دكتور عرنوس محمد لطب الأطفال

دكتور عرنوس محمد لطب الأطفال عيادة لطب الاطفال وحديثي الولادة.
الأسكندرية. . سيدي بش?

كل لحظة وحضراتكم بخير وصحة وسعادة..تقبل الله منا ومنكم صالح الأعمال..اللهم آمين يارب العالمين..* مواعيد العيادة خلال شهر...
17/02/2026

كل لحظة وحضراتكم بخير وصحة وسعادة..
تقبل الله منا ومنكم صالح الأعمال..
اللهم آمين يارب العالمين..
* مواعيد العيادة خلال شهر رمضان المبارك..
**عيادة شارع القاهرة سيدي بشر.. من الساعة 1 ظهراً وحتى الساعة 2 بعد الظهر يومياً ماعدا الخميس والجمعة..
**عيادة شارع الرحمة خورشيد.. من الساعة 3 عصراً وحتى الساعة 5 قبل المغرب.. يومياً ماعدا الجمعة..
** للحجز والإستعلام برجاء الاتصال على الرقم..
01270790238
01004781852

الحالة دي الأم كانت جاية بعد ما الطفل أخد كورس كامل مضاد حيويوطبعًا… مفيش أي استجابةوالكل مستغرب جدًا 🤷‍♂️متخيلين قد إيه...
11/02/2026

الحالة دي الأم كانت جاية بعد ما الطفل أخد كورس كامل مضاد حيوي
وطبعًا… مفيش أي استجابة
والكل مستغرب جدًا 🤷‍♂️
متخيلين قد إيه الألم اللي الطفل ده حاسس بيه؟
مع الأكل؟
مع الشرب؟
حتى وهو بيبلع ريقه بس!
📌 دي من أكتر الحالات المنتشرة اليومين دول
Herpangina
⚠️ ومش هيربس
وهي عبارة عن بثرات صغيرة في الحلق
بتتحول بسرعة لقرح بالشكل المؤلم اللي شايفينه،
وغالبًا بيصاحبها:
حرارة ممكن توصل لـ 40 درجة
تضخم في العقد الليمفاوية
سيلان لعاب واضح من الفم
انعدام الشهية تمامًا لأن الطفل مش قادر يبلع
👶 شائعة أكتر في الأطفال من 3 لـ 10 سنين
🦠 السبب: عدوى فيروسية (Coxsackie virus)
👨‍⚕️ التشخيص في أغلبه إكلينيكي
❌ ومن الغلط تمامًا استخدام مضاد حيوي في الحالات دي
🔔 لو طفلك سخن وباين عليه عدوى:
بلاش حضانة
بلاش مدرسة
بناقص العلم اليومين دول خالص 😅
واستشير طبيبك في أقرب وقت
❌ وبلاش تكرر روشتة قديمة
❌ وبلاش روشتة ابن خالته
إنت مش بتصلّح عربية… إنت بتبني إنسان ❤️
دمتم سالمين 🌿

09/02/2026

عارفة ولا مش عارفة 🤔🤔

📌 ان الطفل لما بيتولد بياخد حقنة فيتامين ك عضل في المستشفي والجرعة الصفرية للإلتهاب الكبدي ب عضل ونقطتين شلل الأطفال بالفم في مكتب الصحة👌👌

📌 ان (السرسوب) كافي جداً للطفل في أول ٧٢ ساعة ،، وفكرة الببرونة في الوقت دا سواء للأعشاب أو اللبن الصناعي غلط.. غلط.. غلط.. 😡،، لأن الطفل بيلاقي مصدر اسهل وبمجهود قليل يبدأ يتعود عليها،، حطيه ع صدرك كل ساعة واصبري عليه دا انتوا لسه بتتعرفوا ع بعض 😂

📌 رفقاء الدرب
محلول الملح نقط بالانف
فيتامين دال نقط يومياً .

