Sohaila Khamis سهيلة خميس

22/01/2026

زحل في الجدي غير زحل في الدلو، رغم إنه بيحكم الاتنين يعني في بيته!
شكل تمركز الكواكب والطاقة في الجدي الترابي غير الدلو الهوائي وعن عصر الدلو.. كل دة في الفيديو واكتر.. كلها تحليلات فلكية من خلال


#زحل
#زحلاقيات

21/01/2026

عطارد في قلب الشمس | كازيمي الدلو وتأثيره الحقيقي علينا
يوم ٢١ يناير ٢٠٢٦ عطارد يتحول من نجم صباحي لنجم مسائي.. عندما يغيّر عطارد (وأي كوكب آخر) علاقته بالشمس، يتحول من نجم صباحي إلى نجم مسائي أو العكس..

عطارد كازيمي مع الشمس عند 1° برج الدلو هو اقتران علوي، في صميم وقلب الشمس، وده معناه إننا في نقطة ذروة عقلية داخل دورة عطارد.
هنا الفكرة بتظهر بوضوح، الحقيقة بتتقال، والوعي العقلي بيخرج للنور بعد فترة مراجعة أو تشويش.
اكتر وقت مناسب لكتابة اهداف السنة بحق وحقيقي..

في الفيديو ده هشرح:
– الفرق بين الكازيمي العلوي والسفلي
– معنى وجود الاقتران في الدرجة الأولى
– تأثير طاقة الدلو على التفكير، الكلام، واتخاذ القرار
– إزاي نستخدم اللحظة دي في وضوح الرؤية، الإعلان عن فكرة، أو اتخاذ موقف فكري واضح

كلها تحليلات فلكية من خلال

18/01/2026

ولادة قمر الجدي مش مجرد حدث فلكي، دي لحظة محاسبة، نضج، وإعادة ترتيب لمسار الحياة.

في الفيديو ده هنتكلم عن:
– المعنى العميق لولادة القمر في برج الجدي
– ليه الإحساس بالضغط والمسؤولية بيزيد الفترة دي
– إزاي قمر الجدي بيكشف علاقتنا بالسلطة، الحدود، والالتزام
– مين أكتر أبراج هتتأثر نفسيًا وعمليًا
– أخطر أخطاء ممكن نعملها مع طاقة قمر الجدي
– إزاي تستخدم الطاقة دي لصالحك بدل ما تكسر أعصابك

قمر الجدي بيطلب منك تبقى صادق مع نفسك:
هل أنت ماشي في طريقك؟
ولا مؤجل قرارات مصيرية؟
ولا شايل أكتر من طاقتك عشان ترضي غيرك؟

الفيديو ده مناسب ليك لو:
– حاسس إنك في مرحلة إعادة بناء
– محتاج وضوح في شغلك أو علاقاتك
– بتواجه قرارات تقيلة ومش عارف تحسم
– بتشتغل على وعيك ونضجك النفسي

ولادة قمر الجدي مش مجرد حدث فلكي، دي لحظة محاسبة، نضج، وإعادة ترتيب لمسار الحياة.في الفيديو ده هنتكلم عن:– المعنى العميق لولادة القمر في برج الجدي– ليه الإحس...

15/01/2026

ليلة الإسراء والمعراج مش حكاية في الدين وخلاص دي خريطة وعي ✨

ليه ليلة الإسراء والمعراج من أعظم الليالي في السنة الهجرية؟
لأن قصة الإسراء والمعراج هي رحلة معجزة للنبي محمد ﷺ ليلاً، بدأها من المسجد الحرام بمكة إلى المسجد الأقصى (الإسراء)، ثم عُرِج به من بيت المقدس إلى السماوات العلا (المعراج) حيث فرضت عليه الصلوات الخمس، ورأى من آيات الله الكبرى، وعاد في نفس الليلة، وكانت تكريمًا له بعد شدائد دعوته وتثبيتًا لإيمانه..

