05/06/2023
يعني ايه مقاومه انسولين
فى الأول بس عوزك تعرف وظيفة الإنسيولين فى الجسم ، دلوقتى النشويات اللى إحنا بناكلها بتتحول جوه الجسم لسكريات أحادية أو جلوكوز و بعدين الجسم بيحرق الجلكوز ده و ينتج طاقة علشان بقيت الجسم يقدر يقول بوظيفته و نتحرك و نمشى و نتكلم و كده ، فالإنسولين وظيفته إنه مش عاوز السكر يفضل فى الدم ،بيقوم يساعد إنه يدخل الخلايا و يتحرق جوه و يطلع طاقة للخلايا تقوم بوظيفتها ، يعنى هو بيعزز وظائف الجسم أهو ، كمان لو الكربوهيدرات اللى إنت أكلتها زيادة عن حاجة الجسم بتتخرن كده فى مخازن على هيئة جليكوجين و بعد ما المخازن دى تتملى و لسة فيه شوية جلكوز بيروحوا للخلايا الدهنية و يكونوا دهون و بكده يحصل زيادة الوزن ...
نيجى بقة لمقاومة الإنسيولين دى معناها إن الخلايا مش قادرة تتعرف على الإنسيولين المستقبلات اللى عليها مش بتحس بالإنسولين و بالتالى السكر اللى أكلته مش عارف يدخل الخلايا لأنه محتاج الإنسيولين يدخله مش بيعرف يدخل لوحده ، وبالتالى تزداد نسبة السكر فى الدم لأنه مش عارف يدخل الخلايا علشان يتحرق جوه ، فالجسم كله بقة مش عارف يحرق ....
مقاومة الإنسيولين دى هى سبب ال type 2 diabetes
يعنى مرض السكر ، لأن مع الوقت خلايا البنكرياس بتنضرب و بيقل تصنيع الإنسيولين لحد ما تكون نسبته معدومة
مقاومة الإنسيولين دى بتكون فى الناس اللى عندهم زيادة وزن و حد من عيلتهم من الدرجة الأولى عنده سكر ،لأن السكر وراثي بنسبة كبيرة ،لكن مش بتكون فى كل اللى وزنهم زايد .
فبتغير ال life style زى الرياضة و الأكل الصحى و تقليل الوزن الشخص بيرجع طبيعى و بيحمى نفسه من إنه يحصله diabetes يعنى كأنها مؤشر بتقولك خلى بالك
