https://www.facebook.com/126806487467805/

قوافل طبيه رساله اسكندريه

Home
Egypt
Alexandria
قوافل طبيه رساله اسكندريه

Contact information, map and directions, contact form, opening hours, services, ratings, photos, videos and announcements from قوافل طبيه رساله اسكندريه, Health/Medical/ Pharmaceuticals, ٤٤ شارع توت عنخ آمون/سموحة/أمام كوبري كليوباترا بعد محطة سيدي جابر , أمام الكنيسه مباشرة, , https://maps. app. goo. gl/YxYBJ7So3d4mi4yx 6, Alexandria.

تتمثل رسالة القوافل الطبية فى الخروج بالخدمات الصحية الى المناطق النائية والمحرومة لتقديم خدمات علاجية
• المشاركة بالمجهود,شارك معنا بتجهيز و فرز الأدوية يوميا للوصول بها لمن يستحقها في القرى و العشوائيات
• لو أنت صيدلي أو دكتور,فتح باب الخير للمشاركة و الانضمام لنشاط القوافل الطبية لمساعدة مئات الأسر الفقيرة
• لو أنت مش صيدلي ولا دكتور,شارك معانا بتنظيم القوافل الطبية ^_^ شعارنا هنخلى الالم سعاده وامل ^_^

28/05/2025

تشرفنا في كامب "رفعة" الطبي بزيارة كريمة من
معالي وزير الأوقاف الدكتور أسامة الأزهري
وقادة المنطقة الشمالية العسكرية.
والسادة محافظي الأسكندرية والبحيرة ومطروح وكفر الشيخ
في لفتة تقديرية للدور التطوعي والمجتمعي اللي بتقوم بيه الفرق الطبية والمتطوعين على الأرض.

الزيارة كانت فرصة لعرض جهود الكوادر الشابة اللي بتشتغل بإخلاص، وتأكيد على أهمية دعم الدولة ومؤسساتها لجهود المجتمع المدني، تحت مظلة التحالف الوطني للعمل الأهلي التنموي وتكريم متطوعي جمعية رسالة البواسل .

نشكر ثقة ودعم معالي الوزير والسادة المحافظين، ونؤمن إن الشراكة بين الدولة والمجتمع هي حجر الأساس لأي تغيير حقيقي.

"رفعة"... لما النية تبقى صادقة، الخير بيكبر.

#رفعة

#رسالة

#تطوع

23/05/2025

"النية بدأت من قلب... وفضلت تكبر لحد ما بقت رفعة"

في وسط الزحمة، كان في ناس بتفكر بصوت واطي...
إزاي نخلّي الخير يوصل؟
إزاي نعمل حاجة تفضل؟
إزاي نرفَع؟

من حلم صغير، لفكرة، لخطة، لدعوة مفتوحة للخير...
وبقى عندنا قافلة طبية، بتمشي على نية، وبتكبر بقلوب.

النهارده، بنشارككم الوجوه اللي كانت البداية، واللي مشيّت أول خطوة...
مش لأنهم القادة،
لكن لأنهم آمنوا، وابتدوا، واستنّوا معاكم تكملوا.

قادة رفعة ٢٠٢٥... خطوة أولى في طريق طويل من الأمل.

#رفعة

21/05/2025

في كل رحلة خير... في دايمًا أبطال بيسيبوا وراهم فرق.
مش سوبر هيروز بكابات، ولا كاميرات بتصورهم...
دول شباب قرّروا يسيبوا راحتهم، وينزلوا الأرض، يشيلوا وجع، ويوزعوا أمل.

دلوقتي، مش باقي غير أيام...
والقافلة هتبدأ تتحرك، والقلوب هتبدأ تشتغل،
والناس اللي مستنيّة في الأماكن البعيدة... خلاص قربت تلاقي اللي يطبطب.

الخير لسه محتاجك...
بس الأبطال الحقيقيين عمرهم ما بيستأذنوا قبل ما يطيروا.

20/05/2025

كامب "رفعة"... مش بس رحلة طبية، دي رحلة إنسانية من الطراز الأول.

في أماكن بعيدة عن عين الطب، لسه في قلوب بتستنّى، ووجع محتاج يطبطب عليه قبل ما يتعالج.
العلم لوحده مش كفاية، والرحمة هي اللي بتحوّل الكشف لشفا، والدواء لأمل.❤❤

"رفعة" بدأت من إيمان بسيط:
إن الخير مش لازم يكون ضخم علشان يغيّر...
الخير مش محتاج كتير، محتاج يبدأ.