في الليلة دي حصل انتقالين مهمين جدًا طاقيًا، الإسراء كان حركة أفقية على الأرض، والمعراج كان صعود رأسي للسماء.

وده معناه إن التحول الحقيقي بيبدأ وإنت في مكانك، وبعدين يرتقي وعيك خطوة خطوة.. الليلة دي حصل فيها انتقال من الضيق للسعة، من الألم للمعنى، ومن التعب للتكليف..

النبي ﷺ مرّ بأشد فترات الضغط قبلها، ليله بعد عام من الحزن وجاءت الليلة دي مش كمكافأة.. لكن كتثبيت وإعادة توجيه.

طاقة الليلة دي بتدعمك لو حاسس إنك محاصر في وضع ومش فاهم الرسالة من حياتك اللي بتعيشها، او تعبان نفسيًا ومحتاج طمأنينة مش حلول سريعة، او فقدت الإحساس بالاتجاه أو المعنى..

الرسالة الأساسية من الليلة، مش كل ف*ج بييجي من تغيير الواقع، أحيانًا بييجي من تغيير مستوى وعيك تجاهه.

وأفضل استفادة عملية الليلة دي هي التدبر في تفاصيل قصة الليله وكم المعجزات اللي فيها.. واقعد بهدوء واسأل نفسك، اية الاختبار اللي محتاج أفهمه مش أهرب منه؟
صلّي أو ادعي بنيّة الفهم قبل الف*ج، وسلّم إن في توقيت إلهي أعلى من استعجالك..
ليلة الإسراء والمعراج بتفكرك إن
اللي مش مفهوم دلوقتي، ممكن يكون مقدمة لارتقاء أكبر.

يُستحب إحياء ليلة الإسراء والمعراج بالذكر، والاستغفار، والصلاة على النبي، وإطعام الطعام، وإخراج الصدقات، ومساعدة المحتاجين..
القمر في القوس قبل انتقاله للجدي تمهيداً لولادة جديدة.. يعني بعد احلك ليله في السما بتنور بنور الله حتي بلوغ ولادة جديدة.. اسألوا واطلبوا من الله كل شيء

كل سنة وانتم طيبين واذكروني في دعائكم الليله دي زي ما ببعتلكم من قلبي طاقة حب وسلام ✨🤍

10/01/2026

طاقة الاسبوع اللي قبل ولادة القمر الجديد في الجدي كانت اطول من اني اشرحها في بوست قولت اعملكم فيديو من بتوع زمان 😘🫶🏻♥️

في الفيديو ده هنتكلم عن طاقة الأسبوع من 10 لـ 17 يناير بشكل مختلف مش توقعات سطحية، لكن قراءة فلكية نفسية بتشرح: ✨ ليه الأسبوع ده حاسس بثقل أو لخبطة؟ ✨ إيه ال...

08/01/2026

صباح الخير 🌞

كل يوم هو بداية جديدة، مش لأن الدنيا اتغيرت، لكن لأنك إنتِ اللي بتصحي بفرصة مختلفة.

في كل صباح الشمس ما بتوعدناش بحياة مثالية، هي بس بتقول لسه في مساحة تتحرك فيها.

مساحة إنك تختار رد فعلك، إنك تعيد تعريف اللي حصل إمبارح، أو حتى تقرر تسيبيه مكانه وتمشي.

البدايات الجديدة مش محتاجة قرارات ضخمة ولا شجاعة خارقة.

أحيانًا كل اللي محتاجه إنك متحملش نفسك ذنوب اللي فات، ومتطلبش من نفسك تكون نسخة أحسن فورًا، بس نسخة أصدق..

كل يوم بيبدأ، ومعاه اختبار بسيط.. هتعيش كامتداد لتعب قديم؟ ولا كبذرة لوعي جديد؟

الفرق مش في اليوم، الفرق في النقطة اللي بتقفّ عندها جواك، وانت بتقول لسه في فرصة.. ولسه أنا هنا !