📌أن الرضاعة أساس الطفل وإهتمامك بتغذية نفسك مهمة،، ابعدي عن المسبك والموالح والشيكولاته والمياة الغازية ،، الحاجات دي بتساعد في زيادة المغص والانتفاخ مع الطفل من خلال الرضاعة،، كلي بلح وعجوه وحلاوة طحينية وجرجير واشربي لبن وحلبة ومياة كتير هيزود إدرار اللبن

📌 ان الصفرا الفسيولوجية علاجها الرضاعه وبس وبس ،، مع المتابعه مع الدكتور بتاعنا واللي هيقولي لمبه هكهربه 👿

📌 ان وقت الرضاعة من ١٠-١٥ دقيقة من الثدي الواحد علشان نضمن وصوله للبن نهاية الرضعه اللي كله بروتينات مفيدة لزيادة الوزن وراحة بطن الطفل ،،، رَضع خلاص ،، كرعتيه ،، لأ ،، مش لازم يطلع صوت يسمع الجيران 🤦‍♂️ وهو بيتكرع ،، نيمية من غير مخده افضل ،، برافو عليكي 👍

📌الحديد من الشهر الرابع أو السادس يومياً خاصة لو بيرضع طبيعي👌👌

📌 فيتامين أ
( فيتامين أ ) سوف يتم إعطائه مع تطعيم ال ٦ شهور والسنه والسنه ونص
وبعدها يعطي لوحده كل ٦ شهور لحد ٥ سنوات
بواقع ٩ جرعات
و يكون متوفر في المكاتب الصحية والوحدات مجاناً

📌الكالسيوم ،، لو الطفل بيرضع طبيعي فدا كافي جداً.. ولو هياخد لازم يكون بتحليل 👌👌

📌 فيتامين د والأوميجا٣ للأم مفيد جداً جداً ليها وللطفل أثناء فترة الرضاعه 👌

📌 التطور الحركي
٣-٥ شهور يصلب راسه، ٦شهور يقعد مسنود، ٧-١٠ شهور يقعد لوحده، سنه يقف مسنود ، سنه و٣شهور لسنه و٦ شهور يمشي
والتأخر يعدي الفتره المذكوره 👌👌

📌 التسنين من ٦ شهور لسنة ومنقولش اتأخر غير لو مفيش ولا سنة طلعت ووصل ١٣ شهر

📌 أتأخر فعلا في التسنين او التطور الحركي ،، روحي لدكتور يطمن عليه وهيعمله تحاليل يشوف نسب الكالسيوم وفيتامين د ويستبعد مشكله في الجهاز العصبي

📌 التطعيمات الإختيارية عندنا ،،إجبارية في كل مكان في العالم ،، يعني مش سبوبه وربنا 😏
👈تطعيم روتا ،،ضد فيروس روتا اللي بيسبب نزله معوية وبيتاخد علي جرعتين بالفم لو روتاركس و٣ جرعات لو روتاتك ،، والاتنين كويسين
👈مكورات رئوية،، ودي بكتيريا بتسبب ٤ امراض التهاب رئوي-التهاب سحائي-التهاب اذن وسطي-تسمم دم
ودا منه نوعين بريڤنار-سينفلوريكس
وبيكون حقن عضل والاتنين تمام
👈 تطعيم الانفلونزا مهم جدا ونقدر ناخده من فوق ٦ شهور
لو الطفل اقل من ٩ سنين واول مرة ياخده ناخد جرعتين بفاصل شهر بين كل جرعة لو الطفل خده قبل كده او فوق ٩ سنين ناخد جرعة واحدة
الحقنة تتاخد كاملة لجميع الاعمار

📌 السيتال قبل التطعيم بطلناه وطلع بيأثر علي فاعلية التطعيم،، فنخلي السيتال بعد التطعيم وعند اللزوم لو فيه حراره عاليه او صراخ غير طبيعي من الالم 👌👌

📌 تطعيم الدرن لازم قبل الاربعين 👌👌

📌 تطعيمات المبتسرين بتبدأ من العمر الزمني والله العظيم زي باقي الاطفال،، الشهرين بعد شهرين مش بعد ٤ واصله نازل ناقص والكلام الفاكس دا ،،هو اولي انه ياخدها علشان مناعته القليله ،،🙏🙏

