26/05/2023
عن
هو حاله من الجفاف العاطفي كأنك ماشي في صحراء حرفيا وعطشان جدا ومفيش ولا نقطه مايه وانت مستني الدنيا تمطر ومش شايف أي إحتمال تاني تروي نفسك بيه غير المطر😔
ولأن عقل الإنسان تبرمج بالفطره إنه يحميك من الخطر عشان تحافظ علي بقائك علي قيد الحياه فمجرد فكره إن الاحتمال الوحيد لسداد احتياجك مش متاح يدخلك في حاله
طيب تعالوا نطبق المثال ده في العلاقات
لو إنت شخص إتربيت في جو أسري فقير عاطفيا بمعني إن خزانات الاحتياجات النفسيه الأساسيه لبناء شخص سوي نفسيا زي الحب والامان والقبول والتقدير وهكذا
هي حرفيا فاضيه تماما عندك بل وممكن يحصل العكس
يعني يوصلك رسائل تربويه سامه زي الرفض والعار والخوف 🥺
ولأن الطفل مايعرفش غير ان بابا وماما هم المصدر الوحيد لسداد احتياجاتي فللأسف ممكن يدخل في حال الذعر العاطفي
ومن هنا بينشأ الايجو ويحصل احتمالات كتير واشهرها الشخصيه الاعتماديه أو الحديه ( أهم فريسه للنرجسي والسايكوباتي)
غالبا الطفل ده هيكون عنده خوف من الوحده والرفض والهجر فبيسقط اخطاء والديه علي نفسه وبيشوف انه مذنب ولا يستحق الحب إلا بالتضحيه بنفسه
وتبدأ سلسله من العلاقات الكارميه ( السامه) اللي بيكرر فيها بشكل غير واعي سيناريو الطفوله المؤلم 💔
وده لأنه حرفيا بيدور إزاي يملي خزان الحب والأمان من الخارج
هو فقد اتصاله بنفسه وبالله من زماااان
وبيحاول يتصل بنفسه من خلال الآخر
عشان يتجنب الوحده والرفض والهجر 💔
ملحوظه مهمه الشخص ده غالبا بيقع في فخ الشرك الخفي ( التعلق )
طب الحل إيه ؟
أهم خطوه إنه ينتبه ويؤمن ان خزان الحب والامان موجود ولا ينضب أبدا لو قرر يتحرر من سجن الناس ويتعلق بالمصدر الوحيد ( الله ) ثم نفسه ساعتها هيتحرر من الذعر العاطفي وعقله هيهدي وهيستقبل الحب والامان من ربنا مباشره ومن كل نعم ربنا عليه
تاني خطوه يعترف انه لم يتلقي احتياجه النفسي من والديه ويقبل مشاعر الفقد والحرمان والخوف ويبتدي ياخد خطوات فعليه للتشافي
مهم جدا في المرحله دي وجود علاقه شافيه تساعدك علي العبور بسلام
العلاقه دي مع الله أولا ثم نفسك ثم رفيق للرحله ممكن يكون معالج ، صديق ، زوج
❤❤❤❤❤❤❤
الشاهد إستعن بالله ولا تيأس وكن فخور برحلتك في الارض فربما تكون المنحه في قلب المحنه ❤💚
أنوي لي ولكم بحول الله وقوته رفع الظلم عن أنفسنا ❤