البداية الجديدة مش إنك تنسى، هي إنك ما تكررش اللي حصل.. مش إنك تسامح بسرعة، لكن إنك تفهم ليه دة حصل وتختار تعمل غيره.

كل يوم هو بداية جديدة للي مستعد يبص جوّه، ويتحمّل الحقيقة، مش للي مستني الظروف تتغيّر.

دلوقتي جاوب نفسك قبل ما تجاوبني.. اية البداية الجديدة اللي نفسك تبدأها ومش عارف ؟

07/01/2026

إنت أقوى مما تتخيل، بس مش بالطريقة اللي اتقالتلك.

القوة مش في إنك تتحمّل أكتر، ولا في إنك تسكت، ولا في إنك تكمل رغم إنك بتتآكل من جوّه.
دي مش قوة.. دي عادة.

قوتك الحقيقية ظهرت في لحظات محدش شافها..
زي لما كنت محتار ومكمّلتش، لما خفت واعترفت، لما وقفت قصاد نفسك وقلت أنا تعبت.

إنت أقوى مما تتخيل لأنك لسه هنا، مش لأنك ما وقعتش، لكن لأنك كل مرة وقعت
فهمت حاجة عن نفسك حتى لو ما قدرتش تغيّرها ساعتها.

القوة مش إنك تصلّح كل حاجة، القوة إنك تبطّل تبرّر اللي بيكسّرك.
إنك تحط حدود حتى لو خسّرتك ناس،
وإنك تختار نفسك من غير ما تستنى تصفيق.

مش مطلوب منك تبقى بطل، مطلوب منك تبقى صادق.. والصدق محتاج قوة أكتر بكتير من التحمّل.

إنت أقوى مما تتخيل لأن في لحظة جاية
هتختار فيها نفسك من غير صراع.
وساعتها بس هتعرف إنك كنت قوي طول الوقت.. بس كنت فاهم القوة غلط.

شكرا للناس اللي دايما بتفكرنا بقوتنا الداخلية بالمناسبة 🫶🏻♥️

05/01/2026

من 2025 إلى 2026
من سنة الحيّة إلى سنة الحصان

بداية السنة الصينية (عيد الربيع) هي احتفال مهم يعتمد على التقويم القمري الشمسي ويبدأ السنة دي من ١٧ فبراير ودة بيتزامن مع كسوف شمسي هتكلم عنه باستفاضة في وقتها.. دي لمحات من السنة!

الانتقال ده مش مجرد تغيير رمز في التقويم الصيني، ده انتقال في طريقة الحركة في الحياة نفسها.

لأن سنة الحيّة، هي كانت سنة العمل في الخفاء.. سنة إنك تسكت أكتر ما تتكلم، تفهم أكتر ما تشرح، تشوف اللي حواليك بوضوح من غير ما تعلن موقفك.

الحيّة مش بتهاجم بسرعة، لكنها تراقب، تحلل، تختار التوقيت، وتعرف إمتى تتحرك وإمتى تختفي..

عشان كده سنة الحيّة دايمًا بتطلع، عداوات كانت مستخبية، نوايا ناس كانت غير سليمة، وأدوار كنت فاكرها ثابتة وطلعت مؤقتة.

في السنة دي أعداؤك ما اختفوش.. هم بس خرجوا من مجال رؤيتك لأنك بقيت أذكى من إنك تديهم طاقة.

التحول حصل داخلك ببطء لكن بعمق، من غير استعراض، ومن غير دوشة.

سنة الحصان بقى حكاية تانية خالص.

الحصان مش بيستخبي ولا بيشتغل من تحت لتحت ولا يستنى كتير..
دي سنة حركة، اندفاع واعي، قرارات واضحة، واستعادة القوة الجسدية والنفسية.