📌 مش كل بكا للطفل معناه انه جعان وهوووب لبن صناعي
، ادخال اللبن الصناعي للطفل محتاج اثبات ان الطفل مش بيزيد مع لبن الأم بالمعدل الطبيعي بعد تظبيط غذا الأم ووضعيات الرضاعه ومدرات اللبن ،، .. ياريت بلاش لبن صناعي خالص👌👌

📌 مش كل شوية مغص او انتفاخ او ترجيع وتسلخات نجري نقول حساسية ألبان ،، الموضوع بقا أوفر شويتين 🤦‍♂️
تشخيص حساسية الألبان بيحتاج وجود عرضين متكررين في جهازين مختلفين من الأجهزة ال ٣..هضمي-جلد-تنفسي
فلو لقينا مثلا ارتجاع (هضمي) مع اكزيما (جلد)...او
اسهال (هضمي) مع كحة متكرره (تنفسي)
في الحاله دي من حقي اشك وامنع الام من منتجات البروتين البقري ونتابع التحسن بعد المنع ب ١٠-١٤ يوم

📌 ادخال الاكل مش قبل ٦ شهور
*ولازم يكون بالطبق والملعقه
*وان الاكل يكون مسلوق في مياه بدون ملح او سكر
*وان اللبن البقري والجموسي (جهينه وغيره) ممنوع قبل السنه

09/02/2026

� ارتجاع المريء عند الرضع… 👇🏻👇🏻
موضوع بيقلق أهالي كتير
(بس خلّينا نفهمه بهدوووء 😌)

أغلب الأطفال في الشهور الأولى بيعملوا قشط أو قيء بسيط بعد الرضاعة…
وده غالبًا طبيعي جدًا ومش مرض ✋
لكن… (وأيوه في “لكن” 🤓)
في حالات معيّنة لازم ناخد بالنا منها كويس.
🍼 يعني إيه ارتجاع المريء؟

ببساطة:
اللبن بيطلع من المعدة للمريء، وأحيانًا للفم،
وده لأن الصمام بين المعدة والمريء لسه “بيتعلم الشغل” 👶
ومع الوقت غالبًا الأمور بتتحسن لوحدها ✔️
⚠️ إمتى الارتجاع يبقى مشكلة؟
لو لاحظنا:

• قشط أو قيء متكرر وبكميات كبيرة
• بكاء شديد بعد الرضاعة
• الطفل يقوس ضهره وكأنه متضايق
• شرقة أو كحة متكررة
• رفض الرضاعة
• نوم متقطع
• زيادة وزن ضعيفة

ساعتها نقول:
“تمام… خلينا نتابع أكتر” 👀

🫁 طيب إيه علاقة الارتجاع بالالتهاب الرئوي؟

أهو هنا المهم 👇
في بعض الحالات، اللبن أو الحمض ممكن يدخل مجرى التنفس بدل المريء
وده اسمه: شفط رئوي
وساعتها ممكن نلاحظ:

• كحة مستمرة
• نهجان أو صعوبة تنفس
• صفير في الصدر
• التهابات رئوية أو شعبية متكررة

يعني المشكلة مش في الصدر نفسه…
المشكلة جاية من فوق 👆 من الارتجاع

👶 مين الأطفال الأكثر عرضة؟

• الأطفال ناقصي النمو
• اللي عندهم ارتجاع شديد
• اللي بيشرّقوا كتير مع الرضاعة
• أطفال عندهم مشاكل عصبية أو ضعف عضلات

🩺 إمتى أشك إن السبب ارتجاع؟

• التهاب رئوي بيكرر نفسه
• كحة مش راضية تروح
• شرقة أثناء أو بعد الرضاعة
• تحسن الصدر لما نعالج الارتجاع

ساعتها بنفكر صح… مش بنلف في دايرة 😌
💊 طيب ايه اللي ممكن المامي تعمله يقلل شدة الاعراض

✔️ الرضاعة والطفل شبه قاعد
✔️ رفع الطفل بعد الرضاعة لمدة 20–30 دقيقة
✔️ تقليل كمية الرضعة وزيادة عدد الرضعات

