08/08/2023
فرق كبير انك تعتمد علي امكانياتك الشخصيه و الخبره اللي اكتسبتها من خلال شغلك وحياتك ،، وبين انك تدرس و تطور نفسك علشان تبقي محترف.،،، في وقت كان بفضل الله حجم شغلي الخاص في مجال المقاولات ابتدي يكبر وكنت بدرس ال : pmp
و فرقت معايا كتير كتنظيم لخبراتي و توسعه مداركي ، ووقت تاني كان عندي اتجاه اكبر شغلي اكتر درست:
Master of Business administration in projects management .
وبرضه فرقت معايا كتير كتطوير وتنظيم في طريقه اداءي واختصار لكتير من الوقت و الجهد لنفس اللي كنت بعمله.
و علشان اربي ولادي زي ما انا مخطط خدت كورس كبييير في التربيه و الإرشاد الاسري، و فرق برضه معايا كتير و أكرمني رب العالمين و نفعت بيها نفسي وولادي و ناس كتير .
كبرو ولادي،، و موضوع التربيه خلص لانهم وصلو لمرحله استقلاليه الشخصيه، ، فكرت انهم و اللي زيهم وفي سنهم محتاجين ايه علشان اكمل معاهم و يكملو معايا مرحله ما بعد التربيه ، مرحل التوجيه عن بعد🤔 ازاي اخليهم ياخدو قرارهم لوحدهم في مستقبلهم التعليمي و المهني و حتي لما يوصلو لمرحله تكوين اسره و ما بعد ذلك لو اعطاني الله العمر و جعل لي في ذلك نصيب🤔 ازاي اقدر اساعدهم ككوتش بيوجه وهو خارج الملعب فدرست:
life coaching
Mental health
لعلي افيد أولادي اولا ومن يحتاج الي توجيه دون التدخل في القرار او اسداء النصح .
و استمعت جدا بدراسته وتطبيقه مع العملاء اللي اشتغلت عليهم كلايف كوتش، لانه تكنيك رائع في انك تكون الاداه للوعي و اكتشاف الذات و تحديد الاهداف و التحفيز علي تحقيقها حسب امكانيات الشخص اللي بتشتغل عليه وامكانياته و خياراته هو المتاحه و الممكنه ليه،، و تخليه يحدد اهدافه بنفسه ، يعمل ايه علشان يوصلها،، اي كانت اهدافه.
سواء كان في ايجابيه احاسيسه والشعور بالرضا و السعاده،، او في نجاحه المهني،، او في صحته ،،او في علاقاته،، او تطوير البزنس بتاعه .
ازاي يعزز ثقته بنفسه ، و يحسن التواصل مع الآخرين و يبقي عنده قدره علي التغير ، و يقدر يوازن بين اذرع عجله الحياه الي بتشمل عباداته، وصحته، و اسرته، و شغله ،و استقراره المادي، وكمان متعته وهواياته، ما ينساش مع كل ده انه يطور نفسه .
ويكون هو المسؤل عن قرارته و اختياراته ، و أهم حاجه انك تعرف تسمع منه من غير افتراضات و لا توقعات و لا أحكام مسبقه ،
ولقيت ان دايما علشان سني مش صغير ، مش عايز اقول كبير😉😊 بيبقي انك تتعلم حاجه جديده بيبقي تنظيم لخبراتك باستخدام تكنيك جديد ، يعني مثلا مش حتشتغل مع لايف كوتش علاقات و هو آخره كان علاقاته بزمايله في الجامعه و اصحابه في النادي 😊 و لا لايف كوتش بزنس و هو ما اشتغلتش بزنس ،المهم بعتذر اني طولت عليكم ،،ونصيحه يا تتعلم الشيء و never too late ،،يا تلجأ لحد اتعلم لكن النظام اللي ماشي في كل شيء في مصر للاسف بتاع الكلام علي ايه النهارده بدون علم و لا تخطيط 😀ما ينفعش في زمن العلم ،،و الهدف هو انك تفيد نفسك و تفيد غيرك مش انك تاخد شهادات فعمر ماكان هدفي اني حاخد شهاده ايه ، المهم اتعلمت ايه وأقدر أطبقه ولا لا ، و مثقل بخبرات فيه ولا لا .المهم احب اقول اني و انا عندي ٥٥ سنه اني حابب افيد كل اللي اقدر افيدهم باللي اتعلمته و بخبراتي و باخطاءي قبل نجاحاتي 😉😀
ولو ربنا اداني العمر حكمل و اتعلم ، علشان احاول اواكب الزمن ،، دعواتكم 💚💚💚
Life Coach