لو الحيّة علمتك إزاي تفكر.. فالحصان هيعلمك إزاي تنطلق !

لكن خلّي بالك، الحصان بيكسب السباق مش عشان أسرع، لكن عشان عارف الاتجاه، متدرّب، ومتوازن بين القوة والسيطرة

المعادلة الحقيقية بين السنتين، اللي ما فهمش دروس الحيّة هيتهور في سنة الحصان ويتعب، واللي استوعب الحكمة، الاستراتيجية، قراءة الناس، وضبط النفس

هيستخدم طاقة الحصان صح ويتحرك بثقة من غير خوف، ومن غير ما يضيع مجهوده في معارك ملهاش لازمة..

من الآخر.. أعداؤك خرجوا من المشهد، تحوّلك بقى أسرع لأنك نضجت، حكمتك بقت دليل مش عبء، وخططك القديمة دلوقتي جاهزة للتنفيذ..

دي مش سنة انتقام.. دي سنة انتصار هادي.. وسباق محسوب، واللي سبقك فيها هو وعيك.. مش حد تاني !

وللحديث بقيه عن الحصان الناري في

31/12/2025

كل سنة وانتوا طيبين
وبداية سنة ميلادية جديدة على الكل 🤍

نهاية السنة مش مجرد رقم بيتغير، دي لحظة كونية صغيرة بنقف فيها بين زمنين
بين نسخة مننا عاشت، اتعلمت، اتكسرت، وقويت ونسخة لسه بتتكوّن..

فلكيًا دي لسة مش بداية السنة الجديدة عشان الدورة الشمسية بتبدأ مع موسم الربيع في مارس.. ولكن التقويم الميلادي دي بدايته اللي بتتزامن مع بداية فصل جديد وهو فصل الشتا..آخر فصل في السنة الفلكية يعني يحمل نهايات عشان يبقي في بدايات جديدة.
نهاية أي سنة دايمًا بتيجي بعد سلسلة اختبارات ضغط، وعي، كشف، وحاجات كانت لازم تخلص مش علشان تعاقبنا
لكن علشان ما ينفعش ندخل زمن جديد او دورة جديدة واحنا شايلين حمل قديم..

اول ٣ شهور من ٢٠٢٦ يعتبر امتداد لسنة ٢٠٢٥ يعني حقيقي لسة في فرص لغلق الدورات عشان نبدأ السنة صح في مارس.. حتي دورة الكواكب هتبقي متغيرة جدا وساخنة من اول لحظة في ٢٠٢٦ بس حقيقي هي امتداد لسة بنفس روح السنة.. وهيحصل فيهم كتير.. هحكي ونتكلم عن شكل السنة في فيديو هنزله خلال ايام في اول السنة الجديدة نحكي فيه شكل وطاقة السنة.

حاليا لازم بس نعرف ان حركة الكواكب تأثيرها طاقيًا هيجبرنا ان اللي ما اتقفلش بإرادتك الحياة هتقفله عنك، واللي ما اتعلّمش بهدوء بيتعلّم بوجع !
علشان كده رسالة المرحلة دي مش “ننسى” ولا “نعدّي” ولا “نبدأ صفحة بيضا” لكن نبدأ صفحة صادقة.. صادقة مع نفسنا، مع اختياراتنا، مع اللي فقدناه، ومع اللي اكتشفنا إننا مش محتاجينه.

السنة الجديدة مش وعد بالسعادة، هي وعد بالمسؤولية، مسؤولية إنك تعيش أقرب لروحك، وأبعد عن اللي بيستنزفك، وأصدق مع رغباتك الحقيقية.. وانك تشيل مسؤولية نفسك وأفعالك.. فركز انت بتعمل اية وعايز اية ! 🤷🏻‍♀️

اقفل السنة دي بالشكر.. حتى على الوجع
لأنه شكّلك، وقوّى إحساسك، ووسّع وعيك !