🚨 إمتى أقول لأ… ولازم دكتور فورًا؟

• قيء متكرر مع ضعف زيادة الوزن
• شرقة شديدة أو زرقة
• كحة ونهجان مستمرين
• التهابات رئوية بتتكرر
• دم في القيء أو البراز

08/02/2026

الحرارة من أكتر الحاجات اللي بتقلق أي أم 👶
🔸 مش كل سخونية خطر
🔸 ومش كل سخونية ينفع معاها خافض وبس
🔴 لازم نقلق ونكشف فورًا لو: • الطفل أقل من 3 شهور وحرارته أعلى من 39
• الحرارة مش بتستجيب للخافض
• في خمول شديد أو بكاء غير معتاد
• قيء مستمر أو تشنجات
🟢 ونطمن نسبيًا لو: • الطفل نشيط وبيشرب كويس
• الحرارة بتنزل بالخافض
💡 مهم جدًا:
الحرارة عرض… مش مرض
وعلاج السبب هو الأساس
📌 ما تعتمدش على التشخيص من النت
الكشف الصح في الوقت الصح بيحمي طفلك.
مع أطيب التمنيات
دكتور عرنوس محمد عرنوس
استشاري أول طب الأطفال وحديثي الولادة.
01270790238

حبيبة جدو عرنوس..الطفلة الجميلة العسولة القمر الرائعة ..الحنينة جدا..كارما طارق أبو اليزيد..
07/02/2026

حبيبة جدو عرنوس..
الطفلة الجميلة العسولة القمر الرائعة ..
الحنينة جدا..
كارما طارق أبو اليزيد..

التطعيمات الإضافية للرضيع هي تطعيمات غير إلزامية ولكنها مهمة لحماية الطفل من بعض الأمراض. يمكن أن تشمل هذه التطعيمات حما...
31/01/2026

التطعيمات الإضافية للرضيع هي تطعيمات غير إلزامية ولكنها مهمة لحماية الطفل من بعض الأمراض. يمكن أن تشمل هذه التطعيمات حماية من فيروس الروتا الذي يسبب إسهال شديد، والحماية من العدوى بالمكورات الرئوية التي تسبب التهاب الأذن والرئتين.

تطعيم الإنفلونزا يحمي من فيروس الإنفلونزا ويُنصح به للأطفال الذين يعانون من مشاكل صحية معينة.
تطعيم الجدري المائي يحمي من مرض الجديري المائي.

يمكن إعطاء تطعيم الروتا في عمر 2 و4 شهور، وتطعيم المكورات الرئوية في عمر 2 و4 و6 شهور. تطعيم الإنفلونزا يُعطى سنويًا بدءًا من عمر 6 شهور، وتطعيم الجدري المائي يُعطى في عمر 12-15 شهر.

من المهم استشارة طبيب الأطفال لتحديد التطعيمات الإضافية المناسبة لطفلك.

28/01/2026

❌ خرافات شائعة عن الأطفال… لازم نوقفها 👶🚫

❎ مافيش حاجة اسمها نأخر الرضاعة بعد الولادة عشان قيصرية أو “مفيش لبن”
✔️ الرضاعة المبكرة خلال أول ساعة هي الأهم لتحفيز نزول اللبن

❎ مافيش حاجة اسمها أعشاب، جلوكوز، كراوية، ينسون مع الرضاعة
🚫 كل ده خطر ومفيش أي فايدة

❎ مافيش حاجة اسمها لف الطفل على بطنه عشان “يسند ضهره”
🚫 ده خطر على التنفس والدورة الدموية

❎ مافيش حاجة اسمها نكحل عين الطفل أو نحط بصل
🚫 ممكن يعمل التهابات شديدة وتقرحات بالعين

❎ مافيش حاجة اسمها غربلة في السبوع
🚨 الغربلة = خطر نزيف بالمخ

❎ مافيش حاجة اسمها بوس الطفل من بوقه
🚫 بوسة من الفم = عدوى فيروسية وبكتيرية

❎ مافيش حاجة اسمها لبنك قليل والطفل بيزيد طبيعي
✔️ الزيادة الطبيعية = اللبن كفاية

