17/07/2025
🩸 هو أنا لما أعمل تحليل الهيموجلوبين كده كفاية؟ ولا لازم كمان تحليل الفيريتين؟
سؤال ناس كتير بتسأله… واللي لازم تعرفيه إن الاتنين مهمين جدًا، بس كل واحد ليه وظيفة مختلفة👇
🔴 الهيموجلوبين
ده بروتين موجود في كرات الدم الحمراء، ووظيفته الأساسية إنه ينقل الأكسجين لكل خلايا الجسم.
يعني لو نسبته قلت… بتحسي بتعب، دوخة، ضيق في النفس، وده اللي بنسميه "أنيميا".
🟠 الفيريتين
ده مش مجرد تحليل إضافي!
هو "مخزون الحديد" في جسمك… يعني الكمية اللي جسمك محتفظ بيها علشان يستخدمها وقت ما يحتاج يصنع هيموجلوبين جديد.
نقص الفيريتين = الجسم مبيلاقش حديد كفاية يصنع بيه الهيموجلوبين… حتى لو نسبته لسه طبيعية!
⚠️ يعني ممكن الهيموجلوبين يكون طبيعي، بس الفيريتين ناقص؟
أيوه! وده بيحصل كتير، وساعتها الجسم بيستنزف المخزون، ولما يخلص… تدخل في أنيميا حديد فعلية من غير ما تاخدي بالك.
✅ عشان كده، التحليلين مهمين جدًا مع بعض:
الهيموجلوبين = حالة الدم دلوقتي
الفيريتين = صورة المخزون اللي في جسمك
🎯 في يوميجا التشخيصية بنوفرلك كل التحاليل دي بدقة، وبأحدث الأجهزة… علشان نطمن على صحتكscan
#الهيموجلوبين
