27/02/2026
الموضوع زاد عن حده بجد وبقت السر..قة عيني عينك 🫢🫢
مؤخرا لقيت حالات الحقن المجهري بتاعتي في برج العرب واسكندرية واخدين اسكرينات من بوستات دكاترة علي الفيس بوك سرقين صور حالاتي السونار وبوستاتي بكل تفاصيلها وأسلوبي في الكتابة واخدينه كوبي وبيست وبينشروا بوستات وهميه علي صفحاتهم دول مثالين من كتير اوي ابعتلي اسكرينات من بوستاتهم 🤔🤔🤔
انا دائما بشتغل حالاتي بكل حب وشغف ولما حالة بتحمل بكتب بأسلوبي الي بيعبر عن الرحلة الي مشيناها سوا من اول مدخلت عبادتي لحد اللحظة الي نشرت فيها البوست بتاع الحالة علي صفحتي ....يروح دكتور ولا دكتورة المفروض انهم محترمين وعندهم ضمير يسرقوا البوستات وصور الحالات الي تعبت فيها وينسبها لنفسه علي البيدج بتاعته !!!
انا فعلا مش عارفة اسمي دا ايه بس لما تكون دكتور وبتسرق يبقي انت لا تؤتمن علي أرواح ناس ولا تستحق ثقة حد فيك .... وبتستغل الامل الي عند الناس وتستدرجهم بشكل مزيف ببوستات مزيفة وأسلوب مزيف وصور لحالات مزيفة .. اي حد هيجيلي اسكرين من حالات ببوستات مسروقة انا آسفة هيتكتب عليه بوست باسمه والاسكرين وهيتفضح هنا عشان كل الحالات تعرف حقيقة الدكتور الي مش امين وحرامي 👍واي حد من حالاتي يلاقي بوست من بوستاتي مسروقة ياريت بعد اذنكم تبلغوني عشان الموضوع بقي متكرر بشكل ملحوظ جدا 💔💔
دي عينة من كتير اوي بيتبعتلي كل يوم من الحالات ابقي حاطة البوست بعدها بيوم او يومين اللاقيه مسروق 😓😓😓
اسلوبي في عرض حالاتي دا مشاعر وتعب ومجهود انا وحالتي مرينا بيه مع بعض لحد اللحظة دي وكل حالة بنشرها الحالة نفسها بيبتبقي عارفة ويتعلق علي البوست الي يخص حالتها مش بكل بساطة ...اخده كوبي وبيست علي صفحتي واضحك علي الناس بيه
معنديش اي مشكله تسرق بوست هزار فكاهي عادي لكن تسرق مجهودي وتنسبه لنفسك وقبلها تكون بتسرق امال ناس متعلقة في قشاية يبقي انت بلا اخلاق ولا تؤتمن🤏🤏وعندهم حق الناس تخاف من الدعاية المزيفة الي علي الفيس بوك طالما اي صورة واي كلام بتاخد ويتحط علي صفحات الدكاترة وللاسف حطيت اللوجو بتاعي علي الصور بيلاقوا طريقة يشيلو اللوجو بيها 😓😓
