوار داخلي صحي
– تفصل بين قيمتك وأدائك
– تتعلم الانضباط من غير قسوة

لو حاسس إنك دايمًا في حرب مع نفسك…
يمكن محتاج تبدأ تهدى الصوت ده مش تعليه 🌱

📩للاستفسار وحجز الجلسات أونلاين أو بالعيادة من خلال رسائل الصفحة
- اميرة الديب

19/02/2026

رمضان مبارك 🌙✨
وكل عام وأنتم إلى الله أقرب

رمضان مش بس شهر صيام…
هو فرصة نهدّي قلوبنا، نراجع نفسنا، ونرجع للتوازن اللي بننساه وسط الزحمة.

يارب يكون شهر راحة… طمأنينة… وقرب من ربنا ومن نفسنا

18/02/2026

Just a reminder | 49-2026✨
الأوقات الصعبة مش نهاية الطريق.
هي فترة تحضيرك لمرحلة أقوى وأحسن في حياتك