02/01/2026
جملة بتتكرر من حالات في العيادة دكتور أنا الحرق بتاعي ضعيف جدا أنا شبه مبحرقش ….. مفيش حاجة اسمعها حد جرفه ضعيف طالما معندوش مثلا مشكلة مرضية تأثر علي حرقه لكن في حاجة اسمها أنا بعمل عادات غلط بتضعف من حرقي او بتقلله واحنا مش واخدين بالنا
طب ايه هي ؟؟؟!
١- لو أنا بنام اقل من ٦ ساعات ده بيحط الجسم تحت ضغط وبيخليه يزود من افراز هرمون الكورتيزول وده اللي بيزود من افراز هرمون الانسولين فده بيخلي الجسم في مرحلة تخزين دهون مش في مرحلة حرق
٢-لو أنا باكل كميات قليلة جدا او باكل وجبة واحدة في اليوم ده هيدخل الجسم في مود مجاعة فهيخليه يحتفظ بالدهون ويتمسك بيها وميحرقهاش ودي نلغي بيها الجملة الشهيرة أنا هقفل بوقي فهخس 👀😂
٣-لو بنشرب كميات قليلة جدا من الميه علي فكرة المية جزء اساسي لحرق الدهون حضرتك وكمان عشان تحافظ علي الكتلة العضلية لازم نحاول علي الاقل نشرب من ٢-٣ لتر يوميا ولو بنشرب كافيين ومضرات للبول نزود من شربنا للميه
٤-لو مبلعبش رياضة صحيح الرياضة مش بتحرق سعرات كتير او لكن هي مهمة وأساسية لزيادة معدل الحرق حتي لو مشينا خطوات بسيطة نصف ساعة يوميا
٥-لو بشرب كميات كبيرة جدا من الكافيين ده غير انها هتزود ضربات قلبك كمان هتحط جسمك في مرحلة ضغط هتزود هرمون الكورتيزول وبذات لو حضرتك بتشربها علي الريق بلاش نشرب كافيين علي الريق 👀🙈
٦-ناكل كل ساعتين ل ٣ ساعات ده هيزود عندنا الحرق جدا
لو عملنا الخطوات دي هتفرق جدا جدا في حرقنا ومعدل النزول 😌🙈
للمتابعة الاونلاين او في العيادة ابعتولي رسالة📥🤍