وإحنا بدأنا...😎❤
من الجمعة ٢٣ مايو لحد الأربعاء ٢٨ مايو – في برج العرب
٦ قوافل طبية، وخير متنقّل، وروح فريق واحد بيسعى يسيب علامة.

المجال مفتوح لطلبة وخريجي الكليات الطبية وغير الطبة
وكمان لأي حد عايز يخدم... بإيده، بقلبه، أو حتى بابتسامته.

"رفعة"... مش مجرد اسم، دي نية. ودي دعوتك تكون جزء منها.
مش شرط تشارك كل الأيام إختار من الفورم الأيام اللي تناسبك وسجلها.
سجل علشان تكون جزء من الكامب بتاعنا..
https://forms.gle/juEFXKw2aTNr7RzQ9

#رفعة #تطوع #الإسكندرية

07/05/2025

"وراء كل قافلة ناجحة، فريق متطوعين واطباء ساهمو في صناعه المستحيل في ارض الحضاره بالأقصر . شكرًا لكل من كان جزءًا من Code Blue.

🩺

#الاقصر٢٠٢٥ 📌

03/05/2025

في آخر يوم من كامب كود بلو... بنختم بأجمل ختام، وقادة الخير بيكملوا الرحلة لحد آخر نفس فيها سعي.

القافلة الأولى في الرزيقات البحري، بقيادة
د. (احمد قنديل)
والقافلة الثانية في المهيدات، بقيادة
د. (أحمد عمر)

ربنا يكتب لكم الأثر، ويبارك في خطاكم، وتكونوا سبب في فرحة كتير من القلوب اللي مستنياكم.

لسه الخير مكمل... ولسه الرسالة عايشة.

🩺

#الاقصر٢٠٢٥ 📌

02/05/2025

لايف الان من قافله قافلتي جاد الكريم وحاجر المريس من تاني يوم من أيام كامب الأقصر code bleu 📸❤️

🩺
#ميديا📸
#الاقصر٢٠٢٥ 📌

28/04/2025

وطبعا عشان "الوقاية خير من العلاج"

ففي مجموعة من الطرق للوقاية من التسمم الممباري اللي مش بس بيسببه الفسيخ والرنجة اللي بتسببه كمان الأطعمة المعلبة والأكل الني عموما :
نشتري الفسيخ طازج من مصدر معروف.
يكون الفسيخ متماسك ومش دايب أو متحلل.
نجمد الفسيخ ونحطه في الفريزر يوم كامل عشان نقضي على البكتيريا.
نغسل الفسيخ بالماء النظيف.
نمرر الفسيخ على ماء مغلي مع حبهان عشان يقتل البكتيريا.
نضيف الزيت واللمون على الفسيخ ونسيبه في الثلاجة لمدة ساعة.
ناكل الفسيخ مع الخس والبصل ونشرب كوباية عصير لمون بعد الاكل.
مناكلش راس وعظام واحشاء السمك.
نشرب كميات كافية من المياه يعد الاكل.
نتخلص من الأطعمة المعلبة اللي اتغير لونها أو ريحتها أو حصل فيها تسريب.
نتأكد من تاريخ صلاحية العبوات ومنشتريش العبوات المصدية أو اللي فيها أي فتحة صغيرة.
نتجنب نشتري اللحوم المجمدة أو أي أطعمة فيها طبقات ثلج جوة التغليف.

- واخيرا نتبع "الوصايا الخمسة" اللي قالت عليها منظمة الصحة العالمية الا وهي :

1. اننا نحفاظ على النظافة.
2. نفصل الاكل الني عن الاكل المطبوخ.
3. نطبخ ونسخن الاكل كويس جدا.
4. نحافظ على الاكل في درجات حرارة مناسبة.
5. نستخدام المياه والمواد الخام المناسبة.

**في الاخر عزيزي القارئ لازم ناخد بالنا من حاجة مهمة جدا وهي إن أعراض التسمم ممڪن متظهرش غير بعد 8 أيام من أكل الفسيخ و الرنجة او اي معلبات فاسدة
وده لأن فترة الحضانة بتڪون (12 - 36) ساعة فممكن تظهر الأعراض بدري بعد 4 ساعات، أو متأخر بعد 8 ايام من التعرض للتسمم فلازم ناخد بالنا من الأعراض دي كويس جدا اول ظهورها.