وافتح السنة اللي داخلينها بنيّة.. مش أمنية ولا حلم !
نيّة إنك تكون حاضر، واعي، ومتّزن.. حتى لو الطريق لسه مش واضح كله.. الاهم تبقي واضح مع نفسك 🤝🏼

سنة جديدة.. وعي جديد.. ونسخة أنضج من روحك بتستناك ✨

وللحديث بقيه من

28/12/2025

كل #رقم له ذبذبة وكل ذبذبة ليها تأثير نفسي وسلوكي وجماعي، زي ما #الكواكب بتخلق مناخ فلكي معين، #الأرقام كمان بتخلق مناخ طاقي عام بنعيش جواه كلنا، بغض النظر عن تفاصيل حياتنا الشخصية.
علشان كده بنلاحظ إن في سنين، بيغلب عليها الفقد، وفي سنين القرار، وفي سنين العلاقات، وفي سنين البناء وده مش صدفة، ده انعكاس لدورة رقمية بتتحرك زي الموج.

رقم السنة مش بس حسبة، دي قراءة طاقية بين وداع 2025 واستقبال 2026.. مع كل سنة جديدة الناس بتدور على توقعات، حظ، ابراج، وأرقام.. بس الحقيقة إن رقم السنة مش مجرد لعبة حسابية، ده توصيف دقيق للمزاج الكوني اللي بنعيش جواه، وبيشرح ليه الإحساس العام متشابه عند ناس كتير حتى لو ظروفهم مختلفة.

خلينا نبدأ الكلام بالسنة اللي بنودّعها 2025 ورقمها 9، لأنه في علم الأرقام هو رقم النهايات والحصاد والتحرر.
وده باين بوضوح في الإحساس العام بالسنة دي وقيسوا دة علي حياتكم الشخصية بغض النظر عن رقمكم الشخصي للسنة الجديدة هنتكلم عنه في بوست تاني لوحده..
2025 ما كانتش سنة راحة، كانت سنة كشف..
كشفت علاقات كنا مكملين فيها خوفًا مش حب، او شغل فقد معناه، أدوار كنا بنلعبها علشان نرضي غيرنا، ومشاعر متخزنة من سنين..
رقم 9 مش بيجامل، هو بيقفل الدايرة حتى لو وجعت!
علشان كده ناس كتير حسّت بوحده، ناس حسّت إنها بتفقد السيطرة، وناس اكتشفت إنها كانت عايشة على وضع مؤقت طول عمرها..
الدرس الأساسي لسنة 9 إن الفقد مش المشكلة، التعلق هو المشكلة.. واللي فضل في حياتك لآخر 2025 فضل لأنه حقيقي مش لأنه مريح.

اما السنة الجديدة 2026 مجموع أرقامها بيدينا رقم 1، ورقم 1 هو رقم البدايات والهوية والقرار.
بس لازم نفهم حاجة مهمة دي مش بداية رومانسية، دي بداية جريئة.. فيها وحده بس فيها استقلال.. فيها نهايات عشان تفضي مكان لبدايات جديدة.. هي سنة فيها فرص لبدايات فعلا، بس عشان تبدأ الدورة الجديدة لازم فعلا تكون ختمت دورة سابقة تخلصت فيها من كل اللي مش بيخدم تقدمك..
رقم 1 بيظهر بعد تنظيف طويل، علشان كده اللي داخل سنة 1 وهو لسه ماسك في بقايا قديمة هيحس بتخبط شديد.
طاقة سنة 1 بتقول بوضوح.. مفيش انتظار.. مفيش تأجيل.. مفيش نص خطوة !
يا إما تختار.. او تفضل مكانك بس عن وعي.