❎ مافيش حاجة اسمها التسنين يعمل نزلة معوية أو نزلة شعبية
✔️ التسنين قد يعمل حرارة خفيفة أو زيادة لعاب فقط

❎ مافيش حاجة اسمها فيتامين د وقائي بعد 6 شهور
✔️ فيدروب من أول يوم أو أول أسبوع حسب التوصيات

❎ مافيش حاجة اسمها الطفل يتعود على جلسات البخار
✔️ الجلسات علاج مش إدمان

❎ مافيش حاجة اسمها الطفل بيعيط يبقى جعان بس
✔️ العياط له أسباب كتير (تعب – مغص – احتياج للطمأنة)

❎ مافيش حاجة اسمها لمبة النيون تعالج الصفرا
🚫 بتسخن الطفل وممكن تضره
✔️ العلاج الصحيح: فوتوثيرابي طبي

❎ مافيش حاجة اسمها الزبادي أو البيض أو السمك ممنوعين وقت البرد
✔️ الأكل المتوازن مهم للمناعة

❎ مافيش حاجة اسمها سخونية = مضاد حيوي
🚫 أغلب السخونية فيروسية

❎ مافيش حاجة اسمها لبن بقري أو جاموسي قبل سنة
🚫 خطر على الكُلى والهيموجلوبين

❎ مافيش حاجة اسمها مش هاخد علاج ديدان وأنا متأكدة
✔️ لو الطفل عنده ديدان والأم مش حامل ولا بترضع 👈 تاخد جرعة
✔️ أحيانًا البيت كله يحتاج علاج

❎ مافيش حاجة اسمها الحمل يمنع الرضاعة الطبيعية
✔️ إلا في حالات طبية محددة فقط

❎ مافيش حاجة اسمها رفع سقف الحلق للمولود
🚫 خطر ومرفوض طبيًا

❎ مافيش حاجة اسمها ممنوع استحمام الطفل
✔️ النظافة مهمة… الطفل كائن حي

❎ مافيش حاجة اسمها كرتون (شاشات) قبل 3 سنوات
🚫 خطر على النطق والانتباه

❎ مافيش حاجة اسمها كالسيوم أو ديفارول من غير تحليل
🚫 ممكن يترسب في الكُلى ويسبب مشاكل خطيرة

❎ مافيش حاجة اسمها دواء سحري يفتح الشهية
🚫 أغلب فواتح الشهية أضرارها أكتر من نفعها
✔️ نعالج السبب

❎ مافيش حاجة اسمها تأخر مشي قبل سنة ونص
✔️ الطبيعي لحد 18 شهر

❎ مافيش حاجة اسمها دولفين لبوس قبل سنة
❎ ولا بروفين قبل 6 شهور

✅ الخلاصة
🔹 العلم غير العادات
🔹 مصلحة الطفل أهم من أي كلام متوارث
🔹 اسألوا الطبيب قبل أي حاجة

معًا لصحة أفضل لأطفالنا ❤️

ليه لبن السرسوب مهم لرضيعك ؟ 👇🏻استمري على الرضاعة الطبيعية المطلقة حتى أول ٦ شهور من عمر الطفل، مع بدء إدخال التغذية الت...
09/01/2026

ليه لبن السرسوب مهم لرضيعك ؟ 👇🏻

استمري على الرضاعة الطبيعية المطلقة حتى أول ٦ شهور من عمر الطفل، مع بدء إدخال التغذية التكميلية في بداية الشهر السابع بجانب الرضاعة 🙏

09/01/2026

كيف نتجنب الإكزيما في الشتاء؟

مع دخول فصل الشتاء بتزيد حالات جفاف الشفاة واليدين واللي ممكن توصل لمرحلة الإكزيما عشان كده بننصح أصحاب البشرة الجافة بـ ٤ خطوات مهمة :

١. إستخدام مرطب طبي مناسب لنوع البشرة طوال فصل الشتاء ويفضل يتحط بعد الإستحمام أو غسيل اليدين مباشرة.

٢. تجنب المياه السخنة ونستخدم مياه فاترة.