والي هنا عزيزي القارئ ينتهي موضوعنا ودُمت في صحة و امان في شهر 5 وباقي الشهور .

27/04/2025

بقلوب مفعمة بالشغف والأمل، نحتفي بانضمام قادتنا الجدد، الذين هم النبض الحي لروح المكان. ✨
هم الحلم الذي بدأ يكبر، والضمانة التي تبث الطمأنينة في مسيرة الكيان.
رفع الله بهم رايتنا عاليًا، وأغدق عليهم نور النجاح والتوفيق.
بعطائهم، أصبح المستقبل أكثر إشراقًا وإلهامًا.
ونحن على موعد مع قادة جدد، يحملون الطموح، ويكتبون المجد بأيديهم.

26/04/2025

طبعا كلنا دلوقتي عاوزين نعرف اي botulism ده
يلا بينا نكمل
المريض ده حصله تسمم ببكتيريا ناتجة من أكله للفسيخ والرنجة اللي عشان يتحضر ويبقي فسيخ كان لازم يتوفرله بيئة لاهوائية (يعني يتقفل عليه بعيدا عن الهواء) عشان يتملح ويبقي بشكله الحالي والطريقة دي بتساعد في نمو البكتيريا وإفراز السموم الللي بتسبب التسمم الممباري، اللي بتهاجم الجهاز العصبي المركزي اول ما بتدخل جسم الانسان وتسببله كل الأعراض دي بالإضافة كمان أن ممكن طريقة التحضير نفسها تتم بشكل مش صح (أو بشكل اكثر ضررا) سواء في سوء التمليح أو أن تكون فترة التمليح مش كافية (عشر ايام علي الاقل) أو نقص الأوكسجين اللي ذكرناه أو نقص درجة الحموضة أو استخدام اسماك في الأصل مش سليمة (متعفنة).

عشان كده عزيزي القارئ أي طفل أقل من سنتين او اي ام حامل مينفعش ابدا أنهم ياكلوا فسيخ أو رنجة نظرا لكل الأسباب دي وبالإضافة كمان لضعف مناعتهم.

طب دلوقتي المريض اللي ظهرت عليه الأعراض دي المفروض يعمل ايه ؟

اول خطوة اللي هو بالفعل عملها أنه يتوجه فورا للمستشفي العام عشان ياخد المصل المضاد للتسمم الممبارى، اللي بتكون جرعاته:

- الجرعة الأولى: بعد ظهور أعراض التسمم الممباري مباشرة.
- الجرعة الثانية: بعد 5 أو 8 أيام من تلقي الجرعة الأولى- الجرعة الثالثة بعد 5 أو 8 أيام من تلقي الجرعة الثانية.
وفي المستشفي الدكتور بيكمل معاه باقي العلاج.

وعشان الوقاية خير من العلاج انتظرونا في اخر جزء

24/04/2025

في فترة من الفترات في سنة من السنين في يوم من الايام في مستشفي من المستشفيات

جه مريض للطوارئ :
مش قادر ياخد نفسه عينه مزغلله جفونه مرتخية حاسس بتقل في عضلات وشه وتقل في إيده ورجله بيرجع عنده اسهال مش قادر يبلع حاجة عنده جفاف في الحلق والحنجرة ومش قادر يتكلم

تفتكر عزيزي القارئ المريض ده عنده ايه مسببله كل الأعراض دي اللي تقريبا مأثرة عل كل اجهزة جسمه ؟؟؟
متحتارش عزيزي القارئ حاجة واحدة بس هتخرجك من الحيرة دي الا وهي... انك تسأل نفسك احنا في شهر كام !!

- شهر 5 - وما ادراك باهم حدث في شهر 5 الا وهو ... " شم النسيم "

طبعا عزيزي القارئ انت عرفت لوحدك دلوقتي المريض ده عنده ايه....

" التسمم الممباري " أو "البوتيوليزم"
لو مهتمين تعرفوا اكتر انتظرونا الحلقه الجايه

Address

٤٤ شارع توت عنخ آمون/سموحة/أمام كوبري كليوباترا بعد محطة سيدي جابر , أمام الكنيسه مباشرة, , Https://maps. App. Goo. Gl/YxYBJ7So3d4mi4yx 6
Alexandria

Telephone

19450

Website

facebook.com

Alerts

Be the first to know and let us send you an email when قوافل طبيه رساله اسكندريه posts news and promotions. Your email address will not be used for any other purpose, and you can unsubscribe at any time.