✨ اهم الدروس اللي هنتعلمها من السنة الميلادية الجديدة 2026✨
اولاً: الاعتماد على الذات، دي سنة محدش هيشيلك فيها، الدعم الخارجي هيقل، علشان تتعلم تعتمد على قوتك الداخلية.
ثانياً: هنتعلم الشجاعة قبل التخطيط، مش مطلوب تكون عارف كل التفاصيل، المطلوب إن قرارك يكون صادق.
ثالثاً: الهوية قبل العلاقات السنة هتمتحننا بسؤال واحد: إنت مين من غير أي حد؟
اللي مش عارف الإجابة، العلاقات هتلخبطه بجد السنة دي عشان يعرف نفسه لو مكنش عرفها الدورة اللي فاتت !
رابعاً وهي اهم نقطة: إن البذرة اللي هتزرعها دلوقتي طويلة المدى، أي بداية في سنة 1 بتكمل معاك دورة كاملة (9 سنين)، علشان كده الاختيارات السطحية هتتعبكم.. ركزوا السنة دي في اللي عايزينه بجد !

لأن مينفعش ندخل سنة رقم 1 وإحنا لسه شايلين ذنب، غضب، أو علاقة مكسورة من الدورة الي بتخلص.
خليكم فاكرين إن الإغلاق مش ضعف، والتسامح مش تنازل، والترك أحيانًا شجاعة.
سنة 2026 مش هتتحمل تردد ولا أعذار، ولا انك تعيش بنص قلب.. دي سنة اختيار واضح وبداية حقيقية للي مستعد يكون صادق مع نفسه.

2026 مش سنة تغيير، دي سنة تعريف.. البدايات الحقيقية مبتنزلش من السما، بتطلع من شجاعة المواجهة.

وللحديث بقيه في

#طاقة

21/12/2025

الشمس خلاص هتودع بعد ولادة القمر وتدخل في #الجدي عشان تعلن ان الشتا الحقيقي وصل ودة مش في الجو بس لكن في القوانين كمان..

مع دخول الشمس ، الأرض فلكيًا دخلت الانقلاب الشتوي.
أقصر نهار، أطول ليل، الضوء يقل، والبرد يزيد، والطبيعة تقفل على نفسها.. ودي مش حالة نفسية..دي فيزياء.
كل ما تطلع لفوق، درجة الحرارة بتقل، وده قانون.

الجدي فلكيًا هو أعلى نقطة في الخريطة الفلكية يعني في قمة الدايرة، الحتة اللي مفيهاش رفاهية، ولا دفا، ولا طرق سهلة..
علشان كده طاقة الجدي تقيلة، هادية، وجافة.. مش قسوة، دي قوانين #زحل .

لأن حاكم الجدي هو زحل: كوكب الوقت، المحاسبة، والواقع اللي مبيتحايلش.
هنا مفيش نوايا حلوة من غير فعل، ولا أحلام من غير التزام.

والأهم ان ده آخر موسم للشمس في الجدي وزحل موجود في الحوت
قبل ما زحل يدخل الحمل في فبراير وتبدأ دورته الفلكية جديدة.

يعني إحنا في مرحلة تصفية نهائية.

زحل في الحوت مش بيسألك عملت إيه وبس.. بيسألك: كنت صادق؟ كنت أمين مع نفسك؟ ولا كنت بتهرب؟!

ونصيحة المرحلة ٣ حاجات افتكروهم.. بطّأ السرعة، خلّص اللي وراك، اقفل الدواير المفتوحة.
اللي هيقع دلوقتي كان واقف على أرض ضعيفة.. واللي يفضل واقف في برد الجدي، هو بس اللي هيعرف يبدأ مع نار الحمل من غير ما يتحرق.. اختار مكانك قبل ما المرحلة الجديدة تبدأ بجد وركز علي أدواتك الحالية!
وللحديث بقية في

14/12/2025

فاكرين البوست دة.. مش ان الأوان نتكلم عن ٢٠٢٦ ولا استني شوية عشان كدة كدة بدايتها الحقيقة مع بداية السنة الفلكية في مارس ؟