28/01/2026
النهارده… تغيير الصمام الأورطي مبقاش جراحة. 🫀
زمان كنا بنفتح صدر المريض علشان نغيّر الصمام،
النهارده بنغيّره من فتحة صغيرة في الفخد.
الإجراء اسمه TAVI
اختصار لـ Transcatheter Aortic Valve Implantation.
بنركّب صمام جديد جوه الصمام القديم اللي بقى ضيق أو متكلّس،
من غير فتح صدر،
ومن غير تخدير كلي،
والمريض بيبقى صاحي وواعي أثناء الإجراء.
التقنية دي مناسبة جدًا:
✔ لكبار السن
✔ لمرضى الكُلى
✔ لمرضى الصدر
✔ وللي حالتهم ما تتحملش جراحة قلب مفتوح
قبل الإجراء بنعمل أشعة مقطعية دقيقة،
علشان نختار المقاس الصح،
وندخل بأعلى أمان ممكن.
النتيجة؟
تحسّن واضح في النفس
زيادة في النشاط
تحسّن في جودة الحياة
وفترة تعافي أسرع بكتير من الجراحة.
في الريل اللي جاي هنتكلم عن
الصمام الميترالي
وإزاي ممكن نصلّحه من غير جراحة بتقنية MitraClip.
أنا د. محمد الفقي
وبالعِلم… بنطمن قلبك 💓