٣. إستخدام صابون أو غسول طبي والبعد عن الأنواع اللي فيها عطور عشان ممكن تؤدي إلى جفاف وتهيج الجلد.

٤ . اللبس اللي يلامس الجلد مباشرة يكون قطن 100% ونبعد عن الأصواف والبوليستر.

مع أطيب التمنيات والدعوات بالصحة والعافية.
دكتور عرنوس محمد عرنوس
إستشاري أول طب الأطفال
*عيادة شارع القاهرة سيدي بشر
*عيادة شارع الرحمة خورشيد.
للحجز والاستفسار
الاتصال على الرقم
01270790238
01004781852

08/01/2026

تسمم الباراسيتامول 🚩
وجب التنويه لانه بالرغم من ان ماده الباراسيتامول لها wide safety margin يعنى حيز أمان واسع بمعنى الفرق بين الجرعه الآمنه و الجرعه اللى ممكن تعمل تسمم كبيره
بالرغم من ذلك بيحصل منه حالات تسمم و بنشوفها و سببها ان الام بدون قصد و بدون علم منها بتدى الطفل نوعين ادويه و النوعين بيحتووا على ماده الباراسيتامول عن طريق الخطأ
اشهر الاخطاء
سيتال شراب + لبوس كوفسيد ( باراسيتامول و اعشاب للكحه)
سيتال شراب + ابيمول لبوس ( باراسيتامول)
سيتال شراب + ميجافين شراب ( ايبوبروفين و باراسيتامول
طبعا الطفل بييجى باعياء و ترجيع و صفراء و ارتفاع فى وظائف الكبد و بسؤال الام عن الادويه اللى اخدها بنفاجئ انه بياخد جرعات عاليه جدا من الباراسيتامول لازم يتلحق بماده ال acetyle cystiene و فحم نشط فى اسرع وقت
مع أطيب التمنيات والدعوات..
دكتور عرنوس محمد عرنوس
إستشاري أول طب الأطفال وحديثي الولادة.
*للحجز والاستفسار يرجى الاتصال على الرقم..
01270790238
01004781852
عيادة شارع القاهرة سيدي بشر..
عيادة شارع الرحمة خورشيد..

05/01/2026

⁨ ⁨ هل هرمون النمو عند طفلك
شغال بكفاءة؟!

الجسم بيفرز أكبر كمية من هرمون النمو الطبيعي أثناء النوم،
عشان كده النوم الكافي مهم لبناء العضلات والعظام وبيساعد علي تقوية الذاكرة و تحسن التركيز كمان بيحسن مزاج الطفل و بيقلل من انفعالاته وبيزود مناعته وقدرة جسمه على مكافحة الأمراض.

فالأفضل أن نهيئ له مكان نوم هادئ ومريح.. يكون سريره مريح وأوضته ضلمه وحرارة الجو فيها مناسبة،
ونتجنب إن الطفل يستخدم أي أجهزة إلكترونية قبل النوم بساعة أو ساعتين لأن النمو الصحي والطول الطبيعي بيبدأ من جودة نومه

النوم الصحي = نمو صحي + طول طبيعي

تابعي وزنه وطوله باستمرار علشان يكبر صح

مع أطيب التمنيات..
دكتور عرنوس محمد عرنوس
إستشاري أول طب الأطفال وحديثي الولادة.
العيادة 1.. شارع القاهرة سيدي بشر..
العيادة 2.. شارع الرحمة خورشيد
للحجز والاستفسار الاتصال على الرقم
01270790238
01004781852

Address

18 شارع القاهرة. . سيدي بشر
Alexandria

Opening Hours

Monday 7pm - 9pm
Tuesday 7pm - 9pm
Wednesday 7pm - 9pm
Thursday 7pm - 9pm
Saturday 7pm - 9pm
Sunday 7pm - 9pm

Telephone

+201004781852

Website

Alerts

Be the first to know and let us send you an email when دكتور عرنوس محمد لطب الأطفال posts news and promotions. Your email address will not be used for any other purpose, and you can unsubscribe at any time.

Shortcuts

Share

Category