فلسفة نفسية Psychological philosophy Fatma Idris

فلسفة نفسية Psychological philosophy Fatma Idris Contact information, map and directions, contact form, opening hours, services, ratings, photos, videos and announcements from فلسفة نفسية Psychological philosophy Fatma Idris, Mental Health Service, Alexandria.

وعي نفسي،نسعى للوصول بك لمرحلة من التوافق والتوازن النفسي، والرضا عن الذات. وتحقيق الكفاءة والكفاية النفسية. للأستشارات تواصل معنا علي واتساب 01025534633
فاطمة ادريس/أخصائي نفسي إكلينيكي , Clinical Psychologist

في ناس فاكرة إن تقلب المزاج "دلَع" أو تقول ده شخص "مزاجي" مودي كل ساعة بحال، بس الحقيقة إن الموضوع أعمق من كده بكتير.ا...
23/09/2025

في ناس فاكرة إن تقلب المزاج "دلَع" أو تقول ده شخص "مزاجي" مودي كل ساعة بحال، بس الحقيقة إن الموضوع أعمق من كده بكتير.
الظاهرة دي مرتبطة بتوازن كيميائي في المخ، وبطريقة الواحد في إنه ينظّم مشاعره ويتعامل مع ضغوطه.

خلي بالك: المزاج مش زي الشعور اللحظي (زي فرحة، زعل، غضب)، لأ… المزاج هو الحالة العامة اللي بتلون يومك كله. لما المزاج يتقلب بسرعة وبشكل متكرر، ده معناه إن في خلل في آليات تنظيم العاطفة.

المخ عنده نظام عاطفي معقد: اللوزة الدماغية (Amygdala) بتشتغل كجرس إنذار سريع لأي تهديد أو إحساس قوي، والقشرة الجبهية الأمامية (Prefrontal Cortex) هي اللي بتحاول تهدي وتقيم الموقف بالعقل. لما الاتنين دول ميزانهم يختل، المزاج بيبقى عامل زي البحر: ساعة هادي وساعة زي ما انتو عارفين...

التقلبات دي ممكن تبقى جزء من اضطرابات زي:

اضطراب الشخصية الحدّية (Borderline)

الاضطراب ثنائي القطب (Bipolar)

الاكتئاب الدوري "الموسمي "(Cyclothymia)

وبرضه ممكن تحصل من ضغط نفسي مزمن، قلة نوم، أو ضعف في مهارات التعامل مع الانفعال.

والعلاج مش دواء وبس، في مدارس علاجية زي العلاج الجدلي السلوكي (DBT) أو المعرفي السلوكي (CBT) بتشتغل على تنظيم المشاعر. الهدف مش إن الشخص "يبطل يتقلب" قد ماهو يتعلم ينظم ويتعامل مع ده.

تقلب المزاج مش عيب ولا ضعف شخصية… هو رسالة من دماغك بتقولك: "فيه حاجة محتاجة تتفهم وتتظبط".
#فاطمةادريس #فلسفةنفسية #فلسفةالتفاؤل

21/09/2025

﴿ الَّذِينَ تَتَوَفَّاهُمُ الْمَلَائِكَةُ طَيِّبِينَ ۙ يَقُولُونَ سَلَامٌ عَلَيْكُمُ ادْخُلُوا الْجَنَّةَ بِمَا كُنتُمْ تَعْمَلُونَ﴾
[ النحل: 32] مفيش أجمل من كده.

21/09/2025

مخك بيخاف من اي حاجة جديدة ومش بيظهر ده علي هيئة خوف مباشر، بتلاقي نفسك بتهرب بتأجل بتتعب...الخ فمتقفش عند المرحلة دي وكمل.
#فاطمةادريس #فلسفةنفسية #فلسفةالتفاؤل

17/09/2025

بدل ما تقول "دي نهاية الدنيا"، جرب تقول "يمكن دي بداية جديدة".
#فاطمةادريس #فلسفةنفسية #فلسفةالتفاؤل

15/09/2025

✈️ الغربة مش بس بُعد عن الوطن.. هي امتحان للنفس في الوحدة، والاختلاف، وإعادة بناء الذات من الأول.
عشان تحافظ على توازنك النفسي وانت عايش بعيد:

1️⃣ ابني روتين ثابت: الروتين بيطمن وبيقلل من قلق "كل يوم جديد ومجهول".
2️⃣ اتعلم تقول لنفسك كلام دافي: مفيش أهل وصحاب دايمًا يساندوا، فإنت لازم تكون سند نفسك الأول.
3️⃣ خليك متصل بجذورك: سواء بأكل، موسيقى، قراءة أو حتى مكالمات مع ناس بتحبهم. ده بيرجعلك إحساس بالهوية.
4️⃣ افتح قلبك للتجارب الجديدة: مش معناه تنسى بلدك، لكن تدي فرصة لروحك تنمو وتتعلم.
5️⃣ والأهم: اسمح لنفسك تضعف أحيانًا، ده مش فشل.. دي طبيعة الغربة.

الغربة ممكن تكسر.. وممكن تبني. واللي يفرق هو إزاي نختار نتعامل معاها ✨.

#فاطمةادريس #فلسفةنفسية #فلسفةالتفاؤل

تعرف إن تسمية مشاعرك بصوت عالي أو كتابتها بتقلل من شدتها؟العلم بيسمي ده affect labeling، وده بيساعد المخ يهدى بدل ما يفض...
14/09/2025

تعرف إن تسمية مشاعرك بصوت عالي أو كتابتها
بتقلل من شدتها؟
العلم بيسمي ده affect labeling، وده بيساعد المخ يهدى بدل ما يفضل مشحون.

أوقات المشاعر بتفضل جواك زي موج عالي…
بس أول ما تسميها: أنا قلقان، أنا زعلان، أنا فرحان،
الموج يهدى شوية. 🌊

جرّب تقول لنفسك: "أنا متوتر" بدل ما تفضل سايب القلق يلف جواك. مجرد كلمة بتفرق.

#فاطمةادريس #فلسفةنفسية #فلسفةالتفاؤل

08/09/2025

من أهم أنواع الرضا رضاكي عن وزنك غير كده شكليات😂.
#فاطمةادريس #فلسفةنفسية #فلسفةالتفاؤل

08/09/2025

💭 عن المقارنة اللي بتستنزفنا
يمكن أكتر حاجة بتسرق السلام الداخلي هي المقارنة المستمرة باللي حوالينا:
"هو ليه نجح أسرع مني؟"
"هي ليه شكلها أحلى؟"
"أنا وِقفتي فين من الناس دي؟"

🔬 علميًا، المخ البشري مبرمج يقارن عشان يتعلم ويطوّر نفسه، بس المشكلة إن المقارنة دلوقتي بقت غير عادلة بسبب السوشيال ميديا: إنت بتشوف "الصورة المتصفية" من حياة الناس وتنسى إنهم بشر زيك عندهم وجع وخيبات.

_جرّب تعمل ده:

قارن نفسك بنفسك: أنا كنت فين من سنة وبقيت فين دلوقتي؟

ركّز على الحاجات الصغيرة اللي أنجزتها، مش بس الإنجازات الكبيرة.
اعرف إن كل واحد ليه توقيته وظروفه.

مارس "الامتنان": لما تفتكر نِعَمك، بيقل تركيزك على نواقصك.
خليك فاكر المقارنة الوحيدة اللي مفيدة هي بين "إنت دلوقتي" و"إنت اللي جاي".

#فاطمةادريس #فلسفةنفسية #فلسفةالتفاؤل

07/09/2025

متعززش الأفكار السلبية والذكريات السيئة خرج نفسك براها سريعا وشتت نفسك عنها.
#فاطمةادريس #فلسفةنفسية #فلسفةالتفاؤل

03/09/2025

🌱 آليات التكيف الصحية (Healthy Coping Mechanisms)

الضغط والمشاعر الثقيلة مش حاجة نقدر نهرب منها طول الوقت، لكن اللي نقدر نعمله هو نتعلم طرق صحية نتعامل بيها معاها.
آليات التكيف الصحية بتديك فرصة تواجه مشاعرك وتفهمها، بدل ما تهرب منها أو تدفنها.

