27/10/2025
ملحوظه صغنططه 🤗🤗
خلي بالك طويل ياقمر انتي وهي
واقروا للأخر عشان انتم المستفيدين 😘
💥 عشر قواعد لشعر 💥
❤طويل❤صحي❤لامع❤
💥القاعده الأولى 💥
العلاج🥰
العلاج يا زينبووووو😂😂
مش اول ماتدخلي عليا تقولي لي عايزاكي تحقني لي شعري ولا تعملي لي بلازما 💉
ما انا مش ساحره يازينبو ولا الحقن دي جلا جلا يا بت 🤹♀️
عايزه شعرك طويل وبيلمع وخالي من العيوب يا زينبووووو
يبقي نبدأ بالعلاج يا حبيبتي 💆♀️
وقبل ما اقول لك العلاج هقول لك اهم الأسباب اللي خلت شعرك يقع ومقصف وهايش
💥اولا القشره والتهابات فروه الرأس من اول اسباب تساقط الشعر .
💥ثانيا الأنيميا ونقص الفيتامينات وسوء التغذيه
💥 ثالثا الجهل بطرق العنايه الصحيحه بالشعر
( ودي هعمل لها بوست تاني لوحدها طوووووول كده .).
💥رابعا المشاكل الصحيه زي خلل الغده الدرقيه
💫نيجي للمشكله الاولي اللي هي
( القشره )
💫أفضل ٣ انواع شامبو لعلاج القشره وفطريات فروه الرأس هما
( Nizoral . Nizapex . Konazol)
وبنستخدم الشامبو في حاله العدوي الشديده ٣ مرات في الأسبوع
وللوقايه بعد ما نتعالج مره واحده في الأسبوع وبس 😍
خلاص .
عالجنا القشره وخلصنا منها
(روحه بلا رجعه يا قلبي )😄😄
💥نيجي بئا للهم الكبير
(الأنيميا وسوء التغذيه يا حبيبتي )
🥦🫒🫑🍆🥕🥝🍎🍗🌰
💫الغذاء لوحده مش علاج يا زينبو لكن لازم اكلنا يضم عناصر غذائيه مهمه زي
💥السبانخ واللحم البقري (الحديد)
💥البيض والبقول (الزنك)
💥الجزر (فيتامين A)
💥السلمون والزبادي (فيتامين D)
💥البطاطس لاحتوائها علي (البيوتين )
💥الأسماك عموما (اوميجا 3 و 6)
💫نيجي بئا للتحاليل
(اللي بتطلعو روحي عشان تعملوها )
متقعديش تفاصليني وتناهدي فيا يا بت 🤦♀️
متبقاش الأنيميا عندك ٧ واقول لك خدي حديد تقولي لي هاكل كبده و بتشنجان 🍆
لو البتشنجان كان هو الحل لوحده كان نفعك من الاول يا حبيبتي🤨🤔
بالتحليل يا قلبي💉 ...لو تحاليلك طلعت ملخبطه تمشي علي العلاجات 💊اللي هنقول لك عليها منغير ما تجودي بالحذف او الاضافه عليها وحياه مامتك يا شيخه
(متعليش عليا يا بت)
ااااه انا دارسه بره وجوه يا اختي🩺🩺
💥أما بئا لاقدر الله لو عندك مشاكل مرضيه زي
(كسل الغده الدرقيه او اضطراب هرموني)
دول لازم نتابعها جنبا الي جنب مع الدكتور المختص واحنا بنعالج شعرك يا زينبو
ولما نصلح كل ده تيجي نعمل
(ميزوثيرابي وبلازما وفيلر 💉💉)
وكل اللي تحبيه يا قمر🥰
شبيك لبيك 🧞♀️🧞♀️
استنوني في بوست تاني
أطول من ده😂😂😂
عن الطرق السليمه للعنايه بالشعر
مع تحياتي❤ أماني زيد
اخصائيه التجميل والعنايه بالشعر والبشره
دمتم مزز 🥰🥰🥰