🔹 أمثلة لآليات التكيف الصحية:

التنظيم العاطفي: تتعلم إزاي تميز مشاعرك وتديها اسم واضح (أنا قلقان، أنا محبط، أنا محتاج دعم).

التعبير: سواء بالكلام مع حد تثق فيه، أو بالكتابة، أو حتى بالرسم والموسيقى.

المواجهة التدريجية: بدل ما تطنش أو تهرب، تواجه الموقف خطوة خطوة.

الدعم الاجتماعي: تلجأ لأصدقاء أو أهل أو معالج نفسي يساعدوك.

التنظيم الجسدي: رياضة، تنفس عميق، نوم كافي، وأكل متوازن… جسمك بيأثر على نفسيتك أكتر مما تتصور.

إعادة التقييم المعرفي: بدل ما تشوف المشكلة كارثة، تعيد صياغتها بشكل يخليك أقدر على التعامل معاها.

من منظور علم النفس:

دي آليات بتزود "المرونة النفسية" Resilience.

بتساعدك تسيطر على مشاعرك من غير ما تنكرها أو تخليها تتحكم فيك.

على المدى الطويل بتحافظ على صحتك النفسية والجسدية، وبتخلي علاقاتك أعمق وأصدق.

🗨الفكرة مش إنك مش هتتعب، الفكرة إنك لما تتعب تلاقي نفسك عارف إزاي تتحرك صح.

🌸 باختصار: التكيف الصحي مش رفاهية، هو مهارة بتتعلمها، وكل ما تتمرن عليها أكتر، كل ما حياتك تبقى أهدى وأقوى.

#فاطمةادريس #فلسفةنفسية #فلسفةالتفاؤل

02/09/2025

آليات التكيف الخاطئة (Maladaptive Coping Mechanisms)

كلنا بنتعرض لضغط ومشاعر تقيلة، وده طبيعي. الفرق بيبان في الطريقة اللي بنتعامل بيها مع الضغط ده.
فيه ناس بتلجأ لطرق صحية، وفيه ناس بتلجأ لآليات تكيف خاطئة… اللي هي طرق مؤقتة بتهدي الألم شوية، بس على المدى الطويل بتزود المشكلة.

أمثلة شائعة:

التجنب: تطنش أو تهرب من الموقف بدل ما تواجهه.

الإنكار: تقنع نفسك إن المشكلة مش موجودة أصلاً.

المخدرات أو الكحول: استخدام مواد كمهرب سريع من الإحساس بالوجع.

الأكل العاطفي: الأكل عشان تهدي مشاعرك مش عشان جسمك محتاج ولا جعان.

الغضب والانفجار: بدل ما تعبر عن مشاعرك بطريقة منظمة، تنفجر في الناس حواليك.

العزلة المفرطة: تبعد عن الناس لدرجة تزيد الإحساس بالوحدة والاكتئاب.

علي المستوى النفسي:

دي آليات بتشتغل كـ"مسكن مؤقت" مش علاج.

بتديك راحة سريعة، لكن مع الوقت بتقلل قدرتك على التكيف الحقيقي.

بتأثر على صحتك النفسية والجسدية والعلاقات وعلي حياتك كلها وقدرتك علي التعامل مع المشكلات والظروف الصعبة وعلي قدرتك علي تحمل المسؤلية.

عشان كده مهم نستبدلها بـ آليات تكيف صحية زي:

1. المواجهة التدريجية بدل الهروب.

2. التعبير عن المشاعر بالكلام أو الكتابة.

3. طلب الدعم من شخص موثوق.

4. ممارسة نشاط بدني أو فني يساعدك تفرّغ المشاعر.

باختصار: لو لقيت نفسك بتهرب أكتر ما بتواجه، اعرف إنك محتاج تعيد النظر في الطريقة اللي بتتعامل بيها مع ضغوطك.

#فاطمةادريس #فلسفةنفسية #فلسفةالتفاؤل

Address

Alexandria

Telephone

+201025534633

Website

Alerts

Be the first to know and let us send you an email when فلسفة نفسية Psychological philosophy Fatma Idris posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category